Thursday, July 9, 2009

ဘာသာရေး ပြဿနာ ( ၇၃ )

( မေး ) ( ပု ဒိ အာ )
အရှင်ဘုရား၊ ကျမ်းပြီးနိဂုံးတို့တွင် ပု ဒိ အာ နှင့် ပြည့်စုံရပါလို၏ ဟူသော ဆုတောင်းကို တွေ့ရ၍ လေ့လာစုံစမ်းကြည့်ရာ ဘုရားဆုတောင်ခြင်း ဖြစ်သည်ဟု ပြောကြပါသည်။ ဘုရားဆုတောင်ခြင်း ဟုတ်-မဟုတ်နှင့် ၄င်း ပု-ဒိ-အာ၏အဓိပ္ပါယ်ကို သိလိုပါ၍ ရှင်းလင်းဖြေကြားပေးတော်မူပါဘုရား။
( ဒေါ်ခင်မျိုးနွယ်-မွန်ပြည်နယ် )

( ဖြေ )
ပု-ဒိ-အာ ဟူသည်
(၁) ပုဗ္ဗေနိဝါသာနုဿတိဉာဏ်-ရှေး၌ နေခဲ့ဖူးသော ခန္ဓာအစဉ်ကို သိတတ်သောဉဏ်။
(၂) ဒိဗ္ဗစက္ခုဉာဏ်-သတ္တ၀ါတို့၏ စုတိ ပဋိသန္ဓေကို သိတတ်သော (နတ်မျက်စိကဲ့သို့) ဉာဏ်။
(၃) အာသ၀က္ခယဉာဏ်-သစ္စာလေးပါးကို ထိုးထွင်း၍ သိတတ်သောဉာဏ်တို့ကို ဆိုလိုပါသည်။

မြတ်စါာဘုရား ဘုရားအဖြစ်သို့ရောက်သောအခါ ထိုဉာဏ်များကို ရပါသည်။
ပထမဉာဏ် ၂-ပါးမှာ ရူပါဝစရပဉ္စမဈာန်ကို ရလျှင်ရနိုင်၍ လောကီဉာဏ်များဖြစ်ကာ တတိယဉာဏ်မှာ လောကုတ္တရာဉာဏ် ဖြစ်ပါသည်။
မြတ်စွာဘုရားမျှသာ မဟုတ်၊ ပဋိသမ္ဘိဒါပတ္တ၊ ဆဠာဘိညနှင့် တေ၀ိဇ္ဇ ရဟန္တာအရှင်မြတ်များလည်း ဤဉာဏ် သုံးပါးကို ရနိုင်သဖြင့် ပု-ဒိ-အာ နှင့် ပြည့်စုံရပါလို၏-ဟု ဆုတောင်းသည်မှာ ဘုရားဆုကို တောင်းခြင်းမဟုတ်၊ ရဟန္တာဆုကို တောင်းခြင်းသာ ဖြစ်ပါသည်။
********************************************************************************

( မေး ) ( ၀ါဆိုစဉ် )
်အရှင်ဘုရား၊ မြတ်စွာဘုရား၏ ၄၅-၀ါ ၀ါဆိုစဉ်များကို ကျမ်းလာအတိုင်း ဖော်ပြပေးစေလိုပါသည်ဘုရား။
( အာဂမ ရှင်တိက္ခဉာဏ-အောင်လံ )

( ဖြေ )
(၁) ပထမ၀ါ-မိဂဒါဝုန်တော
(၂) ရာဇဂြိုဟ်ပြည်
(၃) ရာဇဂြိုဟ်ပြည်
(၄) ရာဇဂြိုဟ်ပြည်
(၅) ဝေသာလီပြည်
(၆) မကုလတောင်
(၇) တာဝတိံသာနတ်ပြည်
(၈) သံသုမာပြည်
(၉) ကောသမ္ဘီပြည်
(၁၀) ပလေလယ်ေတာ
(၁၁) နာဠပုဏ္ဏားရွာ
(၁၂) ဝေရဉ္ဇာပြည်
(၁၃) စာလိယတောင်
(၁၄) သာဝတ္ထိပြည်
(၁၅) ကပိလ၀တ်ပြည်
(၁၆) အာဠ၀ီပြည်
(၁၇) ရာဇဂြိုဟ်ပြည်
(၁၈) စာလိယတောင်
(၁၉) စာလိယတောင်
(၂၀) ရာဇဂြိုဟ်ပြည်
(၂၁-မှ-၄၄-အထိ) သာဝတ္ထိပြည်
(၄၅) ဝေဠုဝရွာ
မှတ်ချက်။ ရာဇဂြိုဟ်ပြည်-ဟုဆိုလျှင် ဝေဠုဝန်ကျောင်း စသည် ဖြည့်စွက်မှတ်သားစေလိုပါသည်။
ဤ၀ါဆိုစဉ်မှာ ဗုဒ္ဓ၀င် အဋ္ဌကထာအတိုင်း ဆရာတော်ဦးဗုဓ် စီကုံးထာေးသာ ၀ါဆိုစဉ် ဂါထာများအတိုင်း ဖော်ပြထားခြင်း ဖြစ်ပါသည်။
********************************************************************************

( မေး ) ( ကိုရင်အချင်းချင်း သီလပေး )
အရှင်ဘုရား၊ တပည့်တော်တို့ တောကျောင်း၌ ဆရာတော်မရှိခိုက် ဥပုသ်နေ့ကျရောက်လျှင် သာမဏေများ သီလယူရန် အခက်အခဲရှိနေပါ၍ အကြီးဆုံး သာမဏေထံ ၁၀-ပါးသီလယူလျှင် ဖြစ်ပါသလားဘုရား။
ထို့ပြင် ဥစ္စာသယန သိက္ခာပုဒ်အရာ၌ ကိုရင်အချင်းချင်း ၀ါဖြင့်ယူရပါသလား၊ အသက်ဖြင့် ယူရပါသလား သိလိုပါသည်ဘုရား။
( ကိုဇော-ပုသိမ် )

( ဖြေ )
ဒသပိ စေ တာနိ သာမဏေရေန ဘိက္ခုသန္တိကေ သမ္မာဒိန္နမေ၀ သမ္မာဒိန္နာနိ ဟောန္တိ-ဟူသော အဋ္ဌကထာအရ သာမဏေချင်း သီလမပေးနိုင်။ ရဟန်း (ဆရာ) ကသာ သီလပေးနိုင်ပါသည်။
ဥပုသ်နေ့ကျရောက်လျှင်-ဆိုသဖြင့် ဥပုသ်နေ့တိုင်း သီလယူရမည် မဟုတ်ပါ။ အခြေအနေအရ သင့်လျော်သောနေ့များ၌သာ သီလယူသင့်ပါသည်။
ဥစ္စာသယန အမြင့်နေရာ၌ သာမဏေတို့မှာ အသက်သာလျှင် ပဓာနဖြစ်၍ အသက်ကြီးသော သာမဏေကို နေရာပေးရပါမည်။ သာမဏေတို့တွင် သိက္ခာဝါ သတ်မှတ်ချက် မထားရကြောင်းကို သတိပြုရပါမည်။
********************************************************************************

( မေး ) ( အဂ္ဂသာဝက-မဟာသာဝက-ပကတိသာဝက )
အရှင်ဘုရား၊ အဂ္ဂသာဝက-မဟာသာဝက-နှင့် ပကတိသာဝက ဆိုသည်တို့ကို ခွဲခြား၍ သိလိုပါသည်ဘုရား။ ထို့ပြင် ရဟန်းမ၀တ်ရခင် ပရိနိဗ္ဗာန်ပြုသွားရသော ဒါရုစိရိယကို ရဟန်းမဟုတ်ဘြ အဘယ်ကြောင့် မဟာသာဝက စာရင်းတွင် သွင်းထားရပါသလဲ ဆိုတာကို ရှင်းပြစေလိုပါသည်ဘုရား။
( သန်းထွန်း-ရွှေမြိုင် )

( ဖြေ )
ယင်းအမေးပြဿနာနှင့် စပ်၍ ကျီးသဲလေးထပ်ဆရာတော်ဘုရား၏ စွယ်စုံကျော်ထင်မှ အဖြေကို ဖော်ပြပါမည်။
ငါတို့ဘုရား၏ သာဝကတော်သည် အဂ္ဂသာဝက-မဟာသာဝက-ပကတိသာဝက အားဖြင့် သုံးပါးအပြားရှိ၏။ ထိုသုံးပါးတို့တွင်-
တသင်္ချေနှင့် ကမ္ဘာတသိန်း ပါရမီဖြည့်၍ သာဝကုတ္တမအဖြစ်သို့ ရောက်သော လက်ျာရံ လက်ဝဲရံဖြစ်သော အရှင်သာရိပုတ္တရာ အရှင်မောဂ္ဂလာန်တို့သည် အဂ္ဂသာဝကလည်း မည်သည်။ မဟာသာဝကလည်း မည်သည်။

ကမ္ဘာတသိန်း ပါရမီဖြည့်၍ ရဟန္တာအဖြစ်သို့ရောက်သော အညာသိကောဏ္ဍည၊ ၀ပ္ပ၊ ဘဒ္ဒိယ၊ မဟာနာမ်၊ အဿဇိ၊ မဟာကဿပ အစရှိသော ရှစ်ကျိပ်သော သာဝကတို့သည် မဟာသာဝက မည်သည်။

ကမ္ဘာအရာအထောင် စသည်တို့ဖြင့် ပါရမီဖြည့်၍ ရဟန္တာအဖြစ်သို့ ရောက်သော ရဟန္တာယောက်ျား ရဟန္တာ မိန်းမ၊ လူယောက်ျား လူမိန်းမ တို့သည် ပကတိသာဝက မည်သည်။
( ရှစ်ကျိပ်စလုံး၊ နိဗ္ဗာန်ကျုံး၊ စဆုံး ဘယ်သာဝကနည်း-ပုစ္ဆာအဖြေမှ)

ဒါရုစိရိယသည် ရဟန္တာဖြစ်၍ ရဟန်းမ၀တ်ရခင်မှာပင် ပရိနိဗ္ဗာန်ပြုသွားရသော်လည်း ကမ္ဘာတသိန်း ပါရမီဖြည့်၍ ခိပ္ပါဘိည ဧတဒဂ်ရသူ ဖြစ်သဖြင့် မဟာသာဝကစာရင်းတွင် ပါဝင်ရပါသည်။
********************************************************************************

( မေး ) ( ဗာရဏသီမင်း အမည်နှင့် သိဒ္ဓိ )
အရှင်ဘုရား၊ သမီးတော်ငါးဦးရှိသော ဗာရာဏသီမင်း၏အမ်နှင့် မိဖုရား၏အမည်ကို သိလိုပါ၍ ဖော်ပြပေးပါရန်နှင့် သိဒ္ဓိဟူသော အကြောင်းအရာများကို ရှင်းလင်းပြီး သိဒ္ဓိအမျိုးအမည် ဘယ်မျှရှိသည်ကို ဖြေကြားပေးတော်မူပါဘုရား။
( မဥမ္မာ-ကလေး )

( ဖြေ ) မှန်နန်းရာဇ၀င် ပထမတွဲ မဇ္ဈိမဒေသမင်းဆက်ကို ပြဆိုရာ၌ ဗာရာဏသီပြည်၌ ဖြစ်ကုန်သော မင်းတကျိပ်ခြောက်ပါးတို့တွင် အဆုံးစွန်သော ဥက္ကာကရာဇ်မင်းနှင့် ဟတ္ထာမိဖုရားကြီးတို့ထံမှ သားတော်များမှ ပိယာ၊ သုပိယာ၊ အာနန္ဒာ၊ ၀ိဇိတာ၊ ၀ိဇိတသေနာတို့ ဖြစ်ကြောင်းဆိုပါသည်။

ထို့ကြောင့် သမီးတော် ငါးဦးရှီသော ဗာရာဏသီမင်းနှင့် မိဖုရားတို့ကို ဥက္ကာကမင်းနှင့် ဟတ္ထာမိဖုရားဟု မှတ်သားသင့်ပါသည်။

သိဒ္ဓိဟူသည်မှာ ပြီးစီခြင်း။ ပြီးမြောက်ခြင်းဟု ဆိုလို၍ လောကီကျမ်းများတွင် သိဒ္ဓိအမျိုးမျိုးကို ပြဆိုလျက်ရှိသည်။ အကြမ်းဖြင်းအားဖြင့် သိဒ္ဓိ ၁၀-မျိုးရှိသည်။ ၄င်းမှာ-
(၁) အာရောဂျသိဒ္ဓိ-အနာရောဂါကင်းခြင်း
(၂) ယောဗ္ဗနသိဒ္ဓိ-အရွယ်တင်ခြင်း
(၃) အာယုသိဒ္ဓိ-အသက်ရှည်ခြင်း
(၄) ကာယသိဒ္ဓိ-ဓားလှံသေနတ်ပြီးခြင်း
(၅) ပီယသိဒ္ဓိ-သူတကာချစ်ခြင်း
(၆) ဓနသိဒ္ဓိ-ရွှေငွေဖြစ်ခြင်း
(၇) ပထ၀ီသိဒ္ဓိ-မြေကြောရှုံ့ခြင်း
(၈) ဥဒင်္ကသိဒ္ဓိ-ရေပေါ်၌သွားနိုင်ခြင်း
(၉) အာကာသသိဒ္ဓိ-ကောင်းကင်၌ သွားနိုင်ခြင်း
(၁၀) ဣဒ္ဓိဝိဓသိဒ္ဓိ-အထူးထူးအပြားပြား တန်ခိုးပြနိုင်ခြင်း တို့ပင်ဖြစ်ပါသည်။
*********************************************************************************

( မေး ) ( ဝေဿန္တရာကို မယ်မဒ္ဒီ ဖျောင်းဖျခြင်း )
အရှင်ဘုရား၊ မိမိအသက်ကို စွန့်လှူရန် ဆုံးဖြတ်ထားပါလျက် ခမည်းတော်တို့ တပ်ချီပြီး တောထဲလိုက်လာစဉ် ဝေဿန္တရာမင်း ကြောက်လန့်ငိုကြွေးရာ မယ်မဒ္ဒီက ဖျောင်းဖျရသည်ဟု ဆိုခြင်းမှာ သဘာဝလွန် မလွန် ဖြေရှင်းပြတော်မူပါရန် တောင်းပန်ပါသည်ဘုရား။
( ဒေါ်ခင်မြ-ဆရာမကြီး-ငြိမ်း၊ မန္တလေးမြို့ )

( ဖြေ )
ယသောဓရာအလောင်းသည် ဘ၀များစွာ၌ ဘုရားအလောင်းတော်အား ပါရမီဖြည့်ဖက် အဖြစ်ဖြင့် ဖြစ်ခဲ့ရာဝယ် ဖျောင်းဖျခြင်း၊ ကူညီခြင်း၊ အသက်ကယ်ခြင်း-တို့ဖြင့် ကျင်လည်ခဲ့ရသည်။
အမရာ ကိန္နရီ မဒ္ဒီဘ၀ တော်ဝင်သူ၏ အဖြစ်တို့တွင် ပညာရှိသော အမျိုးသမီးဖြစ်သည်။ ထို့အတူ အမရာသည် မဟော်သဓာ သုခမိန်အားပင် မိမိပညာဖြင့် အသက်ဘေးမှ ကယ်ဆယ်ခဲ့သည်။

ကိန္နရီဘ၀တွင်လည်း စန္ဒကိန္နရာအား သစ္စာပြု၍ အသက်ဘေးမှကယ်ဆယ်ခဲ့သည်။ ထိုတွင် မဒ္ဒီဘ၀တွင်လည်း ဝေဿန္တရာမင်း သတိလစ်ဟင်း စိုးရိမ်ခြင်း ဖြစ်ခဲ့သည်တို့ကို နှစ်သိမ်မှု့ ပေးနိုင်ခဲ့ပါသည်။ အထူးအားဖြင့် မိန်းမဖြစ်လင့်ကစား အချို့နေရာတို့တွင် ယောက်ျားတို့ထက် ဉာဏ်ပညာ သာလွန်ခဲ့ကြောင်း သိစေလိုခြင်းနှင့် မဒ္ဒီမိဖုရား၏ ပညာရှိပုံကို ပေါ်လွင်စေလိုခြင်းတို့ကြောင့် ဝေဿန္တရာမင်း စိုးရိမ်ကြောက်လန့်မှုကို မဒ္ဒီဒေ၀ီက ဖျောင်းဖျရပုံကို ဤနေရာတွင် ထုတ်ဖော်ဟောပြခြင်းဖြစ်ကြောင်း မှတ်သားသင့်ပါသည်။
********************************************************************************

( မေး ) ( အနာထပိဏ် ၀ိသာခါတို့ ဇနီးနှင့် ခင်ပွန်း )
အနာထပိဏ်သူဌေး၊ ပျံ့မွှေးတဲံမည်သညာ။
ဇနီးသည် ဘယ်ကိုလား၊ မိန့်ကြားကြပါ။
ဝိသာခါ တဖြာပ လင်သား၊
ဘယ်ဘုံ ဘယ်ဌာနမှာ ၊ ဖြစ်ရပုံ ဂတိရင်းကို လင်းပါ့ဘုရား။
( အရှင်တေဇောဘာသ-မုဒုံမြို့ )

