Monday, September 14, 2009

ရေများ ရေနိုင် - မီးများ မီးနိုင်

စာရေးသူသည် ၀ိပဿနာတရား ရှုမှတ်မှုနှင့် သွေးတိုးရောဂါ ဆက်သွယ် နီးနွယ်မှုရှိကြောင်းကို လေ့လာဖူးပါသည်။ စိတ်တည်ငြိမ်စွာ တရားရှုမှတ်နေသော ယောဂီသည် စိတ်တည်ငြိမ်မှုရှိနေသဖြင့် သွေးတိုးရောဂါ ကျလာနိုင်ပါသည်။ သို့သော်လည်း တရားရှုမှတ်မှုမရှိတော့ဘဲ သမာဓိကျဲသွားပါက ရာဂ ဒေါသ စသည့် ကိလေသာများ ၀င်ရောက်လာနိုင်သဖြင့် သွေးပေါင်ချိန်သည် ရှုမှတ်နေစဉ်ကကဲ့သို့ ကျမသွားနိုင်ကြောင်းကို မိမိ လေ့လာမှုများအရ ဆောင်းပါးအဖြစ် အာရောဂျံမဂ္ဂဇင်း၊ မြစ်မခ ဓမ္မစာသ၀ဏ်မဂ္ဂဇင်း များတွင် တင်ပြခဲ့ပါသည်။

ဤတွင် သွေးတိုးရောဂါရှိသော မိမိ၏မိတ်ဆွေတဦးသည် စီးပွားရေး လူမှုရေး စိတ်သောကများ ဖိစီးမှုဒဏ်ကြောင့် သွေးပေါင်ချိန်တက်နေသဖြင့် တနေ့တနာရီ မိမိအိမ်တွင် တရားထိုင်ရာ သွေးပေါင်ချိန်မကျကြောင်း တင်ပြလာပါသည်။

စာရေးသူသည် ရေများ ရေနိုင် - မီးများ မီးနိုင်-ဆိုသောစကားကို သတိရမိသည်။ ကိလေသာမီးသည် အရှိန်အားကောင်းစွာဖြင့် လောင်မြိုက်လေလေ ဓမ္မရေစင်တည်းဟူသော ၀ိပဿနာတရားတော်ကို အရှိန်မြှင့်ပြီး အချိန်များများ ရှုမှတ်လေလေ ပြုရမည်ဖြစ်သည်။

ဖြစ်နိုင်လျှင် ကိလေသာအပူမီး စတင်ပေါ်ပေါက်သော နေရာမှ ဖယ်ခွါ၍ ဥတုသပ္ပါယ၊ အာဝါသသပ္ပါယ၊ ဘောဇနသပ္ပါယ၊ ပုဂ္ဂလသပ္ပါယ စသော သပ္ပါယလေးပါး မျှတပြီး တိတ်ဆိတ်ငြိမ်သက်သော တရားရိပ်သာများသို့ သွားရောက်ကာ တတ်ကျွမ်းသော ကမ္မဋ္ဌာန်းနည်းပြဆရာတော်များဖြင့် ပြင်းထန်စွာ တရားရှုမှတ်ရပေမည်။

မြတ်မင်္ဂလာစာစောင် (၁၉၉၈-ဇူလိုင်လထုတ်) တွင် မိမိနှင့် သပ္ပါယဖြစ်သော ရိပ်သာကို ရွေးချယ်ရန် လမ်းညွှန်ချက်ကိုလည်း ပြန်လည်တင်ပြအပ်ပါသည်။
( မနီးမဝေး၊ သွားရေးမခက်၊ ဆိတ်ငြိမ်သက်လျက်၊ မှက်ခြင်ပါးနည်း၊ ပစ္စည်းမပန်း၊ ကျမ်းတတ်လည်းရှိ၊ ငါးစုံပြည့်၍၊ မြတ်သည့်နေရာ၊ ကျောင်းတိုက်သာသည်၊ မြန်စွာ မဂ်ဖိုလ်ရကြောင်းတည်း။)

တရားတော်သည် သန္ဒိဋ္ဌိကော အကာလိကော ဂုဏ်တော်များအရ အခါမလင့် အချိန်မရွေး လက်တွေ့အကျိုးပေးပါလိမ့်မည်။ လိုအပ်သည်မှာ တရားတော်ကို မိမိပါရမီဓာတ်ခံအလျောက် ရိုးရိုးသားသား ကြိုးစားခံယူ ကျင့်သုံးရန်ပင်ဖြစ်ပါသည်။

သွေးတက်စေတတ်သော အစာများကို ရှောင်ခြင်း၊ သွေးတိုးနှင့် အခြားရောဂါများ တွဲဖက်ရှိနေပါက (ဥပမာ-သွေးတိုးနှင့် နှလုံးရောဂါ) သက်ဆိုင်ရာ ဆရာဝန်၏ ညွှန်ကြားချက်ဖြင့် ဆေးများသောက်ခြင်းတို့ကိုလည်း ပြုလုပ်ရန် လိုပေသည်။

ထိုကဲ့သို့ ပြင်းထန်စွာ ၀ိပဿနာတရား ရှုမှတ်ပါက (Intensive Meditation) ကိုယ်စိတ်တည်ငြိမ်ကြည်လင်လာကာ သွေးပေါင်ချိန်လည်း ကျလာပါလိမ့်မည်။ ဘယ်နှစ်ရက် ဘယ်နှစ်လ တရားရှုမှတ်ရမည် ဆိုသည်ကိုတော့ ကိလေသာမီး လောင်မြိုက်မှု အရှိန်ပြင်းထန်မှုအပေါ်တွင် မူတည်ပါသည်။

မှတ်ချက်။ တရားအားထုတ်မှုသည် မဂ်ဉာဏ်၊ ဖိုလ်ဉာဏ် ရရှိရေးအတွက် ဖြစ်ပါသည်။
ကျန်းမာရေး ကောင်းမွန်မှုမှာ ဆင့်ပွား ကောင်းကျိုးသာ ဖြစ်ကြောင်းကို သတိချပ်ရပါမည်။

( ဆရာဝန် သိန်းလွင်-ပြည် )

No comments: