Sunday, November 22, 2009

လျင်မြန်သော အကျိုးပေး

မောင်လတ်တို့ဇနီးမောင်နှံသည် အလွန်ဆင်းရဲ၏။ အိမ်ထောင်ပြုစဉ်က မင်္ဂလာဆွမ်းပင် မကျွေးမလှူနိုင်ခဲ့ပေ။ နှစ်ဖက်မိဘများသည်လည်း အလွန်ပင် ဆင်းရဲသောကြောင့် ထောက်ပံ့ပေးကမ်းခြင်း မပြုနိုင်ပေ။ သို့သော်လည်း ဇနီးမောင်နှံ၏ ကြိုးစားရိုးသားမှုကား အလွန်အားကျဖွယ်ကောင်းသည်။ မောင်လတ်တို့ ဇနီးမောင်နှံသည် အမိအဖများနှင့် ရွာဦးဘုန်းတော်ကြီးကျောင်းသို့ အလှူဆွမ်း ပေးပို့လှူဒါန်းနိုင်ရန် နှစ်စဉ်အားခဲခဲ့ကြသည်။ သို့သော် ငွေနှစ်ရာပြည့်အောင်ပင် လက်ထဲ၌ မရှိရှာပေ။ တနေ့တာ စားဝတ်နေရေး ကုန်ကျစရိတ်ကိုသာ အလျင်မီရန် ကြိုးစားနေရလေသည်။

တနေ့တွင် မောင်လတ်သည် ရွှင်ပျသောမျက်နှာဖြင့် အိမ်သို့ပြန်လာသည်။ ဇနီးအား မိမိအလုပ်ရလာကြောင်း ပြော၍ ငွေတထောင့်ငါးရာကျပ်ကို ပေးအပ်လေသည်။ အလုပ်မှာ မြို့မှ နွားဝယ်လာသူသူဌေး၏ နွားသုံးကောင်အား မြို့သို့ ပို့ပေးရန်ဖြစ်သည်။

ကိုလတ်ရယ် ရှင်ပို့ရမယ့် နွားတွေက နွားသတ်ရုံပို့ရမယ့် နွားတွေလား-ဟု ဇနီက မေးသည်။ မောင်လတ်က မဟုတ်ကြောင်း၊ မွေးမြူမည့်နွားများ ဖြစ်ကြောင်း၊ ရှင်းပြသည်။ ထိုငွေဖြင့် နှစ်ဘက်မိဘများအား ငွေနှစ်ရာစီ ကန်တော့ရန်နှင့် ရွာဦးဘုန်းတော်ကြီးကျောင်းသို့ ဆွမ်းတအုပ်ချက်၍ လှူဒါန်းရန် မှာကြားသည်။ ထို့နောက် မောင်လတ်သည် မြို့သို့ နွားသုံးကောင်နှင့် ခရီးထွက်ခဲ့လေသည်။

သုံးရက်မြောက်သောနေ့၌ မောင်လတ်သည် မြို့မှ ပြန်ရောက်လာသည်။ ဇနီးဖြစ်သူသည် ယောက်ျားမှာကြားခဲ့ သမျှသော ကောင်းမှုတို့ကို ပြီးပြည့်စုံအောင် ပြုလုပ်ထားကြောင်း ပြောပြသည်။ ထိုစဉ် ဇနီးဖြစ်သူထံမှ
ဟယ်-ကိုလတ် စက်ဘီး-တဲ့ ဒီမှာ-ဟု အော်ပြောသည်။ မြို့မှ မောင်လတ်ဝယ်လာသော နေကြာစေ့ထုပ်အတွင်းမှ စာရွက်ကလေးအား ဖတ်ရင်း ဇနီးဖြစ်သူက အားပါးတရ ပြောခြင်းဖြစ်သည်။

အမှန်ပင် မောင်လတ်ဝယ်လာသော နေကြာစေ့ထုပ်ထဲမှ ကံစမ်းမဲ ဖီးလ်ဆင့် စက်ဘီးပေါက်လေတော့သည်။ မိတ်ဆွေတဦးက ငွေသုံးသောင်းပေး၍ ကံစမ်းမဲကို ၀ယ်ယူသွားလေတော့သည်။ မောင်လတ်တို့
ဇနီးမောင်နှံသည် ထိုငွေဖြင့် အရင်းအနှီးပြုလုပ်၍ စီးပွားရှာရာ ပြည့်စုံစွာ နေထိုင်စားသောက်လာနိုင်တော့သည်။ အလှူဒါနများလည်း အဆက်မပြတ် ပြုလုပ်နိုင်လေတော့သည်။

(စောမွှေး-ရွှေပင်မြေ)
( မြတ်မင်္ဂလာ ၂၀၀၂-ဇူလိုင်လ )

1 comment:

မောင်ကောင်း said...

ဒီကစာလေးတွေ မှတ်သားဖွယ်ကောင်းလို့ ကူးယူဖော်ပြထားပါတယ်ခင်မျာ.. ဖော်ပြခွင့်ပြုပါ..။
ကျွန်တော့်ဆီလည်း လာရောက်အကြံပေးဖို့ ဖိတ်ခေါ်ပါတယ်။ အင်မတန် အကျိုးများတဲ့နေရာလေးပါ။ အမြဲလာဖတ်ဖြစ်ပါတယ်..။ အစစအရာရာ အဆင်ပြေပါစေ..။