( ဖြေ )
နာထပိဏ်-သာခါ,မိတို့ သုဂတိနတ်ရွာခွင်။
တုသိတာ နိမ္မာ၌၊ နှစ်ခြိုက်စံရွှင်။
ကျောင်းဒကာ ဒကာမတွေမို့၊ ကျမ်းဂန်က စာတင်၊ ပေါ်လွင်ငဲ့ အထူး။
ဇနီး ဆွေလင်တို့၊ မပေါ်ထင် ဂုဏ်ရည်နွမ်းတာမို့၊ စာကျမ်း မထင်ရှားတယ်၊ များသိနိုင်ဘူး။
********************************************************************************

( မေး ) ( အနော်ရထာမင်း ခမည်းတော် )
အရှင်ဘုရား၊ အနော်ရထာမင်း နန်းမတက်မီကာလက ပုဂံပြည်တွင် အရည်းကြီးတို့ အုပ်စိုးသည်ဟု ရာဇ၀င်တိုပ၌ လာပြီး အနော်ရဖာမင်း ခမည်းတော်မှာလည်း ရဟန်းဝတ်နေသည်ဟု ဖတ်ရပါသည်။ ဗုဒ္ဓသာသနာတော်မှာ အနော်ရထာမင်း လက်ထက်မှ ပေါ်ပေါက်လာသည်ဖြစ်ရာ ခမည်းတော်မင်းကြီး ရဟန်းသည် မည်သည့်အယူဝါဒနှင့် ရဟန်းပြုနေသည်ကို သိလိုပါသည်။ ဖြေကြားတော်မူပါရန် လျှောက်ထားပါသည်ဘုရား။
( ကြည်စိုးထွန်း-၅-မိုင်၊ တောင်ဘို့လှရွာ၊ ပင်လယ်ဘူးမြို့ )

( ဖြေ )
မှန်နန်းရာဇ၀င်တော်ကြီးတွင် မြန်မာပြည်ဖြစ်သော တကောင်း၊ သရေ၊ ခေတ္တရာ၊ အရိမဒ္ဒနာ သီရိပစ္စယာ ပြည်တို့၌ မင်းအဆက်ဆက်တို့ လက်ထက် ပရမတ္ထသံဃာ၊ သမုတိသံဃာ၊ ပရိယတ္တိ၊ ပဋိပတ္တိ၊ ပဋိဝေဓ သာသနာတော် တည်ထွန်းလေသည်။
နောက်တမ္ပ၀တီမြို့တည် သိုက်တိုင်မင်း လက်ထက်မှစ၍ သာသနာတော် တရွေ့ရွေ့ အားနည်းလေသဖြင့် ပရိယတ္တိသာသနာတော်တည်းဟူသော ပိဋကတ်တော် မရှိချေသောကြောင့် သမထီးအရည်ြးီ့းတို့ အယူကိုသာ အယူများ၍ စောရဟန်းမင်း လက်ထက် မင်းနှင့်တကွ တပြည်လုံး ယူကြလေကုန်၏။
(မှန်နန်း ပထမတွဲ-၂၂၄) ဟု ဆိုသဖြင့် အနော်ရထာမတိုင်မီ ၃-၄ ဆက်ခန့်ကမှ အ၇ည်းကြီး သာသနာ အားကောင်းလာကြောင်း သိရ၏။

ထိုစဉ်က သန့်စင်သော ဗုဒ္ဓသာသနာလည်း စင်ပြိုင်ထွန်း၍ နေသေးသော်လည်း အားနည်းနေကြောင်းသိသာပေသည်။ ထို့ကြောင့် အနောရထာခမည်းတော် ကွမ်းဆော်ကြောင်းဖြူမင်း ရဟန်းဝတ်ချိန်၌ သန့်စင်သော ဗုဒ္ဓသာသနာလည်း ရှိတန်သေး၍ ရဟန်းစစ် ဖြစ်နိုင်ကောင်းစရာ ရှိပါသည်။ သို့သော် ကွမ်းဆော်ကြောင်းဖြူမင်းမှာ အတင်းအကျပ် ရဟန်းဝတ်ခိုင်း၍ ၀တ်ရသူ မဟုတ်ပေ။ နီးစပ်ရာ အရည်းကြီး ရဟန်းတို့အထံတွင် ၀တ်ခြင်းလည်း ဖြစ်နိုင်ပါသည်။

မည်သို့ပင်ဖြစ်စေ အရည်ြးီ့းတို့သည်လည်း လုံးလုံးဗုဒ္ဓ၀ါဒနှင့် ဆန့်ကျင်သူများမဟုတ်ပေ။ မဟာယာန (မြောက်ပိုင်း) အဆက်အနွယ် ဗုဒ္ဓဘာသာ ရဟန်းများပင်ဖြစ်ရာ အချို့ ၄င်းတို့ထွင်ထားသည့် ဗုဒ္ဓ၀ါဒနှင့် မလျော်သော အချက်များမှအပ ရဟန်းသံဃာဟုပင် ဆိုနိုင်သဖြင့် အနော်ရထာ ခမည်းတော် ကွမ်းဆော်မင်းကြီး၏ ရဟန်းအဖြစ်ကို ခန့်မှန်းနိုင်စရာရှိပါသည်။
********************************************************************************

( မေး ) ( ၀ိနီမုတ္တော-သဗ္ဗီတိယော )
အရှင်ဘုရား၊ အာဋာနာဋိယသုတ်ပုဒ် ၉-တွင် သဗ္ဗရာဂါ ၀ိနိမုတ္တေဟူ၍၄င်း။ ၀ိနီမုတ္တော-ဟူ၍၄င်း ရှိ၍
ပုဒ် ၂၉-တွင် သဗ္ဗိတိယော-ဟူ၍၄င်း၊ သဗ္ဗီတိယော-ဟူ၍၄င်း ရှိနေပါသည်။ ၄င်းတို့တွင် နိ-နီ၊ ဗ္ဗိ-ဗ္ဗီ မည်သည်က မှန်ပါသနည်း၊ စာလုံးအမှန်နှင့် မြန်မာလိုအဓိပ္ပါယ်ကို ရေးသားဖြေကြားပေးတော်မူပါဘုရား။
( မောင်ဆွေမင်းဦး-ခေတ္တရာမြို့သစ်၊ ပြည်မြို့ )

( ဖြေ )
ဝိနိမုတ္တော-၀ိနီမုတ္တော-တွင် ၀ိနီမုတ္တော မှန်၍
သဗ္ဗိတိယော-သဗ္ဗီတိယော-တွင် သဗ္ဗီတိယော မှန်ပါသည်။
မြန်မာလိုအဓိပ္ပါယ်မှာ ၀ိနီမုတ္တော-မှာ အထူးလွတ်ကင်းရခြင်း ဟူ၍ဖြစ်ပြီး
သဗ္ဗီတိယော-မှာ အလုံးစုံသော ဘေးရန် (၀ါ) ဘေးရန်အားလုံး ဟူ၍ ဖြစ်ပါသည်။

အပိုဒ် စ-ဆုံး မြန်မာပြန်ရလျှင် ၁၉-မှာ
ဒုက္ခခပ်သိမ်း ငြိမ်းအေးမှုကို ပြုတတ်ကုန်သော ဘုရားရှင်တို့သည် သင့်ကို အခါခပ်သိမ်း ချမ်းသာရေးဖြင့် စောင့်ရှောက်တော်မူကြပါစေ။
ထိုဘုရားရှင်တို့ အစောင့်အရှောက်ကို ခံရသည်ဖြစ်၍ သင်သည် ဘေးရန်ခပ်သိမ်းတို့မှ လွတ်မြောက်ပါစေ။

ပိုဒ် ၂၉-မှာ
ဘေးရန်မှန်သမျှ ရှောင်ရှားကြပါစေ၊
စိုးရိမ်ပူပန်မှုနှင့် ရောဂါအမျိုးမျိုး ကင်းပျောက်ကြပါစေ၊
သင့်အား အန္တရာယ်ကင်းပါစေ၊
ကိုယ်စိတ်နှစ်ဖြာ ချမ်းသာပါစေ၊
အသက်ရှည်ပါစေ-ဟူ၍ ဖြစ်ပါသည်။

( မြတ်မင်္ဂလာ ၁၉၉၉-ခု ဇန်န၀ါရီလ )

No comments: