Friday, November 20, 2009

အစွမ်းထက်သော ဂါထာတော်များ

(နမော တဿ ဘဂ၀တော အရဟတော သမ္မာသမ္ဗုဒ္ဓဿ)
အရဟတော-အရဟတ္တမဂ်ဉာဏ်ဖြင့် ဗုဒ္ဓဂုဏ်အင် စုံလင်ခဲ့ရာ ဗြဟ္မာနတ်လူ သုံးဘုံသူတို့၏ အလှူတော်မှန် အပူဇော်ကို ခံတော်မူထိုက်သော။
သမ္မာသမ္ဗုဒ္ဓဿ-အမှန်အတိုင်းသာ ဆရာမပြ သဘာဝဖြင့် ဓမ္မအဖုံဖုံတရားစုံကို အကုန်အစင် သိမြင်တော်မူပြီးထသော။
တဿ ဘဂ၀တော-ဘုန်းတော်ခြောက်စုံ တန်ခိုးဂုဏ်နှင့် ပြည့်စုံပေငြား ထိုမြတ်စွာဘုရားအား။
နမော-ကာယ ၀စီ မနောချီလျက် သုံးလီဒွါရ ပမာဏဖြင့် ကြည်စွသဒ္ဓါ ရှိခိုးကန်တော့ပါ၏ အရှင်ဘုရား။

ဤနမော တဿ အစချီသော ဘုရားရှိခိုးသည် ဗုဒ္ဓဘာသာဝင် သူတော်စင်အဆက်ဆက်တို့ ရွတ်ဆိုရှိခိုး ခဲ့ကြသည်။ ကျမ်းစာရေးသူတို့သည် ကျမ်းဦးအစ၌ ဤ-နမော တဿ-ဖြင့် ပမာဏ အစချီလေ့ ရှိကြသည်။ ဤဘုရားရှင်လက်ထက်တွင်သာမက ရှေးရှေးသော ဘုရားရှင်တို့ လက်ထက်ကပင် ပေါ်ပေါက်နေခဲ့သော ဘုရားရှိခိုးလက်ဟောင်း ဖြစ်သည်။

( ၉၂-ကမ္ဘာမှ ဘုရားရှိခိုး)
လွန်ခဲ့သော ၉၂-ကမ္ဘာ၌ ဖုဿဘုရားရှင် ပွင့်တော်မူရာ ဖုဿဘုရားရှင်၏ ဖခမည်းတော် မဟိန္ဒမင်းကြီးသည် မြတ်စွာဘုရားရှင်ကို လွန်စွာကြည်ညိုလှသဖြင့် နမော တဿ-ဘုရားရှိခိုးကို သုံးကြိမ်ရွတ်ဆို ကျူးရင့်လျက် ဘုရားရှိခိုးလေ့ရှိခဲ့သည်။

(သိကြားမင်း၏ ဘုရားရှိခိုး)
မြတ်စွာဘုရားရှင်သည် ရာဇဂြိုဟ်မြို့၏ အရှေ့ဘက် ဂိဇ္ဈဂုဋ်တောင်ခြေရှိ ဣန္ဒသာလလိုဏ်ဂူ၌ သီတင်းသုံး နေတော်မူစဉ် သိကြားမင်းသည် မိမိသိလိုသည့်အချက်များကို လာရောက်မေးလျှောက်၏။ ယင်းအမေးကို ပြန်လည်ဖြေကြားသည့် တရားတော်ကို သက္ကပဥှသုတ်ဟု ခေါ်၏။ သက္ကပဥှသုတ်ကို ဟောတော်မူရာ သိကြားမင်းသည် လွန်စွာနှစ်ထောင်းအားရ ကြည်ညိုလှသဖြင့် ဤ နမော တဿ အစချီသော ဘုရားရှိခိုးကို သုံးကြိမ်တိတိ ရွတ်ဆိုရှိခိုးလေသည်။

(ကောသလမင်းကြီး၏ ဘုရားရှိခိုး)
မြတ်စွာဘုရားရှင်သည် သာဝတ္ထိပြည် ဇေတ၀န်ကျောင်းတော်၌ သီတင်းသုံးနေတော်မူစဉ် အချစ်ကြောင့် ဒုက္ခဆင်းရဲ ဖြစ်ရသည်ဟု မြတ်စွာဘုရားဟောကြားသည့် ဒေသနာတော်နှင့် စပ်လျဉ်း၍ ကောင်သလမင်းကြီး၏ နန်းတော်၌ အငြင်းပွားကြ၏။ ကောသလမင်းကြီးက အချစ်ကြောင့် ပျော်ရွှင်ချမ်းမြေ့ နှစ်သက်ဝမ်းမြောက်မှု ဖြစ်ရသည်ဟု ယူဆယုံကြည်နေ၏။

ထိုအခါ မလ္လိကာ မိဖုရားကြီးသည် နာဠိဇင်္ဂအမည်ရှိသော ပုဏ္ဏားအားစေလွှတ်၍ မေးမြန်းလျှောက်ထားစေ၏။ ထိုအခါ မြတ်စွာဘုရားက စိုးရိမ်ပူဆွေး ငိုကြွေးရခြင်း ဆင်းရဲဒုက္ခများသည် အချစ်ကြောင့် ဖြစ်ရသည်။ လင်မယားအချစ်ကြောင့် လင်သေ၊ မယားသေ ငိုကြွေးရ၏။ သားသမီးအချစ်ကြောင့် သားသမီးသေသည့်အခါ ငိုကြွေးရ၏။ စသည်ဖြင့် ဟောကြားတော်မူ၏။ ပုဏ္ဏားသည် မလ္လိကာမိဖုရားကြီးအား ပြန်လည်လျှောက်ထား၏။ မလ္လိကာမိဖုရားသည် ကောသလမင်းကြီးအား သမီးတော်က ၀ဇီရီကို ချစ်ပါရဲ့လား-ဟုမေး၏။ အသက်တမျှ ချစ်ခင်ကြောင်း ဖြေကြား၏။ အကယ်၍ သမီးတော်ကလေး ၀ဇီရီသေဆုံးခဲ့ပါမူ အရှင်မင်းကြီးသည် စိုးရိမ်ပူဆွေး ငိုကြွေးမှု ပြု-မပြု မေးရာ ကောသလမင်းကြီးက စိုးရိမ်ပူဆွေး ငိုကြွေးရုံသာမက သေပင်သေသွားနိုင်သည်ဟု ဆို၏။

ဤသို့ဆိုပါက အချစ်ကြောင့် ဆင်းရဲဒုက္ခရောက်ရသည် ဟူသောအချက် မှန်မမှန် မေးလျှောက်၏။ မင်းကြီးသည် သဘောပေါက် နားလည်သွား၍ မိမိနှုတ်အာခံတွင်းကို ပလုတ်ကျင်း ဆေးကြောပြီး လက်ဝဲတဖက် ပခုံးထက်၌ ကိုယ်ရုံကိုတင်လျက် ဘုရားရှိရာဘက်သို့ မျက်နှာမူကာ လက်အုပ်ချီ၍-နမော တဿ ဘဂ၀တော အရဟတော သမ္မာသမ္ဗုဒ္ဓဿ-ဟု သုံးကြိမ် ရွတ်ဆိုဥဒါန်းကျူးရင့် ရှိခိုးလေသည်။

(အာရာမဒဏ္ဍပုဏ္ဏား၏ ရှိခိုးခြင်း)
အာရာမဒဏ္ဍပုဏ္ဏားကြီးသည် အရှင်မဟာကစ္စည်း ထေရ်အား ဤသို့လျှောက်၏။ အိမ်ရာတည်ထောင် လူ့ဘောင်၌ နေသူများသည် အချင်းချင်း အဘယ့်ကြောင့် ငြင်းခုံကြသနည်း။
အရှင်မဟာကစ္စည်းမထေရ်က အာရုံငါးပါး ကာမဂုဏ်တရားကြောင့် ငြင်းခုန်ကြရသည်-ဟု ဖြေဆို၏။ အိမ်ရာမထောင် ရဟန်းဘောင်၌ နေသူများအချင်းချင်း အဘယ့်ကြောင့် ငြင်းခုန်ကြရပါသနည်း-ဟုမေးပြန်ရာ ဒိဋ္ဌိအယူဝါဒကို အကြောင်းပြု၍ ငြင်းခုန်ကြရသည်-ဟုဖြေဆို၏။

ဤသို့ဆိုပါက ဤလောကတွင် ကာမဂုဏ်ငြိတွယ်မှု၊ ဒိဋ္ဌိအယူဝါဒ ငြိတွယ်မှုကင်းသူ ရှိပါသေးသလား-ဟု မေးလျှောက်ရာ အရှင်မဟာကစ္စည်း မထေရ်က အမှန်တကယ်ရှိသည်။ ထိုပုဂ္ဂိုလ်မှာ သာဝတ္ထိပြည် ဇေတ၀န်ကျောင်းတော်ရှိ သဗ္ဗညု ဘုရားရှင်ဖြစ်သည်-ဟု ဖြေဆို၏။ ထိုအခါ ပုဏ္ဏားကြီးသည် လွန်စွာကြည်ညို သဒ္ဓါပွား၍ နေရာမှထကာ အပေါ်ရုံကို လက်ကတော့တင်ပြီး လက်ယာဘက်ဒူးကို မြေကြီးပေါ်၌ ထောက်လျက်-နမော တဿ အစချီသော ဘုရားရှိခိုးကို သုံးကြိမ်ရွတ်ဆိုပြီး ရှိခိုးလေသည်။

( ဓနဉ္စာနီ ပုဏ္ဏေးမကြီး ရှိခိုးခြင်း)
ထိုအခါ မြတ်စွာဘုရားသည် ရာဇဂြိုဟ်ပြည် ဝေဠုဝန်ကျောင်းတော်၌ သီတင်းသုံးနေတော်မူ၏။ ရာဇဂြိုဟ်မြို့တွင် ဘာရဒွါဇပုဏ္ဏားကြီးသည် ပုဏ္ဏားအယူဝါဒကို စွဲလမ်းယုံကြည်၏။ ယင်း၏ ဇနီးဖြစ်သူဓနဉ္စာနီပုဏ္ဏေးမသည် သောတာပန်အရိယာ ဖြစ်နေ၏။ ဓနဉ္စာနီသည် နမော တဿ-ဟူ၍၄င်း။ နမော တဿ ဘဂ၀တော အရဟတော သမ္မာသမ္ဗုဒ္ဓဿ-ဟူ၍၄င်း အမြဲမပြတ် ရွတ်ဆိုလေ့ရှိသည်ကို ပုဏ္ဏားကြီးက လုံးဝမကြားချင်။ အထူးသဖြင့် အခြားပုဏ္ဏားများ ရှေ့မှောက်၌ မယားဖြစ်သူက နမော တဿ-ဟုဆိုလိုက်ပါက အထင်သေး ခံရမည်ကို ကြောက်၏။ တနေ့သောအခါ ဘာရဒွါဇသည် ပုဏ္ဏား ၅၀၀-ကို အိမ်သို့ပင့်ဖိတ် ကျွေးမွေး၏။ ဇနီးမယားဖြစ်သူအား နမော ဗုဒ္ဓဿ-မဆိုရန် တရက်ကြိုတင်၍ ချော့မော့ တောင်းပန်၏။ ဇနီးဖြစ်သူက နမော ဗုဒ္ဓဿ-ကို မဆိုရမနေနိုင်ဟု ပြန်ပြော၏။

ပုဏ္ဏားကြီး စိတ်ဆိုး မာန်ဆိုးဖြစ်ကာ အိမ်နံရံတွင် ချိတ်ဆွဲထားသော ဓားကြီးကို ကိုင်မိုးလျက် ဟေ့-ဓနဉ္စာနီ၊ ဒီမှာ ကြည့်စမ်း၊ နက်ဖြန် ငါ့ပုဏ္ဏားတွေ လာချိန်မှာ နင့်ခေါင်းတုံးကြီးကို ရှိခိုးရင် ဒီဓားနဲ့ ခြေဖျားက ခေါင်းထိအောင် နုတ်နုတ်ပါအောင် တောက်တောက်စင်းပစ်လိုက်မယ်-ဟု ကြိမ်းမောင်းလိုက်သည်။ ထိုအခါ ဓနဉ္စာနီက
သတ်လျင်သတ်လိုက်၊ နမော ဗုဒ္ဓဿ-လို့ မဆိုဘဲ မနေနိုင်-ဟု ခေါင်းမာစွာ ပြန်ပြောလိုက်သည်။ ဘာရဒွါဇပုဏ္ဏားကြီးသည် လက်လျှော့လိုက်ရတော့သည်။

နောက်တနေ့ ပုဏ္ဏား ၅၀၀-ကို ကျွေးမွေးနေစဉ် ဓနဉ္စာနီသည် ၀ိုင်းဝန်းကူညီ လုပ်ကိုင်ပေးနေ၏။ မိမိလင်ယောက်ျားအတွက် နို့ထမင်းခွက်ကို ယူလာစဉ် ဓနဉ္စာနီသည် ခလုတ်တိုက်ပြီး လဲသွားသည်။ နှုတ်မှအကျင့်ပါနေ၍ ရုတ်တရက် နမော တဿ ဘဂ၀တော အရဟတော သမ္မာသမ္ဗုဒ္ဓဿ-ဟုရွတ်ဆို၍ ဘုရားရှိခိုးလိုက်သည်။ ဗုဒ္ဓ-အသံ ကြားရသည်နှင့်တပြိုင်နက် ဧည့်သည်ပုဏ္ဏားများသည် စိတ်ဆိုးကာ ထပြန်သွားကြလေသည်။

No comments: