Thursday, January 21, 2010

အမှီကောင်းရှိခြင်း၏ ကောင်းကျိုး

တနေ့သောအခါ မြတ်စွာဘုရားက ရဟန်းတို့အား ဤသို့ဟောတော်မူသည်။
ရဟန်းတို့-ဟိမဝန္တာတောင်မင်းကို မှီ၍ သစ်ပင်ကြီးတို့သည် ကြီးပွားခြင်းငါးမျိုးဖြင့် ကြီးပွားကြကုန်၏။
အဘယ်ငါးမျိုးတို့နည်း ဟူမူ-
သစ်ပင်ကြီးတို့သည်
(၁) အကိုင်းအခက် အရွက်တို့ဖြင့် ကြီးပွားကြကုန်၏။
(၂) အခေါက်ဖြင့် ကြီးပွားကြကုန်၏။
(၃) အပွေးဖြင့် ကြီးပွားကြကုန်၏။
(၄) အကာဖြင့် ကြီးပွားကြကုန်၏။
(၅) အနှစ်ဖြင့် ကြီးပွားကြကုန်၏။

ရဟန်းတို့ ဟိမဝန္တာတောင်မင်းကို မှီ၍ သစ်ပင်ကြီးတို့သည် ကြီးပွားခြင်း ငါးမျိုးဖြင့် ကြီးပွားကြကုန်သကဲ့သို့ ဤအတူသာလျှင် သဒ္ဓါတရားရှိသော အမျိုးကောင်းသားကို မှီ၍ အိမ်တွင်းနေ လူအပေါင်းသည်လည်း ကြီးပွားခြင်းငါးမျိုးဖြင့် ကြီးပွားကြကုန်၏။

အဘယ်ငါးမျိုးတို့နည်း ဟူမူ-
(၁) သဒ္ဓါဖြင့် ကြီးပွား၏။
(၂) သီလဖြင့် ကြီးပွား၏။
(၃) အကြားအမြင်ဖြင့် ကြီးပွား၏။
(၄) စွန့်ကြဲခြင်းဖြင့် ကြီးပွား၏။
(၅) ပညာဖြင့် ကြီးပွား၏။
ရဟန်းတို့ သဒ္ဓါတရားရှိသော အမျိုးကောင်းသားကို မှီ၍ အိမ်တွင်းနေ လူအပေါင်းသည်လည်း ဤကြီးပွားခြင်း၅-မျိုးဖြင့် ကြီးပွား၏။

တောအုပ်ကြီး၌ ကျောက်တောင်ကို အမှီပြု၍ တောစိုးသစ်ပင်ကြီးတို့သည် စည်ပင်ကြကုန်သကဲ့သို့ ထို့အတူ သီလနှင့်ပြည့်စုံ၍ သဒ္ဓါတရားရှိသော ဤအမျိုးကောင်းသားကို မှီ၍ သားမယား၊ အဆွေအမျိုး၊ မိတ်ဆွေခင်ပွန်း၊ ထိုအမျိုးသားကိုမှီ၍ အသက်မွေးသူတို့သည်လည်း သီလဖြင့် ကြီးပွားကြကုန်၏။

သီလရှိသူ၏ သီလ၊ စွန့်ကြဲခြင်း၊ အကျင့်စရိုက်တို့ကို ကောင်းစွာမြင်ကြရကုန်၍ သူတို့ကို အတုလိုက်၍ ပြုလုပ်ကြကုန်၏။
ပညာရှိတို့သည် ဤမြတ်စွာဘုရား၏ သာသနာတော်၌ သုဂတိ (ကောင်းမှုကုသိုလ်ပြုသူတို့၏ လားရောက်ရာ) သို့ သွားရောက်သူတို့၏ အကျင့်ကို ကျင့်ကြကုန်၍ နတ်လောက ကာမဂုဏ်တို့ကို လိုတိုင်းရကုန်သဖြင့် နှစ်သက် ဝမ်းမြောက်ကြရလေသည်-ဟု ဟောတော်မူသည်။

မှတ်ချက်။
သဒ္ဓါ-ဘုရား တရား သံဃာဟူသော ရတနာသုံးပါး၊ ကံ ကံ၏အကျိုးကို ကောင်းစွာယုံကြည်ခြင်း၊ မဂ်ဖိုလ်တိုင်အောင် ယုံကြည်ခြင်း။

ပညာ-အရာရာ၌ ကောင်းစွာခွဲခြမ်း သိစွမ်းနိုင်သော အသိပညာ။

သုဂတိ-ကောင်းမှုကုသိုလ်ပြုသူတို့၏ လားရောက်ရာ နတ်ဘုံ စသည်။

တောစိုး-တောထဲတွင် ကြီးမားထင်ရှားသော။
သစ်ပင်-သစ်ပင်။
(အင်္ဂုတ္တရပါဠိတော် ပဉ္စကနိပါတ် သုမန၀ဂ် မဟာသာလပုတ္တသုတ်)

(ဦးငွေအောင်မွန်)
( မြတ်မင်္ဂလာ ၂ဝဝ၃-ခု ဇွန်လ)

No comments: