Tuesday, August 18, 2009

သိရသ္မိံ ဂါထာတော်

သိရသ္မိံ မေ ( တေ ) ဗုဒ္ဓသေဋ္ဌော ၊
သာရိပုတ္တော စ ဒက္ခိဏေ ။
ဝါမအံသေ မောဂ္ဂလ္လာနော ၊
ပုရတော ပိဋကတ္တယံ ။

ပစ္ဆိမေ မမ ( တ၀ ) အာနန္ဒော ၊
စတုဒ္ဒိသာ ခီဏာသ၀ါ ။
သမန္တာ လောကပါလာ စ ၊
ဣန္ဒာဒေ၀ါ သဗြဟ္မကာ ။

ဧတေသံ အာနုဘာဝေန ၊
သဗ္ဗေ ဘယ ဥပဒ္ဒ၀ါ ။
အနေက အန္တရာယာပိ ၊
ဝိနဿန္တု အသေသတော ။

( အနက် )
ဗုဒ္ဓသေဋ္ဌော-သစ္စာလေးပါး မြတ်တရားကို ပိုင်းခြားသိမြင် လူရှင်ဥက္ကဌ် ဘုရားမြတ်သည်။
မေ-အကျွန်ုပ်၏။
( တေ-တုမှာကံ-ပရိတ်တရား သဒ္ဓါပွား၍ နားကြားကြသူ များဗိုလ်လူတို့၏။)
သိရသ္မိံ-နှစ်ကုဋေငါးသန်း မြတ်ပန်းကေသာ ပေါက်ရောက်လာသည့် ရဟန္တာပလ္လင် ဦးထိပ်ပြင်၌။
ဌာတု-အန္တရာယ်ခပ်သိမ်း ရန်စွယ်ငြိမ်းဖို့ စောင့်ထိန်းသောအား ကရုဏာထားလျက် မားမားရွှင်ကြည် ရပ်တည်နေတော်မူပါစေသတည်း။

သာရိပုတ္တော-ပညာထက်မြက် ဧတဒဂ်ဂုဏ် သင်းထုံပြန့်ပြူး ချီးကျူးမြှောက်စား သားကြီးရတနာ ရှင်သာရိပုတ္တရာ ကိုယ်တော်မြတ်ကြီးသည်။
မေ-အကျွန်ုပ်၏။
( တေ-တုမှာကံ-ပရိတ်နာအပေါင်း သင်သူတော်ကောင်းတို့၏ )
ဒက္ခိဏေ-ပဉ္စက္ခန္ဓာ ကိုယ်အင်္ဂါတွင် လက်ယာခေါ်သုံး ညာပခုံး၌။
ဌာတု-ပညာတော်ရောင် ၀င်းဝင်းပြောင်လျက် မိုက်မှောင်ပယ်ချွေ ကျက်သရေဖြင့် တည်နေကိန်းဝပ်တော်မူပါစေသတည်း။

မောဂ္ဂလ္လာနော-ဣဒ္ဓိဆယ်မျိုး တန်ခိုးတန်တန် နှိုင်းရန်ပုံတူ မရှိသူဟု မြွက်ကျူဗျာဒိတ် မြတ်တံဆိပ်ကို ခပ်နှိပ်ချီးဝှဲ လက်ဝဲတော်ရံ ရှင်မောဂ္ဂလာန် ကိုယ်တော်မြတ်ကြီးသည်။
မေ-အကျွန်ုပ်၏။
( တေ-တုမှာကံ-ပရိတ်တရား စိတ်ထားသာရွှင် သဒ္ဓါဝင်၍ နာချင်ကြတောင်း သင်သူတော်ကောင်းတို့၏။)
ဝါမအံသေ-ကိုယ်ဒြပ်တွင် ဆက်စပ်ယှဉ်တွဲ ပညတ်စွဲဖြင့် လက်ဝဲခေါ်သုံး ဘယ်ပခုံး၌။
ဌာတု-ဣဒ္ဓိလျှံဖြိုး ဈာန်တန်ခိုးဖြင့် ရန်မျိုးပယ်ချွေ ဘုန်းမိုးစေလျက် တည်နေကိန်းဝပ်တော်မူပါစေသတည်း။

ပိဋကတ္တယံ-သုတ္တန် ဘိဓမ္မာ ၀ိနယာဟု သုံးဖြာသတ်မှတ် ပိဋကတ်တော်မြတ်သည်။
မေ-အကျွန်ုပ်၏။
( တေ-တုမှာကံ-ပရိတ်နာအပေါင်း သင်သူတော်ကောင်းတို့၏။)
ပုရတော-ရှေ့ရပ်မျက်နှာ မင်္ဂလာစုံဘိ ရပ်သီရိ၌။
ဌာတု-တောင်ကြီးပမာ ဘေးရန်ကာလျက် ကောင်းစွာမသွေ တည်နေတော်မူပါစေသတည်း။

အာနန္ဒော-ဧတဒဂ်ကြိမ် ဂုဏ်သိန်ဝင်းလျှပ် ရှစ်ရပ်ဌာနံ ရာခံအရေး လုပ်ကျွေးလိမ္မာ ဘွဲ့မည်သာသည့် ရှင်အာနန္ဒာခေါ် မထေရ်ကျော်သည်။
မမ-အကျွန်ုပ်။
( တ၀-တုမှာကံ-ပရိတ်နာအပေါင်း သင်သူတော်ကောင်းတို့၏။)
ပစ္ဆိမေ-လက်ပြင်နှစ်ခု လည်ဟုခေါ်ဆို ကျောဗဟို၌။
ဌာတု-နောက်ဖက်ဘေးရန် တွန်းလှန်ဖြိုဖျက် နှစ်သက်ရွှင်ကြည် ရပ်တည်နေတော်မူပါစေသတည်း။

ခီဏာသ၀ါ-အာသဝေါလေးပါး ရန်သူများကို အရဟတ္တမဂ် ဓားသန်လျက်ဖြင့် ပယ်ဖျက်ခုတ်ထွင် သုတ်သင်အပ်ပြီးသော ရဟန္တာသခင် အရှင်မြတ်အပေါင်းတို့သည်။
မမ-အကျွန်ုပ်၏။
( တ၀-တုမှာကံ-ပရိတ်နာအပေါင်း သင်သူတော်ကောင်းတို့၏။)
စတုဒ္ဒိသာ-စတုဒ္ဒိသာသု-ရှေ့နောက်ဝဲယာ လေးဖြာသော အရပ်တို့၌။
တိဋ္ဌန္တု-လေးဘက်လေးတန် ရန်ဟူသမျှ မြူမခရလေအောင် ကိန်းဝပ်ပုံသေ တည်နေတော်မူပါစေသတည်း။

သဗြဟ္မကာ-ဗြဟ္မစိုရ်တရား လက်ကိုင်ထား၍ ရှစ်ပါးသမာပတ် ၀င်းဝင်းလျှပ်သည့် ထက်ရပ်ကပ်ချဉ်း ဗြဟ္မာမင်းတို့နှင့်တကွ ဖြစ်ကြပေကုန်သော။
ဣန္ဒာဒေ၀ါစ-၀တိံကြီးစိုး မောက်ဖြိုးဣဒ္ဓိ သိရိကျက်သရေ ထွေထွေများပြား နတ်များသနင်း သိကြားမင်းနှင့် မယွင်းမမှား တရားလက်သုံး မပျက်ပြုံးသည့် စက်ဆုံးရှည်လတ် နတ်မြတ်နတ်ကောင်း နတ်အပေါင်းတို့သည်၎င်း။
လောကပါလာစ-လောကစောင့်ငြား နတ်အများတို့သည်၎င်း။
မမ-အကျွန်ုပ်၏။
( တ၀-တုမှာကံ-ကောင်းကျိုးချမ်းသာ လိုလားပါသည့် ပရိတ်နာအပေါင်း သင်သူတော်ကောင်းတို့၏။)
သမန္တာ-ထက်ဝန်းကျင်ဒိသာ အရပ်ဆယ်မျက်နှာမှ။
တိဋ္ဌန္တု-ငါးပါးကံကြမ္မာ ဂြိုဟ်ထီးကွာ၍ လိုရာပြီးမြောက် ကြံတိုင်းပေါက်အောင် စောင့်ရှောက်ပုံသေ တည်နေတော်မူကြပါစေကုန်သတည်း။

ဧတေသံ-ဤဘုရား, တရား, သံဃာ, သိကြား, ဗြဟ္မာ, နတ်များစွာတို့၏။
အာနုဘာဝေန-တန်ခိုးရှိန်စော် မေတ္တာတော် အစွမ်းသတ္တိကြောင့်။
သဗ္ဗေ-ကြွင်းမဲ့ဥဿုံ အလုံးစုံကုန်သော။
ဘယဥပဒ္ဒ၀ါစ-နှစ်ဆဲ့ငါးပါးသော ဘေး, တဆယ့်ခြောက်ပါးသော ဥပဒ္ဒဝေါတို့သည်၎င်း။
အနေက အန္တရာယာပိ-တပါးမက များလှထောင်သောင်း ရောဂါရန်စွယ် အန္တရာယ်အပေါင်းတို့သည်၎င်း။
အသေသတော-ဘုန်းတော်ဒဏ်ကို မခံနိုင်ဘဲ ရှောင်လွှဲပယ်ရှား အကြွင်းအကျန်မရှိသောအားဖြင့်။
ဝိနဿန္တု-နေခြည်ထိရောက် နှင်းရည်ပေါက်ကဲ့သို့ သွေ့ခြောက်ပျက်ပြယ် အန္တရာယ်မလား ရောဂါများမှ ဝေးခြားလွင့်စင်ကြပါစေကုန်သတည်း။
( သုခမင်္ဂလာနိပိ-ကောင်းကျိုးချမ်းသာ မင်္ဂလာသုခ ဟူသမျှတို့သည်လည်း။ ၀ဍ္ဎန္တု-တနေ့တမျိုး ဒီရေတိုးသကဲ့သို့ ဖွံ့ဖြိုးစည်ပင်နိုင်ကြပါစေကုန်သတည်း။)

No comments: