ထေရ၀ါဒ ဗုဒ္ဓဘာသာ နှင့် မဟာယာန ဗုဒ္ဓဘာသာ နှိုင်းယှဉ်ဝေဖန်ချက် ( ၁၂ )

( ယခင်လမှ အဆက် )

ထေရဝါဒဗုဒ္ဓဘာသာဝင်တွေ ထေရဝါဒဗုဒ္ဓဘာသာဝင် ပီပီသသဖြစ်လာရေးမှာ မြတ်ဗုဒ္ဓဟောကြားတဲ့ ဒီသုတ္တန်မှာဖြင့် ဘုန်းကြီးတို့ သေသေချာချာ အထောက်အကူဖြစ်တယ်လို့ ယုံကြည့်ပြီးတော့ အဲဒါကိုထပ်ပြောမယ်။ အဲဒါက အင်္ဂုတ္တိုရ်မှာရှိတဲ့ စဏ္ဍာလသုတ္တန်၊ ဒီလိုမှတ်ရမယ်။ မြတ်စွာဘုရား ပရိနိဗ္ဗာန်စံပြီးတဲ့နောက် နှစ် ၂၃၆-မှာ တတိယသင်္ဂါယနာတင်။ ကိုးဌာနသာသနာပြုလွှတ်၊ အဲဒီအထိ သာသနာ့သမိုင်း၊ သာသနာတော်မှာ ထေရဝါဒနဲ့ မဟာယာနဂိုဏ်းကွဲပြီးတော့ အယူအဆတွေ အမျိုးမျိုးဖြစ်လာတဲ့ သမိုင်းကြောင်းကြီးကို ၁၄-ပွဲအထိ ဘုန်းကြီးတို့ပြောပြထားပြီးပြီ။ ကျန်တဲ့အပိုင်းတွေ ဘုန်းကြီးတို့ပြောဦးမှာ။ စတုတ္ထသင်္ဂါယနာတင်ပွဲ ဘုန်းကြီးတို့မရောက်သေးဘူး။ ဒီတော့ ဒီစဏ္ဍာသုတ္တန်မှာ အချက်အလက်ပေါင်း မြတ်ဗုဒ္ဓ ငါးခုဟောရမှာ ထေရဝါဒဗုဒ္ဓဘာသာ ပီသရေးအတွက် အဓိကကျတဲ့ အချက်သုံးခု ရှိပါတယ်။ အဲဒီအချက်သုံးခုနဲ့တကွ ငါးခုကိုခြုံမိအောင် ပြောပြပါမယ်။

နာမည်က စဏ္ဍာလ၊ သင်္ဂါယနာခြောက်တန်လုံးတင်ထားတဲ့ ပိဋကတ်မှာရှိတဲ့ အမည်ကိုက ဒီအတိုင်းပဲ။ ဒါဘုန်းကြီးတို့ပေးတဲ့ နာမည်လည်းမဟုတ်ပါဘူး။ စဏ္ဍာလ-ဆိုရင် လူတွေအားလုံး နားလည်သဘောပေါက်တာက သုသာန်ရဲ့ အမှုကိစ္စ အလုပ်နဲ့ အသက်မွေးတဲ့လူမျိုးလို့ သိထားကြတယ်။ စဏ္ဍ-ဆိုတာ ကြမ်းတမ်းတယ်၊ ယုတ်မာတယ်၊ အလ-ဆိုတာက လုပ်နိုင်စွမ်းရှိတယ်။ လုပ်ရဲတယ်။ ကြမ်းတမ်းသော ရုန့်ရင်းသောအလုပ်တွေကို လုပ်ရဲသောပုဂ္ဂိုလ်လို့ အဓိပ္ပါယ်ရတယ်။ ကြမ်းတမ်းရုန့်ရင်းသော အလုပ်တွေကို လုပ်ဖို့ရန်စွမ်းသော ပုဂ္ဂိုလ်ဟာ စဏ္ဍာလ။ အဲဒီအဓိပ္ပါယ်အတိုင်းသာ မှတ်ရင် သုသာန်ထဲနေနေ၊ မနေနေ၊ ရဲတိုက်ကြီးထဲ နေနေ၊ မနေနေ၊ နေချင်တဲ့နေရာ နေ၊ ကြမ်းတမ်းရုန့်ရင်းတဲ့ အလုပ်ကိုလုပ်ရဲရင် စဏ္ဍာလ ဖြစ်သွားမှာပဲ။

သုတ်တော်အရ စကားလုံးတော်အရ စဏ္ဍာလအဖြစ်က လွတ်အောင် ကိုယ် နှုတ် စိတ် ၃-ပါးမှာ ကြမ်းတမ်းရုန့်ရင်းသော အပြော အလုပ် အကြံတို့ကို မဖြစ်အောင်ရှောင်ပြီးတော့ ယဉ်ကျေးသိမ်မွေ့ နူးညံ့ဖြူစင်ကောင်းမြတ်တဲ့ အကျင့်တွေ ကျင့်သုံးနေရင် အဲဒီပုဂ္ဂိုလ်ဟာ စဏ္ဍာလမဟုတ်တော့ဘူး။ အေး-ရွှေချထားတဲ့ မှန်တွေ စိန်တွေ တပြောင်ပြောင်စီထားတဲ့ ပြာသာဒ်ကြီးမှာနေလဲပဲ ရုန့်ရင်းခဲ့ရင် စဏ္ဍာလဖြစ်သွားမှာပဲ။ ဓမ္မသဘာဝ အားဖြင့် စဏ္ဍာလဖြစ်-မဖြစ် ဒီလိုသိထားကြရမယ်။

မြတ်စွာဘုရားက ဒီစဏ္ဍာလသုတ်ကို သာဝတ္ထိမြို့ ဇေတဝန်ကျောင်း သံဃာတော်တွေ စည်းဝေးရာ မန္တလာရာမဆိုတဲ့ ဓမ္မာရုံကြီးထဲမှာ ဟောတော်မူပါတယ်။ ညဥ့်ဦးယံမှာဟောတဲ့ တရားပွဲဆိုတော့ သံဃာတော်တွေချည်း မဟုတ်ဘဲ သာဝတ္ထိမြို့တံခါးကလဲ မပိတ်သေးတော့ သာဝတ္ထိမြို့သူ မြို့သားတွေပါ ညဥ့်ဦးယံပွဲကို အားခဲလို့လာကြတယ်။ တရားက လူတွေကိုဦးတည်ပြီးဟောတာ။ မြတ်စွာဘုရားက တရားဟောရင်းခေါ်တဲ့ အခါကျတော့ လူတွေကို မခေါ်ဘဲနဲ့ ရဟန်းတော်တွေကိုခေါ်ပြီးတော့ ဟောသွားတယ်။ ဘုရားရှေ့အနီးအနားမှာ ထိုင်တာက ရဟန်းတွေဖြစ်လို့ ဘိက္ခဝေ-ဆိုတဲ့စကားတွေ ဒီသုတ်ထဲမှာ ခပ်များများပါတယ်။

ရဟန်းတို့ ဒီအချက်အလက်ငါးမျိုးနဲ့ ပြည့်စုံတဲ့ပုဂ္ဂိုလ်ကို ဥပါသကာ စဏ္ဍာလ-လို့ ခေါ်ရမယ်။ ဥပါသကာ မလ္လ-လို့ခေါ်ရမယ်။ ဥပါသကာ ကိလိဋ္ဌ-လို့ခေါ်ရမယ်။ ဥပါသကာဆိုတဲ့ စာလုံးကို ရှေးဦးစွာ ရှင်းဖို့လိုတယ်။ ရတနာသုံးပါးကို ဆည်းကပ်ကိုးကွယ်သူကို ဥပါသကာ-လို့ ခေါ်တယ်။ အမျိုးသမီးကျတော့ ဥပါသိကာ-လို့ခေါ်တယ်။ ရတနာသုံးပါးကို ဆည်းကပ်သူ-လို့ အဓိပ္ပါယ်ရတယ်။ ဒီကနေ့ သီလခံယူကြတယ်။ ဗုဒ္ဓံ သရဏံ ဂစ္ဆာမိ စသည်ဖြင့် သရဏဂုံသုံးပါးကို အကုန်လုံး ဆောက်တည်ကြတယ်။

ဘုရားကို ကိုးကွယ်ဆည်းကပ်ပါ၏။ တရားတော်ကို ကိုးကွယ်ဆည်းကပ်ပါ၏။ သံဃာတော်ကို ကိုးကွယ်ဆည်းကပ်ပါ၏။ အဲဒီလို ကိုးကွယ်သိမှတ် ဆည်းကပ်ပါ၏လို့ မိမိရဲ့ရင်ထဲ နှလုံးထဲမှာ ရတနာသုံးပါးကို ကြည်ညိုတတ်တဲ့ သဒ္ဓါတရား ဝင်လာပြီဆိုရင် နှုတ်ကပဲဆိုဆို၊ သို့မဟုတ်-စိတ်ထဲကပဲ ဆောက်တည် ဆောက်တည် တနည်းနည်း တခြားစကားလုံးနဲ့ သွယ်ဝိုက်လို့ပဲပြောပြော ဥပမာ-တခြားစကားလုံးနဲ့ သွယ်ဝိုက်ပြောမယ်ဆိုလို့ရှိရင် -ငါသည် ဒီကနေ့ကစ ဦးခေါင်းရွက်ပြီးတော့ ရှိခိုးစရာ ရှိတယ်။ ဗုဒ္ဓ, ဓမ္မ, သံဃကိုသာလျှင် ရှိခိုးတော့မယ်။ တခြား ငါ ရှိမခိုးတော့ဘူး။-လို့ စိတ်ကဆုံးဖြတ်ရင်လဲပဲ ဒါ သရဏဂုံ ဆောက်တည်တာပဲ။ အဲဒါ ပဏိပါတသရဏဂုံလို့ ခေါ်တယ်။

ငါသည် ရှိခိုးရမယ့်ပုဂ္ဂိုလ်ကို လောကမှာကြည့်လိုက်ရင် နတ်ရော ဗြဟ္မာရော လူရော ရှင်ရော ရဟန်းရော ဘုရားရော မျိုးစုံအောင်ရှိတယ်။ ဗုဒ္ဓ, ဓမ္မ, သံဃ ရတန သုံးပါးမှတပါး အခြားကို ငါရှိမခိုးတော့ဘူး။ ရတနာ သုံးပါးကိုသာလျှင် ငါဦးခေါင်းညွှတ်၍ ရှိခိုးမယ်လို့ ဆုံးဖြတ်ချက်ချရင် အဲဒါ သရဏဂုံတည်တာပဲ။ အဲဒီ သရဏဂုံမျိုးကို ပဏိပါတသရဏဂုံလို့ ခေါ်တယ်။ ယမန်နေ့က ဘုန်းကြီးတို့ ပြောခဲ့တာကတော့ အတ္တသန္နိယျာတန-ငါ့အသက်နှင့် ငါ့ခန္ဓာကို ရတနာသုံးပါးကို အပ်နှင်းပါ၏။ လှူဒါန်းပါ၏-လို့ ဆုံးဖြတ်ရင် ဒါလဲ သရဏဂုံတည်တာပဲ။

သရဏံ ဂစ္ဆာမိ ဆိုဆို-မဆိုဆို အဲဒီသရဏဂုံ ဆောက်တည်တဲ့နည်းတွေ အများကြီးရှိတယ်။ ဒီတော့ ဒီကနေ့ ဒုတိယနည်း ဘုန်းကြီးတို့ပြောတာက ပဏိပါတ။ ငါသည် ဒူးရော တံတောင်ရော နဖူးရော မြေမှာထိပြီးတော့ ဦးကိုညွှတ်ဖို့လိုလာခဲ့ရင် ဗုဒ္ဓရှင်တော်နဲ့ ဓမ္မ၊ သံဃာကိုသာ ငါညွှတ်တော့မယ်။ ဗုဒ္ဓ, ဓမ္မ, သံဃာမှ တပါး အခြားပုဂ္ဂိုလ်တွေအပေါ်မှာ ဦးမညွှတ်ဘူး။ ငါ့အသက်နဲ့ ငါ့ခန္ဓာ ခြွေရင်လဲ ခြွေလိုက်ပါစေတော့။ ရတနာသုံးပါး မဟုတ်သော အခြားအရာဝတ္ထုတွေအပေါ်မှာ သက်ရှိကိုပဲဖြစ်ဖြစ်၊ သက်မဲ့ကိုပဲ ဖြစ်ဖြစ် ငါ ရှိမခိုးတော့ဘူး။ ဆန့်ကျင်ဘက်လဲ အဲဒီလို ဖော်ပြတယ်။ တဖက်ကလဲ ရတနာသုံးပါးသည်သာလျှင် ငါ၏ရှိခိုးရာ၊ ဒါဆိုရင် ရတနာသုံးပါးမှတပါး တခြားရှိခိုးဖို့ မလိုဘူး။ သို့သော် ခြွင်းချက်က ဘာလဲဆိုတော့ ကြောင်သောအားဖြင့် ရှိခိုးရတယ်ဆိုလို့ရှိရင် သရဏဂုံမပျက်ဘူးလို့ ခြွင်းချက်ပေးထားတယ်။

ရတနာသုံးပါးမှတပါး တခြားရှိမခိုးပါဘူးလို့ ဆောက်တည်တယ်။ သို့သော် လည်ပင်းမှာ ဓားတင်ပြီးတော့ ဟေ့-မင်းရှိခိုးရင် ရှိခိုး၊ ရှိမခိုးရင် သတ်ပစ်လိုက်မယ်-ဆိုပုံကတမျိုး။ ဘုရား တရား သံဃာကို ကိုးကွယ်တာ စွန့်ရင်စွန့်၊ မစွန့်ရင် သတ်လိုက်မယ်-ဒီလိုဆိုတာက တမျိုး။ မင်း ငါ့ရှိခိုး၊ ရှိမခိုးရင် မင်းကိုသတ်မယ်-ဆိုတော့ အသတ်ခံရမှာကြောက်တဲ့အတွက်ကြောင့် သတ်မယ့်သူကို ရှိခိုးတာ။ အဲဒါ သရဏဂုံ မပျက်ဘူးတဲ့။ ဘုရား တရား သံဃာ ရတနာသုံးပါးလဲ ရှိခိုးတာပဲ။ ရှိခိုးကြည်ညိုပြီးတော့ ရတနာသုံးပါးနဲ့ မဆိုင်တဲ့ အရုပ်တွေမျိုးစုံလိုလိုပဲ ရတနာသုံးပါးနဲ့ တန်းတူသဘောထားပြီးတော့ ရှိခိုးလိုက်တာပဲဆိုရင် အဲဒီသရဏဂုံဟာ ညစ်နွမ်းသွားပြီတဲ့။ ရတနာသုံးပါးထက် တခြားရှိခိုးစရာကို ယုံယုံကြည်ကြည်နဲ့ ပိုပြီးတော့ ရှိခိုးလိုက်တယ်ဆိုရင် သရဏဂုံပျက်သွားရော။ အဲဒါ ထေရ၀ါဒဗုဒ္ဓသာသနာမှာ အလွန်အရေးကြီးတယ်။

နောက်တခု မဟာယာန ဗုဒ္ဓဘာသာဂိုဏ်းကျတော့ လူမပြောနဲ့၊ မဟာယာနဘုန်းကြီးတွေတောင် သာသနာတော်ကို စောင့်ရှောက်သော နတ်မင်းကြီး ၄-ပါးဆိုတာကို ဘုန်းကြီးက ဘုရားရှိခိုးပြီးရင် နတ်မင်းကြီး ၄-ပါးကို ရှိခိုးကြသေးတယ်။ အချို့ မြန်မာတွေထဲမှာလဲ သူရဿတီ-ကို ရှိခိုးကြတယ်။ အကြောင်းက ပိဋကတ်သုံးပုံကို သူထိန်းသိမ်းထားလို့ဆိုပြီး ရှိခိုးနေကြတယ်။ တိပိဋကဓရကို ရှိခိုးဖို့ အမှတ်မရကြဘူး။ အဲဒီလို တန်ဖိုးမရှိတာတွေကို တကယ်တန်ဖိုးရှိတဲ့ ရတနာ ၃-ပါးအပေါ်မှာ၊ စင်မြင့်မြင့်လေးပေါ်မှာတင်ထားပြီး ရှိခိုးရင် အဲဒါ သရဏဂုံပျက်တယ်။ ဒါ ထေရ၀ါဒကနေ မဟာယာန ဖြစ်သွားတာပဲ။

အဲဒါကြောင့် မိမိတို့ နေ့စဉ်အိမ်မှာ ရှိခိုးနေတာကို ဒီကနေ့ပြန်လည်သုံးသပ်ပါ။ မိမိရဲ့စိတ်နေသဘောထားနဲ့ ခံယူချက်ကိုလဲ ပြန်လည်၍ သုံးသပ်ပါ။ သုံးသပ်ဖို့ လိုနေပြီ။ ဒီတော့ ပဏိပါတသရဏဂုံက ငါသည် ဒီကနေ့ကစ၍ ရှိခိုးစရာရှိရင် ဘုရားနဲ့တရား သံဃာ ဤ ၃-ပါးသာ ဦးညွတ်၍ ရှိခိုးမယ်။ တခြားရှိမခိုးဘူး။ ဒီလိုဆိုရင် သရဏဂုံတည်တယ်။ အဲဒီလိုဆုံးဖြတ်ပါ။ သို့သော် ကြောက်လို့ ရှိခိုးရတာမျိုးကျတော့ သရဏဂုံ မပျက်ပါဘူးတဲ့။ ရတနာ ၃-ပါးအပေါ်လဲ ကြည်ညိုမြဲပဲ။ ဟိုကဓားနဲ့ ရွယ်ထားလို့ ရှိခိုးရရင်လဲပဲ ရှိသာခိုးလိုက်ပါတဲ့။ အသက်သေမှာ ဘာလုပ်မှာ စသည်ဖြင့်ပေါ့။ တခုခုနဲ့ ခြိမ်းခြောက်လို့ ကြောက်သဖြင့် ရှိခိုးရတာကတော့ သရဏဂုံ မနွမ်းပါဘူးတဲ့။

ကြောက်တာမဟုတ်ဘဲနဲ့ ရတနာ ၃-ပါးထက် ပိုပြီး ကြည်ညိုလို့ ရှိခိုးရင်တော့ အဲဒါမဟာယာနဖြစ်သွားပြီ။ အဲဒါဆိုရင် ဒီပုဂ္ဂိုလ်ဟာ စဏ္ဍာလ-ပဲ။ ဘယ့်နှယ် ဟိုသွားရှိခိုးတာနဲ့ပဲ၊ ဘုရား တရား သံဃာ ရှိမခိုးတာနဲ့ဘဲ စဏ္ဍာလ ဖြစ်ရောလားဆိုရင် ဖြစ်တယ်။ ဘာဖြစ်လို့လဲဆိုတော့ သူ့ရဲ့နှလုံးသားထဲမှာ သဒ္ဓါဆိုတာ မရှိတော့ဘူး။ သဒ္ဓါမရှိရင် ဒီပုဂ္ဂိုလ် မလုပ်ရဲတဲ့ဒုစရိုက် မရှိတော့ဘူး။ သဒ္ဓါခေါင်းပါးတဲ့ပုဂ္ဂိုလ်က ဒုစရိုက်မှန်သမျှ အကုန်လုပ်ရဲတယ်။ အဲဒါကြောင့် သူသည် စဏ္ဍာလ-ဖြစ်မှန်းမသိ ဖြစ်သွားတယ်။ ကြမ်းတမ်းတဲ့ အလုပ်တွေကို ပြုခြင်းငှါ စွမ်းဆောင်နိုင်ကြတယ်။ ဒါကြောင့် ထိုပုဂ္ဂိုလ်ကို စဏ္ဍာလ ခေါ်တယ်ရယ်လို့ ကောင်းစွာမသွေ မှတ်ထိုက်ပါပေကုန်သတည်း။

သီတဂူ ဆရာတော်

( မြတ်မင်္ဂလာ ၂၀၀၁-ခု နိုဝင်ဘာလ )