Friday, December 18, 2009

ဘာသာရေး ပြဿနာ ( ၉၆ )

( ဘဒ္ဒန္တ တိလောကသာရ ဖြေသည် )

(မေး) (အ၀ီစိငရဲကြီး တည်ရာ)
အရှင်ဘုရား၊ သုပ္ပဗုဒ္ဓ၊ ဒေ၀ဒတ်၊ စိဉ္စမာနတို့ မြေမျိုရာဒေသသည် မဇ္ဈိမဟုဆိုသဖြင့် အာရှတိုက်ဖြစ်သည်မှာ သေချာပါသည်။ သို့သော် ဤကမ္ဘာပေါ်၌ တိုက်ကြီး ခုနစ်တိုက်ရှိရာ အခြားတိုက်များမှ ငရဲကျမည့်သူများဆိုလျှင် မည်သို့မြေမျိုးနည်း။ အခြားတိုက်ကြီးများ အောက်၌လည်း ငရဲပြည်ရှိနိုင်ပါသလား။ အ၀ီစိငရဲကြီး တည်နေရာနှင့် အတိုင်းအတာကိုလည်း သိရှိလိုပါသည်ဘုရား။
(ဖော်စ်ချီ၊ တောင်ကြီး)

(ဖြေ)
ကျမ်းဂန်များတွင် အာရှတိုက်စသည်မဆို ယူဇနာတသောင်းကျယ်သော ဤကမ္ဘာမြေကြီးအောက်တွင် ငရဲကြီးရှစ်ထပ်တို့ အထက်အောက် ရှိနေကြသည်။
ထိုရှစ်ထပ်မှာ -၁-သိဉ္ဇိုး၊ ၂-ကာလသုတ်၊ ၃-သင်္ဃာတ၊ ၄-ရောရုဝ၊ ၅-မဟာရောရုဝ၊ ၆-တာပန၊ ၇-မဟာတာပန၊ ၈-အ၀ီစီ တို့တည်း။ ထိုငရဲကြီးတို့သည် ငရဲတခုနှင့်တခု ယူဇနာ ၁၅၀၀၀-စီ ဝေးကွာကြသည်။

ငရဲတထပ်တထပ်တွင် ၁-ဘင်ပုပ်ငရဲ၊ ၂-ပြာပူငရဲ၊ ၃-လက်ပံတောငရဲ၊ ၄-သန်လျက်ရွက်တောငရဲ၊ ၅-ကြိမ်ပိုက်ချောင်းငရဲ၊ ဟူ၍ ငရဲငယ် ၅-ခုစီ ရှိ၍ရှိနေသည်။ ထိုတွင် မီးလျှံ၊ သတ္တ၀ါ၊ ဆင်းရဲဒုက္ခတို့ အကြားမရှိသော ငရဲကို အ၀ီစိငရဲဟု ခေါ်သည်။ အဘိဓမ္မာဘုံပိုင်းတွင် ပြဆိုထားသည်။ အကျယ်ကို ထိုအဘိဓမ္မာ ဘုံပိုင်းဆိုင်ရာတွင် လေ့လာစေလိုပါသည်။
(မှတ်ချက်။ တယူဇနာဟူသည်မှာ ယခုခေတ် ၈-မိုင် ကွာဝေးပါသည်။)
********************************************************************************

(မေး) (မြောက်သို့ဦးခေါင်းပြု၍ ပရိနိဗ္ဗာန်ပြုခြင်း)
အရှင်ဘုရား၊ လောကနီတိတွင်-ဒိသာနံ-အရပ်မျက်နှာတို့တွင်၊ ဥတ္တရပဓာနံ-မြောက်အရပ်သာ မြတ်၏။ အဆိုနှင့် မြတ်စွာဘုရား ပရိနိဗ္ဗာန်ပြုသောအခါ မြောက်အရပ်သို့ ဦးခေါင်းပြု၍ ပရိနိဗ္ဗာန်စံတော်မူသည် ဟူသော အဆိုတို့သည် မည်သို့သက်ဆိုင်ကြောင်း သိလိုပါသည်။ အကြောင်းအကျိုးပြ၍ ဖြေကြားတော်မူပါဘုရား။
(စံမြတ်ထွန်း-သံတွဲမြို့)

(ဖြေ)
ထိုအဆိုနှစ်ရပ်တွင် မည်သို့မျှ သက်ဆိုင်ခြင်း မရှိပါ။ မြတ်စွာဘုရား ပရိနိဗ္ဗာန်ပြုရာတွင် ကုသိနာရုံ၌ တောင်မြောက် တန်း၍နေသော အင်ကြာင်းပင်များ ရှိ၏။ ထိုတွင် ကုသိနာရုံ၌ မလ္လာမင်းတို့ လာ၍ထိုင်နေရာ အင်ကြင်းပင်ကြီးတပင်အောက်ရှိ ညောင်းစောင်းတော်ကို တောင်မြောက်တန်းနေသော အင်ကြင်းနှစ်ပင် အကြားသို့ ညောင်းစောင်းကို ရွှေ့၍ ခင်းစေတော်မူသည်။

ရည်ရွယ်ချက်မှာ မြတ်စွာဘုရား ပရိနိဗ္ဗာန် စံဝင်တော်မူသောအခါ လာရောက်ဖူးမြော်ကြသူ နတ်-လူတို့အား ကျယ်ဝန်းစွာ ဖူးမြင်နိုင်ရန် မြောက်သို့ ဦးခေါင်းပြု၍ ပရိနိဗ္ဗာန် စံတော်မူခြင်းဖြစ်ကြောင်း မြောက်အရပ်မြတ်၍ မြောက်သို့ ဦးခေါင်းပြု ပရိနိဗ္ဗာန်စံခြင်း မဟုတ်ကြောင်း မှတ်သားသင့်ပါသည်။
*********************************************************************************

(မေး) (သာသနာငါးထောင် ပြဿနာ)
အရှင်ဘုရား၊
(၁) မြတ်စွာဘုရားသည် သာသနာတော်ကို ပဋိသမ္ဘိဒါပတ္တ ရဟန္တာခေတ် တထောင်၊
ဆဠဘိည ရဟန္တာခေတ် တထောင်၊
တေ၀ိဇ္ဇ ရဟန္တာခေတ် တထောင်၊
သုက္ခ၀ိပဿက ရဟန္တာခေတ် တထောင်၊
ပါတိမောက္ခ ရဟန္တာခေတ် တထောင်၊
ပေါင်း သာသနာငါးထောင် ထားတော်မူခဲ့သည်ဟု ဆိုကြပါသည်။
မြတ်စွာဘုရား ပရိနိဗ္ဗာန်စံတော်မူခါနီး၌ သုဘဒ္ဒပရိဗိုဇ် မေးလျှောက်၍ မြတ်စွာဘုရားက ငါဘုရား၏ သာသနာတော်၌ ကောင်းစွာဟောသူနှင့် ကောင်းစွာကျင့်သူတို့ ရှိနေသမျှ ရဟန္တာမဆိတ်သုဉ်းနိုင်ပေဟု ဟောတော်မူသည်ကိုလည်း မှတ်သားရပါသည်။ မည်သို့အဆိုက မှန်ပါသလဲ။

(၂) သုက္ခ၀ိပဿက ရဟန္တာနှင့် ပါတိမောက္ခ ရဟန္တာသည် မည်သို့ ကွာခြားပါသလဲ၊ ထိုရဟန္တာများ ပရိနိဗ္ဗာန်ပြုလျှင် ဓာတ်တော်များ ကြွင်းကျန်ရစ်ရန် အဓိဋ္ဌာန်နိုင်ပါသလား၊ ရှင်းလင်း ဖြေကြားတော်မူပါ။
(ကိုဟန်ဝင်း-အင်းစိန်မြို့သစ်)

(ဖြေ)
(၁) ဖော်ပြပါ သာသနာငါးထောင် စကားမှာ အင်္ဂုတ္တရနိကာယ် အဋ္ဌကထာ၊ သမ္မောဟ၀ိနောဒနီ အဋ္ဌကထာတို့လာ စကားရပ်များ ဖြစ်သည်။ မြတ်စွာဘုရား ပရိနိဗ္ဗာန်စံတော်မူခါနီး၌ သုဘဒ္ဒပရိဗိုဇ် မေးလျှောက်၍ ဘုရားရှင် ဟောကြားတော်မူသော-ရဟန္တာများ မဆိတ်သုဉ်းနိုင်-ဟူသော စကားတော်မှာ မဟာပရိနိဗ္ဗာနသုတ် ပါဠိတော်စကားရပ်ဖြစ်၍ ထိုပါဠိတော်စကားရပ်သာ မှန်ကန်ပါသည်။

(၂) ပါတိမောက္ခ ရဟန္တာဟူ၍ မရှိပါ။ အဋ္ဌကထာတွင် ပါတိမောက္ခသံဝရ ခေတ်တထောင်ဟူ၍သာ ပါရှိပါသည်။ သုက္ခ၀ိပဿက ရဟန္တာဆိုသည်မှာ ဈာန်မရသော ရဟန္တာသာ ဖြစ်သည်။ ပါတိမောက္ခသံဝရ ဆိုသည်မှာ ရဟန္တာမဖြစ်။ ၂၂၇-သွယ်သော ၀ိနည်းသိက္ခာပုဒ်တို့ကို ဖြည့်ကျင့်သော ပုထုဇဉ်ရဟန်းကို ဆိုပါသည်။

သုက္ခ၀ိပဿက ရဟန္တာမှာ အာသဝေါကုန်ခန်းသော ရဟန္တာအစစ်ဖြစ်၍ ပရိနိဗ္ဗာန်စံတော်မူသောအခါ ဓာတ်တော်ကျနိုင်ပါသည်။ ပါတိမောက္ခသံဝရ ဘိက္ခုအနေဖြင့် ပုထုဇဉ်ဖြစ်၍ ဓာတ်တော် မကျနိုင်ပါကြောင်း ဖြေဆိုအပ်ပါသည်။
********************************************************************************

(မေး) (ပိဋကတ်သုံးပုံ၊ ကျမ်း ၁၅-ကျမ်း)
အရှင်ဘုရား၊ သုတ် ၃-ကျမ်း၊ ၀ိနည်း ၅-ကျမ်း၊ အဘိဓမ္မာ ၇-ကျမ်း စုစုပေါင်း ပိဋကတ်သုံးပုံ၏ ကျမ်း ၁၅-ကျမ်းကို ကျမ်းတကျမ်းစီ၏ အမည်များ ပါဠိ-မြန်မာ နှစ်ဘာသာဖြင့် ယှဉ်တွဲ၍ ဖြေကြားပေးတော်မူပါရန် ရိုသေစွာ လျှောက်ထားပါသည်ဘုရား။
(မန်းစီစီထွန်း-၀ါးခယ်မမြို့)

(ဖြေ)
သုတ်သုံးကျမ်း
(၁) သီလက္ခန္ဓ၀ဂ်ပါဠိတော်=သီလက္ခန် ပါဠိတော် အစု။
(၂) မဟာဝဂ် ပါဠိတော်=သုတ်ကြီးအစု ပါဠိတော်။
(၃) ပါထိက၀ဂ် ပါဠိတော်=ပါထိကသုတ် အစရှိသောသုတ်အစု ပါဠိတော်။

ဝိနည်း ၅-ကျမ်း
(၁) ပါရာဇိကဏ် ပါဠိတော်=ပါရာဇိက သိက္ခာပုဒ်များကိုပြသော ပါဠိတော်။
(၂) ပါစိတ်ပါဠိတော်=ပါစိတ်အာပတ်များမှစ၍ ပြသော ပါဠိတော်။
(၃) မဟာဝဂ္ဂပါဠိတော်=ဘုရားဖြစ်ခန်းမှစ၍ သိက္ခာပုဒ်ပညတ်ကြောင်း အကျယ်ပြသော ပါဠိတော်။
(၄) စူဠ၀ဂ် ပါဠိတော်=ထို့ထက်တိုသော ခန္ဓကပါဠိတော်များကို ပြသောပါဠိတော်။
(၅) ပရိဝါပါဠိတော်=အကြွင်းတူရာ စုပေါင်း၍ပြသော ပါဠိတော်။

အဘိဓမ္မာ ၇-ကျမ်း
(၁) ဓမ္မသင်္ဂဏီ ပါဠိတော်=ကုသိုလ် အကုသိုလ် တရားများကို ပြသော ပါဠိတော်။
(၂) ၀ိဘင်္ဂ ပါဠိတော်=တရားတော်များကို တဖန်ဟောပြရာ ပါဠိတော်။
(၃) ဓာတုကထာ ပါဠိတော်=မိမိတို့ဆိုင်ရာသဘောကို ဆောင်ရွက်တတ်သော တရားကိုပြသော ပါဠိတော်။
(၄) ပုဂ္ဂလပညတ်္တိ ပါဠိတော်=တရားတော်များကို ပုဂ္ဂိုလ်နှင့်စပ်၍ ဟြေပြရာ ပါဠိတော်။
(၅) ကထာဝတ္ထု ပါဠိတော်=တရားတော်များကို အစုစုပြု၍ ပြသော ပါဠိတော်။
(၆) ယမက ပါဠိတော်=အစုံအစုံ တရားတော်တို့ကို ဖော်ပြသော ပါဠိတော်။
(၇) ပဋ္ဌာန်း ပါဠိတော်=ပစ္စည်းဆက် တရားတို့ကို ဖော်ပြဟောတော်မူသော ပါဠိတော်။

ဤသည်တို့မှာ သင်ရိုးပိဋကတ်သုံးပုံမျှသာ ဖြစ်ပါသည်။ ထို့ပြင် မဇ္ဈိမနိကာယ်၊ ခုဒ္ဒကနိကာယ်တို့ များစွာကျန်ရှိပါသေးသည်။ နီးစပ်ရာဆရာတော်တို့ထံ မေးလျှောက် မှတ်သားစေလိုပါသည်။
********************************************************************************

(မေး) (ဗုဒ္ဓတရားတော်နှင့် စာပေ)
အရှင်ဘုရား၊ ဘုရားလက်ထက်တော်မှာ စာပေ ပေါ်ပေါက်နေပြီါ်ဖြစ်ပါလျက် တရားဓမ္မများကို အဘယ်ကြောင့် စာပေဖြင့် မှတ်တမ်း မတင်ပါသနည်း။ ပထမသင်္ဂါယနာ အပါအ၀င် မာဂဓပါဠိဘာသာသည် စကားသာရှိပြီး စာပေ မရှိသည်မှာ မှန်ပါသလား ဘုရား။
(ဦးမောင်ဦး-တောင်ငူ)

(ဖြေ)
ဘုရးလက်ထက်တော်၌ စာပေရှိနေကြောင်း ဗိမ္ဗိသာရမင်းကြီးထံမှ ပုက္ကုသာတိမင်းကြီးထံ ဓမ္မသ၀ဏ်လွှာ ပို့သခြင်း၊ ဓာတုဝိဘင်္ဂသုတ်လာ စကားနှင့် ဥတ္တရာနှင့် သီရိမာဝတ္ထု ဓမ္မပဒ အဋ္ဌကထာ စကားတို့ဖြင့် ထင်ရှားပါသည်။ သို့သော် တရားဓမ္မများကို အလွန်ရိုသေမြတ်နိုး တန်ဖိုးထားကြသဖြင့် စာပေဖြင့် ရေးသားခြင်းကို မပြုဘဲ နှုတ်ဖြင့် ရိုသေစွာ ကျက်မှတ်ရွတ်ဆိုခြင်းကိုသာ ပြုလေ့ရှိကြောင်း သိရပါသည်။

နောင် သာသနာ ၄၅၀-ကျော်တွင်မှ သဒ္ဓါ ပညာ နည်းပါး၍ တရားတော်များ ပျောက်ကွယ်သွားမည် စိုးရိမ်၍ ပေထက်အက္ခရာ တင်ကြကြောင်း အဆိုရှိပါသည်။ ဘုရားစကားတော် တည်ရာ မာဂဓဘာသာမှာ ဆိုင်ရာမာဂဓအက္ခရာ မရှိသော်လည်း မည်သည့်ဘာသာ အက္ခရာဖြင့်မဆို အသံပီသအောင် ရေးသားနိုင်ကြ ပါသည်။ ထိုသို့ ရေးသားနိုင်ကြခြင်းမှာ အတုမဲ့ ဂုဏ်မြောက်လှပါသဖြင့် မာဂဓအက္ခရာ ဟူ၍ အထူးမရှိသော်လည်း ဂုဏ်မငယ်၊ ပျောက်ကွယ်မသွား၊ တနေ့တခြား တိုးတက်ထွန်းကား၍ နေပါသည်။
********************************************************************************

(မေး) (ဆုကြီးပန် ပုဂ္ဂိုလ်)
ဆုကြီးပန်ပုဂ္ဂိုလ်ဆိုသည်မှာ မည်သည့်ဆုကို ပန်သော ပုဂ္ဂိုလ်ဖြစ်ပါသလဲဘုရား။ ဘုရားဆုပန်သူကို ဆိုလိုပါသလား၊ ဗောဓိဆုနှင့်အတူတူ ဖြစ်ပါသလားဘုရား။
(ဦးမောင်ဦး-တောင်ငူ)

(ဖြေ)
ဗောဓိဆုဟူသည် သမ္မာသမ္ဗုဒ္ဓဘုရားဆု၊ ပစ္စေကဗုဒ္ဓါဆု၊ အဂ္ဂသာဝကဆု၊ မဟာသာဝကဆု၊ ပကတိသာဝကဆု-ဟုရှိ၏။ ဤ၌ အကြီးမြတ်ဆုံးဆုမှာ သမ္မာသမ္ဗုဒ္ဓဘုရားဆုပင် ဖြစ်ပါသည်။ ၄င်းမှာလည်း
တဆယ့်ခြောက်သင်္ချေနှင့် ကမ္ဘာတသိန်း ဆုပန်ရသော ၀ီရိယာဓိကဘုရားဆု၊
ရှစ်သင်္ချေနှင့် ကမ္ဘာတသိန်း ဆုပန်ရသော သဒ္ဓါဓိက ဘုရားဆုနှင့်
လေးသင်္ချေနှင့် ကမ္ဘာတသိန်း ဆုပန်ရသော ပညာဓိက ဘုရားဆုဟူ၍ ၃-မျိုး ရှိပါသည်။ ထိုသုံးမျိုးကို ပန်ဆင်သောပုဂ္ဂိုလ်ကို ဆုကြီးပန်သူဟု ဆိုရပါသည်။
********************************************************************************

(မေး) (အရိမေတ္တေယျ မြတ်စွာဘုရား)
အရှင်ဘုရား၊ တပည့်တော်တို့၏ ဘဒ္ဒကမ္ဘာ၌ နောက်ဆုံးပွင့်လတံ့ဖြစ်မည့် မြတ်စွာဘုရား၏ အမည်နာမမှာ အရိမေတ္တေယျ မြတ်စွာဘုရားဟု လူအများကပြောဆိုနေကြပါသည်။ သို့သော်လည်း ပိဋကတ်တော်များတွင် တပည့်တော် ရှာဖွေကြည့်ရှု့ရာ မေတ္တေယျဘုရားသည် လူတို့ အနှစ်ရှစ်သောင်းတမ်းတွင် ပွင့်လတံ့-ဟူ၍သာ ဂေါတမမြတ်စွာဘုရားက အမြွက်မျှ ဟောခဲ့သည်ကို တွေ့ရပါသည်။ အရိဟူသော ပုဒ်မပါရှိပါ။ ၄င်းအရိ ဆိုသည့်ပုဒ်ကို မည်သည့်ကျမ်းမှ ယူပါသနည်း။

တဖန် အနာဂတ၀င်ကျမ်းသည်လည်း လူပြောသူပြော များလှပါသည်။ ၄င်းကျမ်းသည် ပိဋကတ်တော်ဝင်ကျမ်း -ဟုတ်-မဟုတ်။ မဟုတ်ပါက မည်သူရေးသည့်ကျမ်း ဖြစ်သည်ကို ညွှန်ပြစေလိုပါသည်ဘုရား။
(အောင်ကျော်ဦး-ရေးမြို့)

(ဖြေ)
မေတ္တေယျဟူသော ပါဠိပုဒ်၏ အဓိပ္ပါယ်မှာ (ပါဠိအဘိဓာန်တွင်) မိတ်ဆွေကဲ့သို့သော-ဟု အဓိပ္ပါယ်ရှိပါသည်။
အရိ-ဟုပါရှိက (အရိမှာ ရန်သူဖြစ်၍) ရန်သူပင် ဖြစ်လင့်ကစား မိတ်ဆွေကဲ့သို့ သဘောထားသူ-ဟု ဆိုရပါမည်။ မေတ္တေယျ-ချည်းနေက အဓိပ္ပါယ်မပြည့်စုံပါ။ အရိ ထည့်ပေးမှ ဆိုလိုသောအဓိပ္ပါယ် ပြည့်စုံပါသည်။
ဘုရား၏ နာမတော် အပြည့်အစုံလည်း ဖြစ်ပါသည်။ အရိ-မထည့်ဘဲ အတိုကောက် အခေါ်များပါသည်။ ထို့ကြောင့် အရိမေတ္တေယျ-ဟု အပြည့်အစုံ ဆိုသင့်ပါသည်။

အနာဂတ၀င်ကျမ်းနှင့် ပတ်သက်၍ ၃၃၃-အနာဂတ၀င်ပါဠိတော်မှာ ဗုဒ္ဓ၀င်ပါဠိတော်ကို ဟောတော်မူသည့် အဆုံး၌ ရှင်သာရိပုတ္တရာတောင်းပန်၍ ဟောတော်မူကြောင်း အဋ္ဌကထာဖွင့်ပြသည်။ ၃၃၄-အနာဂတ၀င် အဋ္ဌကထာမှာ သီရိလင်္ကာ အနုရာဓမြို့ ဓာတုသေနမင်း လက်ထက်၌ ရှင်မဟာဗောဓိ တောင်းပန်၍ ကာလ၀ါသီ ၀ိဟာရကျောင်းနေ ရှင်မဟာဥပတိဿ ပြုသည်-ဟု ပိဋကတ်တော်သမိုင်းအရ မှတ်သားသင့်ပါကြောင်း ဖြေဆိုအပ်ပါသည်။

( မြတ်မင်္ဂလာ ၂၀၀၂-ခု ဒီဇင်္ဘာလ)

No comments: