Friday, October 30, 2009

ဘုရားပေးသော ကြီးပွားချမ်းသာနည်း

စာရေးသူ၏ ဇာတိရပ်ရွာမှ ရွာလူကြီးဖြစ်သော (စာရေးသူ၏ ညီတ၀မ်းကွဲတော်စပ်သူ) မောင်လှဝင်းသည် စာရေးသူ ဇာတိရွာသို့ရောက်ခိုက် ရပ်ရွာ၌ ဆောင်ရွက်ရပုံအဖုံဖုံကို စာရေးသူအား လျှောက်ပြပါ၏။ သူတွေ့ကြုံရသော အခက်အခဲပြဿနာတို့မှာ များပြားလှပါ၏။ သူ၏ဆောင်ရွက်ဖြေရှင်းရပုံတို့ကို ပြောပြသည်မှာ စိတ်ဝင်စားစရာ ကောင်းလှပါ၏။ သူ၏သတ္တိရှိပုံ၊ အကင်းပါးပုံတို့ကိုလည်း သိရှိရပါ၏။ သူသည် ရပ်ရွာအကျိုးတို့ကို စိတ်ကောင်းထားကာ ကြိုးကြိုးစားစား၊ သတ္တိရှိရှိ၊ လည်လည်ဝယ်ဝယ် ဆောင်ရွက်သည်ကို သိရ၍ အားရကျေနပ်မိပါ၏။

သူသည် ရပ်ရွာအကျိုးသယ်ပိုးရာ၌ နည်းယူသင့်သူတို့ထံမှ နည်းယူပါ၏။ အများအကျိုး ဆောင်ရွက်ရာ၌သာ စိတ်ထက်သန်သည်မဟုတ်၊ ပစ္စည်းချမ်းသာသူတို့နှင့် တွေ့သည့်အခါ ပစ္စည်းချမ်းသာသူဖြစ်အောင် လုပ်နည်းတွေကိုလည်း မေးမြန်းစူးစမ်းလေ့ရှိပါ၏။ သူသည် ပစ္စည်းဥစ္စာ ကြွယ်ဝသူတဦးလည်း ဖြစ်ချင်ပါ၏။ ဇာတိရွာဝန်းကျင်မှ ကြွယ်ဝချမ်းသာသူတို့ကိုသာမက ၀န်းကျင်ရွာတွေမှ မန္တလေးမြို့ရောက်ကာ ကြွယ်ဝချမ်းသာနေကြသူတို့ကိုလည်း မေးမြန်းစူးစမ်းပါလေ၏။

သူသည် ဇာတိရွာ၏အနီး ရွာနှစ်ရွာမှ မန္တလေးရောက်ပြီး ပစ္စည်းချမ်းသာနေသူ နှစ်ဦးကို တွေ့ရ၏။ ထိုနှစ်ဦးတွင် တဦးသည် မိသားစုနှင့်တကွ တရားသဖြင့် စီးပွားရှာ၏။ ရတနာသုံးပါးကို ကိုင်းရှိုင်းကိုးကွယ် ရိုသေလေးစား အားထား၏။ ယဉ်ကျေး၏။ သိမ်မွေ့၏။ နူးညံ့၏။ အေးချမ်း၏။ သာယာ၏။ ပျော်ရွှင်၏။ ကြည်နူး၏။ စိတ်ချမ်းသာရ၏။
နောက်တဦးကား တရားသဖြင့်ရော မတရားသဖြင့်ပါ စီးပွားရှာ၏။ စီးပွားရေးနဲ့ ပတ်သက်လာလျှင် ညီအကိုကိုပင် မညှာတာ၊ ရတနာသုံးပါးကို အားမထား၊ မိသားစုတစုလုံး ယဉ်ကျေးသ်ိမ်မွေ့ နူးညံ့မှု အားနည်း၏။ မိသားစုအတွင်း မအေးချမ်းလှ၊ မသာယာလှ၊ မပျော်ရွှင်ရ၊ မကြည်နူးရ၊ စိတ်မချမ်းသာရ။

ပစ္စည်းသာမက စိတ်ပါချမ်းသာသော ပထမချမ်းသာသူသည် ငါးပါးသီလ လုံခြုံ၏။ နံနက်အိပ်မှ စောစာထကာ ဘုရားရှိခိုး၏။ မေတ္တာပို့၏။ တရားရှုမှတ်၏။ ကုသိုလ်ဝေစုကို အမျှဝေ၏။
ဒုတိယလူကား ငါးပါးသီလတွင် လိမ်ညာပြောဆိုမှုမှ ရှောင်ကြဉ်မှုကို မလိုက်နာနိုင်သည့်အခါရှိ၏။ ဘုရားရှိခိုး၊ မေတ္တာပို့၊ တရားရှုမှတ်၊ အမျှဝေ ကိစ္စတွေ၌ ၀ါသနာမရှိ။

ပထမ ပစ္စည်းချမ်းသာသူ တဦးက မောင်လှဝင်းအား ဤသို့ပြောပြ၏။ ပစ္စည်းချမ်းသာချင်ရင် လွယ်ပါတယ်။ ၀င်ငွေများပြီး ထွက်ငွေနည်းရမယ်။ ဒါဆိုရင် ချမ်းသာတာပါပဲ။ နောက်-သရဏဂုံ သုံးပါးကို အမြဲရွတ်၊ တခါတရံ အဓိဋ္ဌာန်ဝင်ပြီး အလုပ်လုပ်၊ ရိုးရိုးသားသားနဲ့ အလုပ်ကြိုးစား၊ ဒါဆိုရင် တနေ့တခြား ကြီးပွာလာတာပါပဲ။

အခြားတဦးကမူ-ဤသို့ ပြောပြပါသတဲ့။ လက်ဖက်ရည်ဆိုင်လို နေရာမျိုးမှာ မနက်တိုင်း လုပ်ငန်းအမျိုးမျိုးရဲ့ အရှုံးအမြတ်တွေကို လူတွေပြောကြတယ်။ စူးစိုက်နားထောင်၊ အရှုံးပေါ်တာကို မလုပ်နဲ့၊ မြတ်တာကို လုပ်၊ ဒါဆို ချမ်းသာတာပါပဲ။

မောင်လှဝင်းသည် သူတို့စကားမျှဖြင့် အားရပုံမပေါ်၊ ဗုဒ္ဓဘာသာဝင်ပီပီ ဘုရားရှင်စကားကိုလည်း နာကြားလိုသေးသဖြင့် ဤသို့မေးပါလေ၏။
အရှင်ဘုရား၊ တပည့်တော်မေးမြန်းလေ့လာခဲ့သူတွေ ပြောကြတာတွေဟာ မှန်ပါလိမ့်မယ်။ ဒါပေမယ့် ပြည့်စုံမှု ရှိချင်မှရှိမယ်၊ ပြည့်ပြည့်စုံစုံ ဘုရားဟောခဲ့တာများ ရှိခဲ့ရင် သိချင်ပါတယ်ဘုရား။

မောင်လှဝင်းက သိချင်လို့ လာမေးသည်ဖြစ်၍ စာရေးသူသိထားသော ဘုရားစကားတို့ကို ပြောပြဖို့ စာရေးသူမှာ တာဝန်ရှိလာပါ၏။ ထို့ကြောင့် ဤသို့ ပြောပြလိုက်ပါ၏။
မောင်လှဝင်း-ရှိပါတယ်။ အင်္ဂုတ္တိုရ် အဋ္ဌကနိပါတ်မှာ ဘုရားရှင်ဟောတာကို ပြောပြပါမယ်။

ဒီဘ၀ချမ်းသာကြောင်းက ၄-ပါးရှိတယ်။
၁။ အသက်မွေးဝမ်းကြောင်း အလုပ်မှာ ကျွမ်းကျင်ရတယ်။ မပျင်းရဘူး။ စူးစမ်းရတယ်။ ကိုယ်တိုင် လုပ်နိုင်ရတယ်။ စီမံခန့်ခွဲနိုင်ရတယ်။
၂။ မိမိ ရှာဖွေထားတဲ့ ဥစ္စာတွေကို ရေ၊ မီး၊ မင်း၊ ခိုးသူ၊ သားသမီးဆိုးတွေ မဖျက်ဆီးအောင် စောင့်ရှောက်ရတယ်။
၃။ သဒ္ဓါ၊ သီလ၊ စာဂ၊ ပညာ ရှိသူတွေနဲ့ အတူနေထိုင်ရတယ်။ စကားပြောရတယ်။ ဆွေးနွေးရတယ်။ သူတို့ကိုတုပြီး သဒ္ဓါ သီလ စာဂ ပညာ ပြည့်စုံလာအောင် ကျင့်ရတယ်။
၎။ ချိန်တွယ်ရာမှာ ကျွမ်းကျင်တဲ့ ဈေးသည်ဟာ ရောင်းမဲ့ပစ္စည်းကို ချိန်ခွင်မှာ ချိန်လိုက်တဲ့အခါ ဟိုဘက် ဒီဘက်ကို မပို မလိုအောင် ချိန်ရသလို မိမိပစ္စည်းဥစ္စာကို ချင့်ချိန်ပြီး မပိုမလျော့လွန်းဘဲ သုံးစွဲ စားသောက်ရတယ်။

ဒီနေရာမှာ စည်းစိမ်ဥစ္စာ မပျက်စီးရအောင် သူ့သားမယား ပြစ်မှားတာ၊ မူးယစ်စေတာကို သုံးစွဲတာ၊ အလောင်းအစား လုပ်တာ၊ မိတ်ဆွေညံ့နဲ့ ပေါင်းတာတွေကို ရှောင်ရတယ်။ ဒါဟာ ဥစ္စာထွက်ပေါက် ၄-ခုကို ပိတ်လိုက်တာပါပဲ။

နောက်ဘ၀ ချမ်းသာကြောင်း ၄-ပါးလဲ ရှိသေးတယ်။
၁။ ရတနာသုံးပါး ယုံကြည်ရတယ်။
၂။ ငါးပါးသီလ လုံရတယ်။
၃။ ဒါနရှိရတယ်။
၎။ ၀ိပဿနာပညာ ရှိရတယ်။

ဒီတရား ၈-ပါးထဲမှာ မောင်လှဝင်းရဲ့မိတ်ဆွေတွေ ပြောပြတာတွေလဲ ပါတယ်။ မပြောပြနိုင်သေးတာတွေလဲ ပါတယ်။ အဲဒီ ၈-ပါးထဲမှာ ပိုတာလဲ မရှိ၊ လိုတာလဲ မရှိပါဘူး။

မြတ်စွာဘုရား စကားတော်ဟာ သိပ်ပြည့်စုံ ကောင်းမွန်ပြီး အနှစ်သာရရှိလှပါတယ်။ ဘုရားပေးတဲ့ ဒီကြီးပွားချမ်းသာနည်းဟာ အင်မတန်မှ မှတ်သားလိုက်နာစရာ ကောင်းလှပါတယ်။ ဘုရားပေးတဲ့နည်းကို ကျင့်သုံးရင် ပစ္စည်းရော စိတ်ပါ ချမ်းသာသူ တဦးဖြစ်မှာ မလွဲပါဘဲ။

မောင်လှဝင်းသည် သူသိချင်နေသော ကြီးပွားချမ်းသာနည်းတွေကို သိသွားရသဖြင့် အလွန်ပင် အားရကျေနပ်သွားပါ၏။ ဓမ္မကြီးပွားရေးကိုသာမက လောကကြီးပွားရေးကိုပါ ဟောပြတော်မူသော ဘုရားရှင်ကိုလည်း ပို၍ပင် ကြည်ညိုသွားပါလေ၏။ ထိုဘုရားရှင်၏ တပည့်တဦး ဖြစ်ရသည်ကိုလည်း ဂုဏ်ယူဝင့်ကြွားနေပါလေ၏။

ပစ္စည်းရော စိတ်ပါ ချမ်းသာသူတွေ မြန်မာနိုင်ငံမှာရော ပြည်ပနိုင်ငံတွေမှာပါ ရှိကြပါ၏။ ထိုချမ်းသာသူတို့ကို လေ့လာကြည့်လျှင် အထက်ပါအရည်အသွေးကောင်းတွေ ရှိနေကြသည်ကို တွေ့မြင်နိုင်ကြပါ၏။ မောင်လှဝင်းလို ပစ္စည်းချမ်းလိုသူအပေါင်းသည် အထက်ပါ ဘုရားစကားတော်ကို လိုက်နာကျင့်သုံးနိုင်ကြပါလျှင် ပစ္စည်းသာမက စိတ်ပါချမ်းသာသူ ဖြစ်လာပါလိမ့်မည်။

ပစ္စည်းသာချမ်းသာပြီး စိတ်မချမ်းသာသူ၏ဘ၀သည် ပူလောင်လှပါ၏။ ပင်ပန်းလှပါ၏။ ပစ္စည်းရော စိတ်ပါ ချမ်းသာသူ၏ဘ၀သည်ကား အေးချမ်းလှပါ၏။ သာယာလှပါ၏။

( သာမဏေကျော် )

No comments: