ဒီမောဆိုး မြို့နယ်တွင် ဦးကိုကြီးဆိုသူသည် အလွန်ဆင်းရဲရှာသူ ဖြစ်သည်။ သူ၏ ဇနီးမှာလည်း သမီးကလေးများ ဥမမည် စာမမြောက်ခင်ကတည်းက ဆုံးသွားရှာ၏။ သမီးမိန်းကလေး နှစ်ယောက်သာ ဖခင်ကို လုပ်ကျွေးပြုစုနေလေသည်။ သမီးနှစ်ယောက်က ဟိုစဲ(မယ်စဲ) တွင် အလုပ်သွားလုပ်ကာ ငွေများ ပို့ပေးလေ့ရှိသည်။
တနေ့တွင် ဦးကိုကြီးသည် သူ၏ သမီးများ ပို့လာသောငွေဖြင့် ပုဆိုးတထည်ဝယ်ရန် ထွက်လာခဲ့လေသည်။ ပုဆိုးရောင်းသော ဆိုင်သို့ ရောက်သောအခါ မိမိတွင်ပါလာသော ငွေတထောင်ကျပ်ဖြင့် ခြောက်ရာတန် ပုဆိုးတထည်ကို ၀ယ်လိုက်လေသည်။ ဆိုင်ရှင်က ပြန်အမ်းသောငွေကို အိတ်ထဲထည့်ကာ ပြန်လာခဲ့လေသည်။
အိမ်သို့ရောက်၍ ပိုက်ဆံကိုထုတ်ပြီး ရေတွက်ကြည့်သောအခါ ငွေလေးရာကျပ် ပြန်အမ်းရမည့်အစား ငွေငါးရာ့ငါးဆယ်ကျပ် ဖြစ်နေသည်ကို တွေ့ရလေသည်။ ဦးကိုကြီးသည် ပိုနေသော ငွေ ၁၅၀-ကျပ်ကို ဆိုင်သို့ပြန်သွား၍ ပေးလိုက်သည်။
ဆိုင်ရှင်ကလည်း ဦးကိုကြီးအားး ၀မ်းမြောက်ဝမ်းသာ ကျေးဇူးတင်စကား ပြောကြားကာ ငွေ ၅၀-ကျပ် ပြန်ပေးလေသည်။ ဦးကိုကြီးကလည်း မိမိ၏စေတနာကို ငွေဖြင့်မလဲနိုင်ပါဟု ဆိုကာ မယူဘဲ ပြန်လာလိုက်လေသည်။
ထို့နောက် အိမ်သို့ပြန်ရောက်၍ ပုဆိုးကို ထုတ်ကြည့်သောအခါ ပုဆိုးထဲမှ ငွေ ၅၀၀-ကျပ် ကံစမ်းမဲပါလာသည်ကို မမျှော်လင့်ဘဲ ရရှိလေ၏။ ဦးကိုကြီးကား ၀မ်းသာမဆုံးပြီ။ ဦးကိုကြီး၏ အဖြစ်ကို အချိ့သူက တိုက်ဆိုင်မှုဟု ပြောကြသည်။ စာရေးသူကမူ ကံ ကံ၏အကျိုးဟုပင် ယုံကြည်မိပါ၏။
( စိုးညွန့်ဝေ-လွိုင်ကော်)
( မြတ်မင်္ဂလာ ၂၀၀၂-ခု ဇန်န၀ါရီလ )
Subscribe to:
Post Comments (Atom)
No comments:
Post a Comment