Saturday, August 8, 2009

ဘာသာရေး ပြဿနာ ( ၇၇ )

( ဘဒ္ဒန္တ တိလောကသာရ ဖြေသည် )

( မေး ) စာခိုးဖြေ၍ စာမေးပွဲအောင်သူ
အရှင်ဘုရား၊ စာမေးပွဲဖြေဆိုရာ၌ စာခိုး၍ဖြေသော ရဟန်း သာမဏေအား မည်သည့်အပြစ်များ သင့်ပါသလဲဘုရား။
( ပညာသီရိ-မိတ္ထီလာမြို့ )

( ဖြေ ) စာမေးပွဲ ခိုးဖြေမှုနှင့်စပ်၍ အဆုံးအဖြတ်အမျိုးမျိုး တွေ့ရပါသည်။
ကျေးဇူးရှင် မဟာစည်ဆရာတော်ဘုရားကြီးက-မတရားသော နည်းဖြင့် စာမေးပွဲ ဖြေဆိုအောင်မြင်၍ ဆုလာဘ်ကို ခံယူသော ရဟန်းများအတွက် မိမိကိုယ်တိုင်လည်း သံသယရှိနေပါ၏။
သို့သော် ၀ိနယဂရုက-ဟု ထင်ရှားသော ဂိုဏ်းဂဏထဲမှ ပညာကိုခိုးခြင်းဖြစ်၍ ပါရာဇိကအာပတ် မသင့်-ဟု ဆုံးဖြတ်သည့် ဆရာတော်များရှိကြောင်း ကြားသိရသည်။

ထို့ကြောင့် ဒုတိယပါရာဇိက အာပတ်သင့်သည်-ဟု အတိအလင်းဆုံးဖြတ်ရန် ၀န်လေးပါသည်။ ဤမျှထက်ပို၍ မဆုံးဖြတ်နိုင်ပါ။ သံသယရှိလျှင် မိမိကိုယ်တိုင် ထိုသို့သောအပြစ်မှ ကင်းလွတ်အောင် ရှောင်ကြဉ်၍ မိမိစကားကို နားထောင်မည့်ပုဂ္ဂိုလ်တို့အားလည်း အလားတူပင် အပြစ်ကင်းအောင် နေထိုင်ကျင့်သုံးရန် သြ၀ါဒပေဖို့သာ ရှိပါသည်။ ဟု အမေးတခုကို ဖြေဆိုရာ၌ မိန့်တော်မူထားပါသည်။ ထိုအတိုင်းသာ မှတ်ယူကျင့်သုံးစေလိုပါသည်။
********************************************************************************

( မေး ) ထီပေါက်၍ အလှူဒါနပြုခြင်း
အရှင်ဘုရား၊ ယခုအခါ လူများစွာသည် ထီပေါက်သောငွေဖြင့် အလှူဒါနများ ပြုလုပ်နေကြပါသည်။ ထီပေါက်သောငွေ၊ ဘောလုံးပွဲနိုင်သောငွေ၊ ကျွဲပွဲ၊ နွားပွဲနိုင်သောငွေ၊ ဖဲရိုက်၍ နိုင်သောငွေများသည် အလောင်းအစားအလုပ်ဖြင့် ရလာသောငွေများ ဖြစ်နေသောကြောင့် လှူဖွယ်ဝတ္ထုအနေဖြင့် ဓမ္မိယလဒ္ဓ စင်ကြယ်ခြင်း မရှိဟု ထင်ရပါသည်။ ဤကဲ့သို့ အလောင်းအစားပြုရာမှ နိုင်လာသော ငွေ (၀ါ) လှူဖွယ်ဝတ္ထုတို့ဖြင့် လှူဒါန်းနေခြင်းသည် ကုသိုလ်ထူး ရနိုင်ပါသလားဘုရား။
( ဦးမောင်ဝမ်-၇-လမ်း၊ နောက်လယ်ရပ်၊ မြိတ်မြို့ )

( ဖြေ ) အဓမ္မိယလဒ္ဓ ဟူသည်မှာ ကာယဒုစရိုက် ၀စီဒုစရိုက် အမှုများဖြင့်ရသော ပစ္စည်းမျိုးသာ ဆိုပါသည်။ အလှူဒါနပြုရာ၌ လူပုဂ္ဂိုလ်များအနေဖြင့် ရဟန်းတို့ကဲ့သို့ မိစ္ဆာဇီဝဖြင့် ရသောပစ္စည်းကို သုံးဆောင်၍ အာပတ်သင့်ခြင်းမျိုး မရှိပါ။
ထို့ကြောင့် အဓမ္မိယလဒ္ဓ ပစ္စည်းကို သုံးဆော်သော်လည်း အပြစ်မရှိပါ။ အကုသိုလ် လုပ်ဆဲခဏ၌သာ ကာယ ၀စီဆိုင်ရာ အပြစ်ဖြစ်ပါသည်။ ထိုအမှုဖြင့် ရသောပစ္စည်းကို လှူဒါန်း၍လည်း ကုသိုလ်ဖြစ်ပါသည်။

ပူတိဂတ္တ ရဟန်းလောင်း တောမုဆိုးသည် ၄င်းဖမ်းယူသတ်ဖြတ်၍ ရသည့် ငှက်သားဖြင့် ပစ္စေကဗုဒ္ဓါအား လှူ၍ အရှင်ဘုရား ရသောတရားကို ရလိုပါ၏-ဟု ဆုတောင်းသဖြင့် ဤဘုရားလက်ထက်၌ ရဟန္တာဖြစ်ရပါသည်။ အကုသိုလ်ကြောင့် ရဟန္တာဖြစ်သည့်တိုင် အရိုးကျိုးသည်အထိ အနာရောဂါ ခံစားခဲ့ရပါသည်။

ထီထိုးခြင်းစသော လောင်းကစားမှုများမှာ ကာယဒုစရိုက် ၀စီဒုစရိုက်များ မဟုတ်ကြ၊ သို့သော် ကုန်သွယ်လယ်လုပ်၍ရသော ပစ္စည်းကဲ့သို့ ဓမ္မိယလဒ္ဓ စစ်စစ်ဟုကား မဆိုနိုင်ပါ။ ဓမ္မိယလဒ္ဓ စစ်စစ်ဖြင့် ရသော ပစ္စည်းကို လိုအပ်သည်မှာ ဒိဋ္ဌဓမ္မ ဝေဒနီယကံ ဆိုင်ရာ၌သာ ဖြစ်ပါသည်။ နိရောဓ သမာပတ်မှ ထလာသော အနာဂါမ် ရဟန္တာ ပုဂ္ဂိုလ်အား ဓမ္မိယလဒ္ဓ စစ်စစ်ဖြင့် ရအပ်သော ဆွမ်း၊ ဘောဇဉ်ကို ပထမဇော စေတနာပြဋ္ဌာန်း၍ လောင်းလှူလျှင် ဤဘ၀ ၇-ရက်အတွင်း အကျိုးပေးသည်ဟု စာတွင် လာရှိပါသည်။
********************************************************************************

( မေး ) ၀ဋ်တော် ၁၂-ပါး၊ ငရဲ လား-မလား
အရှင်ဘုရား၊ ၀ဋ်မှာ အမြဲ၊ ငရဲမှာ အပ-ဟူသော စကားအရ ၀ဋ်မှာ အမြဲခံရသည်၊ ငရဲမှာ လွတ်နိုင်ခွင့်ရှိသည်ဟု သိရပါသည်။ မြတ်စွာဘုရားသည် ၀ဋ်တော် ၁၂-ပါး ခံရသေးကြောင်း ကြားရဖူးပါသည်။ ၄င်းဝဋ်တော် ၁၂-ပါးကို မခံရမီ ငရဲကျရပါသေးသလား၊
ဥပမာ-ဇောတိပါလပုဏ္ဏား ဖြစ်စဉ်က ငါ ဘုရားဖြစ်မည်ဆိုလျှင် ခြောက်လမဟုတ်၊ ခြောက်နှစ် ဒုက္ကရစရိယာ ကျင့်မည်-ဟု ကဿပမြတ်စွာဘုရားအား ၀စီဒွါရဖြင့် ဆိုခဲ့၍ ဘုရားဖြစ်မည့်ဘ၀တွင် ဒုက္ကရစရိယာ ခြောက်နှစ်ကျင့်ခဲ့ရသည်ဟု ဆိုပါသည်။ ဒုက္ကရစရိယာ ခြောက်နှစ်ကျင့်ရသောဝဋ်မတိုင်မီ ငရဲကျခဲ့ရပါသေးသလား၊ သိလိုပါသည် ဖြေကြားတော်မူပါဘုရား။
( ဦးသိန်းမောင်-တရားရေး၊ မရမ်းကုန်းမြို့နယ် )

( ဖြေ ) ဤ၀ဋ်တော် ၁၂-ပါး အကျယ် (အကြောင်းနှင့်တကွ အကျိုး) မှာ အပဒါန်အဋ္ဌကထာ ဒုတိယအုပ် (အပ-ဋ္ဌ ၂-၂၀၀) တွင် ပါရှိပါသည်။ အကျယ်မရေးသာပါ။

ထို ၁၂-ပါးတွင် ၁၀-ပါးမှာ ပြစ်မှားခဲ့သည့်ဘ၀မှ နောက်ဘ၀နှင့် ဘ၀ပေါင်းများစွာ အပါယ်ငရဲ၌ ကျရောက်ခဲ့ရပြီး ဘုရားဖြစ်သည့်ဘ၀တွင် ဖော်ပြပါဝဋ်တော်များကို ခံရကြောင်း ပါရှိသည်။ ထို့ကြောင့် ၁၁-နှင့် ၁၂ ၀ဋ်တော် ၂-ပါးမှာ အပါယ်မကျ။ ၀ဋ်တော်ခံရုံသာဖြစ်ကြောင်း ပါရှိပါသည်။
၎င်းဝဋ်တော် ၂-ပါးမှာ ရှေးသရောအခါ လက်ဝှေ့သမားဖြစ်စဉ် ပြိုင်ဖက်လက်ဝှေ့သမားအား မြေနှင့်ကိုင်ရိုက်၍ ခါးရိုးကို ချိုးခဲ့ဖူးသဖြင့် မြတ်စွာဘုရားဖြစ်သောအခါ ခါးတော်ကိုက်ခဲရခြင်းနှင့် ဆေးသမားဖြစ်စဉ် လူနာက ဆေးဖိုးဝါးခ မပေးသဖြင့် ၀မ်းလားဆေးကို တိုက်ကျွေးခဲ့၍ မြတ်စွာဘုရားဖြစ်သောအခါ ၀မ်းတော်လားရခြင်းတို့ ဖြစ်ပါသည်။
*********************************************************************************

( မေး ) ကြောက်တတ်ခြင်း
အရှင်ဘုရား၊ တပည့်တော်မ၏ မေမေသည် ဘုရားလည်း နေ့စဉ် ည-နံနက် ရှိခိုးပါသည်။ ပရိတ်တော် ဂါထာတော် တို့ကိုလည်း မပြတ်ရွတ်ဖတ်ပါသည်။ သို့သော် အလွန်ကြောက်တတ်ပါသည်ဘုရား။ ညသာမဟုတ် နေ့သော်လည်း တဦးတည်း မနေ၀ံ့ပါ။ သားသမီးတဦးဦး အနားမှာ အမြဲနေစေပါသည်။ ဤသို့ ကြောက်တတ်ခြင်းမှာ ဘာကြောင့်ဖြစ်ပါသနည်း၊ မကြောက်တတ်အောင် မည်သို့လုပ်ရပါမည်နည်း ဖြေကြားပေးတော်မူပါဘုရား။
( မိုမို-မုံရွာမြို့-စစ်ကိုင်း )

( ဖြေ )
စိတ်၏ ထိတ်လန့်ခြင်း၊ ကြောက်ရွံ့ခြင်းသည်လည်း ဒေါသတရား၊ စိတ်၏ရဲရင့်ခြင်း၊ ကြမ်းကြုတ်ခြင်းသည်လည်း ဒေါသတရားပင် ဖြစ်သည်။ ဒေါသတည်းဟူသော တရားသည် တပါးတည်းဖြစ်လျက် အဘယ့်ကြောင့် ကြောက်ခြင်း၊ ရဲ့ရင့်ခြင်းဟူသော (ဆန့်ကျင်ဘက်) ကိစ္စနှစ်ပါးကို ယူအပ်သနည်းဟူမူ-ဧကဓမ္မောပိ သမာနော အာရမ္မဏ အာဘောဂါနုရူပံ အနေကာနိ ကိစ္စာနိ သာဓေတိ-ဟူသော အဋ္ဌကထာနှင့်အညီ တခုတည်းသော တရားပင်ဖြစ်သော်လည်း အာရုံအားလျော်စွာ ကိစ္စကို ပြီးစေနိုင်သည်သာဖြစ်၏။

ဥပမာ-ပူခြင်း၊ ချမ်းခြင်း၊ အေးခြင်း၊ အစာကို ကျက်စေခြင်း ကိစ္စတို့မှာ တေဇောဓာတ်တခုတည်းသာ ဖြစ်သကဲ့သို့ မှတ်ရပါမည်။ ထိုကြောက်ခြင်းကို ကင်းပျောက်ရန်မှာ ဒေါသအားနည်းသွားအောင် မေတ္တာဘာဝနာကို အချိန်များစွာယူ၍ ပွားများရန်ပင် ဖြစ်ပါသည်။ ညအိပ်ရာဝင်တိုင်း သို့မဟုတ်-နံနက်စောစော အိပ်ရာမှထ၍ ဘုရားရှိခိုးပြီးတိုင်း အချိန်ယူ၍ သတ္တ၀ါသင်္ခါရတို့၌ မေတ္တာပွားများမှုကို အလေ့အလာပြုပါ။ ကြောက်ရွံ့ထိတ်လန့်မှုများ ပြေပျောက်၍ သွားပါလိမ့်မည်။
********************************************************************************

( မေး ) မောရသုတ်၌ နေကို ရှိခိုးခြင်း စသည်
အရှင်ဘုရား၊
၁။ မောရသုတ်တွင် ဘုရားလောင်း ဥဒေါင်းမင်းသည် နေကို ရှိခိုးပါသည်။ ထိုရှိခိုးခြင်းအလုပ်ကို တပည့်တော်တို့ လုပ်သင့်-မလုပ်သင့် နှင့် နေကိုရှိခိုး၍ ကုသိုလ်ရမည်-မရမည်ကို သိလိုပါသည်ဘုရား။
၂။ ငါးပါးသီလလုံ၍ ဘာဝနာပွားများမှု၌ နာမ်ရုပ်တို့၏ ဓာတ်သဘောများ ဖြစ်ပျက်ကိုမြင်လျှင် နောက်ဘ၀ နတ်ပြည် ဗြဟ္မာ့ပြည် ရောက်-မရောက်၊ ထို့နောက် နတ်ဘ၀ ဗြဟ္မာဘ၀ဖြင့် ပွင့်တော်မူမည့် အရိမေတ္တေယျ ဘုရားရှင်ကို မီ-မမီ သိလိုပါသည်ဘုရား။
( ဒေါ်ခင်ခင်-တောင်မြို့ရပ်၊ ကျောက်ပန်းတောင်းမြို့ )

( ဖြေ )
၁။ သပြေကန် ပရိတ်ကြီးနိဿယ၊ ယင်းအခန်း၌ ရွှေဥဒေါင်းမင်း၏ နေကိုရှိခိုးခြင်းမှာ မိစ္ဆာအယူဖြစ်သည်ဟုဆိုကာ ဤပရိတ်ကို အချို့လက်မခံလိုကြ။ နေရောင်ကြောင့် သစ်ပင်စသော သက်မဲ့ဝတ္ထုများ၊ လူ စသော သက်ရှိသတ္တ၀ါများ အသက်ရှင်ကြ၊ ကြီးပွားကြရ၏။ ထို့ကြောင့် ရွှေဥဒေါင်းမင်းသည် လောကရေးအတွက် အားကိုးတခုအနေအားဖြင့် နေကို ရှိခိုး၏။ ထို့နောက် သံသရာရေး ဓမ္မရေးအတွက် ဘုရားနှင့် တရားတော်များကို ရှိခိုးသည်။

သရဏဂုံတည်ပြီးသူသည် ရတနာသုံးပါးမှတပါး အခြားတိတ္ထိ၊ မင်းစသည်ကို ၀တ္တရားအရ ဖြစ်စေ၊ ဆရာဖြစ်သောကြောင့် ဖြစ်စေ၊ ကြောက်၍ ဖြစ်စေ ရိုးခိုးသော်လည်း သရဏဂုံမပျက်-ဟု အဋ္ဌကထာတို့၌ ဆို၏။ ထို့ကြောင့် ဘုရားရှင်များကို အားထားရှိခိုးနေသော ဥဒေါင်းမင်းမှာ လောကရေးအတွက် အားကိုးတခုပြုကာ နေမင်းကို ရှိခိုးသော်လည်း ၄င်းအတွက် သရဏဂုံပျက်၍ မိစ္ဆာအယူသက်သည်ဟု ဆိုဖွယ်မရှိ။ ဤအချက်မျှဖြင့် ဤပရိတ်အပေါ် ယုံကြည်ကိုးစားချက် မပျက်သင့်ပေ-ဟု ဆိုထား၏။ ထိုအတိုင်းပင် မှတ်ယူသင့်ပါသည်။

၂။ ငါးပါးသီလလုံခြုံလျှင်ပင် နောက်ဘ၀ နတ်ပြည်၌ ဖြစ်နိုင်ပါ၏။ ဘာဝနာပွားမှု နာမ်ရုပ်တို့၌ ဖြစ်ပျက်မြင်မှုရှိလျှင် ပို၍ပင် စိတ်ချရပါ၏။
ဗြဟ္မာ့ပြည်၌ ဖြစ်ရန်ကား သမထဘာဝနာဖြင့် ဈာန်တခုခုရရန် လိုအပ်ပါသည်။ တာဝတိံသာ-စသော နတ်ဘ၀တို့၌ တကြိမ်တခါ ရောက်ရုံမျှဖြင့် အရိမေတ္တေယျ ဘုရားရှင်ကို မမီနိုင်သေး။ နတ်ဘ၀အဆက်ဆက် ဖြစ်နေသော်မှလည်း မီရန်မလွယ်၊ အရိမေတ္တေယျဘုရား ပွင့်ရန် အသင်္ချေယျကပ် တကပ်မျှ လိုပေသေးသည်။ သို့သော် တကမ္ဘာအသက်ရှည်သော ဘုမ္မစိုး (ရုက္ခစိုး) နတ်ဖြစ်လျှင်ကား မီနိုင်စရာရှိပါသည်။ ထို့ကြောင့် တောင်ဖီလာ-စသော အချို့ကျမ်းပြုဆရာတော်ကြီးများက-

ဤကောင်းမှုကြောင့် နောက်ဘ၀တွင် ရုက္ခစိုးနတ်ဖြစ်၍ အရိမေတ္တေယျ ဘုရားရှင်ထံမှ တရားနာနိုင်ရပါလို၏-ဟု ၄င်း၊ ရုက္ခစိုးနတ်ဖြစ်၍ အရိမေတ္တေယျဘုရား ပွင့်တော်မူသောအခါ လူ့ဘ၀၌ ပြန်ဖြစ်ကာ ရဟန်းဖြစ်၍ မဂ်ဖိုလ်ရရပါလို၏-ဟူ၍၄င်း ဆုတောင်းကြပါသည်။ သမထဘာဝနာကို အားထုတ်၍ ဗြဟ္မာ့ပြည် ဗြဟ္မာ့ဘ၀၌ ဖြစ်လျှင်ကား အရိမေတ္တေယျဘုရားကို မီနိုင်၏။
*********************************************************************************

( မေး ) ဆင်းတုတော်ကို ရေသပ္ပါယ်ခြင်း
အရှင်ဘုရား၊ တပည့်တော်သည် အိမ်ရှိဘုရားစင်အား သန့်ရှင်းရေးလုပ်သည့်အခါ ဘုရားဆင်းတုတော်များကို ရေသပ္ပါယ်ခြင်း၊ နံနက်အိပ်ရာထ ဘုရားရှိခိုးသည့်အခါတိုင်း သီးသန့်အ၀တ်ဖြင့် မျက်နှာတော်သစ်ခြင်းအမှုတို့ကို နေ့တိုင်းလုပ်ပါသည်။ အမျိုးသမီးများအနေဖြင့် ဘုရားဆင်းတုတော်ကို ထိခြင်း၊ ကိုင်ခြင်းကို မပြု၊ မလုပ်ရ၊ ပြုလုပ်လျှင် အပြစ်ရောက်သည်ဟုဆိုပါသည် ဟုတ်ပါသလားဘုရား၊ အိမ်ရှိဘုရားစင်နှင့် ပတ်သက်၍ အမျိုးသမီးများ မပြုလုပ်အပ်သော အရာများရှိလျှင် ဖြေကြားပေးတော်မူပါဘုရား။
( ညိုမမ-ရန်ကုန် )

( ဖြေ )
အိမ်ရှိဘုရားစင်များ သန့်ရှင်းရေးလုပ်ခြင်း၊ သုတ်သင် ရှင်းလင်းခြင်း၊ ဘုရားပန်း၊ ရေ၊ ဆွမ်း၊ ဆီမီးလှူဒါန်းခြင်း၊ ဆင်းတုတော်ကို ရေသပ္ပါယ်ခြင်း၊ မျက်နှာသစ်တော်ရေ ပြုခြင်း၊ သုတ်ခြင်းအလုပ်များမှာ အိမ်ရှင်မအမျိုးသမီးတိုင်း လုပ်သင့်သောအလုပ်များ ဖြစ်ပါသည်။အချို့ အမျိုးသမီးများက ဤအလုပ်များသည် ငါတို့နှင့်မဆိုင်ဟူ၍ပင် မှတ်ထင်နေကြပါသည်။ အမှန်အားဖြင့် အမျိုးသား အမျိုးသမီးတိုင်း လုပ်သင့်သည်သာ ဖြစ်ပါသည်။

မြတ်စွာဘုရား ပရိနိဗ္ဗာန်စံဝင်စ အချိန်တွင် အရှင်အာနန္ဒာက အမျိုးသမီးများတိုင်းပင် အလောင်းတော်ကို ဖူးမြော်ခွင့် ရှေးဦးစွာ ပေးတော်မူရာ အမျိုးသမီးများက ခြေတော်အား ပွေ့ပိုက်၍ ရှိခိုးကြကြောင်း၊
ဘဒ္ဒါကာပိလာနီ ဘိက္ခုနီအလောင်း အမျိုးသမီးသည် ကဿပမြတ်စွာဘုရား စေတီတော်၌ ကိုယ်တိုင်ပင် တက်၍ ရွှေချ ပူဇော်ကြောင်းတို့ကို ထောက်၍ အမျိုးသမီးများ ဆင်းတုတော်၊ ရုပ်ပွားတော်၊ စေတီတော်တို့ကို ရေသပ္ပါယ်ခြင်း၊ ပွတ်သပ်သုတ်သင်ခြင်း ပြုနိုင်ကြောင်း ထင်ရှားပါသည်။

တောရွာဒေသများတွင် သင်္ကြန်အခါ၌ ကျောင်းရှိ ရုပ်ပွားတော် ( ကျောက်ဆင်းတု၊ ကြေးဆင်းတု ) များကို အမျိုးသမီးကြီးငယ်တို့ ရေသပ္ပါယ်လေ့ရှိပါသည်။ ထို့ကြောင့် အိမ်ရှိဘုရားစင်နှင့်စပ်၍ အမျိုးသမီးတို့ မလုပ်သင့်-မဆောင်ရွက်သင့်သော အရာဟူ၍ မရှိ၊ မလုပ်လျှင်သာ အပြစ်ရှိသည်ဟု ဆိုထိုက်ပါသည်။
*********************************************************************************

( မေး ) နိဗ္ဗာန်
အရှင်ဘုရား၊
၁။ နိဗ္ဗာန်ဆိုသည်မှာ ဘုံသီးခြားတခု ဖြစ်ပါသလား။
၂။ ဘုံသီးခြားမဟုတ်ပါက မည်သည့်အနေအထားဖြင့် နိဗ္ဗာန်ရှိနေပါသနည်း။
၃။ နိဗ္ဗာန်တွင် ဒုက္ခချုပ်ငြိမ်းပြီးဖြစ်၍ သုခကို မည်ကဲ့သို့ ခံစားပါသနည်း။
၎။ နိဗ္ဗာန်ရောက်ပြီးနောက် သိမှုသဘော ရှိပါသေးသလား။
၅။ နိဗ္ဗာန်ဆိုသည်မှာ ဘုံသီးခြားလည်း မဟုတ်၊ ခံစားမှုလည်း မရှိ၊ သိမှုလည်း မရှိခဲ့ပါက နိဗ္ဗာန်ကို တပည့်တော်တို့အနေဖြင့် မည်ကဲ့သို့ နားလည်ထားသင့်ပါသလဲဘုရား။
( ဦးမြင့်အောင်-သင်္ဘောအင်ဂျင်နီယာ )

( ဖြေ )
၁။ နိဗ္ဗာန်ဟူသည် ဘုံဘ၀လောကမှ လွန်မြောက်နေသောတရား ဖြစ်သဖြင့် ဘုံသီးခြားတခုဟု မဆိုင်နိုင်ပါ။
၂။ ရုပ်တရား နာမ်တရားတို့ ချုပ်ငြိမ်းနေသဖြင့် အငြိမ်းဓာတ် တရားတခုသာ ဖြစ်ပါသည်။
၃။ ပဋိသန္ဓေနေမှု၊ အိုမှု၊ နာမှု၊ သေမှု ဒုက္ခတို့မှ ကင်းငြိမ်းနေသဖြင့် ဒုက္ခဟူ၍ မြူမျှမရှိ၊ အေးချမ်းသော သန္တိသုခသာ ရှိသည်။ ခံစားအပ်သော ဝေဒယိတသဘော ကင်းသဖြင့် ခံစားခြင်း လုံးဝမရှိတော့ပါ။
၎။ ရုပ်ရော နာမ်ပါ မရှိ၍ သိမှု နာမ်သဘောလည်း မရှိတော့ဟု ဆိုရပါမည်။
၅။ ထို့ကြောင့် နိဗ္ဗာန်ဟူသည် ရုပ်နာမ်ခန္ဓာ ကင်းသဖြင့် ရုပ်နာမ်ခန္ဓာနှင့်စပ်သော ဒုက္ခဟူ၍ လုံးဝမရှိ။ သန္တိ-အေးငြိမ်းသောတရားဟူ၍သာ နားလည်ထားသင့်ပါသည်။
( ရုပ်နာမ်၏ ဒုက္ခတို့ကို ထာဝရတစပ်တည်း မြင်နေသော ဘုရား ရဟန္တာတို့သာ နိဗ္ဗာန်ကို တိတိကျကျ သိရှိနိုင်၍ ပုထုဇဉ်တို့အနေဖြင့် အနုမာနအားဖြင့်သာ မြင်သိနိုင်ပါသည်။ အနာရောဂါရှိနေသောသူသည် အနာရောဂါဆိုင်ရာဒုက္ခကို သိမြင်သဖြင့် အနာရောဂါကင်းငြိမ်းနေသော သုခကို အနုမာန မှန်းဆသိမြင်နိုင်သကဲ့သို့ ဖြစ်ပါသည်။ ထိုထက်ပို၍ သိနိုင်စွမ်း မရှိပါ။

( မြတ်မင်္ဂလာ ၁၉၉၉-ခု မေလ )

No comments: