ကိုထွန်းကြည်သည် မြို့နယ်ပညာရေးမှူးရုံးမှ စာရေးတယောက်ဖြစ်သည်။ အလွန်စည်းကမ်းရှိပြီး ရိုးသားသူလည်း ဖြစ်သည်။ မကြာခဏဆိုသလို ရုံးကိစ္စများဖြင့် စာတိုက်သို့သွား၍ စာထည့်ခြင်းပြုရသည်။ အမြန်လိုလျှင် ကားဂိတ်ရှိ ကားသမားတို့မှတဆင့် စာပို့ရသည်။ တနေ့တွင် အမြန်စာပို့စရာရှိ၍ ကားဂိတ်ရှိ ကားသမားတဦးက တဆင့် စာသွားပို့သည်။ စာပို့ပြီး ကားဂိတ်က အထွက်၌ ပိုက်ဆံအိတ်တလုံး ကောက်ရသည်။ အိတ်ကိုဖွင့်ကြည်ရာ ငွေငါးထောင်ကျော် ပါသည်။ ကိုထွန်းကြည်၏ လစာတလစာထက်ပင် ပိုသေးသည်။ ထို့အပြင် အိမ်အရောင်းအဝယ် စာချုပ်တခု ပတ်စပို့ဓာတ်ပုံ နှစ်ပုံလည်း ပါသည်။
ကိုထွန်းကြည် ငွေကိုယူလိုသည်၊ သို့ရာတွင် သူ၏ ရိုးသားဖြောင့်မတ်မှုကို ငွေငါးထောင်နှင့် မပျက်စီးစေရဟု ဆုံးဖြတ်လိုက်သည်။ ငွေပိုင်ရှင်လည်း ငွေပြန်မရပါက စိတ်ဆင်းရဲရှာတော့မည်ဟု တွေး၍လည်း စာနာမိသည်။ သို့ဖြင့် ငွေနှင့်တကွ ပိုက်ဆံအိတ်ကို ကားဂိတ်မှတာဝန်ရှိသူ တဦးအား အပ်နှံပြီး ပိုက်ဆံအိတ်ကောက်ရကြောင်း ကြေညာထားလိုက်၏။
နောက်တနေ့တွင် ငွေနှင့်တကွ ပူးတွဲပါပစ္စည်းများကို တိကျမှန်ကန်စွာ ပြောနိုင်သူ ပိုင်ရှင်အစစ်ကို တွေ့ကြရသည်။ မြို့နယ်အေးချမ်းသာယာရေးနှင့် ဖွံ့ဖြိုးရေးကောင်စီမှတဆင့် ကိုထွန်းကြည်က ပြန်လည်ပေးအပ်လိုက်သည်။
ပိုင်ရှင်ကား-ဆုံးပြီ-ဟု ယူဆထားသော ငွေကို ပြန်ရသဖြင့် အလွန်ဝမ်းသာသွား၏။ ကိုထွန်းကြည်ကိုလည်း ကျေးဇူးတင်ပြီး ငွေငါးရာ ဂုဏ်ပြုပေးအပ်၏။
ကိုထွန်းကြည်က လက်မခံသော်လည်း မရသဖြင့် ယူခဲ့ရ၏။ သက်ဆိုင်ရာ လူကြီးများကလည်း သူ၏ရိုးသားမှုအတွက် ထပ်ဆင့်ဂုဏ်ပြု ဆုပေးလိုက်သေးသည်။
ကိုထွန်းကြည်သည် ငွေကို အခြားကိစ္စတွင် မသုံးဘဲ ထီးငါးစောင်ထိုးခဲ့သည်။ မကြာပါချေ။ ဒီဇင်ဘာ အောင်ဘာလေသိန်းဆု ထီဖွင့်ရာ၌ ကိုထွန်းကြည် သိန်း ၅ဝ-ထီ ပေါက်ခဲ့သည်။
ကိုထွန်းကြည် ကျေနပ်ဝမ်းသာမဆုံးတော့။ ထီဆိုင်ကပေးသော အပိုဂုဏ်ပြုငွေဖြင့် ရုံးဝန်ထမ်းအားလုံးကို ရခိုင်မုန့်တီ တဝကြီး ကျွေးခဲ့၏။
တောင်ကုတ်မြို့၏ တကျောင်းတည်းသော အ-ထ-က ကျောင်းဆောင်သစ် ဆောက်လုပ်ရန်အတွက်လည်း ငွေပါဝင်လှူဒါန်းခဲ့သည်။ အိမ်ကိုလည်း ပြန်လည်၍ ပြင်ဆင်ဆောက်နိုင်ခဲ့သည်။
ရိုးသားခြင်းက သူ့ကိုပြန်၍ အကျိုးပေးသည်ဟု ကိုထွန်းကြည် ခိုင်မာစွာ ယုံကြည်မိပါတော့သည်။
(အေးမြကြည်ဖြူ-တောင်ကုတ်)
( မြတ်မင်္ဂလာ ၂၀၀၃-ခု ဇွန်လ)
Subscribe to:
Post Comments (Atom)
No comments:
Post a Comment