Saturday, October 3, 2009

ဘာသာရေး ပြဿနာ ( ၈၃ )

( ဘဒ္ဒန္တ တိလောကသာရ ဖြေသည် )

( မေး ) ( ရေစက် )
အရှင်ဘုရား၊ ရေစက်ဆိုတာ ဘာကိုခေါ်ပါသနည်း။ နောင်ဘဝတွင် တဦးနှင့်တဦး ပြန်လည်ဆုံဆည်းနိုင်ဖို့ရန်အတွက် ရေစက်အတူတကွ ချရမည်လား။ သို့မဟုတ် သည်ဘဝတွင် ပြုလုပ်သည့်ကုသိုလ် ညီမျှမှသာ ပြန်လည်ဆုံဆည်းနိုင်မည်လား။ သည်ဘဝတွင် မိသားစုတစုအဖြစ် ဆုံဆည်းနေကြသည်မှာ အတိတ်ဘဝက ရေစက်အတူ ချခဲ့၍လား။ ကုသိုလ်ချင်းညီမျှခဲ့၍ပေလား။ သိလိုပါ၍ ဖြေကြားပေးတော်မူပါဘုရား။
( သဉ္ဇာ-ရန်ကုန် )

( ဖြေ )
ရှေးရှေးဘဝများက အတူကုသိုလ်ပြုခဲ့၊ ဆုတောင်းဆုယူ ပြုခဲ့ဖူးကြသည်ကိုပင် ရေစက်ဆုံသည်ဟု ပြောဆိုကြပါသည်။ ကုသိုလ်အတူပြု၍ စိတ်တူကိုယ်တူ ရေစက်ချခဲ့ကြသည်ဟု ဆိုလိုပါသည်။ ဘဝပေါင်းများစွာ မိသားစုအဖြစ် တွေ့ကြ ကြုံကြလိုလျှင်-
၁။ သမသဒ္ဓါ-ယုံကြည်မှု တူမျှခြင်း။
၂။ သမသီလ-အကျင့်သီလ တူမျှခြင်း။
၃။ သမစာဂ-စွန့်ကြဲလှူဒါန်းမှု တူမျှခြင်း နှင့်
၎။ သမပညာ-ကမ္မသကတပညာ-အသိဉာဏ်ချင်း တူမျှခြင်း ရှိဖို့ လိုအပ်ကြောင်း ဘုရားဟောရှိပါသည်။ အလွန်တူမျှနိုင်ခဲပါသည်။ ဘုရားလောင်းနှင့် ယသောဓရာ အလောင်းတို့ပင် အတူတကွ ဆုတောင်းခဲ့သော်လည်း ဘဝတိုင်းမတွေ့ရ။ မဆုံစည်းရပါ။ ဤသည်မှာ ဘုရားလောင်း၏ သဒ္ဓါ၊ သီလ၊ စာဂ၊ ပညာ တို့ကို ယသောဓရာ အလောင်းက မမီနိုင်၍ ဖြစ်ပါသည်။

အရှင်မဟာကဿပအလောင်းနှင့် ဘဒ္ဒါကာပိလာနီ အလောင်းမှာ အားလုံးတူညီ၍ လူ့ပြည်တွင်၎င်း။ နတ်ပြည် ဗြဟ္မာ့ပြည်တို့တွင်၎င်း။ နောက်ဆုံး နိဗ္ဗာန်ဝင်ရာမှာ၎င်း မကွဲမကွာ ဖြစ်ရကြောင်း အဆိုရှိပါသည်။ ၄င်းကိုပင် ရေစက်ဆုံသည်ဟု ဆိုရမည်ဖြစ်ပါသည်။ ဤသို့ဖြင့် ရေစက်ဆိုသည်ကို မှတ်သားထားနိုင်ပါသည်။
*********************************************************************************

( မေး ) ( ရဟန်းနှင့် ဘွဲ့တော် )
အရှင်ဘုရား၊ တပည့်တော်သိလိုသည့်အချက်မှာ ဘုရားရှင် လက်ထက်တော်က သာသနာတော်သို့ ဝင်ရောက်သော ပုဂ္ဂိုလ်များကို ရဟန်းဘွဲ့တော်ပေးရာတွင် လူဝတ်ကြောင်ဘဝက အာနန္ဒာကို ရဟန်းပြုရာတွင် ရှင်အာနန္ဒာ၊ လူဝတ်ကြောင်ဘဝက ရာဟုလာကို ရှင်ရာဟုလာ-ဟု တွေ့ရပါသည်။ တပည့်တော်တို့ခေတ် ရှင်သာမဏေပြုရာတွင် ဥပမာ-လူဝတ်ကြောင်ဘဝက မောင်သန်းစိုး၊ ရှင်သာမဏေဘဝတွင် ရှင်သီလာစာရ-ဟု ဘွဲ့ပေးသည်ကိုတွေ့ရပါသည်။ ၄င်းအချက်ကို ရှင်းလင်းဖြေကြားပေးပါရန် လျှောက်ထားအပ်ပါသည်ဘုရား။
( ကိုသန်းစိုး-ထူးကြီးမြို့ )

( ဖြေ )
ရဟန်းတို့ အစဉ်အသုံးပြုရသော ဘာသာစာပေမှာ ပါဠိစာပေဖြစ်ပါသည်။ ဖြစ်နိုင်က ပါဠိလိုပြောဆို၍ ပါဠိအမည်များကို အသုံးပြုရပါသည်။ ရဟန်းခံရာ၌ မောင်ထွန်း၊ မောင်တင်-စသည် သုံး၍မရ။ တိဿဿ ဘိက္ခုနော၊ နာဂံ ဥပသမ္ပဒံ ယာစာမိ-စသည်ဖြင့် တိဿဟူ၍လည်းကောင်း။ နာဂဟူ၍လည်းကောင်း ပါဠိနာမည်များကိုသာ ကမ္မဝါစာတွင် သုံးရသဖြင့် ပါဠိအမည်ပေးထားရန် လိုအပ်ပါသည်။ မောင်သန်းစိုး ဥပသမ္ပဒံ ယာစာမိ-ဆိုလျှင် ကမ္မဝါစာ မပီသ၍ ကံပျက်နိုင်ပါသည်။ ကံမြောက်စရာ လုံးဝမရှိ။ ရှင်သီလာစာရ-ဟု အစားထိုးမှည့်ပေးမှသာလျှင် သီလာစာရံ ဥပသမ္ပဒံ ယာစာမိ-ဟု ကမ္မဝါစာ ပီပီသသ ဖတ်နိုင်သဖြင့် ကံမြောက်နိုင်ပါသည်။
*********************************************************************************

( မေး ) ( အရပ်လေးမျက်နှာနှင့် နတ်မင်းကြီးများ )
အရှင်ဘုရား။ အာဋာနာဋိယသုတ်တော်၌ အရှေ့မျက်နှာအရပ်၌ ဓတရဋ္ဌနတ်မင်းကြီး။
အနောက်အရပ်၌ ဝိရူပက္ခနတ်မင်းကြီး။ တောင်အရပ်၌ ဝိရူဠကနတ်မင်းကြီး။ မြောက်အရပ်၌ ကုဝေရနတ်မင်းကြီးများ စောင့်ရှောက်နေထိုင်၏ဟု ဆိုပါသည်။
ထို့ပြင် ဆဒိသာပါလသုတ်တော်၌ အရှေ့မျက်နှာ၌ သာတာဂိရိနတ်မင်း။ ဟေမဝတနတ်မင်း။
ပုဏ္ဏကနတ်မင်း။ ဂုတ္တိယနတ်မင်း။
အနောက်အရပ်၌ ဟရိရနတ်မင်း။ ဟရဟရိရနတ်မင်း။ ပါပနတ်မင်း။ ပိင်္ဂလနတ်မင်း။
တောင်အရပ်၌ ကာလနတ်မင်း။ ဥပကာလနတ်မင်း။ ဗိမ္ဗနတ်မင်း။ ဗိမ္ဗသေနနတ်မင်း။
မြောက်အရပ်၌ သံဃနတ်မင်း။ သံဃုလိမေခနတ်မင်း။ သုသုရနတ်မင်း။ ဥဂ္ဂတေဇနတ်မင်းကြီးများ စောင့်ရှောက်သည်ဟုဆိုပါသည်။

၁။ အရှေ့ အနောက် တောင် မြောက် နတ်မင်းများအမှန်ကို သိလိုပါသည်ဘုရား။
၂။ သာသနာစောင့်နတ်မင်း၊ ကမ္ဘာစောင့်နတ်မင်း၊ လောကပါလနတ်မင်း၊ စတုလောကပါလနတ်မင်းများမှာ တူညီပါသလား ဘုရား။
၃။ အရှေ့တောင်၊ အနောက်တောင်၊ အရှေ့မြောက်၊ အနောက်မြောက်တို့၌ စောင့်ရှောက်ကုန်သော နတ်မင်းကြီးများကိုလည်း သိလိုပါသည်ဘုရား။
( မာရီ-အမရပူရ၊ အငြိမ်းစား ကျောင်းဆရာမ )

( ဖြေ )
အာဋာနာဋိယသုတ်လာ နတ်မင်းကြီးလေးပါးမှာ လောကပါလခေါ် စတုလောကပါလနတ်မင်းကြီးလေးပါး အမှန် ဖြစ်ပါသည်။ မြင်းမိုရတောင်၏ အရှေ့ အနောက် တောင် မြောက် အရပ်လေးမျက်နှာတို့တွင်နေ၍ ဂန္ဓဗ္ဗ၊ ကုမ္ဘဏ်၊ နဂါး၊ ဘီလူးတို့ကို စောင့်ရှောက်နေထိုင်ကြပါသည်။ မြတ်စွာဘုရားပွင့်စက တပုဿ ဘလ္လိက ကုန်သည်ညီနောင်တို့ ပျားမုန့်ဆွမ်းကို ဘုရားအလှူခံစဉ် သပိတ်လေးလုံး လာရောက်လှူဒါန်းခြင်း။ အာဋာနာဋိယ ပရိတ်တော်ကို ရဟန်းများရွတ်ရန် မြတ်စွာဘုရားထံ လာရောက်လျှောက်ထားခြင်း စသည်ဖြင့် မြတ်စွာဘုရားရှိစဉ်က ခဏခဏလာရောက်ကြသော လောကစောင့်၊ သာသနာစောင့်နတ်မင်းကြီးများပင် ဖြစ်ကြပါသည်။

စာပေတွင် ထင်ရှားသော နတ်မင်းကြီးများပင် ဖြစ်ကြပါသည်။ စာပေတွင် ထင်ရှားသောနတ်မင်းကြီးလေးပါးဖြစ်၍ သူတော်ကောင်းများကို ကယ်တင်စောင့်ရှောက်နိုင်သဖြင့် ၄င်းတို့အား အထူးမေတ္တာပို့သကြရပါသည်။

ဆဒိသာပါလသုတ်လာ နတ်မင်းများမှာ ရာဇဂြိုဟ်ပြည်တဝိုက်တွင် ရှိကြသည့် လူ့ပြည်ထင်ရှား နတ်မင်းကြီးများ ဖြစ်သည်။ ၄င်းတို့တွင် ဟေမဝတနှင့် သာတာဂိရိသာ ထင်ရှားပါသည်။ ကျန်နတ်မင်းများမှာ မထင်ရှားပါ။ ဆဒိသာပါလသုတ်မှတပါး အခြားနေရာတွင် မတွေ့ရပါ။ အရပ်လေးမျက်နှာသာ စာဆိုရှိပါသည်။ အထောင့်အရပ်များကို အထူးမဆိုပါ။ သို့သော် လေးစိတ်စိတ်လျှင် ပြီးစီးသကဲ့သို့ ဟူ၍ အထောင့်ပြဿနာ ပေါ်စရာ မလိုကြောင်း သိနိုင်ပါသည်။
*********************************************************************************

( မေး ) ( နတ်စစ်သူကြီးနှင့် နတ်တပ်သားများ )
အရှင်ဘုရား။ ထေရဝါဒဗုဒ္ဓဘာသာ၌ နတ်စစ်သူကြီး ၉-ပါး၊ နတ်တပ်သား ၂၈-ပါးရှိကြောင်း မှတ်သားရပါသည်။ အဆိုပါ နတ်စစ်သူကြီးများနှင့် နတ်တပ်သားများ ရှိခဲ့လျှင် မည်သည့်တန်ခိုးဝတ္တရားများ ထမ်းဆောင်ရကြောင်း ရှင်းလင်းစွာ ဖြေကြားပေးပါရန် ရိုသေစွာ လျှောက်ထားအပ်ပါသည်ဘုရား။
( မောင်ထွန်းထွန်း-ရန်ကုန် )

( ဖြေ )
မဟာသမယသုတ် စသော ထေရဝါဒစာပေများတွင် နတ်စစ်သူကြီး ၉-ပါးဟူ၍ မပြ။ နတ်စစ်သူကြီး ၂၈-ပါးကိုသာ ပြပါသည်။ နတ်စစ်သူကြီး ၉-ပါး။ တနည်း-နတ်ကြီး ၉-ပါးဟူသည်ကို ဘုရားကိုးဆူ စာများတွင် ပါသည်။ ၄င်းတို့မှာ ထေရဝါဒ နတ်များမဟုတ်။
ဖော်ပြပါ ထေရဝါဒစာပေလာ နတ်စစ်သူကြီး ၂၈-ပါးမှာ
ဣန္ဒော၊ သောမော၊ ဝရုဏော စ။ စသော ဂါထာများရှိ၍
မြန်မာလို ဣန္ဒနတ်။ သောမနတ်၊ ဝရုဏနတ်၊ ဘာရဒွါဇနတ်၊ ပဇာပတိနတ်၊ စန္ဒနတ်၊ ကာမသေဋ္ဌနတ်၊ ကိန္နုဃဏ္ဍုနတ်၊ နိဃဏ္ဍုနတ်၊ ပနာဒနတ်၊(၁၀)။
သြပမညနတ်၊ မာတလိနတ်၊ စိတ္တသေနနတ်၊ နဠောရာဇနတ်၊ ဇနေသဘနတ်၊ သာတာဂိရိနတ်၊ ဟေမဝတနတ်၊ ပုဏ္ဏကနတ်၊ ကရတိယနတ်၊ ဂုဠနတ်။(၂၀)။
သိဝကနတ်၊ မုစလိန္ဒနတ်၊ ဝေဿာမိတ္တနတ်၊ ယုဂန္ဓရနတ်၊ သုပ္ပရောဓနတ်၊ ဟိရိနတ်၊ နေတ္တိနတ်။ မန္ဒိယနတ်။(၈)။
စုစုပေါင်း ၂၈-ဟူ၍ အမည်ဖြင့် ဖော်ပြထားပါသည်။

သိကြားမင်း၌ ၄င်း ၂၈-ပါးနှင့်တကွ နတ်စစ်သူကြီးပေါင်း များစွာရှိရာ ဤ ၂၈-ပါးကိုသာ အထူးဖော်ပြထားသည်မှာ ၄င်း ၂၈-ပါးသည် လူ့ပြည်ရှိ ရုက္ခစိုးတို့အား သိကြားမင်း အမိန့်ဖြင့် အပြစ်ပေး ကွပ်ညှပ်စီရင်နိုင်သည်။ ထိုသို့ စီရင်နိုင်သဖြင့် လူတို့က သစ်ပင်များကို ခုတ်လှဲသော် နတ်တို့က လူတို့အား နှိပ်စက်ခြင်း။ ဖမ်းစားခြင်း ပြုလျှင် ထိုရုက္ခစိုးနတ်တို့အား ဒဏ်ပေးနိုင်၊ စီရင်နိုင်သူများဖြစ်၍ အထူးဖော်ပြထားခြင်း ဖြစ်ပါသည်။ ဤနတ် ၂၈-ပါးတို့အား လူတို့က ပူဇော်ပသရန် မလို၊ တတ်နိုင်လျှင် တောလမ်းခရီသွားခြင်း စသည်တို့၌ အမည်ကိုဖော်၍ မေတ္တာပို့ သွားကြရန်။ ကုသိုလ်ပြု၍ အမျှဝေရန်သာ လိုပါသည်။
*********************************************************************************

( မေး ) ( မြတ်စွာဘုရားနှင့် ကဆုန်လ၊ ဝါဆိုလ အမည်များ )
အရှင်ဘုရား။ မြတ်စွာဘုရားသည် ဝါဆိုလပြည့်နေ့၌ ပဋိသန္ဓေနေ၏။ ကဆုန်လပြည့်နေ့၌ ဖွားတော်မူ၏-ဟု မြန်မာတို့ သိနေကြပါသည်။ ထိုအချိန်က ထို(မဇ္ဈိမ) ဒေသ၌ ထိုလအမည်များ ရှိမည်မဟုတ်ပါ။ သို့ပါလျက် ဝါဆိုလ၊ ကဆုန်လ-ဟု အဘယ်ကြောင့် ခေါ်ဆိုနိုင်ကြောင်း ဖြေကြားပေးတော်မူပါဘုရား။
( ဦးသင်းမောင်-မန္တလေး )

( ဖြေ ) ဗုဒ္ဓဝင်တွင် မဟာပုရိသော ပန ဥတ္တရာသဠာ နက္ခတ္တေနေဝ မာတုကုစ္ဆိ သြက္ကမိ-စသည်ဖြင့် ပါရှိပါသည်။ ထိုအချိန်က ထို(မဇ္ဈိမ) ဒေသတွင် ကဆုန်လ၊ ဝါဆိုလ စသော အမည်များကို မခေါ်သော်လည်း စန်းယှဉ်နက္ခတ္တ အမည်များဖြင့် ဘယ်နက္ခတ်စန်းယှဉ်ချိန် ပဋိသန္ဓေနေသည်။ ဘယ်နက္ခတ်စန်းယှဉ်ချိန် ဖွားတော်မူသည်-စသည်ဖြင့် မှတ်တမ်းပြုခဲ့ပါသည်။ ထို့ကြောင့် ဥတ္တရာသဠ် နက္ခတ်နှင့် စန်းယှဉ်သော ဝါဆိုလပြည့်၊ ဝိသာခါနက္ခတ်နှင့် စန်းယှဉ်သော ကဆုန်လပြည့်စသည် တိတိကျကျ သိရှိ၍ ဝါဆိုလပြည့်၊ ကဆုန်လပြည့်များ ဖြစ်ကြောင်းဆိုပါသည်။
*********************************************************************************

( မေး ) ( ကြေးစည်၊ ခေါင်းလောင်း နှင့် တဘက် ပုဝါ )
အရှင်ဘုရား။ တပည့်တော်တို့ ဗုဒ္ဓဘာသာဝင်များသည် အမျှဝေပြီး ကြေးစည် ထုကြပါသည်ဘုရား။ ဘယ်လိုအကျိုးတရားများ ရှိသည်ကို ဖြေကြားပေးတော်မူပါဘုရား။
ဘုရားများတွင်ရှိသော ခေါင်းလောင်း၊ မောင်း၊ ကြေးစည် တီးကြသည်မှာ အတူတူ ဖြစ်ပါသလားဘုရား။ ပြီးတော့ မြန်မာအမျိုးသမီးများ ဘုရားဝတ်ပြု၍ ဖြစ်စေ၊ ဆွမ်းလောင်း၍ဖြစ်စေ၊ တဘက်ပုဝါ တင်ရသည်မှာ မည်သည့်အတွက် တင်ရသည်ကို ရှင်းပြပေးတော်မူပါဘုရား။
( မစုနန္ဒာဝင်း-စမ်းချောင်းမြို့နယ်၊ ရန်ကုန် )

( ဖြေ )
ုဘုရားရှိခိုး ဆုတောင်းရာ၌ဖြစ်စေ၊ လှူဒါန်းမှု ပြုရာ၌ဖြစ်စေ၊ အမျှဝေရာ၌ အများ ကြားသိ သာဓုခေါ်နိုင်ရန် ကြေးစည်၊ ခေါင်းလောင်း၊ တီးခတ်ရသည်။ ထို့ကြောင့် အမျှဝေရာ၌ ကြားကြားသမျှ သာဓုခေါ်ကြရန် အသံကျယ်နိုင်သမျှ ကျယ်ကျယ် အမျှဝေရာ၏။ မိမိအသံ မကျယ်နိုင်၍ ကြေးစည် ခေါင်းလောင်း ကူရသည်ကို မှတ်သားရာ၏။

မြန်မာအမျိုးသမီးများမှာ လေးစားထိုက်သော အစည်းအဝေး၊ ဘုရားကျောင်းကန်တို့သို့ သွားလာရာတွင် ပုဝါတဘက် ပခုံးတင်ရသည်မှာ မြန်မာ့ယဉ်ကျေးမှု ဖြစ်ပါသည်။ ဒါနမှု၊ သီလမှု၊ ဘာဝနာမှုတို့ကား အထူးလေးစားထိုက်သော ကုသိုလ်မှု၊ အကြီးမြတ်ဆုံးသော ယဉ်ကျေးမှုပြုရာဖြစ်၍ ပုဝါတဘက် အထူးလိုအပ်လှပါသည်။
ယခုခေတ်တွင် ဝိပဿနာတရားစခန်းများ၌ ယောဂီရောင် တဘက်ပုဝါ တင်ရသည်မှာ ထုံးစံလိုပင် ဖြစ်နေပါသည်။ ထို့ကြောင့် မြန်မာ့ယဉ်ကျေးမှု စစ်စစ်ဖြစ်သော ပုဝါတင်ခြင်းမှာ အထူးလိုအပ်လှပါသည်။
*********************************************************************************

( မေး ) ( ဥပုသ် အမျိုးအစား )
အရှင်ဘုရား။၊ အချို့ ဘုန်းကြီးကျောင်းသွား ဥပုသ်စောင့်ပါသည်။ စနစ်မမှန်၍ နွားကျောင်းသား ဥပုသ်ဖြစ်နေသည်ဟု ကြားဖူးပါသည်။ ဥပုသ်အမျိုး မည်မျှရှိ၍ မည်သို့စောင့်သုံးမှ မှန်ကန်မည်ကို အများပြည်သူ သိစေရန် ဖြေကြားပေးတော်မူပါဘုရား။
( စိုးလင်းအောင်-သံတွဲမြို့ )

( ဖြေ )
ဥပုသ်သည် တိကနိပါတ အင်္ဂုတ္တိုရ်အလို
၁။ နိဂဏ္ဍဥပုသ်။ ၂။ ဂေါပလဥပုသ်။ ၃။ အရိယာဥပုသ်-ဟူ၍ ၃-မျိုးရှိကြောင်း လာပါသည်။
၁။ နိဂဏ္ဍဥပုသ် ဆိုသည်မှာ ငါသည် ယနေ့ ယူဇနာ ၁၀၀-အတွင်းရှိသော သတ္တဝါတို့ကိုသာ ရှောင်မည်။ ၄င်းမှအပ မရှောင်ဟု ဆောက်တည်သော တိတ္တိတို့၏ ဥပုသ်မျိုး ဖြစ်၏။ အကျိုးမရှိ။
၂။ ဂေါပါလဥပုသ်-ဟူသည်မှာ နွားကျောင်းသားသည် သူ၏နွားတို့ကို စားကျက်အတွင်းမှ မထွက်ရအောင် စောင့်ရှောက်ရုံသာ စောင့်ရှောက်နေဘိသကဲ့သို့ သီလခံယူ၍ စားရန်၊ သောက်ရန်၊ စကားပြောရန်သာ ကြံစည်၍ ရတနာသုံးပါး ဂုဏ်ကျေးဇူးစသည်ကို အာရုံမပြု။ အချိန်ကုန် အိမ်ပြန်မျှသာ ဖြစ်သဖြင့် အကျိုးမများလှ။
၃။ အရိယာဥပုသ်-ဟူသည်မှာ ဥပုသ်သီလ ခံယူဆောက်တည်၍ တရားနာခြင်း၊ ရတနာသုံးပါး ဂုဏ်ကျေးဇူးကို အောက်မေ့ စီးဖြန်းခြင်း။ မေတ္တာပွားခြင်း၊ ပုတီးစိပ်ခြင်း၊ လှူဒါန်းခြင်း၊ ဘာဝနာပွားခြင်း၊ တရားစကားကို ဆွေးနွေးပြောဟောခြင်း၊ စသည်ဖြင့် တနေ့တာ ကုသိုလ်အာရုံဖြင့်သာ နေခြင်းမျိုးဖြစ်၍ လွန်စွာ အကျိုးရှိပါသည်။ ထို့ကြောင့် ဥပုသ်သည်များသည် ဤအရိယာဥပုသ်မျိုးကိုသာ စောင့်သုံးသင့်ပါသည်။

( မြတ်မင်္ဂလာ ၂ဝဝ၁-ခု ဧပြီလ )

No comments: