Friday, November 13, 2009

ကုသိုလ်ကံ စေတနာ

ကျွန်မ၏မိခင်သည် ပန်းတနော်မြို့နယ်ပိုင် ကျေးရွာဇာတိဖြစ်ပြီး ကျွန်မ၏ဖခင်သည် ညောင်တုန်းမြို့ဇာတိ ဖြစ်သည်။ မိဘများ အကြောင်းပါခဲ့ရာတွင် ကျွန်မတို့မောင်နှမများသည် နေထိုင်ကျောင်းတက်ကြသည်။ ကျောင်းပိတ်ရက်ရှည်များနှင့် နွေရာသီကျောင်းပိတ်ရက်များတွင် မိခင်နှင့်အတူ အဘိုး အဘွားများရှိရာသို့ သွား၍ လည်ပတ်နေထိုင်လေ့ရှိသည်။ ကျွန်မတို့သည် အဘိုးတို့နှင့်အတူ ရွာတဖက်ကမ်းရှိ ကိုင်းထဲသို့ လိုက်ပါသွားပြီး ၀ိုင်းဝန်းကူညီရသည်ကို အလွန်ပျော်ရွှင်ခဲ့ကြသည်။

ကျွန်မ၏မိခင်သည် ကျွန်မကို ကိုယ်ဝန်လွယ်ထားချိန်ကဖြစ်သည်။ ရွာသို့ အလည်ပြန်ရင်း တူ တူမများက သူတို့အဒေါ်ကို စားစေချင်သဖြင့် ငါးပြေမများ ယူသွားရန် ၀ယ်လာပေးသည်။ ကျွန်မတို့မိခင်လည်း အိမ်ရှိ ခင်ပွန်းဖြစ်သူနှင့် သူ၏ အကိုကြီး၊ အမကြီးများက ကြိုက်ကြသဖြင့် ငါးပြေမများကို ယူသွားရန် ပုံထဲသို့ထည့်၍ လှောင်ထားသည်။

ငါးပြေမများသည် အခြားငါးများထက် အသက်ပိုပြင်းသည်။ ငါးများကို သိုလှောင်ထားရာတွင် အသက်ရှုချောင်စေရန် အဖုံးမပိတ်ဘဲ ဆန်ခါကြဲဖြင့် ဖုံးထားလေသည်။ နံက်လင်းသောအခါ ညောင်တုန်းမြို့ ပြန်ရန် ရွာကမ်းနားဆိပ်သို့ မော်တော်စီးရန် ဆင်းရလေသည်။ ကမ်းနားဆိပ်ရောက်သောအခါ မိခင်သည် စိတ်ထဲမှ ဪ-ငါကတော့ အိမ်သားတွေ စားစေချင်တဲ့စိတ်နဲ့ တကူးတက သယ်ယူပေမဲ့ သူတို့တွေ စားလိုက်တဲ့အခါ တခဏပင်ဖြစ်မည်-ဟု ဆင်ခြင်မိသည်။ ငါးကလေးများကိုကြည့်ပြီး သနားစိတ် ၀င်လာသည်။ ထို့နောက် ညောင်တုန်းသို့ မသယ်ယူတော့ဘဲ ရေထဲသို့ လွှတ်လိုက်လေသည်။ ထိုသို့ လွှတ်လိုက်သဖြင့် ကူးခတ်သွားသော ငါးကလေးများကိုကြည့်ပြီး မိခင်သည် အလွန်ဝမ်းသာပီတိ ဖြစ်ခဲ့ရပေသည်။

မိခင်သည် အိမ်သို့ပြန်ရောက်ပြီး သိပ်မကြာလှပါ။ ရက်ပိုင်းအတွင်းမှာပင် ကျွန်မကို မွေးဖွားရန် ဗိုက်နာလာပါသည်။ အိမ်တွင်ထိုအချိန်က လူကြီးများ မရှိပေ။ ဖခင်လည်း အလုပ်သွားနေပါသည်။ ကျွန်မ၏အထက် အကို အမများက သားဖွားဆရာမကို သွားခေါ်သည်။ ထိုသို့ ခေါ်နေချိန် အိမ်နီးချင်းများလည်း လာနေချိန်တွင် ကျွန်မကို လွယ်ကူချောမောစွာ မွေးပါသည်။

ဆရာမရောက်သောအခါ ကျွန်မသည် အမိဝမ်းတွင်းမှ လူ့လောကထဲသို့ ရောက်ရှိနေပြီ။ ထို့ကြောင့် ဆရာမက ကျွန်မအား ဒီကလေးက လူတော်တော် ဖြစ်ချင်တာပဲ၊ အတင်းတိုးထွက်လာတယ်-ဟု နောက်ပြောင်ခဲ့သည်။ ထိုအခါ ကျွန်မ၏မိခင်သည် စိတ်ထဲတွင် ဪ-ငါပြီးခဲ့တဲ့ နှစ်ရက်သုံးရက်လောက်က ငါးပြေမတွေကို လွှတ်ခဲ့တဲ့ ကုသိုလ်ကံ စေတနာကြောင့် အခုလို လွယ်လွယ်ကူကူ မွေးဖွားခဲ့တာပဲ-ဟု အတွေးဝင်ခဲ့သည်။ ကျွန်မသိတတ်သောအရွယ်တွင် ထိုအကြောင်းကို မေမေက ပြောပြပါသည်။

ကျွန်မ၏ စိတ်ထဲတွင်လည်း ကုသိုလ်ယူတယ် ဆိုတာ ယူတတ်ရင် ဘယ်ကိစ္စမဆို အသေးအမွှားလေးပဲ ဖြစ်ဖြစ် သန့်စင်မွန်မြတ်သော စိတ်ဖြင့် ပြုလုပ်ပါက အကျိုးပေးလာတတ်ပါကလား-ဟု တွေးတောမိလေသည်။

( လှိုင် )
( မြတ်မင်္ဂလာ ၂၀၀၂-မတ်လ )

No comments: