Tuesday, October 27, 2009

ကျန်းမာခြင်းသည် အမြတ်ဆုံးလာဘ်

လူများအဖို့ အလွန်အဖိုးထိုက်တန်၍ အလေးတယူ ဂရုပြုသင့်သော ဆောင်ပုဒ်တခုမှာ အာရောဂျ ပရမာ လာဘာ-ပင် ဖြစ်ပါသည်။ ယင်းဆောင်ပုဒ်ကို အများနားလည်ကြသဖြင့် ပါဠိအတိုင်းပင် အသုံးပြုနေကြသည်ကို သိမြင်နိုင်ပါသည်။ အဓိပ္ပါယ်မှာ-ကျန်းမာခြင်းသည် အမြတ်ဆုံးလာဘ်ပေတည်း-ဟု ဖြစ်၏။ ယင်းအဓိပ္ပါယ်ကိုလည်း လူအများပင် နားလည်ကြပါသည်။

ဤဆောင်ပုဒ်မှာ ဓမ္မပဒကျမ်း သုခ၀ဂ်လာ ဂါထာတခု၏ ပထမပါဒ ဖြစ်ပေသည်။ ဂါထာအပြည့်အစုံမှာ အောက်ပါအတိုင်း ဖြစ်သည်။
အာရောဂျ ပရမာ လာဘာ၊ သန္တုဋ္ဌိ ပရမံ ဓနံ။
ဝိဿာသာ ပရမာ ဉာတိ၊ နိဗ္ဗာနံ ပရမံ သုခံ။
အနက်အဓိပ္ပါယ်မှာ-အနာရောဂါကင်းရှင်း (၀ါ) ကျန်းမာခြင်းသည် အမြတ်ဆုံးလာဘ်ဖြစ်၏။
မိမိရသမျှနှင့် ရောင့်ရဲတင်းတိမ်ခြင်းသည် အမြတ်ဆုံးသောဥစ္စာ ဖြစ်၏။
အကျွမ်းဝင်သောသူသည် အမြတ်ဆုံးသော ဆွေမျိုးဖြစ်၏။
နိဗ္ဗာန်သည် အမြတ်ဆုံးသော ချမ်းသာ ဖြစ်ပေသတည်း။

ဤဂါထာကို ဟောရခြင်းအကြောင်းမှာ အောက်ပါအတိုင်း ဖြစ်ပါသည်။
မြတ်စွာဘုရားရှင်သည် ဇေတ၀န်ကျောင်းတော်၌ သီတင်းသုံးတော်မူနေစဉ် ပသေနဒီကောသလမင်းကြီးသည် တရားနာယူရန် ဘုရားရှင်ထံ လာရောက်၏။ မင်းကြီးသည် ဆန်တစိတ်ချက်သော ထမင်းကို ဟင်းလျာအများနှင့် ပွဲတော်တည်ခဲ့သည် ဖြစ်သဖြင့် တရားတော်ကို နာယူစဉ်မှာပင် မအီမသာ တပြောင်းပြန်ပြန်နှင့် ငိုက်မျဉ်းနေသည်ကို ဘုရားရှင်တွေ့မြင်တော်မူ၏။

ထို့ကြောင့်-သတိတရားရှိ၍ ဘောဇဉ်အာဟာရ၌ အတိုင်းအရှည်ကိုသိ၍ ချင့်ချိန်တတ်သူအား ဒုက္ခဝေဒနာ နည်းပါး၏။ အသက်ကို စောင့်တတ်သူဖြစ်၍ တဖြည်းဖြည်းသာ အိုမင်းရင့်ရော်သည်-ဟု ဟောပြော၏။
ထိုဒေသနာတော်ကို ဘုရားရှင်သည် မင်းကြီး၏ တူတော်သူ သုဒဿနလုလင်အား ကျက်မှတ်စေသည်။

မင်းကြီး ပွဲတော်တည်သည့်အခါ ဤဒေသနာတော်ကို ရွတ်လေ။ မင်းကြီးသည် နောက်ဆုံး ထမင်းလုတ်ကို စွန့်လတံ့။ ထိုစွန့်သော ထမင်းလုတ်နဲ့ အညီအမျှ ပွဲတော်စာထမင်းကို လျှော့ချက်လေ-ဟုလည်း ဘုရားရှင်က မိန့်တော်မူလိုက်၏။

ထိုသို့မိန့်တော်မူသည့်အတိုင်း လိုက်နာကျင့်သုံးခဲ့ရာ ကောသလမင်းသည် ဆန်တစလယ်ချက်သာ စားသဖြင့် ကိုယ်ခန္ဓာလည်း ပိန်ငယ်လာကာ အနေအထိုင် ချမ်းသာရာရလေသည်။ ထိုအကြောင်းကို ဘုရားရှင်အား ပြန်ပြောင်းလျှောက်ထားရာ ဘုရားရှင်သည်-အာရောဂျ ပရမာ လာဘာ-စသည့် ဤဂါထာကို ဟောတော်မူ၏။

တဦးတယောက်သည် ဥစ္စာပစ္စည်းတခုခုကို ရရှိသော် လာဘ်ရသည်ဟု ပြောဆိုတတ်ပေရာ လာဘ်ဆိုသည်မှာ ရွှေငွေရတနာ ဥစ္စာပစ္စည်းစသည်ဖြင့် အမျိုးမျိုး ရှိ၏။ ထိုသို့သော လာဘ်အမျိုးမျိုးထက် ရောဂါကင်းရှင်း ကျန်းမာခြင်းသည်သာလျှင် အမွန်မြတ်ဆုံးလာဘ် ဖြစ်သည်ဟု ဆိုနိုင်ပါသည်။

အကြောင်းမှာ တစုံတယောက်သည် ဥစ္စာဓန စည်းစိမ်ချမ်းသာစသည့် ရတနာတို့နှင့် မည်မျှပြည့်ဝ ပေါကြွယ်သည်ဖြစ်စေကာမူ မကျန်းမမာ ရောဂါဝေဒနာ ခံစားနေရပါက ထိုစည်းစိမ်ဥစ္စာ ရတနာတို့ကို မည်သို့ခံစားနိုင်မည်နည်း။ အနာရောဂါဝေဒနာ ကင်းရှင်း၍ ကျန်းမာမှသာလျှင် ထိုထိုသော စည်းစိမ်ဥစ္စာ ရတနာတို့ကို ခံစားနိုင်ပေမည်။

သို့ဖြစ်သဖြင့် မကျန်းမမာ ရောဂါခံစားနေရသူ၌ရှိသော ဥစ္စာပစ္စည်းတို့သည် အကျိုးမရှိသကဲ့သို့ ဖြစ်၏ဟု ဆိုရပေမည်။ ရောဂါကင်းရှင်း၍ ကျန်းမာသောသူသည် သွားလိုရာ သွားနိုင်၍ စားလိုရာ စားနိုင်၏။ ဥစ္စာပစ္စည်းကြွယ်ဝချမ်းသာခြင်း မရှိစေကာမူ ပစ္စည်းဥစ္စာရရန် အလုပ်လုပ်နိုင်ပါသည်။ အလုပ်ကို အားကြိုးမာန်တက် စိတ်တိုင်းကျ လုပ်ကိုင်ဆောင်ရွက်နိုင်၏။ စိတ်သွားတိုင်း ကိုယ်ပါ နိုင်သည်ဖြစ်သောကြောင့် အာရောဂျ ပရမာ လာဘာ-ကျမ်းမာခြင်းသည် အမြတ်ဆုံးလာဘ် ဖြစ်ပေသည်-ဟု ဘုရားရှင် ဟောတော်မူခဲ့ခြင်း ဖြစ်ပါသတည်း။
( တက္ကသိုလ် ခေမာ-ကျိုက်လတ် )

No comments: