Saturday, September 5, 2009

ဘာသာရေး ပြဿနာ ( ၈၂ )

( ဘဒ္ဒန္တ တိလောကသာရ ဖြေသည် )

( မေး ) ( ဆုကြီးပန်အဖြစ်မှ )
အရှင်ဘုရား၊ တပည့်တော်မသည် ဗုဒ္ဓစာပေများကို ဖတ်ရှု၍ ငယ်စဉ်ကပင် ထူးမြတ်သောဆုကြီးကို ပန်ဆိုခဲ့ပါသည်။ အလှူဒါနပြုတိုင်းပင် ပန်ဆိုလာခဲ့ရာ ၁၇-နှစ်သမီးမှ ယခု အသက် ၆၀-ရှိခဲ့ပါပြီ၊ သို့သော် ယခု တပည့်တော်မသည် သံသရာကို ကြောက်လွန်းလှသဖြင့် ၀ိပဿနရာတရားကို အားထုတ်လျက်ရှိပါသည်။ အမြန်ဆုံး ကျွတ်တမ်းဝင်လိုပါသဖြင့် ပန်ဆိုထားသောဆုကြီးကို စွန့်လွတ်လိုက်ပါပြီ၊ ဆုကြီးပန်ပြီး ထိုသို့စွန့်လွတ်လိုက်သဖြင့် ပြုခဲ့သော ကုသိုလ်များသည် အဟောသိကံ ဖြစ်သွားမည်လားဟု သိလိုပါသည်။ သနားသောအားဖြင့် ဖြေကြားရှင်းလင်းပေးတော်မူပါဘုရား။
( ဒေါ်သန်းအေး-ပုသိမ် )

( ဖြေ ) သီဟိုဠ်ကျွန်း (သီရိလင်္ကာ) ၌ မထေရ်ကြီးတပါးသည် အရိမေတ္တေယျမြတ်စွာဘုရားကို ဖူးမြင်၍ နိဗ္ဗာန်ဝင်လိုသဖြင့် တရားအားထုတ်ရာ မဂ်ဖိုလ်ရသည်အထိ အားမထုတ်ဘဲ မဂ်ဖိုလ်ရလုနီးအထိသာ အားထုတ်သည်။ နှစ်ပေါင်း ခြောက်ဆယ် အားထုတ်၍ အလွန်သီလသိက္ခာနှင့်ပြည့်စုံသဖြင့် ရဟန္တာဟု ထင်မှတ်ခဲ့ပါသည်။ ပျံလွန်ခါနီးတွင် ပြည့်ရှင်မင်းတရားကြီးက ရဟန္တာမြတ်ကြီးအား ပရိနိဗ္ဗာန်မစံမီ ဖူးမြော်အံ့ဟု လာရောက်သည်။ ထိုအခါ မထေရ်ကြီး၏ တပည့်များက မထေရ်ကြီးကိုလျှောက်ထားသည်။ မထေရ်ကြီးက ငါသည် ရဟန္တာမဟုတ်။ အရိမေတ္တေယျဘုရားရှင်ကို ဖူးမြင်ပြီးမှ နိဗ္ဗာန်ဝင်အံ့ဟု ဆုပန်ကျင့်သုံးခဲ့သဖြင့် ယခု ပုထုဇဉ်သာ ရှိသေးသည်ဟု ပြောသည်။

ဘုရင်ကြီးက ရဟန္တာဟုထင်နေရာ ယခု ရဟန္တာမဟုတ်ဟု ဆိုပါက အရှက်ကွဲတော့မှာပဲ-ဟု လျှောက်ထားကြသည်။ ထိုအခါ မထေရ်ကြီးက ကဲ-ဒါဖြင့် ငါ့ကို အိပ်ရာမှ ထူပေးကြ-ဟု ဆိုသဖြင့် တပည့်များက ထူပေးပြီး အပြင်သို့ ထွက်သွားကြသည်။ နှစ်ပေါင်းများစွာ အားထုတ်လာခဲ့သော ဘာဝနာအစွမ်းကြောင့် ခဏချင်းပင် ရဟန္တာဖြစ်သွားသည်။

အပြင်ထွက်သွားသော တပည့်များ တံခါးဝရောက်ချိ်န်မှာပင် လက်ဖျစ်တီး ခေါ်လိုက်ပြီး ကိစ္စပြီးပြီဟု မိန့်တော်မူသည်။ ထိုအခါ တပည့်များက မြန်လှချည်လားဘုရား-ဟုဆိုလျှင် နှစ်ပေါင်း ခြောက်ဆယ်ကျော် သတိကင်းလွတ်၍ လက်ကိုမျှပင် မလှုပ်ဖူးပေ။ ဤမျှလောက် ကျင့်သုံးခဲ့သဖြင့် လိုအပ်ချိန်တွင် တရားထူးကို ရနိုင်တော့သည်-ဟု မိန့်တော်မူပါသည်။

ဤမထေရ်ကြီးဝတ္ထုကို ထောက်ဆ၍ ဆုကြီးကိုစွန့်ကာ လိုအပ်သလို အားထုတ်နိုင်သည်။ နှစ်ပေါင်းများစွာ အားထုတ်ထားသည့် တရားအရှိန်များသည်လည်း မိမိအလိုအတိုင်း အကျိုးပြုနိုင်သည်။ ထို့ကြောင့် အဟောသိကံ မဖြစ်နိုင်ပါကြောင်း ဖြေကြားအပ်ပါသည်။
********************************************************************************

( မေး ) ( ဉ နှင့် ဧဟိ )
အရှင်ဘုရား၊ တပည့်တော် ရိုသေစွာ လျှောက်ထားပန်ကြားအပ်ပါသည်ဘုရား။
(၁) အက္ခရာ ဥ နှင့် ဉ မြီးတိုကို မည်ကဲ့သို့ ခွဲခြား သိရှိရပါမည်နည်းဘုရား။ ပုံစံ-ဧသာ ဉတ္တိ-တွင် ဧသာ အုတ္တိ-ဟု ဖတ်ရမည်လား၊ ဧသာ ညတ္တိ-ဟု ဖတ်ရမည်လား ကွဲပြားအောင် မည်သို့ ရေးသင့်ပါသနည်း။
(၂) ဧဟိ-ပါသော ဂါထာများကို ညဘက်များမှာ ရွတ်ဖတ်က မကောင်းဆိုးဝါးများ လာတတ်သည်ဟု ဆိုပါသည်။ ဟုတ်ပါသလား။ ပုံစံ-ဧဟိ မိတ္တံ ဧဟိ ပုညံ၊ ယထာ ယာစိ ကတံ ဖလံ၊ ဧဟိ နန္ဒာ ပိယာ ပုတ္တာ၊ ပိယာ သိရိ ပိယာ ပိယာ။
( ဦးမြမောင်-စံပြရပ်ကွက် ကျောက်ပန်းတောင်း )

( ဖြေ )
(၁) အက္ခရာ ဥ နှင့် ဉ မြီးတိုခေါ် ဦးခေါင်းမဲ့ ပါဠိ ဥ မှာ မူအားဖြင့် ကွဲပါသည်။ ဥ -က အမြီးတို၍ ဉ-ကအမြီးရှည်ပါသည်။
စ ဆ ဇ ဈ ဉ -မှ ပါဠိအက္ခရာ ဉ-မှာ ဦးခေါင်းမရှိ အမြီးအနည်းငယ် ရှည်ထားရသည်။
သို့သော် မြန်မာမင်းလက်ထက်က ဦးခေါင်းမဲ့ ဉ-ကို မင်္ဂလာမရှိဟု ယူဆကြသည်။ ထို့ကြောင့် ၄င်းရေးရမည့်နေရာတွင် ည-ဦးခေါင်းရှိ သံယုတ် (နှစ်လုံးတွဲ) ကို အစားထိုး ရေးခဲ့ကြသည်။ ထို့ကြောင့် ဦးခေါင်းမဲ့ ဉ -အရေးပျောက်ကာ မြန်မာ ဉ-စာလုံးပင် မသုံးသလောက်ဖြစ်သွားပြီး ပုံနှိပ်စာလုံးပင် ရှားပါးသွားပါသည်။ ညမှာ သံယုတ် (နှစ်လုံးတွဲ) ဖြစ်၍ ပညာ-(ပဉ်ဉာ) သညာ-(သဉ်ဉာ) စသည်တို့တွင်သာ သုံးရပါသည်။
ပဉ္စမ, သဉ္ဇာ, သိဉ္ဇီဝ, မဉ္ဇူ စသည်တို့၌ ဦးခေါင်းမဲ့ ပါဠိ ဉ ကို သုံးရပါသည်။ ထို့ကြောင့် ဧသာ ဉတ္တိ၊ ဉာဏ်၊ ဉေယျဓမ် စသည်၌ ပါဠိ ဉ စစ်စစ်ကို တွေ့နိုင်ပါသည်။

( ၂ ) အောက်လမ်းဆိုင်ရာ ပုဂ္ဂိုလ်တို့ သူရဲ တစ္ဆေကျွေးရာ၌ ဧဟိ ဧဟိ ဘုဉ္ဇာဟိ-ဟု ခေါ်၍ ကျွေးလေ့ရှိသဖြင့် ဧဟိ-ပါလျှင် မကောင်းဆိုးဝါးများ လာသည်ဟု စွဲနေကြခြင်းသာ ဖြစ်ဟန်ရှိပါသည်။ ဖော်ပြပါ ဧဟိ မိတ္တံ ဂါထာသာမဟုတ်သေး ဧဟိ ဘိက္ခု သွာက္ခာတော ဓမ္မော စသော မြတ်စွာဘုရားက ရဟန်းတို့အား ဧဟိ ဘိက္ခု ခေါ်သော ပါဠိတို့၌ ဧဟိ ပါသော်လည်း မည်သည့်အချိန်မှာ ရွတ်ရွတ် မကောင်းဆိုးဝါးများ လာလိမ့်မည်မဟုတ်ပါ။
********************************************************************************

( မေး ) ( ဥဒ္ဒိဿ စေတီ )
အရှင်ဘုရား၊ ဥဒ္ဒိဿစေတီတော်သည် မြတ်စွာဘုရား ကိုယ်တော်တိုင် လူတို့ကိုးကွယ်ရန် ဟောကြားခဲ့ပါသလား၊ သို့တည်းမဟုတ်-နောင်ကာလ ဆရာတော်များက ဟောကြားခဲ့တာပါလားဘုရား တိကျစွာ သိလိုပါသည်ဘုရား။
( မနှင်းအေး-ရန်ကုန် )

( ဖြေ ) မြတ်စွာဘုရား လက်ထက်က အရှင်အာနန္ဒာလျှောက်ထားသဖြင့် စေတီသည် သုံးပါးဖြစ်ကြောင်း သာရီရိကံ, ဥဒ္ဒိဿကံ, ပါရိဘောဂိကန္တိ-ဟု ဟောခဲ့ကြောင်း ကာလိင်္ဂဗောဓိဇာတ် အဋ္ဌကထာတွင် ဆို၏။ ယင်း၌ပင် ဥဒ္ဒိဿကံ အ၀တ္ထုကံ မမာယန မတ္တမေ၀ ဟောတိ-ဟု ဥဒ္ဒိဿ စေတီဟူသည် အထည်ဝတ္ထု မရှိ။ မြတ်နိုးရုံမျှသာ ဖြစ်၏ဟု မိန့်တော်မူ၏။ ဤစကားဖြင့် ဘုရားရှင် ထင်ရှားရှိတုန်းပင် ဥဒ္ဒိဿလည်းရသည်။ သို့သော် ဥဒ္ဒိဿက ဓာတုစေတီ၊ ပရိဘောဂ စေတီတို့လို အထည်ဝတ္ထု မရှိ၊ ရည်မှန်းရုံ မြတ်နိုးရုံမျှသာဟု ပြတော်မူ၏။

ထို့ကြောင့် ဗုဒ္ဓဂုဏ်တော်တို့ကို အောက်မေ့၍ မိမိစိတ်ထဲ နှလုံးထဲ၌ ဘုရားပုံတော် ပေါ်လာအောင် အာရုံပြုရှိခိုးခြင်းပင် ဥဒ္ဒိဿစေတီကို ရှိခိုးပူဇော်ခြင်း ဖြစ်တော့သည်။ နောင် သာသနာငါးရာခန့်တွင် ယောနကမည်သော ဂရိတ်လူမျိုးတို့နောက် ကုသျှန်သျှက ခေါ်သော အေရှားအလယ်ပိုင်းသားတို့ အိန္ဒိယပြည်ကြီးကို ခွဲခြားအုပ်စိုးကာ ဗုဒ္ဓဘာသာကို သက်ဝင်ယုံကြည်လာကြ၏။ ထိုအခါ မိမိတို့ကိုးကွယ်ရင်း နေနတ်သား၏ ရုပ်တု၊ သူရဲကောင်း ရုပ်တုများ ထုလုပ်ကြသကဲ့သို့ ဘုရားပုံတော်များကို (လက္ခဏသုတ်လာ အပြင်လက္ခဏာများကို မူထား၍) ထုလုပ်ကြကြောင်း အဆိုရှိလေသည်။
********************************************************************************

( မေး) ( မြတ်စွာဘုရားတို့ သက်တမ်းနှင့် အသင်္ချေအကြောင်း )
အရှင်ဘုရား၊ မြတ်စွာဘုရားတို့၏ သက်တမ်းသည် အမြဲတမ်း တသိန်းတန်းတွင် ပွင့်ကြပါသည်။ နောင်ပွင့်မည့် အရိမေတ္တေယျ မြတ်စွာဘုရားသည် တသိန်းတန်းတွင် ပွင့်မည်ဟုသိရပါသည်။ ဂေါတမ မြတ်စွာဘုရား တဆူတည်းသာ အသက်တရာတမ်းမှာ ပွင့်တာ ဘာကြောင့်ပါလဲဆိုတာ သိလိုပါသည်ဘုရား။ ထို့ပြင် လေးသင်္ချေနှင့် ကမ္ဘာတသိန်း စသော အရေအတွက်များကို ယခုခေတ် ကွန်ပျူတာစနစ်နှင့် အတိအကျ တွက်ချက်၍ ရနိုင်-မရနိုင် သိလိုပါသည်ဘုရား။
( ဘွားဘွား-ကြည့်မြင်တိုင် )

( ဖြေ )
ပထမ ကကုသန်မြတ်စွာဘုရားသည် လေးသောင်းတမ်းတွင် ပွင့်တော်မူသည်။
ကောဏာဂုံ မြတ်စွာဘုရားသည် သုံးသောင်းတမ်းတွင် ပွင့်တော်မူသည်။
ကဿပ မြတ်စွာဘုရားသည် နှစ်သောင်းတမ်းတွင် ပွင့်တော်မူသည်။
ဂေါတမ မြတ်စွာဘုရားသည် အစဉ်အတိုင်းဆိုက တသောင်းတမ်းတွင် ပွင့်ရမည် ဖြစ်သည်။ သို့သော်လည်း လူတို့အနှစ်တသောင်းတမ်း အခါ၌ ဂေါတမမြတ်စွာဘုရား အလောင်းတော်မှာ ပါရမီပြည့်ရန် လိုသေး၍ မပွင့်နိုင်ဘဲ ရှိခဲ့သည်။ ထို့နောက် နှစ်တရာတမ်းကျမှ ပွင့်တော်မူသည်ဟု ဆိုပါသည်။
နောင်ပွင့်မည့် အရိမေတ္တေယျ ဘုရားရှင်မှာ အနှစ်ရှစ်သောင်းတမ်းတွင် ပွင့်ပါမည်။

မြတ်စွာဘုရားတို့သည် အာယုဝေမတ္တ (အသက်အယူအဆ) ရှိသဖြင့် သက်တမ်းမတူကြပါ။
လေးသင်္ချေနှင့် ကမ္ဘာတသိန်း စသည်မှာ မြတ်စွာဘုရားတို့၏ သဗ္ဗညုတဉာဏ် အရာသာ ဖြစ်ပါသည်။ အရှင်သာရိပုတ္တရာ စသည်တို့ပင် တသင်္ချေမျှသာ မြင်နိုင်ပြီး အရှင်အနုရုဒ္ဓါစသော သာဝကတို့ပင် ကမ္ဘာတသိန်းသာ မြင်နိုင်သည်။ ထို့ကြောင့် အသင်္ချေဆိုသည်ကို မည်သည့်ကွန်ပျူတာနှင့်မျှ တွက်ချက်၍ ရနိုင်ဖွယ် မရှိပါ။
********************************************************************************

( မေး ) ( အရူပဗြဟ္မာ နှင့် အသညသတ်ဗြဟ္မာ )
အရှင်ဘုရား၊ အရူပဗြဟ္မာဘုံ-ရုပ်မရှိ နာမ်သာရှိသောဘုံ-ဟု ဆိုရာတွင် နာမ်က မည်သည်ကို မှီတွယ်၍ နေပါသနည်း။ ဘုံသားအချင်းချင်း မည်သို့ဆက်သွယ်နိုင်ပါမည်နည်း၊ ၄င်းဘုံသားတို့ ကြီးထွားမှု ရှင်သန်မှုအတွက် မည်ကဲ့သို့သော အာဟာရများကို မှီတင်းနေထိုင်ပါသနည်း။

အသညသတ်ဘုံ-နာမ်မရှိ ရုပ်သာရှိသောဘုံ၊ ၄င်းဘုံသားတို့သည် ကျောက်တုံး ကျောက်ခဲများပမာ ရှိနေကြမည်ထင်ပါသည်။ ၄င်းတို့အချင်းချင်း ဆက်သွယ်ရာတွင် မည်ကဲ့သို့ ဆက်သွယ်ကြပါသနည်း။ ရှင်သန်ကြီးထွားမှုအတွက် မည်သို့နေထိုင်၍ မည်သည့်အစာအာဟာရကို မှီတင်းသုံးစွဲနေထိုင်ကြပါသနည်း။
တပည့်တော်များသိလို၍ ဖြေကြားပေးပါရန် မေးမြန်းအပ်ပါသည်ဘုရား။
( ဦးကြည်-လှိုင်သာယာ )

( ဖြေ )
ဈာန်တရားကို အားထုတ်ကြရာ၌ ရူပပဉ္စမဈာန်ကို ရပြီးသည့်နောက် ရုပ်ကြောင့် ဆင်းရဲဒုက္ခကို ခံစားရသည်ဟု ရုပ်ကိုအပြစ်မြင်၍ ဆက်လက်အားထုတ်ကြ၏။ ထိုအခါ အရူပဈာန်များကို ရရှိပြီး ဤဘ၀မှလွန်လျှင် ရုပ်မရှိ၊ နာမ်ချည်းသက်သက်ဖြစ်သော အရူပဘုံများသို့ ရောက်ရသည်။ ၄င်းဘုံများ (အရူပလေးဘုံ) ၌ အတ္တသန္တာန်၌ဖြစ်သော အဇ္ဈတ္တရုပ်လည်း မရှိ၊ ဗိမာန်ဥယျာဉ် ရေကန် စသော ဗဟိဒ္ဓရုပ်လည်း မရှိ၊ သို့သော် မြင့်မြတ်သော ဈာန်အားလျော်စွာ နာမ်တရားချည်းသက်သက် ကောင်းကင်(အာကာသ ဟင်းလင်းပြင်) ၌ သက်တမ်းအားလျော်စွာ တည်ရှိသည်။

ထို့အတူ ရူပပဉ္စမဈာန်အရတွင် နာမ်တရားကြောင့်ဆင်းရဲဒုက္ခ ခံစားရသည်ဟု နာမ်တရားကို အပြစ်မြင်၍ ဆက်လက်ပွားများ၏။ ထိုသို့ ပွားများပြီး ဤဘ၀မှလွန်လျှင် ရုပ် ၂၈-ပါးတွင် ၁၇-ပါးသော ရုပ် (လဟုတာဒိတ္တယ၊ အာကာသဓာတ်၊ အ၀ိနိဗ္ဘောဂရုပ် ၈-ခု၊ ဇီဝိတိနြေ္ဒ၊ လက္ခဏရုပ် ၄-ခု) ကလာပ် ၃-စည်း၊ (သုဒ္ဓဋ္ဌကကလာပ်၊ ဇီဝိန၀ကကလာပ်၊ လဟုတာဒေကာဒသကကလာပ်)တို့ဖြင့် အသညသတ် (နာမ်မရှိသော) ဘုံ၌ လူ့ပြည်ကကွယ်လွန်စဉ်က ဣရိယာပုထ်အတိုင်း (တုံးလုံးသေခဲ့လျှင် တုံးလုံး၊ ထိုင်လျှက်သေခဲ့လျှင် ထိုင်လျှက်) ကမ္ဘာငါးရာသက်တမ်းရှိသမျှ ရွှေတုံး ရွှေခဲကြီးပမာ မပုပ်မသိုး တည်လေသည်။

၎င်း အရူပဘုံ အသညသတ်ဘုံ တို့၌ နာမ်ချည်း၊ ရုပ်ချည်းသာဖြစ်ရာ ဘုံသားအချင်းချင်း ဆက်သွယ်ခြင်း၊ ကြီးထွားရှင်သန်ခြင်း၊ အစာစားခြင်း၊ စသည် ရှိဖွယ်မလိုတော့ပါ။ မိမိတို့ ဘာဝနာအားလျော်စွာ ပဋိသန္ဓေကာလမှ စုတိကာလအထိ နာမ်ချည်း၊ ရုပ်ချည်း တည်နေရပါသည်။ အဘိဓမ္မာ (သင်္ဂြိုဟ်) ဘုံပိုင်း၊ ရုပ်ပိုင်းတို့ကို လေ့လာ၍ အကျယ်သိသင့်ပါသည်။ ဤ၌ အမြွက်မျှသာ ပြဆိုနိုင်ပါသည်။
********************************************************************************

( မေး ) ( အာပတ် နှင့် အကုသိုလ် )
အရှင်ဘုရား၊
တိရစ္ဆာန် ပါဏာတိကြောင့်၊ ပါစိတ် အာပတ်ပေ။
ဒေသနာကြားကာဖြင့်၊ ပျောက်လွင့်မသွေ။
အကုသိုလ်အကျိုးတွေ၊ ပျောက်လေလိမ့်ဖြေဆေး။
ဝိနည်းတော် မိန့်တော်ရင်းကို၊ ရှင်းဖြေပါ့လေး။
( ဘိုးဉာဏ-မန်း )

( ဖြေ )
တိရစ္ဆာန် ပါဏာတိကြောင့်၊ အာပတ္တိ ပါစိတ်ပေ။
ဒေသနာကြားကာဖြင့်၊ ပျောက်လွင့်မသွေ။
အကုသိုလ်နှင့် အာပတ်တွေ၊ နှစ်ထွေလုံးပျောက်သွား။
ဒိဋ္ဌဓမ္မာနှင့် ဥပဇ္ဇာ ကြွင်းမဲ့ကင်းပေမင့်၊ အပရာ-ကျိုးကျန်ခြင်းကို ရှင်းသိစေသား။
( သာရတ္ထ-၁၊ ၃၇၉ နှင့် ၀ိနည်းဋီကာများ )
********************************************************************************

( မေး ) ( သင်္ချေယျ နှင့် ကမ္ဘာမြေ )
အရှင်ဘုရား၊ လေးသင်္ချေနှင့် ကမ္ဘာတသိန်းဆိုရာ၌ လေးအသင်္ချေကို လေးနှင့် သုညဂဏန်း မည်မျှရေးရပါသနည်း။ ထို့ပြင် ယူဇနာ နှစ်သိန်းလေးသောင်း အထုရှိသော မဟာပထ၀ီမြေကြီးဟုဆိုရာ၌ လေ-ရေ-မြေ- သုံးမျိုးအနက် မြေသီးသန့်ကို စတုရန်း ကုဗတုံး (အံစာတုံးပုံ) ပြုလုပ်ပြီး အနားတဖက်စီကို တိုင်းတာသော အရေအတွက်ပါ ပါပါသလား။ဖြေဆိုပေးတော်မူပါဘုရား။
( ဦးမြင့်သိန်း-၆၆၅၂၇၅ )

( ဖြေ )
အသင်္ချေဂဏန်းမှာ တစ်နောက် သုည တရာ့လေးဆယ်ရှိသော ဂဏန်းဖြစ်၍ လေးအသင်္ချေဆိုက လေးနောက် သုည တရားလေးဆယ် ရေးရပါမည်။
ကမ္ဘာမြေကြီးသည် အပေါ်က ပံသုမြေ၊ အောက်က သီလာမြေဟု နှစ်ထပ်ရှိရာ ပံသုမြေ ယူဇနာတသိန်း နှစ်သောင်း။ သီလာမြေ ယူဇနာ တသိန်းနှစ်သောင်း၊ နှစ်ရပ်ပေါင်း ယူဇနာ နှစ်သိန်းလေးသောင်း ရှိကြောင်း အာဒိကပ္ပ စသော ကျမ်းများတွင် ဆိုပါသည်။

( မြတ်မင်္ဂလာ ၂၀၀၁-မတ်လ )

No comments: