Friday, September 25, 2009

ထေရ၀ါဒ ဗုဒ္ဓဘာသာ နှင့် မဟာယာန ဗုဒ္ဓဘာသာ နှိင်းယှဉ်ဝေဖန်ချက် ( ၃ )

သာသနာတော်အကြောင်းကို ပြန်ပြီးဆက်ရရင် မြတ်စွာဘုရား ပရိနိဗ္ဗာန်စံဖို့ နီးလာလို့ ကြေညာလိုက်တဲ့အခါ ရဟန်းတော်အပေါင်း များစွာ စိုးရိမ်ပူဆွေးပြီး ငိုကြွေးကြတယ်။ မြတ်စွာဘုရားက သင်တို့ မငိုကြွေးကြနဲ့။ ၄၅-ဝါပတ်လုံး ငါဘုရား ဟောကြားထားခဲ့တဲ့ ဓမ္မ ဝိနယ အဘိဓမ္မာတွေ ကျန်ရစ်ခဲ့တယ်။ အဲဒီတရားတွေက ငါဘုရားသဖွယ် ရှေ့ဆောင်လမ်းညွှန်အဖြစ် ရှိနေလိမ့်မယ်။

ငါဘုရားသည် ဓမ္မကိုလဲ အပြည့်အစုံ ဟောခဲ့ပြီးပြီ။ အဘိဓမ္မာကိုလဲ ဟောခဲ့ပြီးပြီ။ ဝိနည်းသိက္ခာပုဒ်များလဲ အစုံအလင် ပညတ်ထားပြီးပြီ။ ငါဘုရားမရှိတဲ့အခါ ထို ဓမ္မ ဝိနယ အဘိဓမ္မာ-၃-ပုံသော ပိဋကတ်တွေဟာ သင်တို့အတွက် ဆရာအဖြစ်နဲ့ ရပ်တည်နေရစ်လိမ့်မယ်လို့ မိန့်ကြားတော်မူတယ်။ ဒီပိဋကတ်သုံးပုံဟာ နှစ်ပေါင်းမြားမြောင် ကြာမြင့်အောင် သင်တို့အတွက် နည်းလမ်းညွှန်ပြပေးနေလိမ့်မယ်။

ငါဟောကြားခဲ့တဲ့ ပိဋကတ်တော်တွေကို
(၁) အယူအဆသစ်တွေ မသွင်းဘဲ
(၂) အယူအဆဟောင်းတွေကိုလဲ မပစ်ပယ်ဘဲ
(၃) ရှိပြီးတရားတော်များကိုလဲ ပြင်ဆင်ခြင်းမလုပ်ဘဲ မူလရှိပြီးအတိုင်း လိုက်နာထိန်းသိမ်း စောင့်ရှောက်ကြမယ်ဆိုရင် တရားတော်များဟာ အမြဲသန့်ရှင်း စင်ကြယ်စွာ ရှိနေကြလိမ့်မယ်။ ဒီအတိုင်းပဲ ယခု တောင်ပိုင်း ထေရဝါဒ ဗုဒ္ဓသာသနာတော်က ထိန်းသိမ်းစောင့်ရှောက်ထားတယ်။ စင်ကြယ်မှန်ကန်အောင် စုပေါင်းရွတ်ဆို ညှိနှိုင်းသဘောတူကြတဲ့ သင်္ဂါယနာခြောက်တန်လဲ အားလုံးသဘောတူ ဆုံးဖြတ်ထားတယ်။ ဒါကြောင့် ထေရ၀ါဒဓမ္မတွေဟာ အတိအကျမှန်ကန်ပြီး မူလဟောတော်မူတဲ့အတိုင်းဆိုတာ ယုံကြည်စိတ်ချ အားကိုးနိုင်တယ်။ မဟာယာနဗုဒ္ဓဘာသာကတော့ ဒီလိုမဟုတ်ဘူး။

မဟာယာနမှာ ဂိုဏ်းကွဲတွေ အများကြီးရှိတဲ့ အထဲက အားကောင်းတဲ့ သဗ္ဗတ္ထဂိုဏ်းခေါ်တဲ့ ဂိုဏ်းတဂိုဏ်းရှိတယ်။ အဲဒီအခါက မဟာယာနက အိန္ဒိယပြည် အနောက်မြောက်နယ်တဝိုက် ကက်ရှမီးယားနယ်၊ ယခု ပါကစ္စတန်ခေါ်တဲ့ မြောက်ပိုင်း ကန္တာရနယ်၊ အဲဒီအနောက် ဆက်သွားရင် တာဂျစ္စတန်၊ ဗလူချစ္စတန်၊ အာဖဂန်နစ္စတန်ဆိုတဲ့ နယ်တွေမှာ မဟာယာနခေတ်စားနေတယ်။ ဘုရားပရိနိဗ္ဗာန်စံပြီး နှစ် ၆ဝဝ-နှင့် ၇ဝဝ ကြားလောက်ပေါ့။ အဲဒီအချိန်မှာ အာဏာစက် အလွန်ထက်တဲ့ ဥသျှန်မင်းဆိုတာရှိတယ်။ သူတို့က သကလူမျိုးတွေ။ သက္က-မဟုတ်ဘူး။ သကခေါ်တဲ့ လူမျိုးတွေ။ သက္က ဆိုတာကတော့ ဘုရားအမျိုး၊ သကျသာကီဝင်မျိုးတွေ။ အဲဒီ သကမင်းတို့ စတင်တည်ထောင်ခဲ့တဲ့ နှစ်ကို သက္ကရာဇ်လို့ခေါ်ကြောင်း ရှေးစာဟောင်းများမှာ တွေ့ဖူးတယ်။

အဲဒီ အားကောင်းတဲ့ သကမင်း၊ ကုရှန်မင်းလဲ ခေါ်တယ်။ သူကအားကောင်းတဲ့ သဗ
္ဗတ္ထဂိုဏ်းကို ဦးစီးပြီး ပိဋကတ်သုံးပုံကို သူတို့ဘာသာ အကုန်သင်္ဂါယနာတင်တယ်။ ရုပ်နာမ်များဟာ အတိတ်၊ အနာဂတ်၊ ပစ္စုပ္ပန် မပျက်မစီး အမြဲတည်ရှိတယ်လို့ အယူရှိတယ်။ ခေတ်လူများ အများသိတဲ့ ဥပမာပြရမယ်ဆိုရင် ရုပ်ရှင်ရုံမှာပြတဲ့စက်နဲ့ ပြရမှာပဲ။ ရုပ်ရှင်ပြစက်မှာ တဖက်မှာ ရုပ်ရှင်ကားဘီးခွေ တခွေ၊ နောက်တဖက်မှာ နောက်ဘီးခွေ တခွေ ရှိတယ်။ ရုပ်ရှင်ပြတဲ့အခါမှာ စက်ကလည်ပြီး ဆွဲလိုက်တော့ ဘယ်ဘက်ကအခွေဟာ ဖလင်ပေလိပ်ပါလာပြီး ပြစက်ရဲ့ မှန်ဘီလူးရှေ့မှာ ဖြတ်သန်းသွားတယ်။ အဲဒီမှာ အရုပ်ပေါ်တာပဲ။ ပြပြီးသားဖလင်က ညာဘက်က ဘီးခွေထဲဝင်ပြီး အခွေလိုက် စီပြီးသားအဖြစ်နဲ့ ဝင်သွားတယ်။

သူတို့ရဲ့  သဗ္ဗတ္ထဝါဒအရ ကံကြောင့်ဖြစ်တဲ့ ရုပ်နာမ်များဟာ အတိတ်၊ အနာဂတ်၊ ပစ္စုပ္ပန် မပျက်မစီး အမြဲတည်ရှိနေတယ်-တဲ့။ အဲဒါ သဿတဝါဒ=မဖြစ်ရသေးတဲ့ ရုပ်နာမ်တရားတွေဟာ တနေရာမှာစုပြီး စောင့်နေတယ်တဲ့။ ကိလေသာနဲ့ ကံကြောင့်ဖြစ်သော ရုပ်နာမ်သည် အနိစ္စ၊ မဂ်ဉာဏ်၊ ဖိုလ်ဉာဏ်ကြောင့်ဖြစ်သော ရုပ်နာမ်သည် နိဗ္ဗာန်တွင် အမြဲခံစားလျက်ရှိနေသည်ဆိုတဲ့ ဝါဒကလဲ ပါသေးတယ်။ အဲဒါက ဧကစ္စသဿတ၀ါဒ-တချို့ မြဲတယ်လို့ဆိုတယ်။ နိဗ္ဗာန်မှာ ရုပ်ထူး နာမ်ထူးနဲ့ အစဉ်အမြဲ ခံစားနေရတယ်ဆိုတဲ့ အယူကို ကြိုက်နှစ်သက်သူများကို လွန်ခဲ့တဲ့ အနှစ် ၂ဝ-လောက်က ဆူးလေဘုရား တရားပွဲတခုမှာ နာဖူးတယ်။ သို့သော် သာသနာတော် သန့်ရှင်းရေးမူကြောင့် ဒီအယူဟာ တိမ်ကောပျောက်ပျက်သွားတာတွေ့ရတယ်။

ဘုန်းကြီးတို့ ထေရဝါဒမှာ ရုပ်နာမ်ဟာ တနေရာမှာ စုနေတယ်ဆိုတာ လုံးဝမရှိဘူး။ အကြောင်းတရား အကျိုးတရား တိုက်ဆိုင်တဲ့အခါ ပေါ်လာတဲ့ ရုပ်နာမ်ပဲရှိတယ်။ ခဏတိုင်း ခဏတိုင်း ဖြစ်ပေါ်ပြီး ခဏတိုင်း ခဏတိုင်း ပျက်နေတဲ့ အနိစ္စသင်္ခါရဝါဒပဲရှိတယ်။
မဟာယာနက ဘုရားတရားတော်တွေကို လူတို့ကြိုက်သလို ပြင်တော့ ရုပ်တုတော်ကို သူတို့လိုသလို နှာခေါင်းကို ဘယ်မှာထား၊ နားကို ဘယ်မှာတပ် ဆိုပြီး မရိုမသေ၊ မဖွယ်မရာ ပြုပြင်တာနဲ့ တူနေတယ်။ သန္တိလက္ခဏာ ရှိပါတယ်ဆိုထားတဲ့ နိဗ္ဗာန်မှာလဲ ရုပ်တရား နာမ်တရားတွေ သွားထားပြန်တယ်။ အဲဒါ မဟာယာနက အယူအဆတွေ သူတို့လုပ်ချင်သလို လုပ်ထားတာ။ ဒါ နမူနာတခုပဲ ရှိသေးတယ်။

မြတ်စွာဘုရားက ပရိနိဗ္ဗာန်စံတော်မူဖို့ အဆင်သင့်ဖြစ်နေတဲ့အခါ သံဃာတော်အားလုံးကို ကရုဏာရှေ့ထားပြီး ဟောကြားတာရှိသေးတယ်။ သံဃာ ခုနစ်သိန်းကျော်ရှိတဲ့ ရဟန်းပရိသတ် အစုံအညီရှိနေတဲ့အချိန်မှာ မြတ်စွာဘုရားက အခွင့်အရေးအနေနဲ့ အရှင်အာနန္ဒာတို့၊ အရှင်အနုရုဒ္ဓါတို့ ရှေ့မှောက်မှာ-ငါ၏ချစ်သား ရဟန်းများတို့၊ ငါဘုရား ပရိနိဗ္ဗာန်စံတော့ သင်တို့ဆရာ မရှိတော့ဘူးဆိုပြီး စိတ်ပျက်ပူဆွေးခြင်း မဖြစ်ကြနဲ့။ ငါဘုရား ၄၅-ဝါပတ်လုံး ဟောထားခဲ့တဲ့ ဓမ္မတွေ (သုတ်၊၀ိနည်း၊အဘိဓမ္မာတွေ) ဟာ ဆရာအဖြစ်နဲ့ သာသနာ ရှည်ကြာစွာ တည်နေရစ်လိမ့်မယ်။ အခု ပရိနိဗ္ဗာန်စံရန် နာရီပိုင်းပဲလိုတော့တယ်။ ငါရှိတုန်းမှာ သင်တို့သိလိုတဲ့ ပြဿနာတွေ၊ သံသယတွေရှိရင် မေးလိုရာ မေးကြ-လို့ မြွက်ကြားတော်မူတယ်။

ခုနစ်သိန်းသော သံဃာတွေမှာ သကဒါဂါမ်၊ အနာဂါမ်၊ ရဟန္တာတွေ များတယ်။ အဲဒီထဲမှာ သောတာပန်ဟာ အငယ်ဆုံးအဆင့်ပဲ။ မြတ်စွာဘုရားက ဒီလိုအခွင့်အရေး ဖွင့်ပေးသော်လည်း ဘယ်သံဃာကမှ မမေး။ အားလုံးငြိမ်သက်နေကြတယ်။ ဒါနဲ့ အရှင်အာနန္ဒာက-အားလုံး ကျေနပ်လက်ခံကြပါတယ်၊ မေးရန် မရှိပါဘုရား-လို့ လျှောက်တယ်။

အဲဒီနောက် မြတ်စွာဘုရားက ထပ်မံမေးတော်မူပြန်တယ်။ သင်တို့ မမေးရဲလို့ရှိရင် အနီးအနားမှာ ရှိတဲ့ အရှင်အာနန္ဒာ၊ အရှင်အနုရုဒ္ဓါ စတဲ့ သံဃာတော်ကြီးများကတဆင့် မေးနိုင်တယ်။ ငါ နောက်ဆုံးအခွင့်အရေး ပေးချင်တာက အကယ်၍ (အကယ်၍သာ) သံဃာများအားလုံးက အလိုရှိမယ်ဆိုရင် ငါ၏ ပညတ်ချက်များထဲက ခုဒ္ဒါနုခုဒ္ဒက (ငယ်သော ဝိနည်းများ၊ ပို၍ငယ်သော ဝိနည်းများ) ကိုလဲ ပြင်ဖို့ရာ ဖြည့်စွက်ဖို့ရာ ပယ်နုတ်ဖို့ရာ ခွင့်ပြုတော်မူမယ်။ အဲဒါ သင်တို့ အရေးထားပြီး မှတ်သားထားကြပါ။ အဲဒီလိုပြင်တဲ့အခါမှာ သင့်တော်သလား၊ မှန်ကန်ပြီလား ဆိုတာတွေကို အားလုံးသဘောတူပြီးသည့်တိုင်အောင် သုတ္တန်၊ ဝိနည်း၊ အဘိဓမ္မာတွေအားလုံးနှင့် ညှိကြည့်ပြီး အားလုံး မဟာပဒေသလေးပါးနဲ့ အစစကိုက်ညီဖို့လိုတယ်။ အဲဒီမဟာပဒေသ လေးပါးဆိုတဲ့ ပေတံနဲ့ တိုင်းပြီး အကုန်ညီညွတ်ဖို့ လိုတယ်။ အဲဒီ မဟာပဒေသလေးပါးကို နောက်တရားမှ ဆက်လက်ရှင်းပြပါမယ်။
( ရှေ့လဆက်ရန်)

သီတဂူ ဆရာတော်

( မြတ်မင်္ဂလာ ၂ဝဝ၁-ခု ဖေဖော်ဝါရီလ )



No comments: