Sunday, August 30, 2009

ကလေးများနဲ့ အဖြစ်များသော ရောဂါများ

ဒီတပတ်မှာတော့ ကလေးတွေမှာ ဖြစ်ပွားတတ်တဲ့ လည်ချောင်းနာခြင်း, အာသီးရောင်ခြင်း, နားကိုက်ခြင်း, နှာခေါင်းအမြှေးပါးများ ရောင်ရမ်းခြင်းတို့ကို ဖော်ပြချင်ပါတယ်။
ကလေးအရွယ်မှာ အဖြစ်များတဲ့ လည်ချောင်းနာခြင်းဟာ များသောအားဖြင့် ဗိုင်းရပ်ပိုးကြောင့် အဖြစ်များတတ်ပြီး ကလေးကြီးများအရွယ်မှာ Group A, B-haemolytic Streptococcus ကြောင့် အဖြစ်များပါတယ်။ ပိုးကြောင့် လည်ချောင်းပြွန်နဲ့ အာခေါင်နုများ ရောင်ရမ်းပြီး နာကျင်တတ်ပါတယ်။ ရေသောက်ပြီး အစာမျိုချတိုင်း နာကျင်တတ်ပါတယ်။ ဆားရေငုံပေးခြင်း ငုံဆေးပြားများ ငုံပေးခြင်း၊ ပျော့ပျောင်းပြီး မျိုချလွယ်သော အစာများ ကျွေးခြင်းဖြင့် ရက်အနည်းငယ်မှာ သက်သာပျောက်ကင်းနိုင်ပါတယ်။ အာသီးရောင်ခြင်းသည် ပြင်းထန်သော အာသီးရောင်ခြင်းနှင့်အတူ ပြည်များပါ ထွက်တတ်ပါတယ်။

ဖြစ်ရတဲ့အကြောင်းကတော့ ဗိုင်းရပ်စ်များ Group A, B-haemolytic Streptococcus နှင့် Epstein-Barr တို့ကြောင့် အဖြစ်များပါတယ်။ ဗိုင်းရပ်စ်ကြောင့် အဖြစ်များတယ်လို့ ဆိုပေမယ့်လည်း ဘက်တီးရီးယား ပိုးကြောင့်လည်း ဖြစ်ပွားနိုင်ပါတယ်။ ဘက်တီးရီးယားပိုးကြောင့် ဖြစ်ခြင်းဟာ ပိုမိုပြင်းထန်နိုင်ပါတယ်။ ခွဲခြားနိုင်တဲ့ အချက်တွေကတော့ ဘက်တီးရီးယားကြောင့် ဖြစ်တယ်ဆိုရင် အာသီးရောင်ခြင်းအပြင် ခေါင်းကိုက်ခြင်း၊ မအီမသာဖြစ်ခြင်း၊ ဗိုက်နာခြင်း၊ အာသီးမှ ပြည်များထွက်လာခြင်း၊ လည်ပင်းမှ အကျိတ်များ ရောင်ရမ်းခြင်းတို့ ဖြစ်ပါတယ်။ ဘယ်ပိုးကြောင့်ပဲ အာသီးရောင်ရောင်၊ ပဋိဇီဝဆေး (Antibiotic) သောက်သုံးသင့်ပါတယ်။ ပဋိဇီဝဆေးကို ရောဂါသက်သာရုံမဟုတ်ပဲ ဆေးပတ်လည်တဲ့အထိ သောက်ရပါမယ်။ ဆေးပတ် မလည်ခဲ့ဖူးဆိုရင် နောက်ဆက်တွဲရောဂါတွေဖြစ်တဲ့ လေးဖက်နာရောဂါ၊ ကျောက်ကပ်ရောင်ရမ်းခြင်း ရောဂါများ ဆက်လက်ဖြစ်ပွားနိုင်ပါတယ်။

ကလေးများမှာ ဖြစ်ပွားတဲ့ နားကိုက်ခြင်း (acute otihis media) မှာလည်း အသက် ၄-နှစ်အောက် ကလေးများမှာ အဖြစ်များတာကို တွေ့ရပါတယ်။ နားကိုက်ပြီဆိုတာနဲ့ ဖျားခြင်း၊ မအီမသာဖြစ်ခြင်းတို့ ဖြစ်လာပါတယ်။ ဒီရောဂါဟာလည်း ဗိုင်းရပ်စ်ပိုးကြောင့် အဖြစ်များပါတယ်။ ကလေးနားကိုက်ပြီဆိုတာနဲ့ ပါရာစီတမော့ကဲ့သို့ အကိုက်အခဲပျောက်ဆေးကို တိုက်ကျွေးနိုင်ပါတယ်။ ဒီနားကိုက်ရောဂါဟာ ၂၄-နာရီအတွင်း အလိုအလျောက် ပျောက်ကင်းနိုင်ပါတယ်။ ဒါပေမယ့် ခဏတဖြုတ် နားကိုက်ခြင်းမဟုတ်ဘဲ နားကိုက်ခြင်းဟာ ခဏခဏ ဖြစ်ပေါ်နေတတ်မယ်ဆိုရင်တော့ အကြားအာရုံ ချွတ်ယွင်းတဲ့အထိ ဖြစ်နိုင်တာမို့ မိဘများ သတိထားသင့်ပါတယ်။ ကလေးအတွက် နောက်ဆက်တွဲ ရလာဘ်ဆိုးတွေက စကားပြောစွမ်းရည် ထိခိုက်ခြင်း၊ ပညာသင်ကြားရာတွင် ခက်ခဲခြင်းမျိုးတွေ ဖြစ်လာနိုင်ပါတယ်။ ဒါကြောင့် နာထဲကို ရောဂါပိုး ခဏခဏမ၀င်အောင် ဂရုစိုက်ပေးရမှာပါ။

နှာခေါင်းအမြှေးပါးများ ရောင်ရမ်းခြင်း (sinusitis) ဟာလည်း နှာစေးခြင်းမှတဆင့် ရောဂါပိုးများ (sinus)ထဲသို့ ရောက်ရှိကာ ရောင်ရမ်းခြင်းဖြစ်ပါတယ်။ ဒီလိုဖြစ်လာပြီဆိုရင် နှာခေါင်းပိတ်ခြင်း၊ နာခြင်း၊ ပါးရိုးနှစ်ဖက် ကိုက်ခြင်း၊ ရောင်ရမ်းခြင်းတို့ ဖြစ်နိုင်ပါတယ်။ သင့်တော်သော ပဋိဇီဝဆေးများ၊ အနာသက်သာသောဆေးများဖြင့် ရောဂါကို ရေတိုအတွင်း ပျောက်အောင် ကုသပေးသင့်ပြီး ထပ်ကာထပ်ကာ မဖြစ်စေဖို့ ဂရုစိုက်သင့်ပါကြောင်း တင်ပြလိုက်ပါတယ်။

( ဒေါက်တာ သပြေမွန် )

No comments: