Tuesday, September 8, 2009

ဆေးတက္ကသိုလ် ဓမ္မသဘင်

( မဇ္ဈိမ ပဋိပဒါ )

ဘီစီ ၆၂၃-မှာ မွေးဖွားခဲ့သော သိဒ္ဓတ္ထဂေါတမသည် ၁၆-နှစ်မှာ ထိမ်းမြားလက်ထပ်တယ်။ ယသော်ဓရာဆိုတဲ့ မင်းသမီးနဲ့ ထိမ်းမြားလက်ထပ်ပြီး ၂၉-နှစ်မှာ အဲဒီရာထူးတွေ အာဏာတွေ ထီးတွေ နန်းတွေ အကုန်လုံး စွန့်လွှတ်သွားတယ်။ စွန့်ပြီးတော့ ဘယ်သွားသလဲဆိုတော့ အိန္ဒိယပြည်ရဲ့ ဟိုအနောက်မြောက် သက္ကဆိုတဲ့နေရာကနေပြီးတော့ အိန္ဒိယပြည်ထဲကို ၀င်လာတယ်။ ဂင်္ဂါမြစ်ကြီးကို ကျော်ဖြတ်ပြီးတော့ အရှေ့တောင်ဘက် ဥရုဝေလဆိုတဲ့ တောကြီးထဲကို ၀င်လာခဲ့တယ်။ သက္ကတိုင်းဆိုတာ ဟိမ၀န္တာတောင်ခြေမှာ တည်ရှိတယ်။

ဟိမ၀န္တာတောင်ခြေမှာ ရှိနေတဲ့ တောထဲကနေပြီးတော့ ဘယ်အတွက်ကြောင့် အိန္ဒိယပြည်အလယ်ပိုင်း မရောက်တရောက် အရှေ့မြောက်ပိုင်းက ဥရုဝေလတောကို လာခဲ့သလဲ။ ဟိမ၀န္တာတောကို သွားပါလားလို့ မေးမယ်ဆိုလို့ရှိရင် အဖြေကတော့ သိဒ္ဓတ္ထဂေါတမတို့ တောထွက်ပြီးတော့ တရားရှာတဲ့အချိန်မှာ အိန္ဒိယပြည်ရဲ့ ရသေ့ယောဂီ သာဓု-ဆိုတဲ့လူတွေ၊ ဟိုမှာခေါ်တာ ဆာဒူး၊ မူရင်းစကား၊ သာဓု၊ သာဓု ဆိုတာ သူတော်ကောင်းလို့ အဓိပ္ပါယ်ရတယ်။ ဟာ-ဆံပင်မွေးတွေနဲ့၊ မုတ်ဆိတ်မွေးတွေနဲ့၊ အ၀တ်က ကိုးရိုးကားရားနဲ့ ဖြစ်သလိုနေထိုင်တာတွေ့တော့ ဆာဒူးလို့ဆိုလို့ရှိရင် ဂုဏ်မရှိသလို ဖြစ်နေတယ်။ ရှေးဟောင်းစကား တော်တော် ကောင်းတယ်။ သာဓု၊ သူတော်ကောင်း၊ အဲဒီ ဆာဒူးတွေ၊ ဣရှိ Isi တွေ၊ ပရိဗိုဇ်တွေ ရသေ့ရဟန်းတွေ၊ ယောဂီတွေဟာ သိဒ္ဓတ္ထ တောထွက်တဲ့အချိန်မှာ ဥရုဝေလမှာပဲ။ အများကြီး စုဝေးလို့ နေနေတယ်။ ဟိမ၀န္တာမှာ မရှိကြဘူး။ အဲဒါကြောင့်မို့လို့ ဓာတ်တူရာ တူရာ သွားပြီးတော့ ပေါင်းတဲ့ အနေအားဖြင့် ရသေ့ရဟန်းတွေ များစွာနေတဲ့နေရာကိုပဲ သိဒ္ဓတ္ထမင်းသား တောထွက်သွားတာ။ ဟိမ၀န္တာမှာ ဘာကြောင့် မသွားသလဲဆိုရင် အဲဒီအချိန် ရသေ့ရဟန်းတွေ ဟိမ၀န္တာမှာ မရှိကြဘူး။

အဲဒီတော့ ဥရုဝေလမှာ သူဘယ်လောက်ကြာအောင် ကျင့်သုံးသလဲဆိုရင် ၆-နှစ်၊ ၆-နှစ်တို့ပတ်လုံး သူကျင့်တဲ့အကျင့်တွေဟာ ရှေးဟောင်းအိန္ဒိယယောဂီတွေရဲ့ အကျင့်မျိုးတွေချည်းပဲ သူကျင့်တယ်။ ရှေးဟောင်း အိန္ဒိယယောဂီတွေရဲ့ အကျင့်တွေဟာ ခန္ဓာကိုယ်ကို သိပ်နှိပ်စက်တဲ့ အကျင့်မျိုးတွေကို ၆-နှစ်ကြီးကျင့်၊ ၆-နှစ်လောက်ကြာတော့မှ အိန္ဒိယရှေးဟောင်းယောဂီတွေရဲ့ အကျင့်မျိုးစုံ ကုန်အောင် လိုက်ကျင့်သော်လဲပဲ သူလိုချင်တဲ့ ဗောဓိဉာဏ်ကို မရဘူး။ မှတ်ထားရမယ်။ ဗောဓိဉာဏ်၊ ဘာဉာဏ်လဲ (ဗောဓိပါဘုရား)

Enlightenment နော်၊ အဲဒီ ဗောဓိဉာဏ်ကို ၆-နှစ်ကြီး အိန္ဒိယရှေးဟောင်း ယောဂီတွေရဲ့ အကျင့်နဲ့ ကျင့်သော်လဲပဲ သူ-မရတဲ့အတွက်ကြောင့် ရှေးဟောင်းအကျင့်တွေ အကုန်လုံး စွန့်လိုက်တယ်။ စွန့်ပြီးတော့ သူရဲ့ကိုယ်ပိုင် သူ့နည်းနဲ့သူ့ဟန်နဲ့ သူ ချမှတ်တော်မူတယ်။ သူကိုယ်ပိုင် ချမှတ်လိုက်တဲ့ သူ့ရဲ့ ကိုယ်ပိုင်နည်းလမ်းက ဘာလဲဆိုလို့ရှိရင် မဇ္ဈိမပဋိပဒါ၊ ဘာလဲ ( မဇ္ဈိမပဋိပဒါ-ပါဘုရား)

ရှေးဟောင်း အိန္ဒိယယောဂီတွေရဲ့ အကျင့်က ဘာလဲဆိုလို့ရှိရင် အတ္တကိလမထ (အတ္တကိလမထ)၊ အေး-အတ္တကိလမထ-ဆိုတာ ခန္ဓာကိုယ်ကို နှိပ်စက်ညှဉ်းဆဲတဲ့ အကျင့်။ Self Motification နန်းတော်ထဲမှာ ကာမဂုဏ်နဲ့ ဇနီးများ၊ သမီး သားနဲ့ ယသော်ဓရာနဲ့ လက်ထပ်ထိမ်းမြားပြီးတော့ ကာမကို ခံစားနေတာ ဘယ်နှစ်နှစ်လို့ တွက်မိသလဲ၊။ ၁၃-နှစ် အဲဒီ ၁၃-နှစ်တို့ကာလပတ်လုံး ရှေးဟောင်း အိန္ဒိယဘုရင်တွေ ခံစားတဲ့ နည်းမျိုးစုံနဲ့ ကာမဂုဏ်ကို သူလဲပဲ ခံစားခဲ့တာပဲ။ အဲဒါဟာ ဘာကောင်းကျိုးမှ မဖြစ်ဘူးဆိုတာကို ၁၃-နှစ်လောက်လွန်ပြီးမှ သူ သဘောပေါက်နေတယ်။ ကာမကိုခံစားတဲ့ အကျင့်ဆိုတာ ဘာခေါ်မလဲဆိုရင် ကာမသုခလ္လိကာနုယောဂ နော်။ အဲဒီ ကာမသုခလ္လိကာနုယောဂ ယုတ်ညံ့တဲ့အကျင့်မျိုးလို့ သဘောပေါက်ကြောင်းကို စားလုံးလေးတွေရှိတယ်။ ဓမ္မာစကြာထဲမှာဖတ်၊ ဘယ်လိုတွေ့လဲ။

ကာမေသု ကာမသုခလ္လိကာနုယောဂေါ ဟီနော-ယုတ်ညံ့တဲ့လူတွေ ကျင့်တယ်။
ဂမ္မော-အနိမ့်စားလူတွေ ကျင့်တယ်။
ပေါထုဇ္ဇနိကော-ကိလေသာထူတဲ့လူတွေ ကျင့်တယ်။
အနရိယော-သူတော်စင်တွေ မကျင့်သုံးရဘူး။
အနတ္ထသံဟိတော-ဘာကောင်းကျိုးမှ မဖြစ်ထွန်းနိုင်ဘူး။
ဒါ ကာမဂုဏ်အကျင့်ကို ဘုရားရှင် ရှုတ်ချတာ။

ရှေးဟောင် အိန္ဒိယယောဂီတွေရဲ့ အကျင့်တွေကိုကော သူ ဘယ်လိုပြောထားလဲ။
အတ္တကိလမထာနုယောဂေါ ဒုက္ခော-တယ် ဆင်းရဲတာပဲ။
အနရိယော-သူတော်သူမြတ်တွေ မကျင့်သုံးဘူး။
အနတ္ထသံဟိတော-ဘာကျောင်းကျိုးမှ မဖြစ်ဘူး။
ဒီလိုရှုတ်ချထားတယ်။
အဲဒါကို အစွန်းနှစ်ဘက်လို့ခေါ်တယ်။ အသက်သာခိုပြီးတော့ ဇိမ်ခံတာက အစွန်းတဖက်။ သိပ်ပြီးတော့ ပင်ပန်းနှိပ်စက်တဲ့ အလုပ်ကို လုပ်တာက အစွန်းတဖက်၊ အဲဒီက စပြီးတော့ အားလုံး သဘောပေါက်ရမယ်။

ဗုဒ္ဓရဲ့ လမ်းစဉ်က ဘယ်လိုလမ်းစဉ်မျိုးလဲဆိုလို့ရှိရင် To avoid the two extreme နော်။ အစွန်းနှစ်ဖက်ကို ရှောင်သွားတာ။ အသက်သာခိုပြီးတော့ သိပ်ဇိမ်ခံတဲ့ အကျင့်မျိုးလဲပဲ လက်မခံဘူး။ အရမ်းပင်ပင်ပန်းပန်း ဆင်းဆင်းရဲရဲ ကြမ်းကြမ်းတမ်းတမ်း ဒါမျိုးလဲ လက်မခံဘူး။ အစွန်းနှစ်ခု ရှောင်ရတယ်။ အဲဒီအကြောင်းတရားကို အကိုးအကားပြ ဆိုရင်တော့ ဓမ္မစကြာပြန်ပြော-

ဒွေမေ ဘိက္ခဝေ အန္တာ ပဗ္ဗဇိတေန န သေ၀ိတဗ္ဗာ၊ အဲဒီလို အစွန်းရောက်အောင် မလုပ်ကြနဲ့တဲ့။ ဒါဖြင့် အလယ်ကသွား၊ မဇ္ဈိမပဋိပဒါ=Middle path ဘာလဲ၊ Middle path အဲဒီအလယ်အလတ်လမ်းစဉ်ကို ကိုယ်တိုင်ချမှတ်တော်မူခဲ့တယ်။ He laid down his 0wn way by himself သူကိုယ်တိုင် ချမှတ်တာ သူ့ကိုယ်ပိုင်လမ်း။ အဲဒါ ဘာလဲ မဇ္ဈိမပဋိပဒါ။ Middle way middle path သီလ သမာဓိ ပညာ ဒီအလယ်လမ်းဆိုတာဘာလဲ ဆိုလို့ရှိရင် တိုတိုလေးပြောမယ်။ မဂ္ဂင်ရှစ်ပါး၊ မရွတ်တော့ဘူး။ ချုံ့လိုက်တော့မယ်။ သီလရယ်၊ သမာဓိရယ်၊ ပညာရယ်။ မဂ္ဂင်ရှစ်ပါး ပေါင်းရင် ဒီသုံးခု ရတယ်။ သမ္မာဒိဋ္ဌိ၊ သမ္မာသင်္ကပ္ပ ဒါက ပညာ။ သမ္မာဝါစာ သမ္မာကမ္မန္တ သမ္မာအာဇီဝ ဒီသုံးခုက သီလ။ သမ္မာဝါယါမ သမ္မာသတိ သမ္မာသမာဓိ အဲဒီသုံးခုက သမာဓိ။ ဒီလိုရှိတာနော်။ အဲဒါကြောင့်မို့လို့ မဂ္ဂင်ရှစ်ပါး=Middle way မဇ္ဈိမပဋိပဒါ ဆိုတဲ့အကျင့်ဟာ အကျဉ်းလေးချုံ့ပြီးတော့ ပြောကြစို့ ဆိုရင် သီလ သမာဓိ ပညာ အဲဒီသုံးခုဟာ ဗုဒ္ဓရှုင်တော်ရဲ့ ဘာလမ်းစဉ်လဲ၊ မဇ္ဈိမပဋိပဒါ=The middle way that leading to the cessation of suffering ဒုက္ခအားလုံးရဲ့ ချုပ်ငြိမ်းခြင်းကို ဒီလမ်းက ဦးတည်လို့သွားတယ်။ အဲဒါ Laid down by himself သူကိုယ်တိုင် ချမှတ်တော်မူတယ်။ unaided,unguided by any supernatural agency, supernatural power အနန္တတန်ခိုးရှင်၊ ကောင်းကင်ဘုံက တန်ခိုးရှင်တယောက်ယောက်ရဲ့ အကူအညီတခုမှ မပါဘူး။ အဲဒါလေးဟာ ဗုဒ္ဓဘာသာမှာ ထူးခြားတဲ့ လက္ခဏာတခုပဲ။

ဟာ-ဘယ်နေရာမှာတော့ ဘယ်သူက အကြားတွေ ပေါက်တယ်ဆို တကယ်သွားကြည့်လိုက်ရင် သူ တကယ် မကြားဘူး။ ဟာ-ဘယ်နေရာမှာတော့ ဘိုးတော်ဟာ၊ မယ်တော်ဟာ အကြားအမြင် ပေါက်တယ်။ သွားမေးကြည့်။ သူ တကယ်ကို မကြားဘူး။ သူများကြားတဲ့စကား သူလာပြောတာပဲ။ ဘာသာရေးမှာလဲ အဲဒါမျိုးတွေ အများကြီး။ ကိုယ်တိုင်ထိုးထွင်းပြီးတော့ သိလာတဲ့ အသိကို ပြန်ဟောတဲ့ ဘာသာရေးဆရာဟာ ဗုဒ္ဓပဲ ရှိတယ်။ တခြားဘာသာရေးဆရာ ခပ်များများတို့သည် မမြင်ရတဲ့ Unseen,Unknown-ပေါ့။ Supernatural agency တခုကနေ သူ့ကို Inspiration ပေါ့လေ။ သူ့ကို ပူးဝင်ပြီးတော့ ပြန်ပြောတာတွေ ဒီလိုကွာတယ်။ အဲဒါ လေ့လာစရာကောင်းတဲ့အချက်ပါပဲ။ Comparative Study မှာ ဒီအချက်တွေလဲ အားလုံးလေ့လာသင့်ပါတယ်။ သူကျင့်သုံးနေတဲ့ ဓမ္မဟာ ဘယ်လောက်အဆင့်အတန်း မြင့်သလဲ။ သူကျင့်သုံးနေတဲ့ ဓမ္မဟာ ပြင်ပ Supernatural ကို declare လုပ်လွန်းအားကြီးရင် ကိုယ်ပိုင်စွမ်းရည် တုံ့သွားတယ်။ ဗုဒ္ဓက အဲဒါမျိုး မလိုလားဘူး။ ဒါကြောင့်မို့ မြတ်ဗုဒ္ဓ အမြဲတမ်း တိုက်တွန်းတာဟာ အတ္တဒီပါ။

ဘာတဲ့လဲ အတ္တဒီပါ။ နောက်တလုံးထပ်မှတ် အတ္တသရဏာ။ အေး တို့များ သုတတရားပွဲကြီးတွေ လူထုပရိသတ်ကြီးကို ဟောတဲ့အခါ ဒီပါဠိတော်ကြီးတွေကို ဘုရားတရားတော်ကြီးတွေကို အစအဆုံး ရွတ်ဟောတဲ့အခါမျိုးကြတော့လေ။ ဒီပုံမျိုး မဟုတ်ဘူးပေါ့ကွာ။

အတ္တဒီပါ ဘိက္ခဝေ ၀ိဟရထ အတ္တသရဏာ အနည သရဏာ၊ ဓမ္မဒီပါ ဘိက္ခဝေ ၀ိဟရထ ဓမ္မသရဏာ အနည သရဏာ။ အဲဒါက ဟောပြောပုံ တမျိုးဖြစ်သွားတယ်။ အဲဒီတိုင်းသွားရင် မင်းတို့က-

ခုဟာက ကျောင်းသူကျောင်းသားများဆိုတော့ ဆရာကြီးတွေ Lecture ပေးသလို တို့ပြောပါတယ်။ လိုရင်းကလေးတွေ များများမိသွားအောင်၊ အတ္တဒီပါ အတ္တသရဏာ-ယူသွား။ အဲဒီနှစ်လုံးကို တသက်လုံး ယူသွား။ မေ့သွားမယ်ထင်ရင် ဟို ဘုရားပွဲမှာ အများကြီးပဲ။ ဟို-ဆေးထိုးနေတဲ့လူတွေ ရှိတယ်။ အဲဒီသွားပြီးတော့ အဲဒါလေး ငါ့ထိုးပေးစမ်းပါ ဆိုပြီးတော့ ထိုးထားလိုက်။ အဲဒါ ဘယ်တော့မှ မမေ့တော့ဘူး။ လက်ပေါ်မှာ ထိုးထားလိုက်၊ အမြဲတမ်း ပြန်ကြည့်လို့ရအောင်၊ အတ္တဒီပါ ဘာတဲ့လဲ (အတ္တဒီပါ)။ မိမိအလင်းရောင်ကို မိမိကိုယ်တိုင် ညှိထွန်းကြ။ နောက်ဘာသာပြန်တမျိုးက မိမိသည်ပင်လျှင် မိမိဘ၀ရဲ့ အလင်းရောင်၊ ဒီလိုပြောထားတယ်။ အတ္တသရဏာ-မိမိကိုယ်ကို ကိုးကွယ်ကြ။ မိမိတို့သည်ပင်လျှင် မိမိ၏ ကိုးကွယ်ရာ။ အဲဒီ အဓိပ္ပါယ်ရ။ Self is yourself -မိမိသည်ပင်လျှင် မိမိတို့ရဲ့ ကိုးကွယ်ရာ၊ ဒါကတော့ကွာ ညီတွေ၊ ညီမတွေ ဒါ အကုန်လုံး ရပြီးသားနေမှာပါ။

အတ္တာဟိ အတ္တနော နာထော-မိမိကိုယ်သာ ကိုးကွယ်ရာလို့ ကိုအံ့ကြီးတောင် ဆိုထားသေးတယ်။ အတော်ကောင်းတယ်။ ကိုယ်က ကိုအံ့ကြီးကို အတော်ကျေးဇူးတင်တယ်။ ဒါပေမဲ့ သူက ဆိုသာဆိုတာ။ ရေးတာက တယောက်၊ နန်းတော်ရှေ့ဆရာတင်နဲ့ တူပါတယ်နော်။ အဲဒါ ဓမ္မကို လူလောကထဲရောက်အောင် ပို့လိုက်လို့။ အဲဒီကနေလဲ ပို့သွားတာလေးတွေ ဘုန်းကြီးတို့က ကျေးဇူးတင်ပါတယ် နော်။

ဒီတော့ အတ္တဒီပါ-မိမိဘ၀ကို မိမိကိုယ်တိုင် ညှိထွန်းကြ တဲ့။ မိမိဘ၀ရဲ့ အလင်းရောင်ဟာ မိမိကိုယ်ကိုပဲ။ အတ္တသရဏာ-မိမိတို့ရဲ့ ကိုးကွယ်ရာဆိုတာ မိမိတို့ကိုယ်တိုင်ပဲ။ ဒါပြောတာ။ အဲဒါကြောင့် ဗုဒ္ဓရှုင်တော်၏အဆုံးအမများသည် မတူဘဲနဲ့ ထူးခြားသွားတာ ဒီအချက်တွေက စပြီးတော့ ထူးသွားတယ်။ ဒီတော့ သီလရယ် သမာဓိရယ် ပညာရယ် ဒီသုတ် ၀ိနည်း အဘိဓမ္မာ သုံးခုကို ကိုယ်တိုင်ချမှတ်တယ်။ အဲဒါကို ဘာခေါ် မဇ္ဈိမပဋိပဒါ။ မဇ္ဈိမပဋိပဒါ အလယ်လမ်းဆိုတာဟာ သိပ်အချောင်ခိုတဲ့လမ်းကိုလဲ ရှောင်တယ်။ သိပ်ပြီးတော့ ပင်ပန်းအောင် လုပ်တဲ့လမ်းကိုလဲ ရှောင်တယ်။ ဒီအစွန်းနှစ်ခုကို ရှောင်သွားတာမို့လို့ ခေါ်တာက မဇ္ဈိမပဋိပဒါ။

( သီတဂူ ဆရာတော် )
( မြတ်မင်္ဂလာ ၁၉၉၉-ခု ဇန်န၀ါရီလ )

No comments: