Saturday, February 20, 2010

ရေချမ်းစင်ကို ဖျက်ဆီးသူများ

ကျွန်တော်တို့မြို့ရှိ လမ်းတလမ်း၏ လမ်းဘေးတွင် ရေချမ်းစင်တခုရှိသည်။ ရေချမ်းစင် အလှူရှင်မှာ ဦးချစ်မြ+ဒေါ်ခင်ခင်ရီ-တို့ ဖြစ်သည်။ သူတို့သည် ၁၀-နှစ်ကျော် နေ့စဉ် ၀တ်မပျက် ရေထည့်သည်။ ရေအိုး၊ ရေခွက်များကို ဆေးကြောသည်။ ရေအကျိုးဆယ်ပါးကို ရရှိ်နေသည်။

လမ်းသွားလမ်းလာ များသဖြင့် ရေကတော့ နေ့စဉ် ဖြည့်ရသည်။ တခါတရံ ရေအိုး၊ ရေခွက် အဖုံးများ အခိုးခံရသည်။ အရိုက်ခွဲခံရသည်။ အလှူရှင်ကလည်း မညဉ်းမညူ ထပ်မံဝယ်ထည့်သည်။ ၁၃-၁-၀၄ ရက်နေ့ည ၁၂-နာရီအချိန်ခန့်တွင် အမူးလွန်နေသော လူငယ် ၅-ဦး ရောက်လာသည်။ ရေအိုးများကို ဖုန်း-ဒိုင်း-ဖြင့် စိစိညက်ညက်ကြေအောင် ရိုက်ခွဲကြသည်။

ထိုအခါ အနီးရှိ လုံခြုံရေးကင်းသမားက မနေသာတော့ပေ။ ဟေ့ကောင်တွေ မလုပ်ကြပါနဲ့၊ သူများလှူဒါန်းထားတာ မလုပ်ကောင်းပါဘူး။ မလုပ်ကြပါနဲ့-ဟု ပြောကာ တားမြစ်လိုက်သည်။ သို့သော် သူတို့အားလုံး အမူးလွန်နေသဖြင့် စိတ်ရိုင်းများ ၀င်နေကြသည်။ တယောက်က မင်းနဲ့ဘာဆိုင်သလဲ၊ ငါတို့ အလုပ်ကို ၀င်မရှုပ်နဲ့၊ ၀င်ရှုပ်တဲ့အကောင် ဆုံးမရမယ်-ဟု ပြောပြီး ကင်းသမားကို တယောက်တချက် ၀ိုင်းပြီးထိုးကြိတ်ရိုက်နှက်ကြပါတော့သည်။

ကင်းသမားလည်း အရိုက်ခံရပြီး သတိမေ့သွားသည်။ ရပ်ကွက်လူများသိပြီး ကင်းသမားကို ဆေးရုံသို့ ပို့ပေးကြသည်။ ရိုက်သူအားလုံးကို ၀ိုင်းဖမ်းပြီး ဥပဒေအရ အရေးယူသည်။ အမူးသမားအားလုံး အပြစ်ရကာ ကိုယ်ဆင်းရဲ စိတ်ဆင်းရဲ ရောက်ပြီး ဒုက္ခတွေ့ကြရသည်။

အကယ်၍ ရေချမ်းစင်ကသာ စကားပြောနိုင်မည်ဆိုပါက -ဟေ့ မင်းတို့လိုလူတွေကို ပြောလိုက်၊ ကောင်းမှု မကောင်းမှု ကုသိုလ်ကံ အကုသိုလ်ကံ ဆိုတာ နောင်ဘ၀မကူးဘူး။ အခုဒီဘ၀မှာပဲ ကြုံရတတတ်တယ်၊ သင်ခန်းစာ ယူကြ-ဟု ပြောဆိုမည်ထင်ပါသည်။

( မောင်ရေချမ်း-ခရမ်း)
( မြတ်မင်္ဂလာ ၂၀၀၄-ခု ဇွန်လ)

No comments: