Friday, October 23, 2009

ထေရဒ၀ါဒ ဗုဒ္ဓဘာသာ နှင့် ပါဠိဘာသာ

( မဂဓတိုင်း )
ပါဠိဘာသာသည် မာဂဓဘာသာတွင် အခြေခံ၏။(၀ါ) ပါဠိဘာသာသည် မြင့်မြတ်သော မာဂဓဘာသာ ဖြစ်သည်။ အိန္ဒိယနိုင်ငံတွင် ၀ိသာခါသုတ်၌ ဘုရားရှင်ဟောထားသည့်အတိုင်း တိုင်းကြီး ၁၆-တိုင်းရှိရာ မဂဓတိုင်းသည် တတိုင်းအပါအ၀င်ဖြစ်၏။ ယခုခေတ် ဗီဟာရ်ပြည်နယ် တောင်ပိုင်းဖြစ်၏။ ဘုရားရှင်လက်ထက်က ထိုမဂဓတိုင်း၏ မြို့တော်မှာ ရာဇဂြိုဟ်မြို့ကြီးဖြစ်၏။ ထိုတိုင်းသည် သာသနာတော်တွင် အလွန်ထင်ရှားသော တိုင်းကြီးဖြစ်၏။ ဘုရားဖြစ်တော်မူရန်၊ လူသာမန်တို့ကျင့်နိုင်ရန် ခဲယဉ်းသော ဒုက္ကရစရိယာအကျင့်ကို ၆-နှစ်တိုင် ကျင့်သုံးရာဌာနလည်း ဖြစ်၏။ ဗောဓိပင်ရင်းရှိ ရတနာပလ္လင်ထက်ဝယ် ဒေ၀ပုတ္တမာရ် စသည့် မာရ်ငါးပါးကို အောင်မြင်ပြီးနောက် သစ္စာလေးပါးတရားကို သိမြင်တော်မူကာ သဗ္ဗညုတဉာဏ်ရှင် ဘုရားသခင်အဖြစ်သို့ ရောက်ရာဌာနလည်း ဖြစ်၏။ ရာဇဂြိုဟ်မြို့တော်ကြီးမှာပင် ငါးဝါတိုင်တိုင် ဘုရားရှင် သီတင်းသုံးတော်မူ၍ သတ္တ၀ါအပေါင်းကို တရားထူးရစေတော်မူသော ဌာနလည်းဖြစ်၏။

အင်္ဂါလေးပါးရှိ၍ ဆဠဘိညဧဟိဘိက္ခူ ရဟန္တာပေါင်း ၁၂၅၀-ပါဝင်သော သာဝကအစည်းအဝေးကြီးဖြစ်ပေါ်ရာ အရှင်သာရိပုတ္တရာနှင့် အရှင်မောဂ္ဂလာန်တို့အား လက်ယာတော်ရံ လက်ဝဲတော်ရံ အဂ္ဂသာဝက ရာထူးအပ်နှင်းရာ သြ၀ါဒပါတိမောက်ကို ပြတော်မူရာဌာနကြီးလည်း ဖြစ်၏။ အရှင်မဟာကဿပ အမှူးရှိသော ပဋိသမ္ဘိဒါပတ္တဆဠဘိည ရဟန္တာကြီးငါးရာတို့ ပထမသင်္ဂါယနာ တင်ရာ တိုင်းဌာနကြီးလည်း ဖြစ်သည်။

( မာဂဓဘာသာ )
ထိုမဂဓတိုင်းသားတို့ ပြောဆိုသုံးစွဲသော ဘာသာစကားကို မာဂဓဘာသာဟု ခေါ်သည်။ မဂဓတိုင်းသုံးဘာသာစကားဖြစ်၏။ ထိုမာဂဓဘာသာကို အရိယာပုဂ္ဂိုလ်တို့ သုံးစွဲရိုးဖြစ်သောကြောင့် အရိယာဘာသာ-ဟူ၍လည်း ခေါ်သည်ဟု ပါရာဇိကဏ်ပါဠိ၊ အဋ္ဌကထာ၌ မိန့်ဆိုထား၏။ မာဂဓဘာသာကား သဘာဝနိရုတ္တိ-ဟူသော ဂုဏ်ထူးဝိသေသရှိသဖြင့် ဘာသာတကာတို့ထက် ထူးခြားသောဘာသာဖြစ်၏။ သဘာဝနိရုတ္တိ ဆိုသည်မှာ မိမိဆိုလိုသော အနက်အဓိပ္ပါယ်ကို ဖောက်ပြန်ပြောင်းလွှဲခြင်းမရှိ၊ တိတိကျကျ ဖော်ပြစွမ်းနိုင်၍ ဘုရားအစရှိသော ပုဂ္ဂိုလ်ထူး၊ ပုဂ္ဂိုလ်မြတ်တို့ ဟောပြောသုံးစွဲသော ဘာသာဟု ဆိုလိုကြောင်း မူလဋီကာ၊ အနုဋီကာကျမ်းများ၌ မိန့်ဆိုထား၏။

တနည်းအားဖြင့်ဆိုသော် ဖောက်လှဲဖောက်ပြန် တိမ်းပါးပျက်စီးခြင်းမရှိ၊ ပကတိအတိုင်း တည်နေသော ဘာသာဟု ဆိုလိုသည်။ မှန်၏။ အခြားသော ဘာသာတို့သည် ကာလအတန်ကြာလာသောအခါ ဧကန်အမှန် ပြောင်းလဲပျက်စီးသွားကြ၏။ မာဂဓဘာသာမှာမူ နေရာအချို့၌ဖြစ်စေ၊ တခါတရံဖြစ်စေ ပြောဆိုသူတို့ အလွဲလွဲအမှားမှား ရွတ်ဆိုသင်ယူခြင်းစသော အကြောင်းကြောင့် ပြောင်းလဲပျက်စီးတတ်သော်လည်း နေရာများစွာ၌ ဖြစ်စေ၊ အခါခပ်သိမ်းဖြစ်စေ၊ ပြောင်းလဲခြင်း မရှိပေ။ အကြောင်းမှာ-ငရဲဘုံ၊ တိရစ္ဆာန်ဘုံ၊ ပြိတ္တာဘုံ၊ လူ့ပြည်၊ နတ်ပြည်၊ ဗြဟ္မာ့ပြည်တို့၌ မာဂဓဘာသာကိုသာ အပြောများ၏ဟု သမ္မောဟ၀ိနောဒနီ အဋ္ဌကထာ၌ မိန့်ဆိုထားရကား ကမ္ဘာပျက်သောအခါမှာပင် ကမ္ဘာပျက်ရာတွင် မပါဝင်သော ဗြဟ္မာ့ပြည်၌ သဘာဝအားဖြင့် တည်ရှိနိုင်သောကြောင့် ဖြစ်သည်။ (လူသားတို့ မှားမှားယွင်းယွင်း သင်ယူုခြင်း စသည်တို့ရှိသောကြောင့် အချို့နေရာ၌ တခါတရံ ပြောင်းလဲတတ်သည်ဟု ဆိုခြင်းဖြစ်၏။ ဗြဟ္မာ့ပြည်စသည့်နေရာတို့၌ မပြောင်းလဲဘဲ ပကတိသဘာဝအတိုင်း တည်ရှိနိုင်သည့်အတွက် နေရာများစွာ၌ အခါခပ်သိမ်း ပြောင်းလဲခြင်းမရှိဟု အနုဋီကာ၌ ဆိုထား၏။)

မာဂဓဘာသာကား အနက်အဓိပ္ပါယ်ကို ချမ်းသာလွယ်ကူစွာ သိနိုင်၊ ဆောင်နိုင်၏။ ဗုဒ္ဓရှင်တော်မြတ်ဘုရား မာဂဓဘာသာစကားဖြင့် တရားဟောတော်မူလျှင် ပဋိသမ္ဘိဒါပတ္တပုဂ္ဂိုလ်တို့မှာ ကြားရုံမျှဖြင့်ပင် နည်းပေါင်းရာထောင်ဖြင့် အဓိပ္ပါယ်ကို ကျယ်ဝန်းစွာသိကြ၏။ အခြားဘာသာဖြင့် ဘုရားစကားတော်အစဉ်ကို တင်ထားလျှင် ထိုစကားတော်ကို အရိုက်အပုတ်ခံ၍ သင်ယူကြရမည်ဖြစ်၏။ ပုထုဇဉ်ပုဂ္ဂိုလ်တို့အဖို့လည်း အမြောက်အများသင်ယူစေကာမူ ပဋိသမ္ဘိဒါပတ္တဖြစ်ရန် အခွင့်အလမ်းမရှိ။ အမှန်စင်စစ် မာဂဓဘာသာသည်သာ သဘာဝနိရုတ္တိဖြစ်၍ နိရုတ္တိပဋိသမ္ဘိဒါဉာဏ်၏အရာလည်း ဖြစ်၏။ နိရုတ္တိပဋိသမ္ဘိဒါဉာဏ်ကိုရလျှင် မာဂဓဘာသာကို အလိုအလျောက် တတ်နိုင်သည့်နည်းတူ မာဂဓဘာသာ၌ ကျွမ်းကျင်လိမ္မာခြင်းသည်လည်း ပဋိသမ္ဘိဒါဉာဏ်ကို ရခြင်းအကြောင်းတပါးလည်း ဖြစ်ပေသည်။ ထို့ကြောင့် မြတ်စွာဘုရားသည် ပိဋကတ်သုံးပုံဟူသော တရားတော်ကို မာဂဓဘာသာဖြင့်သာ ဟောကြားတော်မူခြင်းဖြစ်သည်ဟု သမ္မောဟ၀ိနောဒနီစသော ကျမ်းများ၌ မိန့်ဆိုထား၏။

ကမ္ဘာပျက်ရာတွင် မပါဝင်သော ဗြဟ္မာ့ပြည်၌ သဘာဝအတိုင်း မပြောင်းမလဲ တည်ရှိခဲ့သောကြောင့် မာဂဓဘာသာသည် ကမ္ဘာဦးလူသားတို့ ပြောဆိုသော ဘာသာစကားလည်း ဖြစ်ခဲ့၏။ ထင်ရှားစေဦးအံ့။ ကမ္ဘာဦးလူသားတို့မှာ ဗြဟ္မာ့ပြည်မှ စုတေ၍ လူ့ပြည်သို့ ဥပပါတ် ပဋိသန္ဓေအားဖြင့် ရောက်လာကြသူများဖြစ်၍ လူသားအဖြစ်ဖြင့် ဖြစ်လာကြသည့်အခါမှာလည်း ဗြဟ္မာ့ပြည်တွင် ပြောဆိုခဲ့သော မာဂဓဘာသာကိုပင် ပြောဆိုကြသည်ဟု ကျမ်းဂန်တို့၌ မိန့်ဆိုထား၏။ သို့ဖြစ်၍ မာဂဓဘာသာသည် ဘာသာတကာတို့၏ အရင်းမူလဖြစ်ရကား မာဂဓဘာသာကို မူလဘာသာ-ဟုလည်း ကျမ်းဂန်တို့၌ သုံးနှုန်းကြ၏။ ထိုဘာသာစကားကို ( ကမ္ဘာဦးလူသား၊ ဗြဟ္မာ၊ သူတပါးတို့ စကားပြောသံကို မကြားရသေးသော ကလေးနှင့် တောတွင်း လူရိုင်း၊ မြတ်စွာဘုရား-) တို့ ပြောကြားကြသည်ဟု ပဒရူပသိဒ္ဓိကျမ်း၌ မိန့်ဆိုထားပေသည်။

ဗုဒ္ဓမြတ်စွာသည် မာဂဓဘာသာစကားဖြင့် တရားဒေသနာကို ဟောကြားခဲ့သည်ဟု ဆိုခဲ့၏။ ဤနေရာ၌ မာဂဓဘာသာစကား မတတ်သူ တရားနာ ဝေနေယျတို့မှာ တရားတော်ကို မည်သို့နားလည်နိုင်ပါသနည်းဟု မေးစရာရှိ၏။ အဖြေကား ဘုရားရှင်သည် မာဂဓဘာသာဖြင့်ပင် တရားတော်တို့ကို ဟောကြားတော်မူသည်မှာ အမှန်ပင်ဖြစ်သည်။ သို့ရာတွင် တရားနာယူသူ ပုဂ္ဂိုလ်တို့ကမူ မိမိတို့ဆိုင်ရာ ကိုယ်ပိုင်ဘာသာဖြင့်ပင် နားလည်ကြသည်။ ဥပမာ-ဒမိဠလူမျိုးတို့ကလည်း ဒမိဠဘာသာစကားဖြင့် ဟောကြားနေသည်ဟု ထင်ရသကဲ့သို့ အန္ဓက လူမျိုးတို့ကလည်း အန္ဓကဘာသာဖြင့်ပင် ဟောညွှန်ပြသဆိုဆုံးမနေသည်ဟု ထင်ရလေသည်။ ဤသို့ ထင်ရခြင်းသည်ပင် အစိန္တေယျဂုဏ်တော်လေးပါးတို့တွင် ၀ါစာအစိန္တေယျ ဂုဏ်တော်ဟူသော ဘုရားရှင်၏ တန်ခိုးအာနုဘော်ပင် ဖြစ်သည်ဟု ဣတိဝုတ္တက အဋ္ဌကထာစသော အဋ္ဌကထာကျမ်းများစွာ၌ မိန့်ဆိုထားသည်။

မာဂဓဘာသာသည် ဆိုခဲ့ပြီးသော ဂုဏ်တို့နှင့်သာ ပြည့်စုံသည်မဟုတ်သေး။ သာသနာတော်၏ အသက်ဟုဆိုရသော ၀ိနည်းကံဆောင်ရာတို့၌လည်း လွန်စွာ ကျေးဇူးများလှ၏။ မှန်၏။ ရဟန်းခံခြင်း၊ သိမ်သမုတ်ခြင်း စသော သာသနာတော်၏ မူလဘူတဖြစ်သည့် သံဃာ့ကံတို့ကို အောင်မြင်ထမြောက်အောင် ဆောင်ရွက်ရာ၌ ဆိုင်ရာကမ္မ၀ါာစာတို့သည် မပါလျှင် မပြီးသောအရာများဖြစ်ကြ၏။ ထိုကမ္မ၀ါစာတို့ကို သိထိလ, ဓနိတ, ၀ိမုတ္တ, နိဂ္ဂဟိတ ပီသအောင် ရွတ်ဖတ်နိုင်မှ ကံမြောက်၏။ ထိုသို့ ရွတ်ဖတ်နိုင်ရန်မှာလည်း မာဂဓဘာသာဆိုင်ရာ ရွတ်ဖတ်နည်းဖြစ်သော သိထိလ, ဓနိတ စသည့် ဗျဉ္ဇနဗုဒ္ဓိဆယ်ပါးကို ကျွမ်းကျင်ရမည်။ ကျွမ်းကျင်မှသာ ကမ္မ၀ါစာကို မပျက်စီးစေဘဲ ကံအထမြောက်အောင် ရွတ်ဖတ်နိုင်၏။ မာဂဓဘာသာကို မတတ်လျှင်ကား ကမ္မ၀ါစာတို့ကို အောင်မြင်ထမြောက်အောင် ရွတ်ဖတ်နိုင်မည် မဟုတ်ချေ။ သို့ဖြစ်၍ မာဂဓဘာသာသည် ဗုဒ္ဓမြတ်စွာ သာသနာတော် အဓွန့်ရှည်ကြာ တည်တံ့ရေး၌ အလွန်အရေးပါ အရောရောက်သော ဘာသာထူး ဘာသာမြတ် ဖြစ်လေသည်။

( မာဂဓဘာသာနှင့် ပါဠိဘာသာ )
ယခု ကျွန်ုပ်တို့ သုံးနှုန်းပြောဆိုနေသော ပါဠိဘာသာဟူသော ဝေါဟာရကို အရိယဘာသာ၊ ဓမ္မနိရုတ္တိ၊ သဘာဝနိရုတ္တိ၊ မာဂဓဘာသာ၊ တန္တိဘာသာ၊ မူလဘာသာ၊ ပကတိဘာသာ ဟူသော အမည်တို့ဖြင့်သာ ပါဠိ အဋ္ဌကထာ ဋီကာတို့၌ သုံးနှုန်းသည်ကို တွေ့ရ၍ ပါဠိဘာသာဟူသော အမည်ဖြင့် သုံးနှုန်းသည်ကို မတွေ့ရသလောက် ရှိ၏။ သို့သော် မူလပဏ္ဏာသဋီကာ၊ သီလက္ခန်ဋီကာဟောင်းတို့၌ကား တန္တိနယာနုစ္ဆ၀ိကံ-၏ အဖွင့်တွင် ပါဠိဂတိယာ အနုလောမိကံ၊ ပါဠိဘာသာယာနုဝိဓာယိနိန္တိ အတ္ထော-ဟု ရှားရှားပါးပါး တွေ့ရ၏။ အဋ္ဌကထာ ဋီကာတို့၌ ပါဠိဘာသာ-ဟူသော ဝေါဟာရကို အတွေ့ရနည်းသော်လည်း ဓမ္မောတိ ပါဠိစသည်ဖြင့် ပါဠိ-ဟူသော အသုံးအနှုန်းတို့ကိုမူ အတော်များများ တွေ့ရ၏။ ထိုပါဠိဟူသော ဝေါဟာရကို သီလစသော အမြတ်တရားတို့ကို သိစေတတ်သောကြောင့်၎င်း၊ သဘာဝနိရုတ္တိဖြစ်၍ ဘုရားစသော ပုဂ္ဂိုလ်မြတ်တို့ ဟောကြားတော်မူသောကြောင့်၎င်း၊ မြင့်မြတ်သော ဘုရားစကားတော်တို့၏ အစဉ်ကို ပါဠိဟုခေါ်သည်။

ပိဋကတ်သုံးပုံဟူသော ပရိယတ်တရားတော်များဖြစ်သည်-ဟု သာရတ္ထဒီပနီဋီကာစသော ဋီကာကြီးများ၌ တပြေးညီဖွင့်ဆိုထားကြရကား မာဂဓဘာသာနှင့် တည်ရှိနေသော မြတ်သောဘုရားတရားတော်အစဉ်ကို ပါဠိ-ခေါ်သည်ဟု ဆိုရမည်။ (ပ=မြတ်သောဘုရားစကားတော်တို့၏၊ အာဠိ=အစဉ်) မာဂဓဘာသာသည် ဘုရားစကားတော်အစဉ်ဟူသော ပါဠိတို့မှ မှတ်တမ်းတင်၍ ထိန်းသိမ်း စောင့်ရှောက်ထားသည့် ဘာသာဖြစ်သောကြောင့် ထိုမာဂဓဘာသာကိုပင် ပါဠိဘာသာခေါ်သည်ဟု အဘိဓာနပ္ပဒီပိကာသူစိကျမ်း၌ မိန့်ဆိုထားသည်ကို တွေ့ရ၏။ ( ပါဠိ-ပ+အာဠိ )

ဤဆိုခဲ့ပြီးသော စကားအစဉ်အရ မာဂဓတိုင်းသုံး ဒေသမာဂဓဘာသာတခုလုံးကို ပါဠိဘာသာဟု မခေါ်။ ပါဠိ, အဋ္ဌကထာ, ဋီကာ စသည်တို့၌ တည်ရှိသော မာဂဓဘာသာကိုသာ မွန်မြတ်သော ဘုရားစကားတော်များ၏ အစဉ်ဖြစ်သောကြောင့် ပါဠိဘာသာခေါ်သည်ဟု ဆိုရပေမည်။ ထို့ကြောင့် တောင်ပေါက်ဆရာတော် အဂ္ဂမဟာပဏ္ဍိတ စက္ကပါလမဟာထေရ်မြတ်ကြီးက မဂဓတိုင်း၌နေသူ လူတို့ ပြောဆိုသုံးစွဲသော ဘာသာဖြစ်သောကြောင့် မာဂဓဘာသာဟုခေါ်သည်။ သို့သော် တိုင်းသူပြည်သား လူအများတို့ ပြောဆိုကြသော အရပ်သုံး မာဂဓီဘာသာကား သင်္ဂါယနာသုံးတန်တင် လွန်စွာစင်ကြယ်သော ဘုရားဟောပိဋကတ်သုံးပုံ ပါဠိတော်နှင့် အဋ္ဌကထာ ဋီကာကျမ်းများ၌လာသော သုဒ္ဓမာဂဓီ တန္တိဘာသာကဲ့သို့ မဟုတ်ဘဲ ဘာသန္တရရောယှက် အပျက်ပျက်ဖြစ်၍ မသန့်ရှင်း မစင်ကြယ်သော ဂါမိကဒေသမာဂဓီ မိဿကဘာသာမျိုးသာ ဖြစ်ချေသည်။ ထိုအကြောင်းကို အများအားဖြင့် ၄င်းဒေသ မာဂဓီဘာသာဖြင့် ရေးသားထားသော အသောက သိလာလိပိများကို ကြည့်ရှုက ထင်ရှားသိနိုင်သည်ဟု ဗုဒ္ဓသာသနိက ပထ၀ီဝင်ကျမ်းကြီး၌ မိန့်ဆိုထားခြင်း ဖြစ်သည်။ (အချို့ကျမ်းများ၌ မာဂဓဘာသာကို မာဂဓီဘာသာဟုလည်း သုံးနှုန်းသည်ကို တွေ့ရ၏။) သို့ဖြစ်၍ ပါဠိဘာသာသည် မြင့်မြတ်သော မာဂဓဘာသာမျိုးဖြစ်သည်-ဟု အစ၌ ဆိုခဲ့ခြင်းဖြစ်ပေသည်။

( ပါဠိဘာသာ နှင့် သက္ကတဘာသာ )
ပါဠိဘာသာသည် ထေရ၀ါဒဗုဒ္ဓဘာသာဝင်တို့အဖို့ ထူးမြတ်သောဘာသာဖြစ်သကဲ့သို့ သက္ကတဘာသာသည်လည်း ဟိန္ဒူဗြဟ္မဏဘာသာဝင်အဖို့ ထူးမြတ်သော ဘာသာဖြစ်၏။ ဝေဒိကသက္ကတ၊ န၀ီနသက္ကတ-ဟု သက္ကတဘာသာ နှစ်မျိုးရှိရာ ပါဠိဘာသာသည် ဝေဒိကသက္ကတထက် နောက်ကျသော်လည်း န၀ီနသက္ကတထက် ရှေးကျသည်ဟု ဆိုကြသည်။ သက္ကတဘာသာနှစ်မျိုးလုံးပင် ပါဠိဘာသာနှင့် ပုဒ်နေပါဌ်ထားတို့၌ တူညီသောအချက် အများအပြားပင် တွေ့ရှိရ၏။ အထူးသဖြင့် န၀ီနသက္ကတနှင့်မတူသော ဝေဒိကသက္ကတနှင့်သာ ရုပ်အစီအရင်တူသော အချက်များစွာတို့သည် ပါဠိဘာသာ၌သာ ရှိလေသည်။

ပြဆိုခဲ့ပြီးသည့်အတိုင်း သက္ကတဘာသာ၌ ပါဠိဘာသာနှင့် တူညီသောအချက် များစွာပင်ရှိသော်လည်း ဗုဒ္ဓရှင်တော်မြတ်ဘုရားသည် မိမိဟောကြားသော စကားတော်၊ တရားတော်များကို သက္ကတဘာသာသို့ ပြန်ဆိုတင်ထားရန်ကိုကား ခွင့်ပြုတော်မမူခဲ့ဘဲ တားမြစ်တော်မူခဲ့သည်။

( ဗုဒ္ဓ၀စနကို သက္ကတဘာသာသို့ မတင်ရ )
အတန်ငယ် ရှင်းပြဦးအံ့။ မြတ်စွာဘုရား သက်တော်ထင်ရှား ရှိတော်မူစဉ်က အရွတ်အဖတ်ကောင်း အသံကောင်းဖြစ်ကြသော ဗြဟ္မဏဇာတ်မှ ရဟန်းပြုလာကြသည့် ရဟန်းညီနောင်နှစ်ပါးတို့သည် ဘုရား စကားတော်ကို ဇာတ်ညံ့သူများလည်း သင်ယူကြသည်ကိုမြင်၍ မာဂဓဘာသာကား အရွတ်အဖတ်မခက်၊ အနက်အဓိပ္ပါယ် သိလွယ်၍ လူတိုင်း သင်ယူနိုင်သည်။ အရွတ်အဖတ် ခက်ခဲ၍ အနက်အဓိပ္ပါယ် မသိလွယ်သော သက္ကတဘာသာသို့ ပြန်ဆိုတင်ထားရပါမူကား ဝေဒကျမ်းတို့ကဲ့သို့ ဗြဟ္မဏဇာတ်ဝင်တို့သာ သင်ယူနိုင်၍ ဇာတ်ညံ့သူတို့ မသင်ယူနိုင်။ ယခုမူ ဇာတ်ညံ့သူတို့ပင် သင်ယူနိုင်၍ သူတို့လက်သို့ ရောက်နေသဖြင့် ပျက်စီးနေရသည်ဟု ဆိုကာ ဘုရားစကားတော်ကို သက္ကတဘာသာသို့ ပြန်ဆိုရန် ဘုရားရှင်အား လျှောက်ထားရာ ဘုရားရှင်က ထိုလျှောက်ထားချက်ကို ကဲ့ရဲ့တော်မူပြီး ရဟန်းတို့-ဘုရားစကားတော်ကို သက္ကတဘာသာသို့ မတင်ထိုက်။ တင်သောရဟန်း ဒုက္ကဋ်အာပတ် သင့်စေ-ဟု ပယ်မြစ်တော်မူပြီး ဆက်လက်၍ ရဟန်းတို့-ဘုရားစကားတော်ကို မိမိဥစ္စာ မာဂဓီဘာသာဖြင့် သင်ကြားခြင်းငှါ ငါဘုရား ခွင့်ပြုတော်မူ၏-ဟု ပညတ်တော်မူခဲ့ပေသည်။ ဤသို့အားဖြင့် သက္ကတဘာသာသည် ထေရ၀ါဒဗုဒ္ဓဘာသာနှင့် မသက်ဆိုင်၊ မာဂဓဘာသာ သို့မဟုတ် ပါဠိဘာသာသည်ကား ထေရ၀ါဒဗုဒ္ဓဘာသာသုံး ဘာသာဖြစ်သည်။

နိဂုံးချုပ်အားဖြင့်ဆိုရသော် မာဂဓဘာသာသည် အရိယဘာသာ၊ ဓမ္မနိရုတ္တိ၊ သဘာနိရုတ္တိ၊ တန္တိဘာသာ၊ မူလဘာသာ၊ ပကတိဘာသာ-ဟု အမည်အမျိုးမျိုးရသည့်ဘာသာ ဖြစ်သည်။ သို့သော် မာဂဓတိုင်းသုံး ဒေသမာဂဓဘာသာတခုလုံးကို ပါဠိဘာသာဟု မခေါ်ဆို။ ပါဠိ၊ အဋ္ဌကထာ၊ ဋီကာတို့၌ မှတ်တမ်းတင် သုံးစွဲထားသည့် မာဂဓဘာသာကိုသာ မွန်မြတ်သော ဘုရားစကားတော်များ၏ အစဉ်ဖြစ်သောကြောင့် ပါဠိဘာသာဟု ခေါ်ဆိုနိုင်သည်။ ထိုပါဠိဘာသာသည် (၀ါ) မာဂဓဘာသာသည် ဘုရားရှင်ကိုယ်တိုင် ပိဋကတ်သုံးပုံဟူသော မိမိစကားတော်ကို ပါဠိတော်အစဉ်သို့ တင်တော်မူသောအခါ မာဂဓဘာသာဖြင့်သာ တင်တော်မူ၍ ရဟန်းတို့အားလည်း ဘုရားစကားတော်ကို ထိုဘာသာဖြင့်ပင် သင်ကြားခွင့်ပြုခဲ့ရကား ထေရ၀ါဒဗုဒ္ဓဘာသာအတွက် လွန်စွာကျေးဇူးများ၍ ထေရ၀ါဒဗုဒ္ဓဘာသာသုံး ဘာသာထူး ဘာသာမြတ် ဖြစ်ပေသည်။

ဓမ္မာစရိယ-ဦးအေးနိုင်(ဘီ-အေ)

( မြတ်မင်္ဂလာ ၂၀၀၁-ခု နိုဝင်ဘာလ )

No comments: