Sunday, November 1, 2009

ထေရ၀ါဒ ဗုဒ္ဓဘာသာ နှင့် မဟာယာန ဗုဒ္ဓဘာသာ နှိုင်းယှဉ်ဝေဖန်ချက် ( ၁၄ )

ဒီကနေ့ ဘုန်းကြီး ဘာကို အလေးအနက် ထားပြီး ပြောမလဲဆိုလို့ရှိရင် သရဏဂုံ ပီပီသသရှိဖို့အကြောင်းကို အလေးအနက်ထားပြီး ပြောသွားပါမယ်။ စဏ္ဍာလသုတ္တန်မှာ ဗုဒ္ဓဘာသာ ပီသရေးအတွက် အခြေခံစည်းမျဉ်း ၅-မျိုးကို မြတ်စွာဘုရား ချပေးထားတယ်။

ရဟန်းတို့-အကြောင်းအချက် ၅-မျိုးနဲ့ ပြည့်စုံတဲ့ ဥပါသကာမျိုးကို ဥပါသကာ စဏ္ဍာလ၊ ဥပါသကာ မလ္လ၊ ဥပါသကာ ကိလိဋ္ဌ ခေါ်တယ်လို့ မြတ်စွာဘုရား ဟောကြားတော်မူပါတယ်။ ဗုဒ္ဓဘာသာ ပီသရေး အခြေခံစည်းမျဉ်း ၅-မျိုးအနက် တမျိုးမျိုး ပျက်ယွင်းခဲ့ရင် အဲဒီ ပုဂ္ဂိုလ်ကိုလဲ ဗုဒ္ဓဘာသာလို့ ဆိုပေမယ့် ဗုဒ္ဓဘာသာ အညံ့စားဖြစ်သွားကြောင်းကို ဒီစဏ္ဍာလသုတ္တန်မှာ ပြောခဲ့ပြီးပြိ။ ယခု ဥပါသကာနဲ့ ပတ်သက်ပြီး ပြောပါမယ်။

ဥပါသကာ-ဆိုတာက ရတနာ ၃-ပါးကို ဆည်းကပ်ကိုးကွယ်သူ-လို့ ခေါ်တယ်။ အဲဒီလို ကိုးကွယ်ဆည်းကပ်နေရင်းက အရည်အချင်းတွေ ပျက်သွားရင် ဒီဥပါသကာဟာ စဏ္ဍာလဆိုတဲ့ အဆင့်ကို ရောက်သွားတယ်။ မြတ်စွာဘုရားက ချစ်သားတို့-အကြင်ဥပါသကာ တစုံတယောက်ဟာ သဒ္ဓါတရား ပျက်စီးသွားရင်၊ သို့မဟုတ် ညှိုးနွမ်းသွားရင် ဒါစဏ္ဍာလ ဗုဒ္ဓဘာသာပဲဆိုတော့ ဒီသဒ္ဓါတရားက ဘယ်မှာရောက်မလဲဆိုတာ စိစစ်ဖို့ လိုအပ်တယ်။
(၁) သဒ္ဓါတရား ပျက်ခြင်းရယ်။
(၂) သီလပျက်ခြင်းရယ်။
(၃) ကောတူဟလ မင်္ဂလာ ယုံကြည်ခြင်းရယ်။
(၄) ကံတရားကို မယုံတော့ဘူးဆိုတာရယ်။
(၅) သာသနာတော်ရဲ့ အပြင်ဘက်မှာ အရိုအသေပြုဖို့ ရှိခိုးဖို့ လှူဖို့ ဦးစားပေးပြီးတော့ သာသနာတွင်းကို နောက်ချန်တာရယ်။
အဲဒီအချက် ၅-မျိုးဟာ ဗုဒ္ဓဘာသာပျက်စီးခြင်း အကြောင်းပဲ။

ဒီတော့ နံပါတ်(၁)ဟာ သဒ္ဓါတရားပဲ။ ထိုသဒ္ဓါတရားဆိုတဲ့ ယုံကြည်မှုက ဘယ်အပေါ် ဖြစ်ရမလဲဆိုတော့ ရတနာ ၃-ပါးအပေါ်မှာ ဖြစ်ရမယ်။ ယုံကြည်ရမယ်။ ရတနာ ၃-ပါးကို ဘယ်လိုအရည်အချင်းတွေနဲ့ ယုံရမလဲဆိုရင် လိုရင်းက သိမှတ်တယ်၊ ကိုးကွယ်တယ်၊ အားကိုးတယ်၊ ဆည်းကပ်တယ် ဒါပဲ။ ဒါက ပေါင်းပြောလိုက်တာ။ တလုံးချင်းပြောရင်တော့ သရဏဆိုတဲ့ စာလုံးဟာ ရတနာ ၃-ပါးပဲ။ ဂမနနှင့်တွဲတော့မှ ရတနာ ၃-ပါးကို ကိုးကွယ်ခြင်းလို့ အဓိပ္ပါယ်ထွက်တယ်။ ဘာဖြစ်လို့ ရတနာ ၃-ပါးကို သရဏလို့ခေါ်ရသလဲဆိုရင် သရဏဂုံ ဆည်းကပ်ခြင်း၊ ကိုးကွယ်ခြင်းသည် သတ္တ၀ါတို့ရဲ့ ဘေးအန္တရာယ်ဟူသမျှကို ပယ်ဖျောက်နိုင်တယ်။ ထိတ်လန့်ခြင်း မှန်သမျှကိုလဲပဲ ပယ်ဖျောက်နိုင်တယ်။ ကိုယ်ဆင်းရဲ စိတ်ဆင်းရဲများကိုလဲ ပျယ်ဖျောက်နိုင်တယ်။ မကောင်းသောဘ၀၌ ဖြစ်ရတာမျိုးကိုလဲ ပယ်ဖျောက်နိုင်တယ်။ သတ္တ၀ါတို့ရဲ့ ကိလေသာအညစ်အကြေးမှန်သမျှကိုလဲပဲ ပယ်ဖျောက်နိုင်တယ်။

သို့မဟုတ်-ဘ၀၏ညစ်နွမ်းမှု မှန်သမျှကိုလဲပဲ ပယ်ဖျောက်နိုင်တယ်။ အဲသလို ရတနာ ၃-ပါးရဲ့ စွမ်းရည်သတ္တိတွေ ရှိတယ်။ အဲဒီတော့ ကိုးကွယ်ပြီး ဆည်းကပ်တယ်ဆိုရင် ဒါတွေကို ယုံကြည်ပြီးတော့ ဆည်းကပ်တာပဲ ဖြစ်ရမယ်။ စိတ်ကနေပြီး အဲဒီအစွမ်းသတ္တိတွေကို မယုံတော့ဘူးဆိုရင် ဒါ စဏ္ဍာလအဆင့်ကို ရောက်သွားမှာပဲ။

နောက်တနည်းက-အပါယ် ၄-ပါးဘေးကို ပယ်ဖျောက်နိုင်သောကြောင့် ရတနာ ၃-ပါးသည် သရဏ။
ဇာတိ၊ ဇရာ၊ ဗျာဓိ၊ မရဏ ဘေးတွေကို ပယ်ဖျောက်ပေးနိုင်သောကြောင့် ရတနာ ၃-ပါးသည် သရဏ။
ရာဂ၊ ဒေါသ ဆိုတဲ့ အတွင်းရန် ကိလေသာတို့ရဲ့ ဘေးဒုက္ခတွေကို ပယ်ဖျောက်ပေးနိုင်သောကြောင့် သရဏ-လို့ ခေါ်ဆိုတယ်။
နောက် သတ္တ၀ါတခု၊ သတ္တ၀ါတို့ရဲ့ ထိတ်လန့်မှု၊ ပူလောင်မှုမှန်သမျှတွေကို ပယ်ဖျောက်နိုင်တဲ့အတွက်ကြောင့် ရတနာ ၃-ပါးကို သရဏ-လို့ ခေါ်တယ်။

ဒါကြောင့် ရတနာ ၃-ပါး ဆည်းကပ်လိုက်ရင် ရင်ထဲမှာ အေးချမ်းသွားတာ၊ ဉာတိဗျသန၊ ဘောဂဗျသန တို့ကြောင့် အပူကြီးပူနေတဲ့ ပုဂ္ဂိုလ်တွေ အအေးကြီး အေးခဲ့ဖူးတာ။ အဲဒီထုံးတွေကိုတော့ ဘုန်းကြီးတို့ အကျယ်တ၀င့် တခုစီ ထုတ်ပြစရာ မလိုလောက်အောင် မျက်မှောက်မှာလဲ ရှိတာပဲ။ အတိတ်မှာလဲ ရှိခဲ့တာပဲ။ အနာဂတ်မှာလဲ နှစ်နှစ်ကာကာ ကြည်ညိုပြီးတော့ ကိုးကွယ်နေသမျှ ဒီအကျိုးတွေ အားလုံး သက်ရောက်နေကြမယ်။ ယုံကြည်မှုလျှော့လာရင်တော့ ဒီအကျိုးတွေ မလာတော့ဘူး။ အဲဒါကြောင့် ဒီမှာ အသဒ္ဓေါ ဟောတိ-ဆိုတဲ့ မြတ်စွာဘုရား မိန့်ကြားတဲ့ ဗုဒ္ဓဘာသာ ပျက်စီးခြင်းအကြောင်းမှာ ဒါ အရေးကြီးတဲ့ အချက်ပဲ။ ရတနာ ၃-ပါးရဲ့ စွမ်းရည်ကို ဒီလို ယုံကြည်ပြီးတော့ ကိုးကွယ်မှသာလျှင် ပီပီသသ ဗုဒ္ဓဘာသာဖြစ်တယ် အဲဒါ သဒ္ဓါတရားလျှော့ရင် ဘေးဒုက္ခ ပယ်ဖျောက်နိုင်မယ် မထင်ဘူး။

တချို့ ပြောချင်ပြောကြမှာ။ ဘယ်ဘေးမဆို ဒီဒုက္ခဘေးတွေကို ဘုရားကိုးကွယ်၊ တရားကိုးကွယ်၊ သံဃာကိုးကွယ်လို့ မပျောက်မှ မပျောက်တာဘဲ။ အဲဒီလို မပျောက်တော့ ၃၇-မင်းများ ပြောင်းရကောင်းမလားပေါ့။ အဲဒီလိုစိတ်ဓာတ်တွေနဲ့ ရတနာ ၃-ပါးအပေါ်မှာ သဒ္ဓါတရားလျော့ပြီး ဟိုဘက်ကို ပြောင်းသွားရင် ဒါဟာ စဏ္ဍာလ ဥပါသကာ-လို့ ခေါ်တယ်။

အဲဒီလို ပြောင်းပြီးဆည်းကပ် ကိုးကွယ်ရင် အဲဒီပုဂ္ဂိုလ်ဟာ ငရဲ၊ တိရစ္ဆာန်၊ ပြိတ္တာ၊ အသူရကာယ်ဆိုတဲ့ အပါယ်လေးပါးမှာ ဖြစ်နိုင်တယ်။ ရပ်ပြစ်ရှစ်ပါးမှာလဲ ဖြစ်နိုင်တယ်။ ဒါမျိုးတွေကို တကယ့်သဒ္ဓါစစ်နဲ့ ရတနာ ၃-ပါး ကိုးကွယ်တဲ့ စိတ်ဓာတ်က ဖယ်ရှားပေးနိုင်တယ်။ မကောင်းတဲ့ ဘ၀ဆိုး၊ အဖြစ်ဆိုးမှ လွတ်ကင်းစေနိုင်တယ်။ အဲဒီ သတ္တိသည် ရတနာ ၃-ပါးမှာ အပြည့်အ၀ရှိတယ်။ အဲသလို ယုံကြည်ပြီး ကိုးကွယ်နေရင် ဒါ ပီပြင်တဲ့ ရတနာ့ဥပါသကာ မျိုးပဲ။

တခါ ရတနာ ၃-ပါးကို ကြည်ညိုတဲ့စိတ် ပြင်းထန်လာရင် ခုနက ဒုစရိုက်တွေ တဖြည်းဖြည်း ဆင်းသွားတာပဲ။ ဥပမာ-အင်္ဂုလိမာလလို လူဆိုးကြီးတွေ အပြစ်ဘေးအားလုံးက သန့်စင်သွားတယ်။ ပဋာစာရီ-လို အရူးမကြီးတပိုင်း ဖြစ်နေတာလဲပဲ သန့်စင်သွားတာပဲ။ သီရိမာ-တို့လို ပြည့်တန်ဆာမတွေလဲပဲ သန့်စင်သွားတာပဲ။ ဘယ်လိုသန့်စင်မှုကို ရသလဲဆိုရင် ဒီကနေ့ကစပြီး မြတ်စွာဘုရား၏ သရဏဂုံကို ကိုးကွယ်ပါ၏ဆိုတဲ့ သရဏဂုံနဲ့ စခဲ့တယ်။ ပြီးတော့ မဂ် ဖိုလ်တွေ တက်သွားတာပဲ။ သရဏဂုံဆိုတာ အောက်ဆုံးလှေကားထစ်ပဲ။ အောက်ဆုံးလှေကားထစ်ကို မကျော်ဘဲနဲ့ အပေါ်ဆုံးလှေကားထစ်ကို ဘယ်လိုမှ မရောက်နိုင်ဘူး။ ဒီတော့ သရဏဂုံတည်းဟူသော အောက်ဆုံးလှေကားထစ်ပျက်ခဲ့ရင် ဟိုအပေါ်ဆုံးတွေ၊ အလယ်တွေ တက်လို့မရဘူး။ အဲဒါကြောင့် ဒီကနေ့ အောက်ဆုံးလှေကားထစ်ကလေး ခိုင်မာစေချင်တဲ့ သဘောနဲ့ ဘုန်းကြီးပြောပြတာပါ။

အဲဒီလို ရတနာ ၃-ပါးရဲ့ စွမ်းရည်ကို ယုံကြည်ပြီးတော့ လက်ခံတာကို ရတနတ္တယသဒ္ဓါလို့ ခေါ်တယ်။ ဗုဒ္ဓဘာသာ သူတော်စင်တွေ အဲဒီ ရတနတ္တယသဒ္ဓါ ခိုင်ခိုင်မြဲမြဲ၊ ခိုင်မြဲရုံမက သန့်သန့်ရှင်းရှင်း ရှိနေသေးသမျှ ကာလပတ်လုံး ဒီဥပါသကာမျိုးကို ရတနာ့ဥပါသကာလို့ ကောင်းစွာမသွေမှတ်သားထိုက်ပါပေတော့သတည်း။

သီတဂူ ဆရာတော်

( မြတ်မင်္ဂလာ ၂၀၀၂-ခု ဇန်န၀ါရီလ )

No comments: