Friday, December 11, 2009

အမေ့အတွက် ထမနဲ

ကျွန်တော်သည် အသက်လေးဆယ်ကျော်အထိ အိမ်ထောင်မပြုသေးဘဲ မိဘများနှင့်အတူ နေထိုင်သူ ဖြစ်ပါသည်။ တနေ့တွင် အလုပ်မှ အိမ်ပြန်လာပြီး ရေးချိုးပြီးစ၌ အမေက အဖေ့ကို ဒီရာသီက ထမနဲရာသီပဲ၊ ထမနဲလေး စားရရင်ကောင်းမှာပဲ-ဟု ပြောသံကို ကြားလိုက်ရပါသည်။ ဤတွင် ကျွန်တော်သည် အမေ့ဆန္ဒကို ဖြည့်ဆည်းရန် စိတ်ထဲတွင် ထမနဲ ဘယ်ကရနိုင်မလဲ၊ ဘုရားပွဲတွေမှာတော့ ရောင်းတတ်တာပဲ-ဟု တွေးတော နေမိပါသည်။

နောက်တနေ့မနက် အလုပ်သွားသောအခါတွင်လည်း စိတ်ထဲ၌ အမေ့အတွက် ထမနဲ ရှာဖို့သတိရနေမိသည်။ ထိုနေ့မှာပင် တိုက်တိုက်ဆိုင်ဆိုင် ကျွန်တော်၏အလုပ်တိုက်သို့ မိတ်ဆွေတဦးက ၀န်ထမ်းအားလုံးအတွက် ထမနဲတထုပ်စီ လက်ဆောင်လာပေးပါသည်။ ကျွန်တော်သည် ငါ့ဆန္ဒ ပြည့်တာပဲ၊ အမေ့အတွက် ထမနဲရပြီ-ဟု တွေးမိရင်း စိတ်ထဲတွင် ပီတီဖြစ်နေမိပါသည်။ ထို့ကြောင့် ထိုထမနဲထုပ်ကို မစားဘဲ ညနေအိမ်အပြန်အမေ့အား ကျွေးရန် ရည်ရွယ်ထားလိုက်ပါသည်။

ထိုနေ့ညနေ ရုံးအဆင်းမှာပင် ကျွန်တော်တို့ အလုပ်တိုက်မှ မိတ်ဆွေတစုကို လုပ်ငန်းရှင်တဦးက စားသောက်ဆိုင် တဆိုင်၌ ကျွေးမွေးဟည့်ခံပါသည်။ ထိုဧည့်ခံပွဲတွင် ကျွန်တော်သည် အရက်ကြိုက်သူပီပီ အတော်ပင် မူးသွားပါသည်။ သို့သော် ကျွန်တော်သည် အမေ့အတွက် ထမနဲထုပ်ကို မမေ့ပါ။ လက်ကတကိုင်ကိုင် လုပ်နေသဖြင့် မိတ်ဆွေများက အထုပ်က ဘယ်သူ့ဖို့လဲ ကျုပ်တို့ကိုပေး-ဟု ၀ိုင်းစကြပါသည်။ ကျွန်တော်က အမေ့ဖို့ပါဗျာ-ဟု ပြောပြီး အထုပ်ကိုလက်ကမချဘဲ ကိုင်ထားပါသည်။

စားသောက်ဆိုင်မှ ပြန်လာသောအခါ မိုးချုပ်နေပါပြီ။ ကျွန်တော်သည် ထမနဲထုပ်ကို လက်ကဆွဲရင်း ကျပ်နေသောဘတ်စ်ကားကို တွယ်စီးပါသည်။ ထမင်းဘူးထည့်ထားသော လွယ်အိမ်ကို လွယ်လျက် ထမနဲထုပ်ကို လက်တဘက်ကဆွဲရင်း ကျန်လက်တဖက်ဖြင့် ကားကို တွယ်စီးလာရာ တနေရာအရောက်တွင် ကားဆောင့်ထွက်လိုက်သောအခါ ကျွန်တော်တွယ်ထားသောလက်မှာ ပြုတ်ထွက်သွားပါသည်။ ကားနောက်ခြေနင်းပေါ်တွင်သာ ခြေထောက်ရှိတော့ပြီး တကိုယ်လုံး လေထဲသို့ရောက်သွားသလို ခံစားလိုက်ရပါသည်။ စိတ်ထဲတွင်လည်း ငါတော့သွာြးုပီ-ဟု တွေးလိုက်မိပါသည်။

ထိုအချိန်တွင် လက်တဖက်က ကျွန်တော့ကို ဆတ်ခနဲ ဖမ်းဆွဲလိုက်သဖြင့် ကျွန်တော်အသက်ဘေးမှ လွတ်မြောက်သွားခဲ့ပါသည်။ ကျွန်တော့ကို လှမ်းဆွဲလိုက်သူက ခင်ဗျားကံကောင်းတယ်၊ လက်ထဲမှာလဲ အထုပ်တဖက်နဲ့၊ ဘာထုပ်လဲ-ဟု ပြောပါသည်။ ကျွန်တော် ထိုသူကို ကျေးဇူးတင်ပါတယ်ဗျာ၊ ခင်ဗျားလှမ်းဆွဲ လိုက်လို့ပဲ၊ အထုပ်က အမေ့အတွက် ထမနဲပါဗျာ-ဟု ပြန်ပြောလိုက်ပါသည်။

ဤတွင် ထိုသူက ခင်ဗျားအမေ့အတွက် ရည်ရွယ်ထားတဲ့ ထမနဲထုပ်က ခင်ဗျားကို ကယ်လိုက်တာပဲ-ဟု မှတ်ချက်ချပါသည်။ အမူးသမားတယောက်ကို အသက်ဘေးမှ ကယ်တင်ခဲ့သော မိဘ၏ ဂုဏ်ကျေးဇူးကို ဤစာစုဖြင့် ပူဇော်မှတ်တမ်းတင် ဂုဏ်ပြုအပ်ပါသည်။

( မောင်ရွှန်းသစ်)
( မြတ်မင်္ဂလာ ၂၀၀၂-ခု သြဂုတ်လ)

No comments: