Sunday, November 29, 2009

ထေရ၀ါဒ ဗုဒ္ဓဘာသာ နှင့် မဟာယာန ဗုဒ္ဓဘာသာ နှိုင်းယှဉ်ဝေဖန်ချက် (၂၀)

ဒီကနေ့ ဓမ္မသဘင်ပွဲ အားခဲလာကြတဲ့ တရားချစ်ခင် သူတော်စင်များ၊ ဘုန်းကြီးတို့ ဟောကြားနေတဲ့ ဒေသနာ အစီအစဉ်မှာ ထေရ၀ါဒ မြတ်ဗုဒ္ဓဒေသနာတော်သမိုင်းကို ကိုးကွယ်သိမှတ် ဆည်းကပ်ပုံများ ဟောကြားခဲ့ပါပြီ။ ယခု ထေရ၀ါဒ ဗုဒ္ဓဘာသာ ပီပီသသ ဖြစ်-မဖြစ်ဆိုတဲ့ အကြောင်း၊ တခြား မဟာယာန ဗုဒ္ဓဘာသာတို့ရဲ့ ကိုးကွယ်ခြင်းများနဲ့ နှိုင်းယှဉ်ပြီး ဟောကြားနေတဲ့ ဒေသနာအစီအစဉ်များ ရောက်လာပါပြီ။

အဲဒါကို အကျဉ်းချုံးပြီး ဟောပြသွားမှာပါ။ မဟာယာန ဗုဒ္ဓဘာသာမှာကတော့ ဘယ်ကျမ်းကလာတဲ့ နတ်ဖြစ်ဖြစ် ကိုးကွယ် ရှိခိုးဖို့ဆိုတဲ့ အထဲမှာ သူတို့ကို ထည့်ထားတယ်။ ထေရ၀ါဒ ဗုဒ္ဓဘာသာကတော့ မြတ်စွာဘုရား သာသနာတော်မှာ နတ်တွေ သိကြားတွေ ဗြဟ္မာတွေ ပါတယ်။ ရှိတယ်။ ဘုရားကိုယ်တော်မြတ်နဲ့ သိကြား ဗြဟ္မာ နတ်ဒေ၀ါတွေဟာ မပြတ်မပြတ်တွေ့ကြ ဆုံကြ တရားဆွေးနွေးကြ၊ လျှောက်ထားကြ စသည်ဖြင့် မြောက်မြားစွာသော သုတ်တွေရှိတယ်။

ဥပမာ-သံယုတ္တနိကာယ်ကို ကြည့်လိုက်ရင် ဒေ၀တာသံယုတ်တခုလုံးဟာ နတ်နဲ့ပတ်သက်တဲ့ တရားတွေချည်းပဲ။ ဒေ၀ပုတ္တသံယုတ်၊ ဒေ၀တာသံယုတ်၊ သက္ကသံယုတ်၊ ဗြဟ္မသံယုတ် အဲဒီလို သိကြား ဒေ၀ါ နတ်ဗြဟ္မာ နတ်သားတွေ နတ်သမီးတွေနဲ့ ဘုရားရှင် ကိုယ်တော်မြတ်ရဲ့ သာသနာတော်နဲ့ဟာ အကုန်လုံး ဆက်နွယ်မှုတွေ ရှိပါတယ်။ သို့သော် ဒီကနေ့ ထေရ၀ါဒ ဗုဒ္ဓဘာသာ နိုင်ငံတော်မှာ အမျိုးသား အမျိုးသမီးတွေ ကိုးကွယ်နေကြတာ တွေနဲ့ အဲဒီဘုရားပိဋကတ်တော်မှာ လာကြတဲ့နတ်များနဲ့ ဘယ်လိုများ ပတ်သက်မှုရှိမလဲ၊ ဘယ်လိုများ ဆက်သွယ်မှုရှိမလဲ ဆိုတာလေးတွေ စဉ်းစားကြည့်လိုက်လို့ရှိရင် ဘုန်းကြီးတို့ မဟာအာဋာနာဋိယ သုတ်ကနေ စတင်ပြီးတော့ အဲဒါ စဉ်းစားမယ်။

မဟာအာဋာနာဋိယကို ဒီဃနိကာယ် ပါဠိတော်မှာ သင်္ဂါယနာတင်ပြီးတော့ စာရင်းသွင်းထားတယ်။ ဒီဃနိကာယ်ဆိုကတည်းက သုတ်ရှည်ကြီးပဲ။ သုတ္တန်ရဲ့ နာမည်သည်-မဟာအာဋာနာဋိယသုတ်၊ မဟာအာဋာနာဋိယဆိုတာဟာ မူရင်းကတော့ နတ်ပြည်က မြို့တမြို့ရဲ့ နာမည်ပဲ။ အာဋာနာဋိယဆိုတဲ့ နတ်မြို့တခုရှိတယ်။ စတုမဟာရာဇ်နတ်ပြည်မှာပါ။

အဲဒီအာဋာနာဋိယဆိုတဲ့ နတ်မြို့တော်ကြီးမှာ လောကပါလနတ်မင်းကြီး လေးယောက်တို့တွင် အရှိန်အ၀ါကောင်းတဲ့ နတ်မင်းကြီးတပါးဟာ ၀ဿဝဏ၊ ၀ဿဝဏဆိုတဲ့ နတ်မင်းကို မြန်မာလို ဝေဿ၀ဏ်လို့ ဖတ်ကြတယ်။ အဲဒီဝေဿ၀ဏ် နတ်မင်းကြီး စီမံသွားတဲ့ သုတ်လို့မှတ်ရမယ်။ အာဋာနာဋိယနတ်မြို့မှာ ဝေဿ၀ဏ်နတ်မင်း စီမံသောသုတ်ကို အာဋာနာဋိယသုတ်လို့ ခေါ်တယ်။

အဲဒါကြောင့် ဒီသုတ္တန်သည် ဗုဒ္ဓဘာသိတသုတ် မဟုတ်ဘူး။ ဒေ၀တာ ဘာသိတသုတ်တဲ့။ နတ်ဟောတဲ့သုတ်။ ဒီလိုမှတ်ပါ။ အဲဒီနတ်ဟောတဲ့သုတ်က ဘာကြောင့် သင်္ဂါယယနာတင်စာရင်းထဲ ရောက်သွားသလဲဆိုတော့ ဘုရားက လက်ခံတဲ့အတွက်ကြောင့် ရောက်သွားတာပါ။ နတ်ဟောတဲ့သုတ်ကို မြတ်စွာဘုရားက လက်ခံပြီး အမည်ပြုပေးလိုက်တယ်။ နတ်တွေက စီစဉ်ပြီး ဘုရားကို လျှောက်တယ်။ ဘုရားက သံဃာတော်တွေကို ပြန်ဟောလိုက်တယ်တဲ့။ ညတုန်းကကွယ် သန်းခေါင်ယံမှာ ဝေဿ၀ဏ်နတ်မင်းကြီး ရောက်လာပြီး ဒီသုတ္တန်လျှောက်သွားတယ်ဟေ့။ ဆောင်ထားကြ၊ ဆောင်ထားကြ၊ ဘုရားက ဂိဇ္ဈကုဋ်တောင်မှာနေနေတုန်း သံဃာတော်တို့ကို ပြန်ဟောလိုက်တယ်။

အဲဒါကြောင့် နတ်ဟောသုတ်ပင် ဖြစ်လင့်ကစား ဘုရားလက်ခံတော်မူတဲ့အတွက်ကြောင့် ဘုရားဟောသကဲ့သို့ နှစ် ၂၅၀၀-သင်္ဂါယနာခြောက်တန်တင် မထေရ်ကြီးတွေက အမြတ်တနိုး အလေးပြုပြီးတော့ ပိဋကတ်ထဲမှာ ထည့်ထားတာ။ အဲဒါ မဟာအာဋာနာဋိယသုတ် ဆိုပြီး ဖြစ်လာတယ်။ အဲဒါကို ဘုန်းကြီးတို့ ပါဠိ အဋ္ဌကထာ ဋီကာကျမ်းတွေထဲမှာ တိတိကျကျ လက်ခံထားတယ်။

နတ်ဟောတာကို နတ်မဟောသလို အသာလေး တိမ်မြှုပ်ပြီးတော့ ဘုရားဟောရယ်လို့ ပြောင်းလဲပြီး လက်ခံတဲ့စနစ်မျိုး ဘုန်းကြီးတို့ ထေရ၀ါဒမှာ မရှိဘူး။ ဒါဟာ နတ်ဟောတယ်။ ဒါဟာ ဘုရားဟောတယ်။ ဒါဟာ သာဝကဟောတယ်။ ဒါဟာ သာဝိကာဟောတယ်။ အဲဒီလို တိတိကျကျ ပီပီသသ တန်းတင်တယ်။ မဟာယာနရောက်သွားပြီဆိုရင် အဲဒီလိုမဟုတ်တော့ဘူး။ လားမားဘုန်းတော်ကြီး မျိုးစုံက စာမျိုးစုံကို ရေးပြီးတော့ သူတို့ရေးတယ်လို့ မပြောလိုက်ဘဲနဲ့ နောက်ဆုံး ဘုရားဟောဆိုပြီးတော့ အဲဒီလိုမျိုး လုပ်သွားတာတွေ မဟာယာနမှာ အများကြီးရှိတယ်။

ထေရ၀ါဒမှာကတော့ ဝေဿ၀ဏ်နတ်မင်းကြီးက ဂိဇ္ဈကုဋ်တောင်မှာ သီးတင်းသုံးသော မြတ်စွာဘုရားထံ သန်းခေါင်ယံမှာလာပြီးလျှောက်တယ်။ မြတ်စွာဘုရား၊ ဒီအာဋာနာဋိယသုတ္တန်ကို ဆောင်ထားပါဘုရား။ သံဃာတော်များကိုလဲ သင်ပေးလိုက်ပါဘုရား။ ဘာဖြစ်လို့လဲဆိုတော့ မြင်းမိုရ်တောင် တပတ်လည်နေကြတဲ့ အထဲ မြင်းမိုရ်တောင်ရဲ့ တောင်အရပ်မှာ ကုမ္ဘဏ္ဍ ဆိုတဲ့နတ်မျိုးတွေ နေပါတယ်ဘုရား။ မြင်းမိုရ်တောင်ရဲ့ မြောက်အရပ်မှာ ယက္ခဆိုတဲ့ ဘီလူးမျိုးတွေ နေကြပါတယ်ဘုရား။ ဒီလိုလျှောက်တယ်။ ဂိဇ္ဈကုဋ်တောင်ကို ဝေဿ၀ဏ်နတ်မင်းနဲ့အတူ လာတာက ဓတရဋ္ဌနတ်မင်းရယ်၊ ၀ိရူဠှကနတ်မင်းရယ်၊ ၀ိရူပက္ခနတ်မင်းရယ် အဲဒီနတ်မင်းကြီးလေးပါး လာကြတယ်။ သိကြားမင်းရဲ့ တာဝန်ပေးချက်အရ မြင်းမိုရ်တောင်ကို ပတ်ပြီးတော့ လုံခြုံရေးတာဝန် စောင့်ရှောက်တဲ့အထဲမှာ မြောက်အရပ်က ဘီလူးတပ်ကို အုပ်ချုပ်ဖို့ ဝေဿ၀ဏ်နတ်မင်း တာဝန်ယူရတယ်။ အရှေ့အရပ်က ဂန္ဓဗ္ဗ နတ်တွေကို အုပ်ချုပ်ဖို့ ဓတရဋ္ဌနတ်မင်းက တာဝန်ယူရတယ်။ တောင်အရပ်က နတ်တွေ၊ ကုမ္ဘဏ်တွေကို အုပ်ချုပ်ဖို့ ၀ိရူဠှက နတ်မင်းက တာဝန်ယူရတယ်။ အနောက်ဘက်က နဂါးတွေကို အုပ်ချုပ်ဖို့ ၀ိရူပက္ခနတ်မင်းက တာဝန်ယူရတယ်။

အဲဒီနတ်မင်းကြီး ၄-ယောက်တို့ဟာ မြတ်စွာဘုရား မိဂဒါဝုန်မှာ ၀ါဆိုလပြည့်နေ့ ဓမ္မစကြာတရားဟောတုန်းက သောတာပန်တည်ပြီးသား နတ်တွေဖြစ်တယ်။ သောတာပန်နတ်၊ သူတော်ကောင်းနတ်တွေပါ။ ဒါပေမဲ့ သူတို့ရဲ့ လက်အောက်ခံနတ်တွေက ဘီလူးဆိုလို့ရှိရင် ပါဏာတိပါတ မပါရင် အစာမရဘူး။ မဖြစ်ဘူးဆိုပါတော့။ ကုမ္ဘဏ်လဲ ဒီအတိုင်းပဲ၊ အဲဒီတော့ မြတ်စွာဘုရားကိုယ်တော်မြတ်က လူ့အခြေခံကျင့်ဝတ်ကို ဘာကစပြီး ဟောသလဲ၊ ငါးပါးသီလကို စဟောခဲ့တာ။ အဲဒီနတ်တွေက ဘာပြောသလဲ-ဂေါတမဗုဒ္ဓကလဲ တို့ကို အစာဖြတ်ပြီးတော့ အသေခံခိုင်းတာနဲ့ အတူတူပဲလို့ ပြောကြတယ်။ ဒါကြောင့် သူတို့က ဂေါတမဘုရားရှင်ရဲ့ တရားကို ဘယ်တော့မှ မကြိုက်ဘူး။ ဘယ်နတ်တွေလဲ။ ဘီလူးတွေ။ ကုမ္ဘဏ်တွေ ဖြစ်ပါတယ်။ သူတို့က ဒီတရားမကြိုက်ကြဘူး။ ဂန္ဓဗ္ဗနတ်တွေကလဲ အဲဒီ ၅-ပါးသီလကို စဟောရင် စိတ်ဆိုးတယ်တဲ့။ မကျေနပ်ကြဘူး။

အဲဒါကြောင့် ကမ္မ၀ါ-စာထဲမှာ ဒီပါဠိတော်ထဲကဟာတွေကို ထည့်ပြီး စီမံထားတာ။ အဲဒီတော့ ဝေဿ၀ဏ်အစရှိတဲ့ နတ်မင်းကြီး လေးယောက်။ ဂိဇ္ဈကုဋ်တောင်ပေါ်မှာ သန်းခေါင်ယံလာတော့ ရာဇဂြိုဟ်မြို့ရဲ့ မြို့တခါးပေါက်တွေမှာ ဝေဿ၀ဏနတ်မင်းကြီးက မြို့စောင့်လုံခြုံရေးတွေ အထပ်ထပ်ချထားတယ်။ ဘုရားရှင်သီတင်းသုံးတဲ့ ဂိဇ္ဈကုဋ်တောင်စောင်းက ဇရပ်ရဲ့ အရပ်လေးမျက်နှာမှာလဲ လုံခြုံရေးတွေ အထပ်ထပ်ချထားတယ်။ အဲသလို လုံခြုံရေးတွေ အထပ်ထပ်ချပြီးမှ နတ်မင်းကြီးလေးပါး ဘုရားဆီလာကြတယ်။

သူတို့စီမံချက်ကို ကြည့်ပါဦး။ ဒီနတ်မင်းကြီး လေးပါးထဲက ဝေဿ၀ဏ်နတ်မင်းကြီးက ဘုရားရှင်ကို ပရိတ်ကို လျှောက်ကြားတာ။ ပရိတ်ဆိုတာက အကာအကွယ်ပေးတာ။ ခုနကလို နတ်ကြမ်းတွေ၊ နတ်ဆိုးတွေကို ကာကွယ်ဖို့ ပရိတ်ကို ဝေဿ၀ဏ်နတ်မင်းက အာဋာနာဋိယမြို့မှာ စီမံခဲ့တာ။ စီမံပြီး နတ်မင်းကြီး ၄-ဦးသား တိုင်ပင်ပြီးတော့ ဘုရားရှင်ဆီ လာပို့တာ။ အဲဒါတွေကို သိနေတဲ့ ယက္ခတွေ၊ ကုမ္ဘဏ်တွေက အနှောင့်အယှက် ပေးမှာစိုးလို့ ရာဇဂြိုဟ်မြုိ့ရဲ့ အရပ် ၄-မျက်မှာ အစောင့်တွေချတယ်။ ဘုရားကျောင်းတော်ရဲ့ အရပ်လေးမျက်နှာမှာ အစောင့်တွေချတယ်။ လုံခြုံပြီဆိုတော့မှ ဘုရားဆီ ၀င်ကြတာ။ ဝေဿ၀ဏနတ်လို့ ခေါ်တာက သိကြားမင်းက ဝေဿ၀ဏ်မြို့ကို အပိုင်စားပေးထားလို့ ဝေဿ၀ဏ လုိ့ခေါ်တာ။ တခြား သူ့နာမည်က ကုဝေရလို့လဲခေါ်တယ်။ ကဿပဘုရားရှင်လက်ထက်က ကြံရောင်းတဲ့ ကြံကုန်သည် ဖြစ်တယ်။ ကြံကြိတ်စက်တွေနဲ့ ကြံတွေကို ညှစ်ပြီး အရည်ရောင်းတာ စီးပွားဖြစ်နေတယ်။ သံဃာတော်အရှင်မြတ်တွေကို နေ့စဉ်ကြံရည်ကပ်တယ်။ ကုဝေရက နှစ် ၂၀၀၀၀-နီးနီး ကြံရည်ကပ်ပြီး ကုသိုလ်ကို လုပ်ခဲ့ဖူးတယ်။ အဲဒီကြံရည်ရောင်းတဲ့ဘ၀က ကွယ်လွန်ပြီးတော့ စတုမဟာရာဇ်နတ်ပြည် မြင်းမိုရ်တောင် မြောက်ဘက်မှာ ဝေဿ၀ဏ်မြို့ကို အပိုင်စားရတဲ့ ကုဝေရနတ်မင်းဆိုပြီး လာဖြစ်တယ်။ ကြံလှူတဲ့ကုသိုလ်ပါပဲ။

အဲဒါကြည့်လိုက်ရင် သူဟာ သူတော်ကောင်းဖြစ်တယ်။ ဓမ္မစကြာတရားဦး နာပြီးတော့ သောတာပန်တည်တယ်။ အဲဒီတော့ သိကြားလဲပဲ ဪ-ငါ့လုံခြုံရေးတွေ စီမံတဲ့နေရာမှာ တန်ခိုးလဲကြီး၊ သူတော်ကောင်းစိတ်လဲ ရှိကြတဲ့ သူတွေကို လုံခြုံရေးချမှပဲ။ မြင်းမိုရ်တောင်ထိပ်မှာ သိကြားမင်းရဲ့ တာဝတိံသာရှိတယ်။ တောင်ပတ်ပတ်လည်မှာက စတုမဟာရာဇ်နတ်တွေ ရှိတယ်။ အဲဒါကြောင့် သောတာပန်အရိယာ နတ်မင်းကြီးတွေကို ရွေးပြီးတော့ မြင်းမိုရ်တောင်ရဲ့ အရပ်လေးမျက်နှာမှာ လုံခြုံရေးချထားတာ။

နတ်မင်းကြီးလေးပါးထဲမှာ သောတာပန်ဖြစ်တဲ့ ဝေဿ၀ဏ်နတ်မင်းကြီးက သံဃာတော်တွေကို ကြည့်ပြီးတော့ သူက သနားတယ်။ မြတ်စွာဘုရား သာသနာတော်ခေတ် စောစောပိုင်းက သံဃာတော်တွေက တောတောင်မှာပဲ နေတယ်။ ကျောင်းကန်ကို လက်မခံသေးတဲ့အချိန် ဖြစ်တယ်။ တောတွေ၊ တောင်တွေမှာ ရုက္ခမူနဲ့ နေတယ်။ အရညကင်ဓုတင်နဲ့ နေတယ်။ လိုဏ်ဂူနဲ့ နေတယ်။ သုသာန်ဇရပ်မှာ နေတယ်။ အဲဒီလို နေတဲ့ သံဃာတော်တွေကို တော်တော်ကြာ သူရဲဖမ်းလို့၊ တော်တော်ကြာ ဘီလူးဖမ်းလို့၊ တော်တော်ကြာ ကုမ္ဘဏ်တွေ ဘာလုပ်လို့၊ အဲဒီလို မကြာမကြာ ခြိမ်းခြောက်၊ ဖမ်းစားတာတွေကို ခံကြရတယ်။ အဲဒီတော့ ဘီလူးအုပ်ချုပ်တာက ဝေဿ၀ဏ်။ သူ့တပ် သူမနိုင်တော့ သံဃာတော်တွေ ဘီလူးစားတယ်။ ကုမ္ဘဏ်တွေကို အုပ်ချုပ်တာက ၀ိရူဠှက၊ ၀ိရူဠှကနတ်မင်းကလဲ သူ့တပ်သူမနိုင်တော့ သံဃာတော်တွေကို ကုမ္ဘဏ်က နှောင့်ယှက်တယ်။ အဲဒါကြောင့် ဒီနတ်မင်းလေးပါးက တိုင်ပင်ပြီးတော့ ပရိတ်ကို စီစဉ်တာ။ အဲဒီဘီလူးတွေ ကုမ္ဘဏ်တွေကို ကာကွယ်ဖို့ အာဋာနာဋိယမြို့မှာ ပရိတ်ကို စီစဉ်ပြီးတော့ မြတ်စွာဘုရားထံ သန်းခေါင်ယံလာပြီး လျှောက်သွားတာ။ သံဃာတော်မြတ်တွေရဲ့ လုံခြုံရေးအတွက် တပည့်တော် ပရိတ်စီစဉ်ထားပါတယ်။ ဘုရားလက်ခံတော်မူပါ။

ဘုရားရှင်က အေး အေး၊ ကောင်းတယ်-ဆိုပြီး လက်ခံထားလိုက်တယ်။ မနက်မိုးလင်းတော့မှ သံဃာတော်တွေကို ဂိဇ္ဈကုဋ်တောင်ခြေ စုခိုင်းပြီး ဘုရားက ပြန်ဟောတော်မူတယ်။ အဲဒီသုတ်ကို ဒေ၀တာဘာသိတ-သုတ်လို့လဲ ခေါ်တယ်။ နတ်ဟောတဲ့သုတ်။ ဘုရားလက်ခံ အတည်ပြုပြီးတော့ ဘုရားက သံဃာတော်များကို ပြန်ဟောပေးတာ။ ထေရ၀ါဒမှာ နတ်ကို လက်ခံတဲ့အကြောင်း၊ လက်ခံပုံ လက်ခံနည်းကလေးတွေ ဒါနားလည်ဖို့ပါ။

( သီတဂူ ဆရာတော် )

( မြတ်မင်္ဂလာ ၂၀၀၂-ခု ဇူလိုင်လ)

1 comment:

The Bliss Of Emancipation said...

လာရောက်ဖတ်မှတ်သွားပါတယ်။