Sunday, August 30, 2009

သားသားမီးမီးတို့ အိပ်ချိန်

မိဘအများစုဟာ အိမ်မှာ ကိုယ့်သားသမီးရဲ့ လှုပ်ရှားသွားလာမှု၊ စားမှု သောက်မှု ချွတ်ယွင်းချက်တစုံတခု ရှိနေရင်ပဲဖြစ်ဖြစ်၊ ကျောင်းမှာ စာမလိုက်နိုင်တာ၊ တခြားကလေးတွေလို သွက်သွက်လက်လက်၊ ထက်ထက်မြက်မြက် မရှိဘဲ စဉ်းစားပုံ စဉ်းစားနည်းကအစ သာမန်ကလေးတယောက်ထက် လျော့ကျလေးကန် ထိုင်းမှိုင်းနေတာမျိုးတွေ တွေ့ရင် သားသမီးရဲ့ အိပ်စက်အနားယူချိန်နဲ့ ပုံသဏ္ဌာန်စနစ်အပေါ်မှာ မူတည်စဉ်းစားတာတွေဟာ လိုအပ်ချက်တွေရှိနေတာ သိရပါမယ်။ ကျောင်းမှာ အိမ်မှာ တနေကုန် ကစားခုန်စား လှုပ်ရှားသွာလာ ပြုလုပ်ထားတဲ့ကလေးတယောက်ဟာ တနေ့တာ ကုန်ခန်းသွားတဲ့ သူ့ရဲ့အားအင်တွေ၊ စွမ်းရည်တွေကို ပြန်လည်ဖြည့်တင်းဖို့အတွက် အနှောင့်အယှက်ကင်းကင်းနဲ့ ပြည့်ပြည့်၀၀ အနားယူအိပ်စက်ဖို့ လိုအပ်လှပါတယ်။ ဒီလိုအနားယူခြင်းဟာ သားသမီးတို့ ဘ၀တလျှောက် တိုးတက်ဖွင့်ဖြိုးဖို့အတွက် ထိရောက်မှုရှိလှတဲ့ လိုအပ်ချက်တခုပါပဲ။ ပတ်ဝန်းကျင်မှာ ရှိနေတဲ့ အရေအတွက်ရဲ့ သုံးပုံတပုံပမာဏရှိတဲ့ ကလေးများဟာ ဒီလိုအိပ်စက်ခြင်း၊ ပြဿနာတွေကြောင့် ကျောင်းမှာရော တခြားနေရာတွေမှာပါ ချို့ယွင်းမှုတွေ အရည်အသွေးမပြည့်မီမှုတွေ ဖြစ်တတ်ပါတယ်။

ကလေးများ အိပ်ရေးမ၀ခြင်းအကြောင်းမှာ အမျိုးမျိုးရှိတတ်ပါတယ်။ တခါတလေ ကလေးရဲ့ ပင်ကိုစရိုက်ဖြစ်သလို မိဘမျိုးရိုးကြောင့်လည်း ဖြစ်နိုင်ပါတယ်။ ပြီးတော့ ရုပ်ပိုင်းဆိုင်ရာ ပြဿနာရှိနေတာမျိုး (ဥပမာ-ဟောက်ခြင်းဟာလည်း အိပ်စက်ခြင်းကို အနှောင့်အယှက် ဖြစ်စေတတ်ပါတယ်) စိတ်ပိုင်းဆိုင်ရာ ပြဿနာအနေနှင့် စိတ်တို စိတ်ဆတ်ခြင်း ဒေါသကြီး စိတ်ကောက်တတ်ခြင်းတွေဟာလည်း အိပ်စက်တဲ့အချိန်နဲ့ နှစ်နှစ်ခြိုက်ခြိုက် အိပ်ပျော်ခြင်းကို ထိခိုက်စေပါတယ်။ နောက်တချက်က အိပ်ရေးမ၀တဲ့ ကလေးဟာ ပတ်ဝန်းကျင်ကို အနှောက်အယှက်အမျိုးမျိုး ပေးပြီး ပြဿနာရှာတတ်တဲ့ ကလေးတယောက် ဖြစ်လာနိုင်လို့ပါပဲ။

ကလေးတယောက်ရဲ့ အိပ်ချိန် ဘယ်လောက်လိုအပ်သလဲဆိုတာကတော့ ကာယကံရှင်အပေါ်မှာ အတိအကျ မူတည်နေပါတယ်။ ယေဘုယျအားဖြင့်ကတော့ မူကြိုအရွယ်မှာ အိပ်ချိန် ၁၁/၁၂ နာရီ လောက် ရှိရပါမယ်။ မူလတန်းအရွယ်ဆိုရင်တော့ အိပ်ချိန် ၁၀ နာရီ ဖြစ်ပြီး ၁၀-နှစ်ကနေ ၁၆-နှစ်အတွင်းကတော့ အိပ်စက်ချိန် ၉-နာရီနဲ့ ၉-၃၀ နာရီ အိပ်စက်ပေးရပါမယ်။

အစားအသောက် စားတဲ့အပေါ်မှာ မူတည်ပြီးတော့လည်း အိပ်စက်ချိန်ကို ထိခိုက်နိုင်ပါတယ်။ ကလေးဟာ အိပ်ရာမ၀င်ခင်မှာ ရေအများကြီးသောက်ထားခဲ့ရင် အိမ်သာကိုမကြာခဏ ထသွားရတဲ့အတွက် အိပ်ရေးပျက်ပါလိမ့်မယ်။ ရင်ခွင်ပိုက်ကလေးတွေကို ညနေပိုင်းမှာ (၂)ကြိမ်အထိပဲ ရေတိုက်သင့်ပါတယ်။ ၅-၆လ အရွယ်ဆိုရင် ညဘက်မှာ ရေ (သို့မဟုတ်) အရည်ကို ၈-အောင်စထက် ပိုမတိုက်သင့်ပါဘူး။ ကဖင်းဓာတ်ပါတဲ့ အရည် (ဥပမာ-ကာဖီ) တွေဟာ ကလေးရဲ့အိပ်စက်ခြင်းအတွက် အနှောင့်အယှက် ကြီးမားလှပါတယ်။ ကဖင်းပါတဲ့ အစားအသောက်တွေ ကန့်သတ်လျှော့ချသင့်ပါတယ်။ လုံးဝရှောင်နိုင်ရင်တော့ အကောင်းဆုံးပါပဲ၊ ကဖင်းဟာ ခန္ဓာကိုယ်တွင်းမှာ ၁၂-နာရီကြာတဲ့အထိ မကျေပျက်ပါဘူး။ တကယ်လို့များ မဖြစ်မနေ ကလေးကိုတိုက်ရ၊ ကျွေးရတော့မယ်ဆိုရင် (ဥပမာ-မွေးနေ့ပွဲ) အိပ်ချိန်နဲ့ ၈-နာရီလောက်ခြားပြီး တိုက်ကျွေးသင့်ပါတယ်။

အသက်ရှူလမ်းကြောင်းနဲ့ ပတ်သက်တဲ့ ပြဿနာတွေရှိရင်တော့ ကလေးဟာ အိပ်နေရင်း ဟောက်ပါလိမ့်မယ်။ တချို့ကလေးတွေဟာ ပုံမှန်ဟောက်တတ်ပေမယ့် တချို့ကျ တခါတရံမှ ဟောက်ပါတယ်။ ဒီလိုဖြစ်ရင်တော့ ကလေးရဲ့ အိပ်စက်တဲ့ပုံသဏ္ဌာန်ကို ပြင်ဆင်ပေးပါ။ ကလေးဟောက်တာကို တိတိကျကျ မှတ်သားထားပြီး ဆရာဝန်နဲ့ တိုင်ပင်ရမှာပါ။

ကလေးရဲ့ အိပ်ချိန်ကို တိတိကျကျသတ်မှတ်ပြီး အကျင့်လုပ်ပေးထားပါ။ မူလတန်းကအစ ကျောင်းနေအရွယ် သားသမီးအတွက် ည-အိပ်ရာမ၀င်ခင် နာရီဝက်ခန့်အလိုမှာ တိတ်တိတ်ဆိတ်ဆိတ် ငြိမ်ငြိမ်ဆိမ်ဆိမ်ကလေး နေခွင့်ပေးထားပါ။ ကလေးရဲ့အခန်းထဲမှာ တီဗီ၊ ဗီဒီယိုတွေ မထားပါနဲ့။ အဲဒီအချိန်လေးမှာ ကလေးနဲ့အတူ သူ-အိပ်ပျော်သွားတဲ့အထိ နေပေးပါ။ အချိန်တော့ တိတိကျကျ သေသေချာချာလေး သတ်မှတ်ပေးထားပါ။ အနည်းဆုံး ၁၀-မိနစ်ကနေ မိနစ် ၃၀-အထိပေါ့။

ကလေး အိပ်ရေး ၀,မ၀ ခန့်မှန်းလို့ရပါတယ်။ နေ့လယ်နေ့ခင်း အိပ်ငိုက်ရင်၊ မျက်လုံးကို ပွတ်သပ်ပြီး တ၀ါးဝါးသမ်းနေရင် ၊ လေးလံထိုင်းမှိုင်းနေရင် အိပ်ရေးမ၀လို့ပါပဲ။ ကလေးရဲ့ အိပ်ချိန်အပေါ်မှာ မှန်မှန်ကန်ကန် တွေးခေါ်စဉ်းစား ဆုံးဖြတ်ချက်ချနိုင်ဖို့ကတော့ မိဘတွေအနေနှင့်လည်း ကိုယ်ခန္ဓာအနားယူချိန် မရှိရင်တောင် စိတ်အနားယူချိန် ပြည့်ပြည့်၀၀ ရှိနေသင့်ပါတယ်။ ဒါမှလည်း မီးမီးလေးရဲ့ အိပ်ချိန်ကို စောင့်ကြည့်နိုင်မှာ မဟုတ်လား။

( ခင်ခင်သင်း )

No comments: