Thursday, August 20, 2009

အသက်ရှည်ချင်ရင် လမ်းများများလျှောက်

ပစ္စိအိုတာ-ဆိုတဲ့ အမျိုးသမီးဟာ တနေ့ကို လေးဆယ့်ငါးမိနစ်လောက် လမ်းလျှောက်ခဲ့တာကြောင့် ကိုယ်အလေးချိန် ၆၅-ကီလိုအထိ လျော့ကျသွားပါတယ်။

ယူတန်ဘတ်-ဆိုတဲ့ အမျိုးသမီးကျတော့ တနေ့ကို တနာရီလောက် လမ်းမှန်မှန်လျှောက်ခဲ့တာ ၁၈-လ အတောအတွင်း ကိုယ်အလေးချိန် ၁၅-ကီလို လျောကျသွားပါတယ်။

ဒါပေမဲ့ ပစ္စိအိုတာ နဲ့ ယူတန်ဘတ်တို့ကတော့ တနေ့ ၄၅-မိနစ်လောက် လမ်းလျှောက်ဖို့ကိုပဲ တိုက်တွန်းကြပါတယ်။ လမ်းလျှောက်တာဟာ အတော့ကိုလွယ်ကူပြီးတော့ တော်တော့်ကို အကျိုးများလှပါတယ်။ လမ်းလျှောက်ရင် ရလာမယ့်အကျိုးကျေးဇူးတွေကို အောက်မှာဖော်ပြလိုက်ပါတယ်။

( လမ်းလျှောက်တာ ဘာလို့ အကောင်းဆုံး လေ့ကျင့်ခန်းလို့ ပြောရတာလဲ )
လမ်းလျှောက်တာဟာ ကိုယ်အလေးချိန် လျော့ကျသွားဖို့အတွက် အတော့်ကို ထိရောက်မှု ရှိပါတယ်လို့ ကျွမ်းကျင်သူတွေက ပြောကြပါတယ်။ ကော်လိုရာဒို ကျန်းမာရေးသိပ္ပံမှာရှိတဲ့ အစာအာဟာရဆိုင်ရာဌာနရဲ့ ဒါရိုက်တာတယောက်ဖြစ်တဲ့ ဂျိမ်း(စ်)ဟေး(လ်)ဟာ ဒီကိစ္စနဲ့ပတ်သက်ပြီး စူးစမ်းလေ့လာမှုတွေ လုပ်ခဲ့ပါတယ်။

ဟေး(လ်)က တနှစ်အတွင်း ကိုယ်အလေးချိန် (၁၃)ကီလိုလောက် လျော့ကျသွားတဲ့ လူ(၂၀၀၀)ကို လေ့လာခဲ့ရာမှာ အဲဒီလူ (၂၀၀၀)ထဲက (၅၀)ယောက်မှာ (၄၉)ယောက်ဟာ ပုံမှန်လမ်းလျှောက်ကြတဲ့သူတွေပဲ ဖြစ်ကြပါတယ်။ ဒီလူတွေဟာ တခြားလေ့ကျင့်ခန်းတွေကို မလုပ်ကြပေမဲ့လည်း လမ်းလျှောက်တာကိုတော့ မပျက်မကွက် ပုံမှန်လုပ်ခဲ့ကြပါတယ်။ ဟေး(လ်)က လမ်းလျှောက်တာဟာ ခန္ဓာကိုယ် ပိန်သွယ်လျစေပြီး အဆီကျသွားအောင်လုပ်ဖို့ အဓိကလေ့ကျင့်ခန်းဖြစ်တယ်လို့ ဆိုပါတယ်။

( ဘာပြုလို့ ၄၅-မိနစ် လမ်းလျှောက်ရတာလဲ )
တနေ့ကို အချိန်ဘယ်လောက်ကြာအောင် လမ်းလျှောက်ရင် လုံလောက်မယ်ဆိုတာကို ဘယ်သူတွေကမှ အတိအကျ မဖော်ထုတ်နိုင်သေးပါဘူး။ ဟေး(လ်)ကလည်း တနေ့ကို အချိန်ဘယ်လောက်ကြာအောင် လမ်းလျှောက်ဖို့ဆိုတာကို သူမသိသေးတဲ့အကြောင်း ထုတ်ဖော်ပြောကြားပါတယ်။
ဒါပေမဲ့ ဟေး(လ်) အပါအ၀င် သုတေသီပညာရှင်တွေရဲ့ ယေဘုယျ အကြံပေးတာကတော့---
တနေ့ကို (၄၅)မိနစ် လမ်းလျှောက်ကြဖို့ပဲ ဖြစ်ပါတယ်။
ဟေး(လ်) လေ့လာနေတဲ့ လူ(၂၀၀၀)ဟာလည်း တနေ့ကို ၄၅-မိနစ် လမ်းလျှောက်ကြတယ်လို့ ဆိုပါတယ်။ တနေ့ ၄၅-မိနစ်၊ တကြိမ်ကို ၁၅-မိနစ်စီ သုံးကြိမ်ခွဲပြီး လမ်းလျှောက်ပေးရင်လည်း ကီလိုဂျိုးတွေကို တိုက်ဖျက်ပစ်နိုင်ပါတယ်လို့ ဆိုပါတယ်။

( နေ့တိုင်း ဘာပြုလို့ လမ်းလျှောက်ဖို့ လိုအပ်သလဲ )
တပတ်ကို အနည်းဆုံး ၅-ရက် လမ်းလျှောက်တာကြောင့်လည်း ကိုယ်အလေးချိန် လျော့ကျသွားနိုင်ပါတယ်။ တခြားလေ့ကျင့်ခန်းတွေ မလုပ်ရင်တော့ တနေ့ကို ၁-နာရီလောက် လမ်းလျှောက်ပါ။ အားလပ်တဲ့ စနေ၊ တနင်္ဂနွေလိုနေ့တွေမှာ တောင်တက်ရင်လည်း ကိုယ်အလေးချိန် လျော့စေပါတယ်။ တပတ်ကို နာရီဘယ်လောက်ထိ လမ်းလျှောက်ရမလဲဆိုတဲ့ မေးခွန်းက သင့်အပေါ်မှာပဲ မူတည်ပါတယ်။ သတ်မှတ်ထားတဲ့ နာရီကို နှစ်ရက်နဲ့ ပြည့်သွားအောင် အလွန်အကျွံ လမ်းလျှောက်တာမျိုးကိုတော့ ရှောင်ကြဉ်ပါ။

နေ့တိုင်း လမ်းလျှောက်တာဟာ အတော်လွယ်ကူတဲ့ လေ့ကျင့်ခန်းဖြစ်လို့ ပျက်ကွက်သွားမှာကို စိုးရိမ်စရာမလိုပါဘူး။ ပစ္စိအိုတာ-က ကျွန်မအိပ်ရာက နိုးရင် အမြဲသွားတိုက်တတ်ပါတယ်၊ အဲဒီလိုပဲ လမ်းလျှောက်တာဟာလည်း အမြဲမပျက် လုပ်နေတဲ့ အဓိကအလုပ်တခုပါပဲ-လို့ ပြောကြားခဲ့ပါတယ်။

( အစားအသောက် ဘယ်လိုစားရမှာလဲ )
နေ့တိုင်း လမ်းလျှောက်နေပေမဲ့ အစားအစာကိုတော့ အကန့်အသတ်မရှိ စိတ်ကြိုက်စားတာမျိုးကိုတော့ ရှေင်ကြဉ်ရပါလိမ့်မယ်။ တာ(ဖ်)တက္ကသိုလ်က နှလုံးရောဂါ ပါရဂူ ရစ်ပီကော့(စ်)-က အစားအသောက် မဆင်ခြင်ရင်တော့ ကိုယ်အလေးချိန် မလျော့နိုင်ပါဘူး။ ဒါပေမဲ့ အစာကြေလွယ်တဲ့ အစာတွေကို သင့်တင့်တဲ့ ပမာဏ စားသုံးရပါမယ်။ ရေတော့ များများကြီး သောက်ပါ။ အဲဒီလို အစာကိုကန့်သတ် စားသောက်ရင်တော့ အဆီကျပြီး ပိန်သွယ်လျလာပါလိမ့်မယ်။ ဒီလိုဖြစ်လာဖို့ လမ်းလျှောက်တာဟာ လုံလောက်တဲ့လေ့ကျင့်ခန်းပါပဲ-လို့ ဆိုပါတယ်။

( အဆီကျတဲ့နှုန်း ဘယ်လောက်ထိ ရှိနိုင်သလဲ )
လူတယောက်စီရဲ့ အဆီကျနှုန်းဟာ အသက်အရွယ် ခန္ဓာကိုယ်အတွင်း ဓာတ်ပြောင်းလဲမှုနဲ့ မူလခန္ဓာကိုယ် အလေးချိန်တွေပေါ်မှာ မူတည်ပါတယ်။ ရူတန်ဘတ်က ကိုယ်အလေးချိန် ၃-ကီလိုလျော့ကျဖို့ လအတော်ကြာ လမ်းလျှောက်ခဲ့ရပါတယ်။ ဒါပေမဲ့ အစားအသောက်၊ အနေအထိုင် ဆင်ခြင်မှု နေသားတကျ ဖြစ်သွားချိန်မှာ ကိုယ်အလေးချိန် ၉-ကီလို လျော့ကျဖို့ ၆-လပဲကြာခဲ့ပါတယ်။ ပစ္စိအိုတာ-ကတော့ တလအတောအတွင်း ၁-ကီလို လျော့ကျခဲ့တယ်လို့ သိရပါတယ်။

ခန္ဓာကိုယ်မှာ အဆီပို မရှိသူတွေက ကိုယ်အလေးချိန် လျော့ကျမှာ မဟုတ်ပါဘူး။ တချို့ အခြေအနေတွေမှာ လေ့ကျင့်ခန်းလုပ်တာဟာ ကိုယ်အလေးချိန် လျော့ကျဖို့ အမြန်ဆုံးနည်း မဖြစ်နိုင်ပါဘူး။ ဟူစတန်မှာ ရှိတဲ့ ဘေလာဆေးကောလိပ်ရဲ့ လေ့လာချက်တွေအရ အစားအသောက်ရှောင်တဲ့ လူတွေဟာ ပထမတနှစ်မှာ ကိုယ်အလေးချိန် ၇-ကီလို လျော့ပြီး။ လေ့ကျင့်ခန်း လုပ်သူတွေက ၃-ကီလိုပဲလျော့ကျပါတယ်။ ဒါပေမဲ့ ဒုတိယနှစ်မှာ အစားအသောက် ရှောင်တဲ့လူတွေဟာ အလေးချိန် ပြန်တက်လာကြပါလိမ့်မယ်။ လေ့ကျင့်ခန်း လုပ်သူတွေကတော့ ကိုယ်အလေးချိန် လျော့ကျတာကို ဆက်ပြီးထိန်းထားနိုင်ကြမှာ ဖြစ်တယ်လို့ ဆိုပါတယ်။

ခန္ဓာကိုယ်မှာ အဆီတွေကျပြီး ပိန်လျသွားမှု ရှိ-မရှိကို ကိုယ်အလေးချိန်နဲ့ တိုင်းတာဟာ မှန်ကန်တဲ့နည်းလမ်းမဟုတ်ပါဘူး။ ဘာပြုလို့လဲဆိုတော့ တချို့လူတွေဟာ အဆီကျသွးပေမဲ့လည်း ကြွက်သားတွေ ဖြစ်ပေါ်လာနိုင်တာကြောင့်ပါပဲ။ အဲဒီအခါမှာ အဆီကျသွားပေမဲ့လည်း ကိုယ်အလေးချိန်ဟာ လျော့ကျသွားမှာ မဟုတ်ပါဘူး။
ဒါကြောင့်မို့လို့ ကိုယ့် ကိုယ်ခန္ဓာဟာ အဆီလျော့ကျပိန်လျသွားမှု ရှိ-မရှိ သိနိုင်ဖို့အတွက် ဘောင်းဘီရှည်တထည်ကိုဝတ်ပြီး အကျဉ်းအကျပ် ဘယ်လောက်ရှိသလဲဆိုတာကို တိုင်းတာတာဟာ အကောင်းဆုံးနည်းလမ်းပဲ ဖြစ်ပါတယ်။

( လမ်းလျှောက်ရင် ဘယ်လောက်ခွန်အားစို့ရသလဲ )
ကိုယ်သွားလည်ချင်တဲ့ နေရာတခုကို သွားသလိုမျိုးပဲ ပုံမှန်နှုန်းနဲ့ လျှောက်ရမယ်။ အေးအေးဆေးဆေးပဲ တလှမ်းချင်း လျှောက်သွားရတာမျိုး မဟုတ်သလို အစွမ်းကုန် အားအင်စိုက်ပြီး မောကြီးပန်းကြီး လျှောက်ဖို့လည်း မလိုပါဘူး။ တနာရီကို ၆-ကီလိုမီတာနှုန်းနဲ့ လျှောက်ရင် လုံလောက်ပါတယ်။

( လမ်းလျှောက်ဖို့ စိတ်ဝင်စားလာအောင် ဘယ်လိုလုပ်ရမလဲ )
တောင်တက်တောင်ဆင်းတွေ၊ မရောက်ဖူးတဲ့နေရာအသစ်မှာ လမ်းလျှောက်တာဟာ လမ်းလျှောက်တာကို ငြီးငွေ့နေတာကို ပျောက်ကင်းစေပါတယ်။ အုပ်စုဖွဲ့ပြီးတော့ လျှောက်တာဟာလည်း စိတ်ပျော်ရွှင်မှုကို ရရှိစေနိုင်ပါတယ်။ လမ်းလျှောက်ရင်းနဲ့ လူမှုပေါင်းသင်းဆက်ဆံရေးကိုလည်း ပြုလုပ်နိုင်ပါတယ်။ ရှင့် သူငယ်ချင်းတွေနဲ့ပဲ ဖြစ်ဖြစ်၊ ရှင့်အိမ်ထောင်ဖက်နဲ့ပဲ ဖြစ်ဖြစ် အုပ်စုလိုက်ပဲ ဖြစ်ဖြစ် လမ်းလျှောက်ပါ။

ပြီးခဲ့တဲ့ လေးနှစ်လောက်က ဒစ်ထရပ်မန်နဲ့ သူ့ဇနီး ဂျိုတုိ့ဟာ တာဝေးလမ်းလျှောက်အဖွဲ့ထဲမှာ ပါဝင်ခဲ့ကြပါတယ်။ သူတို့နှစ်ဦးစလုံးဟာ အသက် ၆၀-ကျော်နေကြတဲ့သူတွေပါ။ ဒါပေမဲ့လည်း အပတ်စဉ်လုပ်နေတဲ့ ၁၀-ကီလိုမီတာ လမ်းလျှောက်ပြိုင်ပွဲကို အမြဲဝင်နွှဲနေကြတုန်းပါပဲ။ သူတို့က-တာဝေး လမ်းလျှောက်ရတာဟာ နယ်မြေဒေသမျိုးစုံကို ရောက်နိုင်ပြီး လူမျိုးစုံနှင့်လည်း ထိတွေ့ဆက်ဆံခွင့်ရပါတယ်-လို့ ဆိုပါတယ်။

( ဘာပြုလို့ လမ်းလျှောက်တာကို မစွန့်လွှတ်နိုင်ရတာလဲ )
တနေ့ကို ၄၅-မိနစ်လောက် လမ်းလျှောက်တဲ့သူတွေဟာ အစပိုင်းမှာတော့ ပိန်ချင်ကြလို့ လျှောက်ခဲ့ကြတာပါ။ ဒါပေမဲ့ နောက်ပိုင်းမှာတော့ စိတ်ချမ်းသာမှုအတွက် လမ်းလျှောက်ကြပါတယ်။ နှလုံးရောဂါ ပါရဂူ ရစ်ပီကတော့ လမ်းလျှောက်တာဟာ စိတ်ပိုင်းဆိုရာမှာလည်း အကျိုးရှိလှပါတယ်-လို့ လေ့လာတွေ့ရှိခဲ့တာကို ပြောခဲ့ပါတယ်။ လေ့လာမှုတွေအရ တနေ့ကို ၄၅-မိနစ်လောက် လမ်းလျှောက်တာဟာ စိုးရိမ်ပူပန်မှုနဲ့ စိတ်တင်းကြပ်တာတွေကို လျော့နည်းသွားစေတယ်လို့ တွေ့ရပါတယ်။

လမ်းလျှောက်တာဟာ စနစ်ကျတဲ့ ကျန်းမာရေးကို ရရှိနိုင်ပါတယ်။
နေ့တိုင်း လမ်းလျှောက်ရင်းနဲ့ ကျန်းမာရေးကို တဆင့်ပြီးတဆင့် ကောင်းမွန်မြင့်တက်လာနိုင်ပါတယ်။ အဲဒီလိုပဲ စိတ်စွမ်းရည်ကိုလည်း မြှင့်တင်ပေးလာမှာ ဖြစ်တယ်ဆိုတဲ့အကြောင်း ရေးသားတင်ပြလိုက်ရပါတော့တယ်။

( မြရီသွေး )
( စရဏ မဂ္ဂဇင်း-၂၀၀၄-သြဂုတ် )

No comments: