Thursday, February 4, 2010

သီလအကျိုး

ကိုအောင်မြင့်သည် ကျွန်တော်တို့ရပ်ကွက်ထဲက ဖြစ်သည်။ ရိုးသားပြီး မိအိုဖအိုတွေကို လုပ်ကျွေးနေသော လူပျိုကြီးတဦး ဖြစ်သည်။ သူသည် နေ့စားအလုပ်လုပ်၍ မိအိုဖအိုများ စားချင်တာ စားစေ၊ လှူချင်တာ လှူစေ ဆိုသော စိတ်စေတနာထား၍ ပြုမူသည်။ သူကတော့ ခြိုးခြံချွေတာ သုံးစွဲသည်။ ညနေစာ ထမင်းအတွက် တယောက်စာ ကုန်ကျစရိတ်လည်း သက်သာ၊ မိမိလည်း ကုသိုလ်ရစေဆိုပြီး နေ့စဉ် ၈-ပါးသီလစောင့်ထိန်း သည်။ ညနေ အလုပ်ကပြန်တိုင်း မိုးကောင်းဘုရားမှာ ပုတီးစိပ်၍ တရားထိုင်လေ့ရှိသည်။

မှတ်မှတ်ရရ တော်သလင်းလဆန်း ၇-ရက်နေ့ မိုးကောင်းဘုရားပွဲတော် ကျင်းပနေချိန် ဖြစ်သည်။ သူသည် ညနေ မိုးချုပ်စမှာ ဘုရားရှိခိုး ပုတီးစိပ်ပြီး ပြန်မည်ပြုစဉ် သူ၏ ညာဘက်နံဘေး မနီးမဝေးက ပိုက်ဆံအိတ်တလုံး ကောက်ရသည်။

သူသည် ပိုက်ဆံအိတ်ပိုင်ရှင်ကို အနီးအနားတွင် ရှိလိုရှိငြား ရှာကြည့်သည်။ မည်သူ့ကိုမျှ မတွေ့။ သို့ဖြင့် ဘုရားကြီး၏ အနောက်ဘက်မုခ်ပေါက်မှ ဂေါပကရုံးကို ပိုက်ဆံအိတ် သွားအပ်လိုက်သည်။
ဂေါပကလူကြီးများက ပိုက်ဆံအိတ်ကို ဖွင့်ကြည့်စစ်ဆေးရာ ရွှေ ၁-ကျပ်သား ဆွဲကြိုးတကုံး၊ ပတ္တမြားလက်စွပ် တကွင်း၊ တထောင်ကျပ်တန် ငွေစက္ကူ ၃-အုပ်၊ ၅၀၀-ကျပ်တန်မှ ၅၀-ကျပ်တန်အထိ ပါဝင်သော ငွေများနှင့် နိုင်ငံရေးစိစစ်ကဒ်ပြား၊ အိတ်ဆောင်မှတ်စုတအုပ်နှင့် ဘောလ်ပင်တချောင်းကို တွေ့ရှိကြသည်။

လူကြီးများက နိုင်ငံသားစိစစ်ရေးကဒ်ပြားပါ လိပ်စာအတိုင်း ပိုက်ဆံအိတ်ပိုင်ရှင်ကို စုံစမ်းပေးအပ်လိုက်သည်။ ထိုအခါ ပိုက်ဆံအိတ်ပိုင်ရှင်က ကျေးဇူးတင် ၀မ်းမြောက်စွာဖြင့် ပိုက်ဆံအိတ်ကို ရိုးသားစွာ ပြန်လည်ပေးအပ်သူ ကိုအောင်မြင့်ကို ဂုဏ်ပြုသည့်အနေဖြင့် ငွေ ၁၀၀၀၀-ကျပ် ဂေါပကလူကြီးများမှတဆင့် ချီးမြှင့်လိုက်သည်။

ကိုအောင်မြင့်သည် ပိုက်ဆံအိတ်ပိုင်ရှင်က ဂုဏ်ပြုချီးမြှင့်သော ငွေ ၁၀၀၀၀-ကျပ်ဖြင့် ဆန် ဆီ ဆား အပြည့်အစုံဝယ်ကာ နေ့စဉ်မပြတ် အရုဏ်ဆွမ်းချက်ပြီး ဘုရားဆွမ်းတော်ကပ်သည်။ သံဃာတော်များကို ဆွမ်းလောင်းသည်။ မိအိုဖအိုများကိုလည်း ဂရုတစိုက် ရိုရိုသေသေ ကျွေးမွေးသည်။

ထို့နောက် ပိုက်ဆံအိတ်ပိုင်ရှင်ကို သူပြုသမျှ ဒါနကောင်းမှုအတွက် ကုသိုလ်ရစေရန် အမျှပေးဝေသည်။ မကြာပါချေ။ မိုးကောင်းဘုရားပွဲတော်အတွင်းတွင် သူထိုးထားသော ထီလက်မှတ်တစောင်က ကျပ်တသိန်းဆု ပေါက်ကြောင်း၊ မြင်းမူမြို့ မြတံခွန်ထီဆိုင်မှ အကြောင်းကြားပြီး ဆုငွေကို လာရောက်ထုတ်ယူစေပါသည်။

မြို့နေလူထုနှင့် ကြားရသူအပေါင်းက ကိုအောင်မြင့်၏ လက်ငင်းအကျိုးပေးသော ကောင်းမှုများကို သာဓုခေါ်ကြသည်။ ထိုကောင်းမှုများသည် ကျေးဇူးရှင်မိဘများကို လုပ်ကျွေးခြင်း၊ သီလဆောက်တည်ခြင်း၊ သူတပါး၏ ပစ္စည်းကို ကောက်ရသော်လည်း ပိုင်ရှင်ကို ပြန်လည်ပေးအပ်ခြင်းတို့ ဖြစ်ပါသည်။

(ငါန်းဇွန်-မောင်လွမ်းမွန်)
(မြတ်မင်္ဂလာ ၂၀၀၃-ခု ဇူလိုင်လ)

No comments: