Wednesday, November 11, 2009

ထေရ၀ါဒ ဗုဒ္ဓဘာသာ နှင့် မဟာယာန ဗုဒ္ဓဘာသာ နှိုင်းယှဉ်ဝေဖန်ချက် ( ၁၆ )

( ယခင်လမှအဆက် )

ဒီကနေ့ ဘုန်းကြီးဟောမယ့် ဓမ္မအစီအစဉ်မှာလဲ ထေရ၀ါဒဗုဒ္ဓသာသနာတော်အကြောင်းပဲ ဖြစ်ပါတယ်။ ထေရ၀ါဒနဲ့ပတ်သက်လို့ ကိုးကွယ်မှုအားဖြင့် စနစ်တကျ သရဏဂုံသီလ ပီပီသသဖြစ်ရေးကို ဦးစားပေးပြီးတော့ အင်္ဂုတ္တရနိကာယ် ပဉ္စကနိပါတ်ပါဠိတော်မှာ လာရှိတဲ့ ဥပါသကာသုတ်၊ စဏ္ဍာလသုတ်များကို ဥပမာများနဲ့ သရဏဂုံ သန့်ရှင်းရေးအကြောင်းကို ဟောလာခဲ့ပါတယ်။

ထေရ၀ါဒဆိုတဲ့ စကားလုံးကို ပရိသတ်တွေစွဲသွားအောင် မေ့မှာစိုးလို့ မကြားဘူးသေးတဲ့သူတွေလဲ ကြားဘူးသွားအောင် ဆိုပြီးတော့ ထပ်ပြီးဘုန်းကြီး မိတ်ဆက်ပြောချင်ပါသေးတယ်။ ထေရ-ဆိုတာက သီလ သမာဓိ ပညာ ခိုင်ခိုင်ခံ့ခံ့ ရှိတဲ့ ပုဂ္ဂိုလ်ကြီးတွေ၊ ထိရကနေပြီးတော့ ထေရ ဖြစ်သွားတာ။ သီလ သမာဓိ ပညာ ဂုဏ်တို့ဖြင့် ဂုဏ်ရှိတဲ့ပုဂ္ဂိုလ်ကြီးများကို ထိရဂုဏ် ရှိတော်မူသောလို့ ဒီလိုသုံးတယ်။ အဲဒီထိရဂုဏ်နဲ့ ပြည့်စူုံတ်ေမူကြတဲ့ အရှင်မြတ်ကြီးများကို ထေရ။

မြတ်စွာဘုရားကိုယ်တော်မြတ်က သုသာန်ထဲကို ကြွပြီး ပုဏ္ဏာဆိုတဲ့ ကျွန်မတယောက်ရဲ့ အလောင်းကို ပတ်ထားတဲ့ ပိတ်တွေကို ကိုယ်တိုင်သွားကောက် ခွါယူတယ်။ ခွါယူပြီး လျှော်ဖွပ် လျှော်ဖွပ်ပြီး ဆိုးထားတဲ့ အမြတ်ဆုံး ပံ့သကူသင်္ကန်းကြီးကို အရှင်မဟာကဿပမထေရ်ကြီးရဲ့ ပခုံးပေါ်မှာ ကိုယ်တိုင်တင်ပေးခဲ့ဖူးတာ။ အရှင်သာရိပုတ္တရာတို့ အရှင်မောဂ္ဂလာန်တို့ရဲ့ ပခုံးပေါ်ကို တင်ပေးခဲ့တာ မဟုတ်ဘူး။ အရှင်အာနန္ဒာရဲ့ ပခုံးပေါ်လဲ အဲဒီ ၂-ထပ်သင်္ကန်းကြီးကို တင်မပေးခဲ့ဖူးဘူး။

အရှင်မဟာကဿပမထေရ်ကြီးကလဲ သူ့ရဲ့ဆွေမျိုးတွေက အလွန်ကြွယ်ဝတဲ့ သူဌေးမျိုးတွေဖြစ်တယ်။ ဒါကြောင့် သူဌေးမျိုးတွေက လှူဒါန်းထားတဲ့ အလွန်ပါးလွှာ ချောမွတ်နေတဲ့ ၂-ထပ်သင်္ကန်းကို မြတ်စွာဘုရားအား လှူခဲ့တယ်။ ဒီတော့ ဘုရားကိုယ်တော်မြတ်က မြေကြီးတုန်သွားအောင် ကောက်ယူခဲ့တဲ့ ပံ့သကူသင်္ကန်းကို မြတ်စွာဘုရား အသက်ထင်ရှားရှိစဉ်ကတည်းကိုက သံဃာတော်အားလုံးရဲ့ ရှေ့မှောက်မှာ အရှင်မဟာကဿပရဲ့ ပခုံးပေါ်ကို အဲဒီလို တင်ပေးခဲ့တာ။

ကိုယ်တော်တိုင် ကောက်ယူတဲ့ ဒီပံ့သကူ ၂-ထပ်သင်္ကန်း အရှင်မဟာကဿပရဲ့ ပခုံးပေါ်ရောက်ပြီဆိုတာနဲ့ သံဃာတော်အရှင်မြတ်တွေအားလုံးက ဒီသာသနာတော်ကြီးတခုလုံးရဲ့ ပခုံးပြောင်းတာဝန်ကို အရှင်မဟာကဿပ ယူရမယ်လို့ တညီတညွတ်တည်း သဘောတူကြတာ။ ဘုရားရှင်က ပခုံးပြောင်းတာဝန်ကို ဒီလိုပေးသွားတာ။ အရှင်မဟာကဿပကလဲ ဒီအတိုင်းပဲ ခံယူတယ်။ အဲဒါကြောင့် ဘုရားရှင်ပရိနိဗ္ဗာန်ပြုတော်မူပြီးတဲ့နောက်လဲ ဘုရားစကားတွေက မကွယ်ဘူး။ ကျန်ရစ်တယ်။

မြတ်စွာဘုရားကလဲပဲ ပရိနိဗ္ဗာန်ပြုလုလု အချိန်ကလေးမှာတောင် မှာသွားသေးတယ်၊ ရဟန်းတို့-ငါဘုရားစကားတွေ ရှိသေးသမျှကာလပတ်လုံး သင်တို့မှာ ဆရာ မကွယ်သေးဘူးလို့ ဒီလိုမှတ်ကြ-အဲဒီလိုမှာသွားတယ်။ အဲဒီသြ၀ါဒကို အားလုံးလက်ခံကြေနပ်ကြရင် ဘုရားတည်းဟူသော ဆရာတဆူ အစဉ်ရှိနေဖို့အတွက် ဘုရားစကားတော်တွေကို မူရင်းအတိုင်းဖြစ်နေအောင် ထိန်းကြရမယ်။ အဲဒီလို အရှင်မဟာကဿပကလဲ အသေအချာခံယူထားတယ်။

ချစ်သား အာနန္ဒာ-ငါဘုရား ဓမ္မ၀ိနယကို ဟောထား ပညတ်ထားပြီးပြီ။ ငါဘုရား မရှိတဲ့နောက် အဲဒီ ဓမ္မ၀ိနယဟာ သင်တို့ဆရာပဲပေါ့။ ဒါက အရှင်အာနန္ဒာက ပြောတာ။ အဲဒီစကားရပ်ကို အရှင်မဟာကဿပက မှတ်းပြီးတော့မှ ဪ-ဘုရားအစဉ်ရှိနေဖို့ ဘုရားစကားတော်တွေကို တို့ထိန်းထားရမယ်လို့ဆိုပြီးတော့ ဘုရားပရိနိဗ္ဗာန်စံပြီးတဲ့နောက် ၃-လအကြာမှာ ရာဇဂြိုဟ် ဝေဘာရတောင်ခြေ၊ စရည်းပင်ပေါက်ရာ လိုဏ်ဂူဝမှာ အဇာတသတ်ဘုရင် ဆောက်လုပ်ပေးတဲ့ မဏ္ဍပ်ကျောင်းကြီးထဲမှာ လက်ရွေးစင် ပဋိကမ္ဘိဒါပတ္တရဟန္တာကြီး အပါး ၅၀၀-တို့ကို စုဝေးပြီးတော့ ပထမသင်္ဂါယနာတင်ခဲ့ကြတာပါ။

အဲဒီမှာ အရှင်ဥပါလိက ၀ိနည်း၊ အရှင်အာနန္ဒာက သုတ္တန်နဲ့ အရှင်သာရိပုတ္တရာရဲ့ တပည့်ကြီးတွေက အဘိဓမ္မာကို တင်သွင်းကြတယ်။ သံဃာ့အစည်းအဝေးကြီးမှာ ဘုရားဟောဒေသနာအားလုံးကို အကုန်နာကြပြီးတော့မှ ဒါ ဘုရားဟောအတိုင်းပဲလို့ သဘောတူခဲ့ကြတာပါ။ တစုံတယောက် ပြင်ဆင်၊ ဖြည့်စွက်၊ ပယ်နုတ်ဖို့ စိတ်ကူးရှိကြသေးသလား၊ မရှိပါဘူး။ လျှောက်ထားပုံကိုက စဉ်းစားကြည့်တယ်။ အရှင်အာနန္ဒာရဲ့ လျှောက်ပုံကလေးက ဧ၀ံ မေ သုတံ-တပည့်တော် ဒီတရား ဒီသုတ် ဒီဒေသနာတော်ကို ဘုရားရှင်ရဲ့ မျက်မှောက်မှာ ဒီလိုနာကြား မှတ်သားခဲ့တာပါ-လို့ ဒီလိုလျှောက်တာ။

ဘုန်းကြီးတို့ ထေရ၀ါဒမှာ ဒီစကားလုံးက စပြီးတော့ သိပ်အဖိုးတန်သွားတယ်။ မဟာယာန ပိဋကတ်ကိုကြည့်ရင် ဧ၀ံ မေ သုတံ-မရှိဘူး။ ဘာပြုလို့ မရှိသလဲ။ ဘုရားကိုမီလိုက်တဲ့ မဟာယာနဘုန်းကြီး တပါးမှ မရှိလို့ဖြစ်ပါတယ်။ အခုလဲ။ဘုရားကိုယ်တော်မြတ်ထံမှ တိုက်ရိုက်နာကြားထားတဲ့ ပိဋကတ်တော်ဟာ မဟာယာနထဲမှာ လုံးလုံးမရှိတော့ပါဘူး။ အခု ရှိတာက မဟာယာနဘုန်းကြီးတွေ အသစ်ရေးတာတွေချည်း ဖြစ်သွားပြီ။ ဒါကြောင့် သူတို့မှာ ဧ၀ံ မေ သုတံ မရှိဘူး။ ဘုန်းကြီးတို့ ထေရ၀ါဒကတော့ ဧ၀ံ မေ သုတံ-တလုံးနဲ့ကို တရားတော်ရဲ့ တန်ဘိုး အလွန်ခိုင်မာသွားတယ်။

အဲဒီလို ခိုင်မာတဲ့အတွက် သတ္တ၀ါတို့ရဲ့ အကျိုးစီးပွားရှိမယ့် လုပ်ငန်းကို ညွှန်ကြားတော်မူတဲ့ တရားဓမ္မဖြင့်၊ အကျိုးမဲ့ကို တားမြစ်တော်မူတဲ့ အနေအားဖြင့် ဘဂ၀ါ-ဘုရားရှင်ကိုယ်တော်မြတ်ကြီးသည်၊ သတ္တ၀ါတို့ရဲ့ ဘေးမှန်သမျှကို ပယ်ဖျောက်တတ်တဲ့အတွက်ကြောင့် သရဏ မည်တော်မူပါပေ၏။
သတ္တ၀ါတွေရဲ့ ဘေးဒုက္ခကို ဖယ်ရှားတယ်ဆိုတာက
(၁) မကောင်းတာတွေကို တားပြီးတော့
(၂) ကောင်းတာတွကို ညွှန်ကြားတဲ့အတွက်ကြောင့် အဲဒါကို သရဏ-လို့ ခေါ်တယ်။
ဒီအဓိပ္ပါယ်နဲ့ သရဏံ ဂစ္ဆာမိ-ဪ သဗ္ဗညုဗုဒ္ဓ ဂေါတမဟာ ဆရာနဲ့ သိပ်တူတာပဲ။ မကောင်းတာကို တား-ကောင်းတာကိုလဲ ညွှန်ကြား၊ ဒုစရိုက် ၁၀-ပါး၊ သူစရိုက် ၁၀-ပါးက အစပေါ့ကွယ်။ အဲဒါကြောင့် သရဏံ ဂစ္ဆာမိ-ကိုးကွယ်ပါ၏။ အဲဒီလို ရတနတ္တယ ဂုဏ်ရည်ကို ကြည်ညိုရတာဖြစ်တယ်။ အဲဒီလို ဘုရား တရား သံဃာတို့ရဲ့ အပေါ်မှာ သဒ္ဓါတရားကို ရရှိခြင်း၊ အဲဒီလို သဒ္ဓါတရားကို အခြေခံ၍ထားသော သမ္မာဒိဋ္ဌိဖြင့် ဖြောင့်မတ်တဲ့ အယူရှိလာပြီရယ်လို့ ကောင်းစွာမသွေ မှတ်သားထိုက်ပါပေသတည်း။

( သီတဂူဆရာတော် )
( မြတ်မင်္ဂလာ ၂၀၀၂-မတ်လ)

No comments: