Monday, October 19, 2009

ထေရ၀ါဒဗုဒ္ဓဘာသာ နှင့် မဟာယာနဗုဒ္ဓဘာသာ နှိုင်းယှဉ်ဝေဖန်ချက် ( ၁၁ )

( ယခင်လမှ အဆက် )

ယခင်လများက ဘုန်းကြီးတို့ပြောကြားခဲ့တဲ့ ဒုတိယသင်္ဂါယနာမှာ ဒေ၀ဒတ်၏ တပည့်အဆက်အနွယ်များဖြစ်လာကြတဲ့ ၀ဇ္ဇီပုတ္တကရဟန်းများ၊ အဲဒီ ၀ဇ္ဇီပုတ္တရဟန်းတွေ သင်္ဂါယနာတင်ပွဲကြီးအပြီးမှာ သူတို့ဟာ ဝေသာလီကနေ နှင်ထုတ်ခံရတယ်။ ဘာကြောင့်လဲဆိုတော့ ၂၂၇-ပါးသော သိက္ခာပုဒ်တွေထဲကနေ အဓမ္မ၀တ္ထု ၁၀-မျိုး၊ သိက္ခာပုဒ်အနုစားလေး ၁၀-မျိုးကို ပယ်ဖျက်ဖို့ ကြိုးစားကြတဲ့အတွက် အဲဒီဝါဒကို မစွန့်တဲ့အတွက်ကြောင့် ဝေသာလီပြည်ကနေနှင်ထုတ်ခံရတယ်။

အဲဒီတုန်းက ဘုရားဝိနည်းတော်ကို ပြင်ချင်တဲ့ပုဂ္ဂိုလ်တွေက များတော့ သူတို့နောက်ကို လိုက်သွားတဲ့ သံဃာတွေဟာ တသောင်းကျော်ရှိတယ်။ အဲဒီ တသောင်းကျော်သော ကိုယ်တော်တွေ ဘယရောက်သွားသလဲဆိုတော့ ကောသမ္ဗီ ရောက်သွားတယ်။ ကောသမ္ဗီရောက်တဲ့အခါကျမှ ဝေသာလီပြည်မှာ အရှင်ယသ မထေရ်ကြီးနဲ့ ရဟန်းတော် ၇၀၀-တို့က ဒုတိယသင်္ဂါယနာတင်ရာမှာ ပြောခဲ့တဲ့အတိုင်း ဘုရားရှင်မဟောတာကိုလဲ ထပ်မထည့်ဘူး။ ဟောတာကိုလဲ နုတ်မပစ်ဘူး။ ပြင်ဆင်ချက်လဲ မလုပ်ဘူး။ မူရင်းအတိုင်းပဲ ထိမ်းသိမ်းအတည်ပြုကြတယ်။

ကောသမ္ဗီရောက်သွားတဲ့ ၀ဇ္ဇီပုတ္တက အမည်ခံကြတဲ့ ရဟန်းတသောင်းကတော့ အဲဒီ ဒုတိယသင်္ဂါယနာနှင့်အတူ သင်္ဂါယနာကို ပြိုင်ပြီးတော့ တင်ကြတယ်။ နှင်ထုတ်ခံရတဲ့ ကိုယ်တော်တွေက ဒုတိယသင်္ဂါယနာကို အပြိုင်တင်တော့ ၀ဇ္ဇီပုတ္တကရဟန်းတို့ရဲ့ သင်္ဂါယနာအပြိုင်တင်ရာမှာ တက်ရောက်တဲ့ သံဃာက တသောင်း။ သူတို့ဂိုဏ်းကို သူတို့က ကြီးကျယ်လွန်းတယ်ဆိုပြီးတော့ မဟာသံဃိက။ နောက်တော့ မဟာယာနလို့ ဖြစ်လာတယ်။ ပိဋကတ်သုံးပုံကို အကုန်လုံး ပြင်ဆင်ပစ်ကြတာ။ ကောသမ္ဗီမှာ အချို့သိက္ခာပုဒ်တွေကို နုတ်ပစ်တယ်။ အချို့သိက္ခာပုဒ်တွေကို အသစ်ရေးထည့်တယ်။ ပိဋကတ်မှာလဲ အဲဒီအတိုင်းပဲ။ အချို့သုတ္တန်ကို အသစ်ရေးထည့်တယ်။ အဘိဓမ္မာလဲ ဒီအတိုင်းပဲ ပြင်ပစ်တယ်။ အထူးသဖြင့် သုတ္တန်ပိဋကတ် အကုန်လုံးကို ပြင်ဆင်ပြီးတော့မှ မဇ္ဈိမနိကာယ်၊ အင်္ဂုတ္တရနိကာယ် စသည်ဖြင့် အဲဒီလို နာမည်မပေးဘဲနဲ့ မွန်စုသီရိနိကာယ်လို့ နာမည်ပြောင်းပစ်လိုက်တယ်။

ဒီကနေ့ မဟာယာနမှာ မင်စုဆရီ-ဆိုတဲ့ နတ်သားကြီးတယောက် ရှိတယ်။ အဲဒီနတ်သားကို သူတို့ရှိခိုးကြတယ်။ နီပေါမှာလဲ အဲဒီအရုပ်ဟာ အများကြီးရှိတယ်။ ဘုရားဟောနိကာယကို မင်စုဆရီနိကာယ။ အဲဒါ နတ်ပြည်က ပြန်လာတာ။ နတ်ပြည်ကနေ ပြန်သယ်လာတယ်လို့ သူတို့ တကယ်ယူဆကြတယ်။ သင်္ကန်းပရိက္ခရာအားလုံး ပြင်ပစ်လိုက်တယ်။ တိဘက်ဘုန်းကြီးတွေရုံတဲ့ သင်္ကန်းအားလုံး မြင်ဖူးသားပဲ။ ဂျပန်ဘုန်းကြီးတွေ၊ ကိုးရီးယားဘုန်းကြီးတွေရဲ့အ၀တ်အထည်အားလုံးလဲ မြင်ဖူးကြတာပဲ။ အဲဒါ ကောသမ္ဗီကနေ ၀ဇ္ဇီပုတ္တကကိုယ်တော်တွေ စပြင်တာ။
(၁) ပိဋကတ်သုံးပုံကို ပြင်ဆင်နုတ်၊ ဖြည့်စွက် အကုန်လုပ်တယ်။
(၂) ၀တ်ဆင်တဲ့သင်္ကန်း အကုန်လုံး ပြင်ဆင်ပစ်ကြတယ်။

ဝဇ္ဇီပုတ္တကရဟန်းတွေ သူတို့က သူတို့၈ိုဏ်းကို မဟာသံဃိက၈ိုဏ်းလို့ ခေါ်တယ်။ အဲဒီ မဟာသံဃိက ဂိုဏ်းကနေ မဟာယာနဖြစ်ပါတယ်။ မဟာသံဃိက-ကနေ ကွဲသွားကြတာ ကောဟာလိကဆိုတဲ့ ဂိုဏ်းတဂိုဏ်း၊ ပဏ္ဏတ္တိဝါဒဆိုတဲ့ ဂိုဏ်းတဂိုဏ်း၊ ဗဟုသုတိကာဆိုတဲ့ ဂိုဏ်းတဂိုဏ်း၊ စသည်ဖြင့် ဂိုဏ်း ၅-ဂိုဏ်း ထပ်ကွဲတယ်။ ထေရ၀ါဒဂိုဏ်းကလဲ ထပ်ကွဲတာ။ အဲဒီကထက် ပိုများတယ်။

ထေရ၀ါဒ ဒုတိယ သင်္ဂါယနာတင်ပွဲမှာ အရှင်အာနန္ဒာရဲ့ တပည့် ရဟန္တာပုဂ္ဂိုလ်ကြီး ၆-ပါး၊ အရှင်အနုရုဒ္ဓါရဲ့ တပည့် ရဟန္တာပုဂ္ဂိုလ်ကြီး ၂-ပါး၊ အဲဒီအထဲမှာ သက်တော် ၁၂၀-ရှည်တော်မူကြတဲ့ ရဟန္တာပုဂ္ဂိုလ်ကြီး ၇-ပါးနဲ့ သက်တော် ၁၄၀-ရှည်တော်မူတဲ့ ရဟန္တာပုဂ္ဂိုလ်ကြီး ၁-ပါး၊ ပေါင်း ၈-ပါး ဦးဆောင်ပြီး တင်ကြပါတယ်။ အကြီးဆုံးရဟန်းက သဗ္ဗဂါမိမထေရ်၊ သက်တော် ၁၄၀-ရှိနေပြီ။ ပထမနဲ့ ဒုတိယ သင်္ဂါယနာကြားမှာ နှစ်ပေါင်း ၁၀၀-ရှိတယ်။ ဒါကြောင့် ဒီမထေရ်ကြီးတွေ ဒုတိယသင်္ဂါယနာမှာ လာမီကြတာ။ အဲဒီမထေရ်ကြီး ၈-ပါး ဦးဆောင်ပြီး တင်ထားတဲ့ သင်္ဂါယနာကို ထေရ၀ါဒ သင်္ဂါယနာလို့ ခေးတယ်။ သင်္ဂီတိသင်္ဂါယနာ မဟုတ်ဘူး။

ဒီထေရ၀ါဒ သင်္ဂါယနာပွဲကြီးပြီးတော့ နောက်ပိုင်း နှစ်တွေ၊ နှစ်တွေပြောင်းတော့လဲပဲ အသောကမင်း မတိုင်မီ၊ အသောကမင်းက နှစ် ၂၃၆-မှာတတိယသင်္ဂါယနာတင်တယ်။ အဲဒီနှစ်မတိုင်မီ နှစ် ၁၀၀-ကျော်ကျော်ကြားထဲမှာ ထေရ၀ါဒကလဲ ဘာတွေဖြစ်လာသလဲဆိုတော့-
(၁) မဟိသာဓကဂိုဏ်း
(၂) ၀ဇ္ဇီပုတ္တကဂိုဏ်း
(၃) သဗ္ဗတ္ထိဝါဒဂိုဏ်း
(၄) ဓမ္မသုပ္ပတိဂိုဏ်း
(၅) ဓမ္မုတြိယဂိုဏ်း
(၆) ဘဒြာဟာနိဂိုဏ်း
(၇) စန္ဒာဂါဋိကဂိုဏ်း
(၈) သမိစယဂိုဏ်း
(၉) ကဿပိကဂိုဏ်း
(၁၀) သင်္ဃဋိကဂိုဏ်း
(၁၁) သုတ္တ၀ါဒဂိုဏ်း ဆိုပြီးတော့ ပင်မထေရ၀ါဒဂိုဏ်းက ထပ်ပွားတာက ၁၁-ဂိုဏ်း၊ ပင်မ မဟာသံဃိကဂိုဏ်းက ထပ်ပွားတာက ၅-ဂိုဏ်း၊ ပေါင်းလိုက်တော့ ၁၆-ဂိုဏ်းဖြစ်သွားတယ်။ အဲဒါဟာ ပထမသင်္ဂါယနာနဲ့ ဒုတိယသင်္ဂါယနာကြား အတွင်းမှာ ကွဲကြတဲ့ဂိုဏ်းတွေပဲ။ အဲဒီဂိုဏ်းတွေ ကွဲကြတဲ့ အဓိပ္ပါယ်ကို ကထာဝတ္ထု အဋ္ဌကထာမှာ အကျယ်တ၀င့်ပါတယ်။

အဲဒီထဲမှာ ပိုပြီးတော့ ထူးခြားတာက ပရဂိသတ်ရေ၊ မြောက်ပိုင်းကို ရွှေ့သွားတဲ့ဂိုဏ်းပေါ့။ ဘာဂိုဏ်ါးလဲဆိုတော့ သဗ္ဗတ္ထိဝါဒဂိုဏ်း။ သူက တော်တော်စွမ်းတယ်။ အဲဒီဂိုဏ်းက အိန္ဒိယပြည်ရဲ့ မြောက်ပိုင်း တောင်ခြေတ၀ိုက် ဥတ္တရာပရာဒေ့(ခ်ျ)၊ ပန်ချပ်၊ အဲဒီကနေ အနောက်ကိုသွား ကတ်ရှမီးယား၊ ပါကစ္စတန်၊ အာဖဂန်နစ္စတန်၊ တူရကီ၊ မြောက်ဘက်နား နည်းနည်းရွှေ့လိုက်ရင် ရုရှားပြည် တောင်ဘက်ခြမ်း စသည်ဖြင့် အဲဒီနယ်တခွင်၊ ဟိမ၀န္တာတောင်ခြေတခွင်မှာ ဒီဂိုဏ်းက အားအကောင်းဆုံး။ အဲဒီအချိန် အဲဒီအရပ်မှာ ကုရှန်မင်း အုပ်ချုပ်နေတယ်။ အဲဒီကုရှန်မင်းများရဲ့ လက်ထက်မှာ သုမိတ္တဆိုတဲ့ မထေရ်ကြီးက အကြီးအကဲပြုပြီးတော့ သဗ္ဗတ္ထိဝါဒဂိုဏ်းက သင်္ဂါယနာ တခါထပ်တင်ကြပြန်တယ်။

အဲဒီသင်္ဂါယနာကျတော့ ပိုဆိုးသွားတယ်။ ပရိသတ်ရေ၊ လက်ရှိပိဋကတ်သုံးပုံကို အကုန်လုံးလောက်နီးနီး ရုတ်သိမ်းပြီးတော့ အသစ်ချည်းရေးသွားတယ်။ အဘိဓမ္မာ ၇-ကျမ်း ဆိုလို့ရှိရင် အကုန်လုံး ပြင်ဖြစ်တယ်။ သူတို့ပြင်ရေးတဲ့ ကျမ်းကြီးတွေကို ဘာခေါ်သလဲဆိုလို့ရှိရင် ၀ိဘာဂါ-လို့ခေါ်တယ်။ နာမည်ပါ ပြောင်းသါားတယ်။ ပိဋကတ်လို့ မခေါ်တော့ဘူး။ ၀ိဘာရှာ-လို့ သူတို့အသံနဲ့ ဒီလိုခေါ်တယ်။ အဲဒီတော့ သုတ္တန်အတွက်ဆိုပြီး ဂါထာတသိန်း၊ အဘိဓမ္မာအတွက် ဂါထာတသိန်း၊ သုတ် ၀ိနည်း၊ အဘိဓမ္မာကို အကုန်လုံး အသစ်ပြန်ရေးတာ ဂါထာတသိန်း၊ အဲဒီလိုရေးပြီး ၀ိဘာရှာ ဆိုပြီးတော့ ကျမ်းကြီးတွေကို နာမည်ပြောင်းပြီး ပေးလိုက်ကြတယ်။ နောက်ကျတော့ သူတို့ရဲ့ တပည့်တွေက ဒီဝိဘာရှာ-ဆိုတဲ့ ကျမ်းကြီးတွေကို တမြတ်တနိုး လေ့ကျင့်သင်ကြားပေးတော့ ဘာဖြစ်လာပြန်သလဲဆိုရင် ၀ိဘာရှာဂိုဏ်း-ဆိုပြီး ဂိုဏ်းတဂိုဏ်း ထပ်ပေါ်လာပြန်တယ်။ အဲဒါ သဗ္ဗတ္ထိဝါဒက ထပ်ပြီးတော့ ခွဲထွက်သွားတာ။ အဲဒါကို ၀ိဘာရှိက-ဂိုဏ်းလို့ ဒီလိုခေါ်တယ်။ အဲဒီ ၀ိဘာရှိကဂိုဏ်းမှာ နာမ်တရား၊ ရုပ်တရား ၂-ပိုင်းကို အနိစ္စလို့ ဘယ်တော့မှ မဟောဘူး။ နိစ္စပဲ ဟောသွားတယ်။

ဝေပတ္တိကဂိုဏ်းကလဲ သဗ္ဗတ္ထိဝါဒဂိုဏ်းက ဆရာတွေ ရေးသားခဲ့တဲ့ ၀ိဘာရှာကျမ်းကြီးတွေကို သူတို့ကလဲ ပြန်ပြင်ပြီးတော့ ရေးကြပြန်ရောတဲ့။ ဝေပတ္တိကဂိုဏ်းက ပြန်ရေးတာကျတော့ ၀ိဘာရှာကျမ်းလို့ မခေါ်ဘဲနဲ့ အာဂမငါးရပ်လို့ ခေါ်ကြပြန်တယ်။ ဒီအာဂမ ၅-ရပ် စာအုပ်တွေ ထောင်နဲ့ချီပြီးတော့ တဂိုဏ်းတမျိုး၊ တဂိုဏ်းတမျိုး စာအုပ်တွေ ပွားပွားပြီး ထွက်လာတယ်။ ဘုန်ြးီ့းတို့ ကိုးရိါ်ယားပြည်ကို ရောက်ဖူးတယ်။ ကိုးရီးယားပြည်မှာ ပိဋကတ်ဆိုပြီး စာအုပ်ပေါင်း သုံးသောင်းနဲ့ ခြောက်ထောင်ရှိတဲ့ ပိဋကတ်တိုက်ကြီးကို ဘုန်းကြီးတို့ သွားကြည့်ဖူးတယ်။

အဲဒါတွေ ဘယ်ပေါ်မှာ ရေးထားသလဲဆိုရင် သစ်သားပြားကြီးတွေပေါ်မှာ ရေးထားတယ်။ အလွန်ကြီးတဲ့ ပိဋကတ်တိုက်ကြီးပဲ။ အဲဒီမှာ ဘုရားဟော ပိဋကတ် ဘယ်လောက်ရှိသလဲဆိုရင် သုံးသောင်းနဲ့ ခြောက်ထောင်ရှိတယ်။ ဘုန်းကြီးတို့ဆီမှာ ပေတင်ထားတဲ့ပိဋကတ်သုံးပုံဆိုတဲ့စာအုပ်က ၄၀-ပဲရှိတယ်။ ဘယ့်နှယ်ကြောင့် သုံးသောင်းခြောက်ထောင် ဖြစ်သွားသလဲဆိုတာ ပရိသတ်ရိပ်မိကြရောပေါ့။

ဒါကြောင့် ဘာပဲရေးရေး၊ ဘယ်လောက်ပဲ ရှိရှိ အနှစ်ချုပ်လိုက်ရင် ဘာရသလဲ။ နာမ်-ရုပ်သည် နိစ္စဆိုတော့ ပရိသတ်ရေ ဒါသဿတဒိဋ္ဌိကြီးဖြစ်သွားရော။ ဒါကြောင့် အားလုံးသော သူတော်ကောင်းတွေ သူတော်ကောင်းတရားဖြစ်တဲ့ သဒ္ဓမ္မကို အမြတ်တနိုးထားပြီး အသဒ္ဓမ္မ မသူတော်တရားကို သဒ္ဓမ္မဖြစ်တဲ့ သူတော်ကောင်းတရားထဲ ၀င်မလာအောင် ကာကွယ်စောင့်ရှောက်နိုင်ကြပါစေလို့ ဟောကြားအပ်ပါသတည်း။

သီတဂူဆရာတော်

( မြတ်မင်္ဂလာ ၂၀၀၁-ခု အောက်တိုဘာလ )

No comments: