Saturday, January 23, 2010

ဘာသာရေး ပြဿနာ ( ၁၀၂)

( ဘဒ္ဒန္တ တိလောကသာရ ဖြေသည်)

(မေး) (ရှင်ပြုရဟန်းခံကိစ္စ)
အရှင်ဘုရား၊ မိမိရင်၌ဖြစ်သော (သကပုတ္တ)ကို သာသနာတော်တွင်းသို့ ရှင်အဖြစ်၊ ရဟန်းအဖြစ် သွင်သွင်း ချီးမြှောက်လျှင် သာသနဒါယာဒ သာသနာ့အမွေခံ ဖြစ်နိုင်သည်ဟု ဆရာတော်များ ဟောကြားသည်ကို နာကြားရပါသည်။ မိမိမှာ သားမရှိ၍ သူတပါးသား (ပရပုတ္တ) ကိုယူ၍ သာမဏေရ ရဟန်းပြုပေးပြီး ချီးမြှောက်လျှင် သာသနဒါယာဒ သာသနာ့အမွေခံ ဖြစ်နိုင်-မဖြစ်နိုင် သိလိုပါသည်ဘုရား။
(မောင်ဘဖြူ-ပဲခူး)

(ဖြေ)
သကပုတ္တ မိမိသားကိုဖြစ်စေ၊ ပရပုတ္တ သူတပါးသားကိုဖြစ်စေ ပရိက္ခရာရှစ်ပါးဖြင့် သာသနာတော်တွင်းသို့ သွတ်သွင်းချီးမြှင့်၍ ရှင်ဒကာ၊ ရဟန်းဒကာပြုကာ ရဟန်းတရားကို အားထုတ်ကျင့်ဆောင်စေလျှင် သာသန ဒါယာဒ သာသနာ့အမွေခံဖြစ်၏။ ထိုသို့ဖြစ်လျက် အရှင်မဟာမောဂ္ဂလိပုတ္တတိဿ ရဟန္တာအရှင်မြတ်ကြီးက အသောကမင်းကြီးအား အဒ္ဓေါ ၀ါ ဒလိဒ္ဒေါ ၀ါ အတ္တနော သြရသံ ပုတ္တံ ပဗ္ဗာဇေတိ အလံ ၀ုစ္စတိ ဒါယာဒေါ သာသနဿ-ဟု အဘယ်ကြောင့် မိမိသားကိုသာ အထူးဟောကြားပါသနည်းဟူမူ မဟိန္ဒမင်းသား ရဟန်းဖြစ်ရန် ရည်ရွယ်၍ ဟောတော်မူခြင်းဖြစ်သည်။

မဟိန္ဒမင်းသားသည် ရဟန်းဖြစ်၍ သီဟိုဠ် (သီရိလင်္ကာ)ကျွန်းသို့ သွားရောက်သာသနာပြုကာ သာသနာတော် လွန်စွာထွန်းလင်းမည်။ သာသနာတော်၌ လွန်စွာအကျိုးရှိမည်ကို ရည်ရွယ်၍ အတ္တနော သြရသံ ပုတ္တံ-ဟု မိမိသားရင်းကို သာသနာတွင်း သွတ်သွင်းချီးမြှောက်ရန် ဟောကြောင်း မှတ်သားရပါသည်။
********************************************************************************

(မေး) (သတ္တ၀ါနှင့် ဝေနေယျ)
အရှင်ဘုရား၊
သတ္တ၀ါဝေနေယျ၊ ခေါ်ဝေါ်ကြ ဝေါဟာရာ။
ထိုနှစ်ပါးကွာခြား ဘယ်လိုရှိ၊ မှတ်သိလိုပါ၍ မေးရပုစ္ဆာ။
ထိုနှစ်ဖြာ ဝေါဟာထွေပြား။
ကျနသေချာပ သိလိုပါ ဖြေဆိုရေးနှင့် မေးရပါ ဘုရား။
( လှသိန်းကြည်-ပြင်ဦးလွင်)

(ဖြေ)
သတ္တ၀ါဝေနေယျ၊ ခေါ်ဝေါ်ကြ ဝေါဟာရာ။
မြတ်မဂ်ဖိုလ် ထိုဓမ္မကို၊ မရနိုင်ပုဂ္ဂလ၊ သတ္တသာ အမည်ပေး၊ ရေးမှတ်စရာ။
မဂ်ဖိုလ်ရ ပုဂ္ဂလာ၊ သတ္တ၀ါသာမက။
ဝေနေယျာ ဗုဒ္ဓသာဝကာတို့၊ ဆုံးမရာထိုက်ပါကြောင်း ကျမ်းဟောင်း ဆိုပြ။
********************************************************************************

(မေး) (တော်လည်းခြင်း ဟူသည်)
အရှင်ဘုရား၊ လောက၌ ငလျင်လှုပ်ခြင်း၊ တော်လည်းခြင်း ဟူသော အဖြစ်များတွင် ငလျင်လှုပ်ခြင်းဟူသည်မှာ မြေကြီးတုန်မလှုပ်မှုဖြစ်၍ လူတို့ အသိများကြပါသည်။ တော်လည်းခြင်း ဟူသည်ကို နားမလည်ကြပါ။ အဘယ်သို့ ဖြစ်သည်ကို တော်လည်းသည်ဟု ဆိုပါသနည်း။ သိသာအောင် စာပေဖြင့် ရှင်းလင်းပြတော်မူပါဘုရား။
(မသိန်းကြည်-ရန်ကုန်)

(ဖြေ)
တော်လည်း (တော်လဲ) သည် ဟူသည်ကို ပါဠိလို ဒေ၀ဒုဒြဘိ-ဟု ဆိုသည်။ ဒေ၀ဒုဒြဘိ-ကို မိုးခြိမ်းသံ၊ မိုးစည်တော်လည်းခြင်း-ဟု အနက်ပေးသည်။ ဒေ၀ဒုဒြဘိဿရ-တော်လည်းသံ၊ ဒေ၀ဒုဒြဘီတိ သုက္ခ၀လာဟကဂဇ္ဇနံ-မိုးစည်တီးသည် ဟူသည်မှာ မိုးမရွာဘဲ လေအဟုန်ဖြင့် ခြောက်သောတိမ်တိုက်ချင်း ခတ်မိခြင်းကြောင့် မိုးကြိုးသံကဲ့သို့ မြည်ဟည်းခြင်းကို ဆိုသည်ဟု အဋ္ဌကထာတို့၌ ဖွင့်သည်။

ယင်းကို မြန်မာတို့က တော်လည်းသံဟု ဆို၏။ မိုးကြိုးထစ်ခြင်းသာဖြစ်၍ မိုးကြိုးပစ်ခြင်းမဟုတ်ဘဲ ကြောက်မက်ဖွယ် မြည်ဟည်းသံကို ဆိုလိုသည်။ ငလျင်ပြင်းစွာလှုပ်ချိန်တွင် တော်လည်းသံများလည်း ပူးတွဲ၍ ကြားရတတ်သည်ဟု ဆိုသည်။ ထို့ကြောင့် ငလျင်လှုပ်ခြင်း၊ တော်လည်းခြင်းကိုတွဲ၍ ပြောဆိုလေ့ရှိသည်။
********************************************************************************

(မေး) (၀ိကာလဘောဇန စသည် ပျက်လျှင်)
အရှင်ဘုရား၊ တပည့်တော်တို့ ရှစ်ပါးသီလခံယူရာတွင် ပါဏာတိပါတ သိက္ခာပုဒ်မှစ၍ သုရာမေရယအထိ ငါးပါးပျက်လျှင် အပါယ်လေးဘုံသို့ ရောက်နိုင်၍ ၀ိကာလဘောဇန စသည်များပျက်လျှင် ထို့အတူ အပါယ်လေးဘုံသို့ ရောက်နိုင်ပါသလားဘုရား။ တပည့်တော်တို့ ကွဲကွဲပြားပြား သိလိုပါ၍ ဖြေကြားပေးတော် မူပါဘုရား။
(ဒေါ်သိန်းမေ-ပြည်မြို့)

(ဖြေ)
သီလသည် ၀ါရိတ္တသီလ၊ စာရိတ္တသီလ ဟူ၍ နှစ်မျိုးရှိရာ ပါဏာတိပါတ စသော သီလငါးပါးသည် ခံယူသည်ဖြစ်စေ၊ မခံယူသည်ဖြစ်စေ မကျင့်မနေရ။ မကျင့်လျှင် ပျက်လျှင် အပါယ်လေးပါးသို့ ရောက်စေနိုင်သည်။ ကျင့်လျှင် အပါယ်လေးပါးမှ လွတ်ကာ နတ်ရွာသုဂတိသို့ ရောက်စေနိုင်သဖြင့် ၀ါရိတ္တသီလ-ဟု ခေါ်ပါသည်။

ရှစ်ပါးသီလ၊ ဆယ်ပါးသီလ တို့တွင် ပါဝင်သော ၀ိကာလဘောဇနစသော သိက္ခာပုဒ်များသည် ကျင့်လျှင် လွန်စွာအကျိုးရှိ၍ လူ့ရွာနတ်ရပ် ကောင်းမြတ်သော ဘုံဘ၀တို့သို့ ရောက်စေနိုင်ပါသည်။ မကျင့်လျှင် အပါယ်သို့ရောက်စေသော အပြစ်ကားမရှိပါ။ ထိုသို့ အပါယ်လားကြောင်း မဖြစ်သော်လည်း အကုသိုလ်ဖြစ်၍ နောင်တွင် ပကတူပ ဖြစ်၏။ ပကတူပဟူသည်မှာ အခြားအကုသိုလ် အကျိုးပေးရာ၌ ပူးပေါင်း၍ ထောက်ပံ့နိုင် ရကား ဒါနပါးရှားသူအား ဆင်းရဲသောအကျိုးပေးရာတွင် ၀င်ရောက်ထောက်ပံ့၍ အစားအစာ ငတ်မွတ်ခြင်း စသည်များ ဖြစ်စေတတ်ပေသည်။ ထို့ကြောင့် ရှစ်ပါးသီလ ဆောက်တည်ရာတွင် ရှစ်ပါးလုံး မကျိုးမပေါက် မပြောက်မကျားရအောင် ကြိုးစားစောင့်ရှောက် ဆောက်တည်ကြရာသည်။
*********************************************************************************

(မေး) (ပဏ္ဍုကမ္ဗလာ-မြကျောက်ဖျာ)
အရှင်ဘုရား၊
ပဏ္ဍုတဲ့ ကမ္ဗလာ၊ အဆင်းရောင် ဘယ်လိုရှိ၊ တည်သည့်နေရာ။
နံအလျား ထုထည်မှာ၊ အတိုင်းတာ ဘယ်လောက်။
ဘယ်ကုသိုလ် ဘယ်လိုပြုလို့၊ ဘယ်သူ့တွက် ပေါ်ပေါက်။
( မင်းသက်မှူး-စစ်ကိုင်း)

(ဖြေ)
ပဏ္ဍုတဲ့ ကမ္ဗလာ၊
မြကျောက်ဖြာ နီညိုရောင်ဖြစ်၊ ကသစ်ပင်တော်ရိပ်၊ ထွတ်ထိပ်နေရာ။
ဝတိံသာ ဣန္ဒာတွက် မှန်မလွဲ။
ယူဇနာ ခြောက်ဆယ်လျား၊ နံကား ငါးဆယ် ရှိသတဲ့။
မိဘကို လုပ်ကိုင်ကျွေး၊ ရှေးကုသိုလ်ပဲ။
********************************************************************************

(မေး) (နတ်များ စာရင်းယူခြင်း)
အရှင်ဘုရား၊ သိကြားနတ်များ လဆန်း ၈-ရက်၊ လဆုတ် ၈-ရက်၊ လပြည့်၊ လကွယ်နေ့တိုင်း လူ့ပြည်ဆင်း၍ စာရင်းယူကြသည်ဟု ပြောဆိုကြပါသည်။ မည်သည့် အကိုးအကားဖြင့် ပြောဆိုသည်-မည်သည့်အတွက် စာရင်းယူသည်ကို ဗဟုသုတအလို့ငှါ သိလိုပါသဖြင့် ဖြေကြားပေးတော်မူပါဘုရား။
(မောင်ဟိဏ်းထွေး-ကယားပြည်နယ်)

(ဖြေ)
အဋ္ဌမီယံ စတုန္နံ မဟာရာဇူနံ ဒါသာ။ ပ ။ စာတုဒ္ဒသီယံ ၀ါ ပဉ္စဒသီယံ ၀ါ စတ္တာရော လောကပါလာ-စသည်ဖြင့် ဒေ၀ဒူတသုတ်လာ အတိုင်း လဆန်း ၈-ရက်၊ လဆုတ် ၈-ရက် နေ့တို့၌ စတုလောကပါလ နတ်မင်းကြီး လေးယောက်တို့၏ အစေအပါးနတ်တို့ လာရောက်စာရင်းယူသည်။

လပြည့် လကွယ်နေ့တို့၌ စတုလောကပါလနတ်မင်းကြီး လေးယောက်တို့ ကိုယ်တိုင် စာရင်းယူပါသည်။ ၄င်းတို့မှ တဆင့် ပဉ္စသီခနတ်သား၊ ၄င်းမှတဆင့် မာတလိနတ်သားသို့ ပေးအပ်သည်။ မာတလိနတ်သားမှ တဆင့် သိကြားမင်းကြီးအား ဆက်သရသည်။ သိကြားမင်းကြီးက ထိုစာရင်းကို ဤသူဤသူများ ဤသို့ ကုသိုလ် ပြုကြသည်ဟု ၀မ်းမြောက်ဝမ်းသာ နတ်သဘင်၌ ဖတ်ကြားကြောင်း ဆိုသည်။ သို့သော် အမြဲတမ်းဆိုလျှင် ထိုနတ်များ စည်းစိမ်ခံစားနေရချိန်ပင် ရှိမည်မဟုတ်။ အခါအားလျော်စွာ စာရင်းယူခြင်း ဖြစ်ဖွယ် ရှိပါသည်။
********************************************************************************

(မေး) (သွားရောဂါ)
အရှင်ဘုရား၊ နားရောဂါပျောက်ဂါထာကို မြတ်မင်္ဂလာမှ ကူးပြီး၊ နားရောဂါဝေဒနာရှင်တွေကိုပေးကာ ရွတ်ဖတ်ပူဇော် ဘုရားရှိခိုးစေရာ နားရောဂါများ လက်တွေ့ပျောက်ကင်းသည်ကို တွေ့ရပါသည်။ သွားရောဂါပျောက်ဂါထာကိုလည်း ထပ်မံဖော်ပြပေးပါဘုရား။ တပည့်တော်မှာ ယခုအခါ သွားရောဂါခံစားနေရပါသည်။ ယခင်နှစ်များက ဤစာစောင်မှာ ဖတ်ခဲ့ဖူးပါသည်။ ကူးမထားမိ၍ ယခု ထပ်မံတောင်းဆိုရခြင်း ဖြစ်ပါသည်ဘုရား။
(ခွာညို-စစ်ကိုင်းမြို့)

(ဖြေ)
ရှေးဆရာကြီးတို့ ပြုစုထားသော သွားရောဂါရှင်တို့အတွက် သွားတော်လေးဆယ် ဘုရားရှိခိုးဂါထာကို ထပ်မံဖော်ပြလိုက်ပါသည်။ နံနက်အိပ်ရာထ၊ ညအိပ်ရာဝင် တခေါက်စီ ဘုရားရှိခိုးပါ။

သတိ ဂတိ ဓိတိ မန္တံ၊ သန္တံ ဒန္တံ သုခါဝဟံ။
စတ္တာလီသ သမဒန္တံ၊ ဗုဒ္ဓံ ၀န္ဒာမိ သာဒရံ။
သတိ ဂတိ ဓိတိ မန္တံ-သတိမြဲအင်၊ ဉာဏ်ထူးလျင်၍၊ ကြည်လင်စွာဘိ၊ တည်ကြည်သော သမာဓိတော်လည်း ရှိတော်မူထသော။
သန္တံ-ငြိမ်သက်အေးချမ်း၊ စိတ်ဝမ်းကြည်လင်တော်မူသော။
ဒန္တံ-ယဉ်ကျေးသိမ်မွေ့၊ ပြကတေ့ နူးညံ့သော စိတ်တော် ရှိတော်မူသော။
သုခါဝဟံ-လူနတ်ဗြဟ္မာ၊ သတ္တ၀ါတို့ ချမ်းသာလေအောင်၊ အစဉ်ရွက်ဆောင်တော်မူတတ်သော။
စတ္တာလီသသမဒန္တံ-စွယ်တော်လေးဆူ၊ ပါဝင်မူ၍၊ စင်ဖြူတင့်တယ် အမျှလေးဆယ်သော၊ ပြည့်ကြွယ်ကြံ့ခိုင်၊ ပုလဲဆိုင် ပုလဲသွေးကဲ့သို့ ဖြူဖွေးသော သွားတော်မြတ်တို့နှင့် ပြည့်စုံတော်မူသော။
ဗုဒ္ဓံ-သစ္စာလေးပါး တရားသိမြင် ဘုရားရှင်ကိုယ်တော်မြတ်ကြီးကို။ အဟံ-(သွားဝေဒနာ ခံရပါ၍ ကျင်နာခံခက် ဆင်းရဲဖက်၍ နေရပါသော) ဘုရားတပည့်တော်သည်။
သာဒရံ-ရိုသေလေးစား ဦးညွတ်တွားလျက် စိတ်ထားကြည်လင် ဦးတော်တင်လျက်။
ဝန္ဒာမိ-လက်ဆယ်စုံမိုး၊ ပျပ်ဝပ်ကျိုးလျက် ရှိခိုးပါ၏ မြတ်စွာဘုရား မြတ်စွာဘုရား။

( မြတ်မင်္ဂလာ ၂၀၀၃-ခု ဇွန်လ)

No comments: