Sunday, February 7, 2010

မေတ္တာ ထုံပွားနေသူ

စာရေးသူ ကျွန်တော်သည် ၁၉၇၅-ခုနှစ်မှ ၁၉၈၂-ခုနှစ်အထိ စစ်ကိုင်းတိုင်း အထက်ပိုင်း ကလေးမြို့ အခြေခံပညာ အထက်တန်းကျောင်းတွင် ကျောင်းဆရာအဖြစ် အမှုထမ်းခဲ့စဉ်က ကျောင်းသားမိဘတဦးနှင့် တွေ့ဆုံရင်းနှီးခဲ့ပါသည်။

ထိုပုဂ္ဂိုလ်မှာ ကလေးမြို့ ကုန်သွယ်ရေးဇုံ ရုံးတွင် အမှုထမ်းနေသော လက်ထောက်မန်နေဂျာ ဦးအောင်ညွန့် ဖြစ်ပါသည်။ သူသည် ရတနာသုံးပါးတို့ကို အလွန်ကြည်ညို ကိုးကွယ်သူ ဖြစ်ပါသည်။ ဦးအောင်ညွန့်သည် စိတ်ကောင်းရှိ၏။ သိမ်မွေ့၏။ ကိုယ်အမူအရာ နှုတ်အမူအရာ ယဉ်ကျေး၏။ ကိုယ်ကျင့်သီလကောင်း၏။ သူတပါးတို့ကို ကူညီတတ်၏။ ပရဟိတစိတ် ထား၏။ အားလုံးအပေါ်တွင် နှစ်နှစ်ကာကာ မေတ္တာစေတနာထား၏။ မျက်နှာအမူအရာ အေးမြကြည်လင်၏။

ဦးအောင်ညွန့်နှင့် ကျွန်တော်တို့သည် ၁၉၈၂-ခုနှစ်တွင် ခွဲခွါခဲ့ကြပြီးနောက် အနှစ် ၂၀-ကျော်ကြာခဲ့၏။ အစိုးရအမှုထမ်းများအဖြစ်မှ အငြိမ်းစားယူခဲ့ကြ၏။ ၂၀၀၂-ခုနှစ်တွင် ရန်ကုန်မြို့ အာဇာနည်လမ်း၊ မင်္ဂလာဗျူဟာ အသင်းချုပ် ဗုဒ္ဓဘာသာသင်တန်းကျောင်းတွင် ၀မ်းမြောက်ဖွယ် ပြန်လည်တွေ့ဆုံခဲ့ကြပါသည်။

တနေ့တွင် ဦးအောင်ညွန့်နှင့် ကျွန်တော်တို့သည် စကားစမြည်ပြောကြရင်း သူ၏ကိုယ်တွေ့ အဖြစ်အပျက်တခုကို အောက်ပါအတိုင်း ပြောပြပါသည်။

၁၉၈၅-ခုနှစ်က ဖြစ်ပါတယ်။ အဲဒီနှစ်က နိုဝင်ဘာလထဲမှာ အထက်ရုံးက တာဝန်ပေးချက်အရ ကျွန်တော်ဟာ အခြားအဖွဲ့ဝင် ၃-ယောက်နှင့်အတူ အထက်ချင်းတွင်းဒေသ မော်လိုက်၊ ဖောင်းပြင်၊ ထမံသီ၊ ဟုမ္မလင်း၊ စတဲ့ မြို့နယ်တွေမှာရှိတဲ့ ကုန်သွယ်ရေးရုံးတွေနဲ့ ဆိုင်တွေကို စစ်ဆေးဖို့ ခရီးထွက်ရပါတယ်။ ချမ်းမြအမည်ရှိတဲ့ သင်္ဘောကြီးနဲ့ သွားရပါတယ်။ အဲဒီသင်္ဘောကြီးရဲ့ နောက်ကလဲ စီ-ဘီ တွဲ သင်္ဘောတစင်း ချိတ်ဆွဲထားတယ်။

ကျွန်တော်ဟာ ဘယ်အရပ်မှာနေနေ၊ ဘယ်ကိုပဲ ရောက်ရောက်၊ နံနက်တကြိမ်၊ ညတကြိမ်၊ ဘုရားအာရုံပြု၊ ပုတီးစိပ်၊ မေတ္တသုတ် ၃-ခေါက်ရွတ်၊ မေတ္တာဘာဝနာ ပါများပြီး သတ္တ၀ါအားလုံးကို အမျှပေးဝေလေ့ရှိပါတယ်။ အားလပ်တဲ့အချိန်တွေမှာ သတ္တ၀ါအားလုံးတို့ကို အထူးအာရုံပြုပြီး မေတ္တာပွားထုံနေလေ့ ရှိပါတယ်။

ညတညမှာ ကျွန်တော်တို့အဖွဲ့ဟာ ဖောင်းပြင်မြို့ ဆိပ်ကမ်းမှာ ချမ်းမြသင်္ဘောကြီးရဲ့ စီ-ဘီ သင်္ဘောပေါ်မှာ အိပ်ရပါတယ်။ အဲဒီည ၉-နာရီလောက်မှာ ကျွန်တော်ဟာ ဘုရားရှိခိုး၊ ပုတီးစိပ်ပြီး မြစ်စောင့်နတ်၊ ရေစောင့်နတ်၊ မြေစောင့်နတ်၊ တောတောင်စောင့်နတ်၊ မြို့စောင့်နတ်၊ ရွာစောင့်နတ်၊ သာသနာတော်စောင့်နတ်၊ စတဲ့ သုံးဆဲ့တဘုံမှာ ကျင်လည်ကြရတဲ့ သတ္တ၀ါတွေအားလုံးကို လေးလေးနက်နက် မေတ္တာပို့သပါတယ်။

အဲဒီနောက် စီ-ဘီ နောက်တွဲသင်္ဘော ကုန်းပတ်ပေါ်မှာ အညောင်းအညာပြေ လမ်းလျှောက်နေခိုက်မှာ တစုံတယောက် အမှတ်တမဲ့ စွန့်ချခဲ့တဲ့ ငှက်ပျောသီးခွံတခွံကို တက်နင်းမိပါတယ်။ ရုတ်တရက်ခြေချော်ကာ မြစ်ရေထဲကို လိမ့်ကျသွားပါတယ်။ ကျွန်တော်လဲ ချက်ချင်းသတိရပြီး အရဟံ-စတဲ့ ဘုရားဂုဏ်တော်တွေကို အာရုံပြု၊ သမ္မာဒေ၀နတ်မြတ် နတ်ကောင်းတွေကို တမ်းတပြီး အကူအညီ တောင်းလိုက်ပါတယ်။

စီ-ဘီ သင်္ဘောဟာ ကမ်းခြေနဲ့ ၀ါးလုံးတပြန်လောက်နေရာမှာ ကျောက်ချထားတာ ဖြစ်တယ်။ အဲဒီနေရာမှာ ရေတော်တော်နက်တယ်။ ရေစီးလဲမြန်တယ်။ ဒါပေမဲ့ ကျွန်တော်ဟာ ရေထဲကျသွားပြီး ချက်ချင်း ရေထဲနစ်မသွားဘူး။ အောက်ပိုင်းခန္ဓာကိုယ်သာ ရေစိုတယ်။ မြစ်ရေအောက်ထဲမှာ တခုခု ခံနေသလိုပဲ ထင်မိတယ်။ ကျွန်တော်ကတော့ မမှန်တာမပြောပါဘူး၊ အမှန်ပါပဲ။ တော်တော်ကလေးကြာတော့မှ ကျွန်တော်ဟာ ပါးစပ်က-ကယ်ကြပါဗျို့၊ ကျွန်တော် ရေထဲကျသွားလို့ လာကြပါ၊ လာကြပါ-လို့ အော်ဟစ်အကူအညီတောင်းလိုက်ပါတယ်။ ချက်ချင်းပဲ ယောက်ျား ၃-ယောက်က အသက်ကယ်ဘောကွင်း တခုကို ယူပြေးလာကြပြီး ကျွန်တော့်ထံချပေးကြတယ်။ အဲဒီနောက် ကျွန်တော့်ကို သင်္ဘောပေါ်ကိုဆွဲတင်ကြတယ်။ ကျွန်တော်လဲ ဘေးမသီ ရန်မခဘဲ သင်္ဘောပေါ်ကို လွယ်လွယ်ကူကူ တက်ရောက်ပြီး အသက်အန္တရာယ်မှ ကင်းလွတ်ခဲ့ရပါတယ်။

အဲဒီလိုနဲ့ ကျွန်တော်တို့ ကုန်သွယ်ရေး စာရင်းစစ် အဖွဲ့ဟာ ခရီးစဉ်တလျှောက်လုံး အလုပ်တာဝန်တွေကို ချောချောမောမော လွယ်ကူစွာ ပြီးစီးအောင် ဆောင်ရွက်နိုင်ခဲ့ပါတယ်။ ရောက်လေရာအရပ်တိုင်းမှာ လူအများတို့က နွေးထွေးစွာ ကြိုဆို ကူညီကြပါတယ်။ လေးလေးစားစား ဆက်ဆံကြပါတယ်။

အဲဒီလို ဘေးအန္တရာယ်ကင်းရှင်း၊ လုပ်ငန်းတွေ ပြီးစီးခြင်းဟာ ရတနာသုံးပါးတို့ကို ထက်ထက်သန်သန် ယုံကြည်ဆည်းကပ်ခြင်းနှင့် မေတ္တာဘာဝနာ ထုံပွားနေသောကြောင့် ဖြစ်တယ်လို့ ယုံကြည်ပါတယ်-ဟု ပြောပြပါသည်။

စာရေးသူ ကျွန်တော်က -ဟုတ်ပါတယ်၊ ဟုတ်ပါတယ်။ မေတ္တာအကျိုး ၁၁-မျိုးထဲမှာ လူတို့ချစ်ခင်ခြင်း။ နတ်တို့ချစ်ခင် စောင့်ရှောက်ခြင်း၊ အချက်တွေ ပါတယ်နော်။ အင်္ဂုတ္တိုလ်ပါဠိတော် ဧကာဒသကနိပါတ်မှာ မေတ္တာအကျိုး ၁၁-မျိုးကို မြတ်စွာဘုရား ဟောထားတယ်။
(၁) ချမ်းသာစွာ အိပ်ရခြင်း။
(၂) ချမ်းသာစွာ အိပ်ရာမှ နိုးရခြင်း။
(၃) မကောင်းသောအိပ်မက်များ မမြင်မက်ရခြင်း။
(၄) လူတို့က ချစ်ခင်ကြခြင်း။
(၅) နတ်တို့က ချစ်ခင်စောင့်ရှောက်ကြခြင်း။
(၆) မီးမလောင်နိုင်ခြင်း။
(၇) ဓား စသောလက်နက်များ နှင့် အဆိပ်အမျိုးမျိုးတို့ မသင့်ရောက်ခြင်း။
(၈) စိတ်တည်ကြည်ခြင်း။
(၉) မျက်နှာရုပ်ဆင်း ကြည်လင်ခြင်း။
(၁၀) သေလွန်လျှင် မတွေမဝေ သေရခြင်း။
(၁၁) သေလွန်ပြီးသောအခါ ဗြဟ္မာ့ဘုံသို့ ရောက်ရခြင်း အကျိုးတို့ကို မုချရနိုင်ပါတယ်-ဟု ပြောပြပါသည်။

(ပြည်ငြိမ်းအေး)
(မြတ်မင်္ဂလာ ၂၀၀၃-ခု စက်တင်ဘာလ)

No comments: