Saturday, August 15, 2009

ဘာသာရေး ပြဿနာ ( ၇၉ )

( ဘဒ္ဒန္တတိလောကသာရ ဖြေသည် )

( မေး ) ( မြတ်စွာဘုရား၊ ဒေ၀ဒတ်နှင့် ငရဲ )
အရှင်ဘုရား၊
၁။ သက်ကြီးစကား သက်ငယ်ကြားအရ တပည့်တော်ကြားဖူးသည်မှာ ဘုရားပွင့်ရန်အတွက် ရွှေခွက်ထပ်ရသည်ဟု ကြားဖူးပါသည်။ ဂေါတမမြတ်စွာဘုရားသည် ပွင့်ရမည့်အလှည့်မကျမီ အလှည့်ကျော်သည်ဟု ပြောကြပါသည်။ ထိုအကြောင်းကို ပြည့်စုံစွာ ဖြေဆိုပေးပါရန်။

၂။ မြတ်စွာဘုရားသည် ဒေ၀ဒတ်အား နောင်လာမည့် ကမ္ဘာတသိန်းတွင် ဘုရားဖြစ်လိမ့်မည်ဟု ဗျာဒိတ်ပေးတော်မူပါသလားဘုရား။
၃။ ဤကမ္ဘာတွင် ငရဲခံရသူများ ဤကမ္ဘာသက်တမ်းကုန်သောအခါ မည်သို့ ရှိကြမည်နည်း။ ကမ္ဘာဦးအစက ငရဲခံရသူနဲ့ ကမ္ဘာသက်တမ်း ကုန်ခါနီးမှ ငရဲခံရသူ၏ ကွားခြားချက်ကို သိလိုပါသည်ဘုရား။
( စိုးသီဟ-မ/ဥက္ကလာပ မြို့နယ် )

( ဖြေ )
၁။ ထိုစကားများ စာပေကျမ်းဂန်များ၌ မရှိပါ။
၂။ ဒေ၀ဒတ်မြေမျိုးဆဲအခါ မြတ်စွာဘုရားကို မိမိ၏အရိုးတို့ဖြင့် ပူဇော်ပါ၏-ဟု ၀န်ချပူဇော်သွားပါသည်။ ထို့ကြောင့် ဒေ၀ဒတ်သည် နောင်အခါ အဋ္ဌိဿရမည်သော ပစ္စေကဗုဒ္ဓါ ဖြစ်လိမ့်မည်-ဟု ဗျာဒိတ်ပေးတော်မူပါသည်။
၃။ သိဉ္ဇိုဝ်းစသော ငရဲကြီး ၈-ထပ်တွင် ရိုးရိုးငရဲကျသူများသည် မူရင်းငရဲသက်အရသာ ကျခံရ၍ ပဉ္စာနန္တရိယကံ ထိုက်သူများသာ အ၀ီစိငရဲတွင် တကမ္ဘာပတ်လုံး ငရဲခံရပါသည်။ သို့သော် မိစ္ဆာဒိဋ္ဌိ အနန္တရိယကံမှတပါး အခြားအနန္တရိယကံ သင့်သူတို့သည် ကမ္ဘာကုန်ဆုံးခါနီးမှ ငရဲကျသော် ကမ္ဘာကုန်ဆုံးလျှင် ငရဲမှလွတ်နိုင်ကြပါသည်။ မိစ္ဆာဒိဋ္ဌိ (နိယတ မိစ္ဆာဒိဋ္ဌိ) ကံဖြင့် ငရဲကျလျှင် ဤကမ္ဘာကုန်ဆုံးသော်လည်း ကမ္ဘာသက်တမ်းအတိုင်း အခြားစကြာဝဠာရှိ ငရဲသို့ ရွှေ့ပြောင်း၍ ခံရသည်။
********************************************************************************

( မေး ) ( စိဉ္စမာဏ စွပ်စွဲခြင်း ၀ဋ်ကြွေး )
အရှင်ဘုရား၊ ဘုရားအလောင်းယစ်ထုပ် (အရက်သမားကြီး) ဖြစ်စဉ်က ကောင်းမွန်စွာ ကျင့်သုံးနေသော ပရိဗိုဇ်မတပါးကို ခုနစ်ရက်အတွင်း ငါ့နောက်က အရက်အိုးရွက်ပြီး လိုက်လာစေရမည်ဟု ဆိုကာ အကျင့်ကိုဖျက်ဆီး၍ မယားပြုခဲ့သဖြင့် ၄င်းဝဋ်လည်ကာ ဘုရားဖြစ်သောဘ၀တွင် စိဉ္စမာဏ၀ိကာ-က လင်အဖြစ်စွပ်စွဲခြင်းကို ခံရသည်ဟု ကြားဖူးပါသည်။ ထိုစကား မှန်ပါသလား၊ ရှင်းလင်းဖြေကြားပေးတော်မူပါဘုရား။
( သိလိုသူ တပည့်တဦး-ပန်းတောင်း )

( ဖြေ ) သစ္စကပါပီ ပရိဗိုဇ်မအား အရက်သမားဖျက်ဆီး၍ ပျက်စီးသောဝတ္ထုမှာ အသီတိနိပါတ် ကုဏာလဇာတ်လာ ကုဏာလဥသြငှက်မင်း ဆောင်ပြသော ၀တ္ထု ဖြစ်ပါသည်။ အရက်သမားလည်း ဘုရားလောင်းမဟုတ်ပါ။ ၄င်းဝတ္ထုပါ သစ္စကပါပီလည်း အဟုတ်အမှန် အကျင့်ကောင်း မဟုတ်ပါ။ တရားရှိဟန် ဆောင်နေသူသာဖြစ်၍ မိန်းမများတည်ကြည်မှု မရှိပုံကို ၄င်းဝတ္ထုကိုပြ၍ ဟောခြင်းသာဖြစ်ပါသည်။

မြတ်စွာဘုရားကို စိဉ္စမာဏ၀ိက ဖျက်ဆီးခြင်းနှင့် ထိုဝတ္ထုမဆိုင်။ ၀ဋ်တော် ၁၂-ပါးဆိုင်ရာ အစွပ်စွဲခံရမှုမှာ ဘုရားလောင်းက ပစ္စေကဗုဒ္ဓါအား စွပ်စွဲခဲ့ဖူးသော အကြောင်းကြောင့်သာ ဖြစ်ကြောင်း အပဒါန်တွင် ဆိုပါသည်။
(အပဒါနပါဠိ-၁၂၈)
********************************************************************************

( မေး ) ( ရှင်လေးပါး၊ သေလေးပါး )
အရှင်ဘုရား၊ ရှင်လေးပါး၊ သေလေးပါးဆိုတာ အဘယ်ပုဂ္ဂိုလ်များဖြစ်၍ အဘယ်အရပ်မှာ သီတင်းသုံးနေတော်မူပါသနည်း ဘုရား၊ သိမှတ်လိုပါသောကြောင့် ဖြေကြားပေးတော်မူပါဘုရား။
( အရှင်သုဇာတ-မန္တလေး )

( ဖြေ )
ရှင်လေးပါး-
ရှင်ဥပဂုတ်၊ တန်ခိုးချုပ်၊ သမုဒ်တောင်မျက်နှာ။
ရှင်မေရသ၊ ပစ္ဆိမ၊ နေထ မြောက်မျက်နှာ။
ခေမာဝတ္ထ၊ နေတုံက၊ ဒေသ မြောက်မျက်နှာ။
ဓမ္မရသ၊ ထေရ်မြတ်လှ၊ နေထ ရှေ့မျက်နှာ။
ရှင်လေးပါးတွင်၊ ဤသည်ပင်၊ ၀မ်းတွင် စွဲမှတ်ပါ။

သေလေးပါး-
ဝေဘာရတောင်၊ အလယ်ခေါင်၊ ထွန်းပြောင်ကဿပ ထေရ်နေရာ။
သုဘာသာရ၊ နေတုံက၊ ဥတ္တမ တောင်၌သာ။
မကုလတောင်၊ ထွတ်မြတ်ခေါင်၊ ထွန်းပြောင် ရှင်ခေမာ။
ဓမ္မရသ၊ အမည်ရ၊ ဝေမိဿက တောင်၌သာ။
သေလေးပါးလျှင်၊ အမည်တွင်၊ ၀မ်းတွင်စွဲမှတ်ပါ။

( အမေးရှိ၍ ဖြေလိုက်သည် ကျမ်းကြီးကျမ်းခိုင် မလာ။ သုံးပုံတချူကျမ်းစာတွင် လာရှိသည် )
********************************************************************************

( မေး ) ( သက်သတ်လွတ် အဓိဋ္ဌာန် )
အရှင်ဘုရား၊ တပည့်တော်သည် ရာသက်ပန် သက်သတ်လွတ်စားရန် အဓိဋ္ဌာန်ပြုထားပါသည်။ ယခုအခါ တပည့်တော် ကျန်းမာရေးကြောင့် စားရန် ခက်နေပါသည်။ ဘုရားတွင် သက်သတ်လွတ် မစားနိုင်တော့ကြောင်း တောင်းပန်၍ ရပါသလားဘုရား။ မည်သို့ တောင်းပန်ရမည်ကို ဖြေကြားပေးတော်မူပါဘုရား။
( ခိုင်ခိုင်-ရန်ကုန် )

( ဖြေ )
သက်သတ်လွတ်စားခြင်းဟူသည်မှာ ဘုရားဟော ကုသိုလ်ကောင်းမှု အကျင့်တရားမျိုး မဟုတ်။ ပုဂ္ဂိုလ်တို့အလိုဆန္ဒ (ပုဂ္ဂလဇ္ဈာသယ) အတိုင်းဖြစ်၍ မစားခြင်းကြောင့် အကုသိုလ်ဖြစ်စရာ မရှိပါ။ စားခြင်း မစားခြင်းမှာလည်း မိမိဆန္ဒအတိုင်းသာဖြစ်၍ ဘုရားအားလည်း တောင်းပန်နေဖွယ် လိုမည်မဟုတ်ပါ။
ဘုန်းတော်ကြီး ဦးသီလ ထေရုပ္ပတ္တိတွင် ဘုန်းတော်ကြီးက-ဘုန်းကြီးများ သက်သတ်လွတ်စားနေတာ ကုသိုလ်ဖြစ် ကျင့်သည်မထင်နဲ့၊ သွားနာ သက်သာလို့-ဟု မိန့်တော်မူသကဲ့သို့ အချို့ဆရာတော်ဘုရားကြီးများ သွားနာ သက်သာအောင်နှင့် အညှီအဟောက် မကြိုက်၍ သားငါးရှောင်ကြခြင်းမှ အလေ့အကျင့် ဖြစ်သွားပြီး ရာသက်ပန် သား-ငါး မစားဘဲ နေသွားခြင်း ဖြစ်ပါသည်။
********************************************************************************

( မေး ) ( အမျိုးသမီးများ တရားထူးရလျှင် )
အရှင်ဘုရား၊ အမျိုးသားများ တရားထူး တရားမြတ်ရလျှင် (ရဟန္တာဖြစ်လျှင်) ချက်ချင်း ရဟန်းခံ၍ ရဟန်းဘ၀ဖြင့်နေလျှင် သက်တမ်းရှိသမျှ နေနိုင်သည်ဟု ဆိုပါသည်။ ယခုအခါ အမျိုးသမီးများ တရားအားထုတ်၍ အရဟတ္တဖိုလ်ပေါက် ရဟန္တာမ အဖြစ်သို့ ရောက်လျှင် မည်သို့ပြုရပါမည်နည်းဘုရား။
( မတေဇ၀တီ-လယ်ဝေး၊ ဇေယျာလင်္ကာရချောင်၊ စစ်ကိုင်းတောင် )

( ဖြေ )
မြတ်စွာဘုရား လက်ထက်တော်က ခေမာမိဖုရားကြီးသည်-
အာတုရံ အသုစိံ ပုတိံ၊ ပဿ ခေမေ သမုဿယံ။ ဥဂ္ဃရန္တံ ပဂ္ဃရန္တံ၊ ဗာလာနံ အဘိနန္ဒိတံ-စသော ဂါထာများကို နာကြားရပြီး လူဝတ်လူစားဖြင့်ပင် ရဟန္တာမ ဖြစ်သွားရာ နေ့ချင်းပင် ဘိက္ခုနီအဖြစ် ခံယူ၍ လက်ယာတော်ရံ အဂ္ဂသာဝိကာထေရီမကြီး ဖြစ်ခဲ့ပါသည်။
ဤခေတ်တွင် တရားအားထုတ်၍ တိဟိတ်ဇာတိဉာဏ်ပညာရှိသော အမျိုးသမီးများ အရဟတ္တဖိုလ်ပေါက် ရောက်နိုင်-ရနိုင်ခွင့်ရှိသော်လည်း ဘိက္ခုနီသာသနာ အဆက်ပြတ်နေသဖြင့် ဘိက္ခုနီမပြုဘဲ လူ့အသွင်ဖြင့်ပင် နိဗ္ဗာန်ဝင်သွားစရာ အကြောင်းရှိပါသည်။

သန္တတိအမတ်ကြီးသည် မြတ်စွာဘုရားထံက-ယံ ပုဗ္ဗေတံ ၀ိသောဓေဟိ-စသော ဂါထာနာကြား၍ လူဝတ်ဖြင့်ပင် ရဟန္တာဖြစ်သွားရာ ရဟန်း-မပြု၍ ထိုနေ့မှာပင် ပရိနိဗ္ဗာန်စံသွားရသည်။ သို့သော် ပဋိသမ္ဘိဒါပတ္တ ဆဠာဘိည ရဟန္တာဖြစ်သဖြင့် ပရိနိဗ္ဗာန် မစံဝင်မီ လူရဟန္တာအဖြစ်နှင့်ပင် ထန်းခုနစ်ဆင့်မျှ ကောင်းကင်က တန်ခိုးပြ၍ တရားဟောသွားနိုင်သေးကြောင်း စာများတွင် ဖတ်ရှုရပါသည်။ ဤခေတ်မှာ ပဋိသမ္ဘိဒါပတ္တ၊ ဆဠာဘိညခေတ် မဟုတ်တော့၍ ရဟန္တာဖြစ်သည့်တိုင် လူဝတ်ဖြင့် တန်ခိုးပြ တရားဟောခြင်းလည်း မပြုနိုင်ပါ။ သို့ပါ၍ အမျိုးသမီး ရဟန္တာများ ထင်ရှားသိသာရန် ခက်လှပါသည်။ အရဟတ္တဖိုလ်ပေါက် ရဟန္တာမ-အဖြစ် ရောက်လျှင် တောက်လျှောက်ချုပ်ငြိမ်း ဇာတ်သိမ်းအေးမြ ပရိနိဗ္ဗုတပုဂ္ဂိုလ်ဘ၀ဖြင့် လူ့လောကကို တရားပြသွားစရာသာ ရှိလေသည်။
********************************************************************************

( မေး ) ( မာတုဂါမများ သင်္ကန်းလျှော်ခြင်း )
အရှင်ဘုရား၊ ဘာသာရေးစာစောင်တခုတွင် ရဟန်းတို့၏ သင်္ကန်းတို့ကို မာတုဂါမများ မလျှော်အပ်ကြောင်း တွေ့ရပါသည်။ ဟုတ်-မဟုတ်နှင့် အကျိုးအပြစ်တို့ကို သိလိုပါသဖြင့် မေတ္တာရှေ့ထား၍ ဖြေကြားပေးတော်မူပါဘုရား။
( အေးမွန်ကျော်-နမ္မတီး )

( ဖြေ ) မာတုဂါမများ သင်္ကန်းမလျှော်ရ-ဟု စာပေတိုက်ရိုက် မရှိပါ။ အမြင်မလျှော် မသင့်တော်၍ ပြောခြင်း ဖြစ်ဟန်တူပါသည်။ ပါတိမောက် သိက္ခာပုဒ်တွင် ဆွေမျိုးမတော်သော ဘိက္ခုနီအား သင်္ကန်းဟောင်းကို ဖွပ်လျှော်မခိုင်းအပ်-ဟူသော သိက္ခာပုဒ်သာ ရှိပါသည်။ သာမဏေရီမ၊ လူမိန်းမ စသည်တို့နှင့် မဆိုင်။ သာမဏေရီ သိက္ခမာန် (ရဟန်းမလောင်း) အား သင်္ကန်းဟောင်းကို ဖွပ်လျှော်ခိုင်းလျှင် အပ်သေးသည်။ ၄င်းတို့ ရဟန်းမ (ဘိက္ခုနီ) ဖြစ်မှ လျှော်လျှင် မအပ်။ နိဿဂ္ဂိပါစိတ်နှင့် ဒုက္ကဋ်အာပတ်သင့်သည်ဟု ပါတိမောက်တွင် ဆိုသည်။

ကုသိုလ်လို၍ ဒကာမ (မာတုဂါမ) အမျိုးသမီးများက ရဟန်းတော်တို့၏ သင်္ကန်းတို့ကို ဖွပ်လျှော်ပေးလိုပါသည်ဆိုက မတားမြစ်ထိုက်။ လျှော်ဖွပ်ပေးခြင်းကြောင့် လျှော်ဖွပ်သူမှာလည်း ကုသိုလ်ဖြစ်ပါသည်။ သို့သော် သင်္ကန်းကို နင်း၍၊ ရိုက်၍ လျှော်ဖွပ်ရန်ကား မလုပ်အပ်ကြောင်း သတိပြုသင့်ပါသည်။
********************************************************************************

( မေး ) ( မိဘတို့ကို ကျွေးမွေးခြင်း )
အရှင်ဘုရား၊ ဒါယကာတို့က သံဃဿ ဒေမ-ဟူ၍ လှူဒါန်းသော ပစ္စည်းလေးပါးတို့အား သံဃာတော်များက အမိအဖတို့ကို ပေးကမ်းခဲ့သော် ထိုပစ္စည်းလေးပါးကို သုံးစွဲသော အမိအဖတို့၌ အပြစ်ကျရောက်နိုင်ပါသလားဘုရား။ အပြစ်မရှိလျှင် အဘယ်ကြောင့် အပြစ်မရှိသည်ကို ဖြေကြားတော်မူပါဘုရား။
( အရှင်သုစိတ္တသာရ-ထန်းတပင် )

( ဖြေ ) ရဟန်းတို့က မိမိရရှိသော ပစ္စည်းလေးပါးတို့ဖြင့် မိဘတို့ကို လုပ်ကိုင်ကျွေးနိုင်ခွင့် ရှိပါသည်။ မိဘတို့သာမက အမိအဖ၊ မိဘတို့၏ အလုပ်အကျွေး၊ ရဟန်းတို့ကို မှီခိုနေသူ၊ ရှင်လောင်း၊ ဝေယျာဝစ္စပြုသူ ဤ ၆-ယောက်ကိုလည်း ပေးကမ်းကျွေးမွေးနိုင်ပေသည်။

သင်္ကန်းဆိုင်ရာ၌ ရဟန်းတပါးသည် သင်္ကန်းများစွာရ၍ မိဘတို့ကို ပေးလို၍ မြတ်စွာဘုရားအား လျှောက်ရာ မိဘတို့ကို ပေးရန် ခွင့်ပြုတော်မူသည်။ တပါးသူတို့ကို ပေးခြင်းကိုမူ- န စ ဘိက္ခဝေ သဒ္ဓါဒေယျံ ၀ိနိပါတေတဗ္ဗံ-စသည်ဖြင့် တားမြစ်ထားလေသည်။ (၀ိ-ဋ္ဌ ၃-၄၁၀) ထို့ကြောင့် ပေးသောရဟန်း၊ ယူသော အမိအဖတို့ အပြစ်မရှိကြောင်းကို သိနိုင်ပါသည်။
********************************************************************************

( မေး ) ( အူမတောင့်မှ သီလစောင့် )
အရှင်ဘုရား၊ အူမတောင့်မှ သီလစောင့်နိုင်သည်။ သီလတွေ စောင့်နိုင်ဖို့ရာ အူမတောင့်အောင် ဦးစွာလုပ်ရမည်-ဟု လူတို့ပြောဆိုပြုကျင့်နေကြသည်။
သို့ဆိုက-သမ္မာအာဇီဝ နှင့် အသက်မွေးဝမ်းကျောင်းရမည်။ သီလကို ခါးဝတ်ပုဆိုးကဲ့သို့ မြဲရမည်-ဟူသော စကားတို့နှင့် ဆန့်ကျင်ဘက်ဖြစ်နေပါသည်။ ဘုရားရှင်က သီလကို မဟာဒါန-ဟု ဟောကြားတော်မူထားပေရာ ဘုရားရှင်၏ အလိုတော်နှင့်ညီစွာ လက်ငင်းလူ့ဘ၀နှင့် သံသရာကောင်းစားရေး ဖြေကြားပေးတော်မူပါဘုရား။
( ဦးမင်းနွယ်-ကယားရိုးမ )

( ဖြေ )
အူမတောင့်မှ သီလစောင့်-ဟူသော စကားမှာ ၀မ်းရေးပြည့်စုံမှ ကိုယ်ကျင့်တရား ကောင်းနိုင်မည်ဟု ဆိုလိုသော လူပြောင်လူပြက်တို့၏ စကားသာ ဖြစ်သည်။ ပစ္စည်းဥစ္စာကိုသာ ချမ်းသာထင်သော ပုထုဇဉ်မိုက်တို့၏ အယူအဆ ဖြစ်သည်။
ရှေးသူတော်ကောင်းတို့သည် မိမိတို့၌ရှိသော ပစ္စည်းဥစ္စာ စည်းစိမ်ချမ်းသာတို့ကို စွန့်ပစ်၍ တောထွက်သမှု ရသေ့ရဟန်းပြုလျက် သီလ သမာဓိ ပညာ လောကုတ္တရာဥစ္စာတို့ကို ရှိမှီးကြလေ့ရှိသည်။

အမှန်အားဖြင့် စည်းစိမ်ဥစ္စာသည် သီလပြည့်စုံမှု၏ အကြောင်းတရားမဟုတ်၊ သီလသည်သာလျှင် စည်းစိမ်ဥစ္စာ ရရှိခြင်း၏ အကြောင်းတရား ဖြစ်သည်။ ထို့ကြောင့် လူပြောင် လူပြက်တို့၏ စကားကို မမှတ်သားအပ်။ ၀ိသုဒ္ဓိမဂ်တွင်- ယာ မနုေဿသု သမ္ပတ္တိ၊ ယာဝ ဒေဝေသု သမ္ပဒါ-အစရှိသည်ဖြင့် သီလရှိသူ၊ နတ်နှင့်လူ၊ လွယ်ကူ ချမ်းသာရ-စသည်ဖြင့် ဆိုထားပါသည်။
********************************************************************************

( မေး ) ( ဘီလူးတို့၏ ပဋိသန္ဓေစိတ် )
အရှင်ဘုရား၊ ဓမ္မပဒ ယမက၀ဂ် ကာဠယက္ခိနီ ၀တ္ထုတွင် မြတ်စွာဘုရားက- န ဟိ ဝေရေန (ပ) သနန္တနော- ဂါထာကို ဟော၍ ကြားနာရပြီး သောတာပန် ဖြစ်သွားသည်ဟု ဆိုပါသည်။ ဘီလူးမ၏ ပဋိသန္ဓေစိတ်သည် အဟိတ်ဖြစ်ကြောင်း-ဒုဟေတုကာန မဟေတုကာနဉ္စ-စသည်ဖြင့် သင်္ဂဟပုဂ္ဂလဘေဒ (၀ီထိပိုင်း) မှာ ဆိုထား၍ အဟိတ်ပဋိသန္ဓေဖြစ်သောကြောင့် အရိယာမဖြစ်ထိုက်သော စာရင်းတွင် ပါပါသည်။ ထိုသို့ ပါပါလျက် အဘယ်ကြောင့် သောတာပန်ဖြစ်နိုင်ပါသလဲဘုရား။ အညံ့စား အဟိတ်ပုဂ္ဂိုလ်တောင် အရိယာဖြစ်လျှင် သုဂတိအဟိတ်၊ ဒွိဟိတ် ပုဂ္ဂိုလ်တို့အတွက် ဆိုဖွယ်ရာမရှိဟု ထင်မိပါသည်။ ကျေးဇူးပြု၍ ဖြေကြားပေးတော်မူပါဘုရား။
( ရှင်ပဏ္ဍိတ-မြောင် )

( ဖြေ )
အဟိတ်ပုဂ္ဂိုလ်၊ သုဂတိအဟိတ်ပုဂ္ဂိုလ်၊ ဒွိဟိတ်ပုဂ္ဂိုလ်တို့ မဂ်ဖိုလ် မရနိုင်ကြောင်း အဘိဓမ္မာက ဆိုပါသည်။ သို့သော် ဓမ္မပဒလာ ကာဠယက္ခိနီသည် အဟိတ်ပဋိသန္ဓေနေသော ပုဂ္ဂိုလ်မဟုတ်ပါ။ အချို့ ဘီလူး၊ ပြိတ္တာ စသည့် ၀ိနိပါတိက၊ ဝေမာနိက သတ္တ၀ါတို့သည် တိဟိတ်ပဋိသန္ဓေနေသော အထက်တန်းစားများဖြစ်၍ မဂ်ဖိုလ် ရနိုင်ကြပါသည်။

အင်္ဂုတ္တရ အဋ္ဌကထာ (အံ-ဋ္ဌ ၃-၁၆၃) သုတ်မဟာဝါ အဋ္ဌကထာ (ဒီ-ဋ္ဌ ၂-၁၀၀) တို့တွင် ၀ိနိပါတိက အသုရာဆိုရာတွင် အပါယ်လေးဘုံမှ လွတ်သော ဥတ္တရမာတာ၊ ပိယင်္ကရမာတာ၊ ဖုဿမိတ္တာ၊ ဓမ္မဂုတ္တာ-စသော ဝေမာနိကပြိတ္တာတို့သည် အ၀ါ အဖြူ အညို ကြမ်းပိုးရေအဆင်း၊ ရွှေရောင်အဆင်းစသော အရောင်အဆင်းဖြင့်၎င်း။ အပိန်၊ အ၀၊ အတို၊ အရှည်၊ ကိုယ်နေ ကိုယ်ဟန်ဖြင့်၎င်း၊ ခန္ဓာကိုယ် အမျိုးမျိုးရှိသကဲ့သို့ ပဋိသန္ဓေသညာသည်လည်း ဒွိဟိတ်၊ တိဟိတ်၊ အဟိတ် တို့၏ အစွမ်းဖြင့် အမျိုးမျိုးပင် ဖြစ်ကြသည်။

ထို့ကြောင့် ထိုဝေမာနိကပြိတ္တာတို့သည် နတ်တို့ကဲ့သို့ တန်ခိုးမကြီးကုန်သော်လည်း စတုမဟာရာဇ်ဘုံ၌ အကျုံးဝင်ကုန်၏။ မဂ်ဖိုလ် တရားထူးကို ရနိုင်ကုန်၏။ ဓမ္မပဒလာ ကာဠီဘီလူးမ၊ အဋ္ဌကထာတို့လာ ဥတ္တရမာတာ၊ ပိယင်္ကရမာတာ၊ ဝေမာနိကပြိတ္တာမ တို့သည် တိဟိတ်ပဋိသန္ဓေ နေသူများဖြစ်ကြ၍ မဂ်ဖိုလ်ရနိုင်ကြလေသည်။

( မြတ်မင်္ဂလာ ၁၉၉၉-ခု စက်တင်ဘလ )

No comments: