Monday, November 2, 2009

ယနေ့ပြုကံ

ဆောင်းကာလ နတ်တော်လတွင် ဖြစ်သည်။ သမီးထွေးဖြစ်သူ မခင်ဌေးသန်း ပျဉ်းမနားမြို့ ရေဆင်းစိုက်ပျိုးရေးတက္ကသိုလ်တွင် သင်တန်းတက်နေစဉ် သမီးထံ အလည်တခေါက် သွားလိုစိတ် ဖြစ်ပေါ်လာသဖြင့် နေရပ် ရွာလွတ်ရွာမှ ခရီးထွက်ခဲ့ပါသည်။

နှင်းပုလဲအလွန် တောင်စွန်ဘူတာရောက်သောအခါ ၂-နှစ် ကလေးငယ်ကို ပွေ့ချီလျက် လက်တဖက်က ဆွဲခြင်းကိုကိုင်ကာ ကျွန်တော်စီးလာသော အတွဲ ၈-အပေါက်သို့ အမျိုးသမီးတဦး တက်လာသည်။ ထိုင်ခုံမဲ့ဖြစ်၍ ကျွန်တော့အရှေ့မှာ ထိုင်ချပါသည်။ ညနေ ၅-နာရီအချိန်ရှိပြီမို့ ကျွန်တော်လည်း ၀ယ်လာသော ထမင်းထုပ်ကို ဖြေပြီးစားသည်။ ထိုစဉ် ကလေးငယ်က ကျွန်တော်စားနေသော ထမင်းနှင့် ငါးကြော်ကို တစိုက်မတ်မတ် စူးစိုက်ကြည့်နေသည်ကို မြင်ရသည်။ ဤကလေး ထမင်းဆာနေပုံပေါက်တယ်-ဟု တွေးကာ သူ့မိခင်ကိုမေးသည်။ သူ့မိခင်ကလည်း ကလေး ထမင်မစားရသေး-ဟု ပြောသည်။ ကျွန်တော်သည် ချက်ချင်း မေတ္တာကရုဏာစိတ်ဝင်ပြီး စားလက်စထမင်းနဲ့ ငါးကြော်ကို ကလေးငယ် ကျွေးရန် သူ့မိခင်အား ပေးလိုက်ပါသည်။

ကလေးငယ်လည်း ဆာဆာနဲ့ အားပါးတရ စားလိုက်သည်။ မြင်ရသူ ကျွန်တော့မှာ ပီတိတွေဖြာပြီး ကြည်နူးမိပါတော့သည်။ ထိုမှတဆင့် ခရီးဆက်ခဲ့ရာ ရေဆင်းစိုက်ပျိုးရေး တက္ကသိုလ်သို့ ဆိုက်မြိုက်စွာ ရောက်ရှိ်ပါသည်။ သမီးနှင့်တွေ့ပြီး ကျောင်းစရိတ်၊ စားစရိတ်၊ မုန့်ဖိုးတွေပေး၍ ကျောင်းဝင်းအတွင်း လှည့်လည်ကြည့်ရှုသည်။ ထို့နောက် နေ့လယ်စာစားပြီး ကျောင်းမှထွက်ခဲ့သည်။

ဘူတာသို့ ၂-၃၀ နာရီရောက်၍ လက်မှတ်ဝယ်ဖို့ ပြင်နေစဉ် ရုံပိုင်ကြီးက မီးရထား ည ၈-နာရီမှ ၀င်မယ်-ဟု ပြောလာသည်။ အချိန်အကြာကြီး စောင့်နေစဉ် စိတ်ကူးတခု ပေါ်သည်။ ရွာလွတ်ရွာက ဦးလင်းဆိုသူ ပျဉ်းမနားမှာ ဟာလာခေါ် ဆန်ကြိတ်စက်ငယ် လာလုပ်နေတယ်လို့ ကြားဖူးတယ်။ သူ့ကိုတော့ မသိ။ ဘာပဲဖြစ်ဖြစ် ဘူတာရုံမှာ နေရမယ့်အစား ရှာပုံတော်ဖွင့်မယ်-ဟု တွေးပြီး ဆိုက်ကားစီးပြီး သွားလိုက်သည်။

ဘီအိုစီကွေ့ တနေရာအရောက်တွင် ဟာလာဆန်စက်တလုံး လုပ်နေသည်ကို အဝေးကမြင်လိုက်သည်။ ၀င်မေးသည်။ ဗျိ်ု့ဆရာ ဒီမြို့မှာ ဟာလာလုပ်တဲ့ ဦးလင်းဆိုတာ သိပါသလား။ ဟာဗျာ ကျွန်တော် ဦးလင်းပေါ့။ ခင်ဗျားဘယ်ကလဲ။ ဘာကိစ္စနဲ့ လာတာလဲ။

ဤတွင် လာရင်းကိစ္စပြောပြသည်။ ဒါဆို စားပွဲမှာထိုင်ပါ-ဟုဆိုကာ ဦးလင်းက ရေနွေးကြမ်းနဲ့ ဖီးကြမ်း ငှက်ပျောသီးတွေ ထုတ်ကျွေးသည်။ ထိုမျှမက ဦးလင်း၏ဇနီး မလှက စားပွဲဆီလာပြီး သတင်းမေးသည်။ ၀မ်းသာအားရစွာဖြင့် သမီးကို ခေါ်၍ ထမင်းပွဲ ပြင်ခိုင်း၊ ရေချိုးခိုင်းပြီး ထမင်းကျွေးတော့သည်။

ညနေ ၅-နာရီခွဲခန့် အချိန်လောက်တွင် သူ့အိမ်က ကားဖြင့် ဘူတာရုံသို့ လိုက်ပို့ပေးပါသည်။ ထိုမှတဆင့် ခရီးဆက်ခဲ့ရာ နေရပ်သို့ ချောမောစွာ ပြန်လည်ရောက်ရှိပါသည်။

( ဦးဘချစ်)

( မြတ်မင်္ဂလာ ၂၀၀၂-ခု ဖေဖော်ဝါရီလ )

No comments: