Monday, February 15, 2010

ဘာသာရေး ပြဿနာ ( ၁၀၅ )

( ဘဒ္ဒန္တ တိလောကသာရ ဖြေသည်)

(မေး) (ကန်တော့ခြင်း)
အရှင်ဘုရား၊ အချို့သောဆရာတော်များ၏ သီလပေး ကန်တော့ခန်း ဘုရားရှိခိုးစာအုပ်များတွင် ရတနာသုံးပါးကိုသာ ရှိခိုး၍ အနန္တောအနန္တငါးပါး အပါအ၀င် မိဘဆရာသမားတို့အား အဘယ့်ကြောင့် ရှိခိုးကန်တော့ခြင်း မပါပါသလဲဘုရား။
(ဗိုလ်ဟိန်း-အင်းဝမြို့)

(ဖြေ)
သြကာသ သြကာသ သြကာသ ကာယကံ ၀စီကံ မနောကံ ရတနာသုံးပါးတို့အား အရိုအသေ အလေးအမြတ်-စသည့် သြကာသ ကန်တော့ခန်းတွင် ရတနသုံးပါးသာ ပါသည်။ မိဘ၊ ဆရာသမား စသည် မပါသည်မှာ ရတနာသုံးပါးအား ကန်တော့လျှင် မိဘ၊ ဆရာသမား၊ အဘိုး၊ အဘွား၊ အကို၊ အမ၊ ကြီးသူမြတ်သူတို့အား ပြစ်မှားမိသမျှ အပြစ်တို့ပါ ကျေပျောက်နိုင်သည်။ ထို့ကြောင့် ရတနာသုံးပါးကိုသာ ထည့်ထားခြင်း ဖြစ်ပါသည်။

မိမိသည် အိမ်၌ မိဘများ၊ မိမိထက် ကြီးသူ အကို၊ အမ စသည်များ၊ ရပ်ထဲ၊ ရွာထဲရှိ ကြီးသူများကို ကာယကံ၊ ၀စီကံ၊ မနောကံ တပါးပါးဖြင့် တနေ့မဟုတ် တနေ့ စိတ်ဆိုးခြင်း၊ စိတ်ကောက်ခြင်း၊ ဒေါသထွက်ခြင်းတို့ဖြင့် မပြစ်မှားမိသောနေ့ မရှိ။ ပြစ်မှားမိမည်။ ထိုအခါ ထိုပြစ်မှားမိသမျှတို့ကို ထုတ်ဖော်၍ နှုတ်မြွက်ထည့်ဆို မနေနိုင်။ စိတ်ထဲမှ သတိရ၍ ရတနာသုံးပါး ကန်တော့ရာ၌ ထည့်သွင်းကန်တော့မိရန် အရေးကြီးလှပါသည်။ ထို့ကြောင့် ရှေးဆရာတို့သည် လိုရင်းကိုသာ ထည့်ထားရခြင်းဖြစ်ကြောင်း သတိပြုစရာပင်။
********************************************************************************

(မေး) (ကာမေသုမိစ္ဆာစာရ အကုသိုလ် ကျေပျောက်ရန်)
အရှင်ဘုရား၊ ကဿပဘုရားရှင် ပွင့်တော်မူစဉ်အခါက သူတပါးမယား၌ ပြစ်မှားကျူးလွန်သော သူဌေးသား လေးယောက်တို့သည် လောဟကုမ္ဘီငရဲ၌ အနှစ်တသောင်းခြောက်ထောင် ခံရသည်ဟု ကြားဖူးပါသည်။ ထိုသို့ ပြစ်မှားလွန်ကျူးမိသောအခါ၌ ၄င်းအကုသိုလ်ကံကို ပြေပျောက်နိုင်ရန် အခြား ကုသိုလ်ကံများနှင့် အစားထိုးကုစား၍ ရ-မရ သိသာအောင် ဖြေကြားပေးတော်မူပါဘုရား။
(မောင်ဇာနည်ထွန်း-ပျဉ်းမနား)

(ဖြေ)
ကာမေသုမိစ္ဆာစာရနှင့် ငါးပါးသီလပါ ဒုစရိုက်များ ကင်းပျောက်၍ ငရဲသို့ မကျရောက်နိုင်ရန် တရားနာခြင်း၊ တရားအားထုတ်ခြင်းဖြင့် တမဂ် တဖိုလ်ရအောင် အားဖုတ်နိုင်ဖို့ အရေးကြီးပါသည်။ အနည်းဆုံး သောတာပတ္တိမဂ်ဖိုလ်ကို ရမှသာ အပါယ်ဘေးမှ စိတ်ချရပါသည်။ သို့မဟုတ်က စိတ်မချရပါ။ အနည်းဆုံး မိမိလွန်ကျူးမိသည်တို့ကို နောင်တရ၍ ငါးပါးသီလကို ထပ်မံခံယူပါ။

ထို့နောက် ကာမေသုမိစ္ဆာစာရာ ဝေရမဏိသိက္ခာပဒံ သမာဒိယာမိကို ထပ်ခါထပ်ခါ ဆိုပါ။ နောင်တွင် ဤကိစ္စမျိုး လုံးဝမဖြစ်စေရဟု အဓိဋ္ဌာန်ပြုကာ ကုသိုလ်ကောင်းမှုများကို အဆက်မပြတ် ပြုလုပ်ပါ။ ထိုသို့ ပြုလုပ်နေလျှင် ထိုကာမေသုမိစ္ဆာစာရကံ တဖြည်းဖြည်း အားသေး၍ ကုသိုလ်ကံ အကျိုးပေးတို့၏ ကြားတွင် မြှုပ်ကွယ်သွား နိုင်စရာရှိကြောင်း ရှေးရှေးဆရာတော်ကြီးများ ဟောပြတော်မူကြသည်ကို ကြားရဖူးပါသည်။
********************************************************************************

(မေး) (သောတာပန်ပုဂ္ဂိုလ်နှင့် အရက်)
အရှင်ဘုရား၊ သောတာပန်ပုဂ္ဂိုလ်တယောက်ကို အရက်နှင့် ရေ ရောပြီး တိုက်သည်ရှိသော် ရေသာဝင်၍ အရက်မ၀င်ဟု ဆိုသော ပါဠိတော်ကို မှတ်သားနိုင်ရန် ထုတ်ပြညွှန်းပေးပါဘုရား။
( မောင်ဇင်ကိုကို-မြောင်းမြမြို့)

(ဖြေ)
ဒီဃနိကာယ်၊ သီလက္ခန္ဓ၀ဂ္ဂ အဋ္ဌကထာ-၂၇၃၊ ကူဋဒန္တသုတ်အဖွင့်တွင်-သစေပိဿ သုရဉ္စ ခီရဉ္စ မိေဿတွာ မုခေ ပက္ခိပန္တိ ခိရမေ၀ ပ၀ိသတိ န သုရာ ယထာကိံ ကောဉ္ဖသကုဏာနံ ခိရ မိဿကေ ဥဒကေ ခီရမေ၀ ပ၀ိသတိ န ဥဒကံ ဣဒံ ယော န သိဒ္ဓန္တိစေ၊ ဣဒံ ဓမ္မတာ သိဒ္ဓန္တိ စ ဝေဒိတဗ္ဗံ-ဟု မိန့်ဆိုသည်။

အဓိပ္ပါယ်မှာ ကြိုးကြာငှက်တို့ကို နို့နှင့်ရေ ရော၍ တိုက်လျှင် နို့သာဝင်၍ ရေ မ၀င်ပါ။ ဤသည်မှာ အမျိုးဇာတ်၏ ပြီးစီးခြင်းဖြစ်၍ သောတာပန်ပုဂ္ဂိုလ်ကို အရက်နှင့်နို့ရည်ကို ရော၍ တိုက်သည်ရှိသော် နို့ရည်သာဝင်၍ အရက်မ၀င်ပါ။ ဤသည်မှာလည်း ဓမ္မတာ (တရားသဘော) ၏ ပြီးစီးခြင်းပင် ဖြစ်သည်ဟု ဆိုပေသည်။ အရိုင်းစိုင်းဆုံး အရက်နှင့် အယဉ်ကျေးဆုံး အရိယာတရားတော်တို့ ဆန့်ကျင်ပုံကို ဥပမာပြ၍ ဖွင့်ဆိုခြင်းပင် ဖြစ်ကြောင်း မှတ်သားရာ၏။
********************************************************************************

(မေး) ( ပါရာဇိကကျလျှင်)
အရှင်ဘုရား၊ ရဟန်းများသည် မေထုန်နှင့် ပတ်သက်၍ ပါရာဇိကကျပြီးလျက် ရဟန်းဝတ်နှင့် ဆက်နေလျှင် အပြစ်ပိုကြီးပါသလား။ သို့မဟုတ်-လူထွက်လိုက်ပါက ယခုဘ၀ရော နောင်ဘ၀များပါ အပြစ် ရှိ-မရှိ၊ ငရဲ ကျနိုင်-မကျနိုင် သိလိုပါသည်။ လူမထွက်ဘဲ နေလျှင်သော်၎င်း၊ လူထွက်လျှင်သော်၎င်း အဘယ်အရာက ကောင်းသည်-မကောင်းသည်ကို ကရုဏာ ရှေ့ထား၍ ဖြေကြားတော်မူပါဘုရား။
(သိလိုသူ-စစ်ကိုင်းမြို့)

(ဖြေ)
ရဟန်းတပါးပါးသည် ပါရာဇိကကျလျှင် ရဟန်းဘ၀မှ ဆုံးရှုံးသွားပြီ ဖြစ်သည်။ ထို့ကြောင့် ရဟန်းဝတ်ဖြင့် မနေရတော့ဘဲ လူထွက်နေရပါသည်။ ထို့နောက်မှ သာသနာတွင် နေလိုလျှင် ဆရာရဟန်းထံ သရဏဂုံ တောင်းခံ၍ ရှင်သာမဏေအဖြစ်ဖြင့် နေနိုင်သည်။ ရဟန်းဘ၀ကိုကား လုံးဝရနိုင်ခွင့် မရှိတော့ပါ။ လူမထွက်ဘဲ ပေ၍ နေသော်လည်း ရဟန်းကောင်း မဖြစ်နိုင်တော့ပါ။ ထိုရဟန်းသည် အပြစ်ကြီးလွန်းလှပြီး တမလွန်ဘ၀၌ အပါယ်လေးပါးသာလျှင် လားရာရှိတော့သည်။

ထို့ကြောင့် ပါရာဇိကကျလျှင် လူထွက်ခြင်းသည်သာ အပြစ်မှ ကုစားရာရောက်သဖြင့် လူထွက်၍ အဖြစ်နိုင်ဆုံး သာမဏေဘ၀ဖြင့် အားထုတ်နေထိုင်သင့်ကြပါသည်။ သာမဏေဘ၀ကိုလည်း ပါရာဇိကကျသည့်ရဟန်းဘ၀မှ တိုက်ရိုက် မကူးနိုင်ပါ။ လူဝတ်လဲပြီးမှ သရဏဂုံသီလ ထပ်မံ တောင်းခံ၍ သာမဏေ၀တ်သင့်သည်ကို သတိပြုသင့်ပါသည်။
********************************************************************************

(မေး) ( ၀ါသ်ဆောက်တည်မှု)
အရှင်ဘုရား၊ သံဃာတော်များ ၀ါသ်ဆောက်တည်နေစဉ် ကာလအတွင်း၌ အခြားကျောင်းတကျောင်းမှ ပဋ္ဌာန်းရွတ်ဖတ်ပူဇော်သံ သဲ့သဲ့မျှကြားရုံဖြင့် ပျက်သည်ဆိုသည်မှာ ဟုတ်ပါသလား။ မည်သို့သော အကြောင်းအရာများသည် ၀ါသ်ဆောက်တည်နေခြင်းကို ပျက်စေပါသနည်း ဖြေကြားတော်မူပါဘုရား။
(မဆွေကလျာ-ကူမဲမြို့)

(ဖြေ)
ဝါသ်ဆောက်တည်နေသော သံဃာများသည် ၀ါသ်ဆောက်တည်နေဆဲကာလ (ပရိဝါသ် ဆောက်တည်နေချိန်၊ မာနတ်ဆောက်တည် ကျင့်သုံးနေချိန် ) အတွင်း အခြားသံဃာတပါးပါး၏ အဆင်း၊ အသံ တို့ကို မြင်ရ ကြားရလျှင် မြင်ရာ ကြားရာသို့ သွားရောက်၍ ၀ါသ်ကို လျှောက်ထားရသည်။ နှုတ်မြွက်သံ မဟုတ်၊ ခြေသံ၊ ထီးဖွင့်သံ၊ ဖိနပ်သံများကို ကြားလျှင်လည်း ထို့အတူပင် ဖြစ်ပါသည်။ ထို့ကြောင့် ကျောင်းတကျောင်း နေရာတနေရာ၌ ၀ါသ်ဆောက်တည်နေလျှင် ထိုကဲ့သို့ အသံများ မကြားရအောင် ကြိုတင်၍ လျှောက်ကြားထားရန် လိုအပ်ပါသည်။
********************************************************************************

(မေး) ( တဏှင်္ကရာဘုရား၏ မိဖုရားအမည်)
အရှင်ဘုရား၊ တပည့်တော်တို့ဆီမှ အဘိုးတဦးက သာရမဏ္ဍကမ္ဘာမှာပွင့်တဲ့ တဏှင်္ကရာမြတ်စွာဘုရား၏ အလောင်းတော်ဘ၀က ကြင်ဖက်တော်ကို ဖြေဆိုနိုင်လျှင် ဆုချမည်ဟု ဆုငွေထုတ်ထားပါသည်ဘုရား။ ထို့ပြင် တဏှင်္ကရာဘုရားကို လူပျိုဘုရားဟုလည်း ထိုအဘိုးက ဆိုထားပါသည်။ ကျမ်းနှင့် စာမျက်နှာပါ ထောက်ပြ၍ ဖြေကြားပေးတော်မူပါဘုရား။
(ရှင်သုမန-လှည်းတန်း၊ မုံရွာမြို့)

(ဖြေ)
ဗုဒ္ဓ၀င်တွင် ဂေါတမမြတ်စွာဘုရား ဗျာဒိတ်ခံယူခဲ့သောဘုရားမှစ၍ သာရမဏ္ဍကမ္ဘာတွင် ပွင့်သည့်ဘုရားလေးဆူ အထိ နောက်ဆုံးဖြစ်သောဘုရားမှာ ဒီပင်္ကရာမြတ်စွာဘုရား ဖြစ်ပါသည်။ ထို့ကြောင့်ပင် ဗုဒ္ဓ၀င်၌ ဒီပင်္ကရာဘုရားမှစ၍ ဟောထားပါသည်။ ဒီပင်္ကရာမြတ်စွာဘုရားမှအစ ဂေါတမမြတ်စွာဘုရား အဆုံး နှစ်ဆယ့်လေးဆူသော မြတ်စွာဘုရားတို့၏ ဗောဓိပင်၊ အသက်တော်၊ အမိအဖ၊ ဇနီးကြင်ယာ၊ သားတော်၊ လက်ဝဲရံ၊ လက်ယာရံ၊ သာဝက၊ သာဝိကာ၊ စသည်တို့ကို အပြည့်အစုံ ဟောထားပါသည်။

ဒီပင်္ကရာ၏ ရှေး တဏှင်္ကရာ၊ မေဓင်္ကရာ၊ သရဏင်္ကရာ ဘုရားသုံးဆူတို့၏ ဆိုင်ရာတို့ကို မဟောခဲ့ပါ။ ထို့ကြောင့် ထိုဘုရားဆိုင်ရာ ဇနီးကြင်ယာ၊ သားတော်၊ လက်ဝဲရံ လက်ယာရံတော် စသည်တို့ကို မသိနိုင်ပါ။ သို့သော် မြတ်စွာဘုရားတိုင်းပင် ဇနီးကြင်ယာနှင့် သားတော်များ ရှိကြပါသည်။ ဘုရားတိုင်းပင် ပဉ္စပရိစ္စာဂဖြစ်သော ဇနီး၊ သား သမီး၊ တိုင်းကြီး၊ ဥစ္စရတနာတို့ကို စွန့်၍ တောထွက်ကြရမြဲ ဖြစ်သဖြင့် လူပျိုဘုရားဟူ၍ မရှိပါ။ ထို့ကြောင့် ဗောဓိကုက္ကို ညောင်ထိုထို လူပျိုဘုရား မရှိငြား-ဟု ရှေးဆရာတို့ ဆိုထားကြပါသည်။
********************************************************************************

(မေး) ( လူပုဂ္ဂိုလ်နှင့် ဥဒ္ဒိဿမံသ)
အရှင်ဘုရား၊ တပည့်တော် မိတ်ဆွေတဦးထံ အလည်သွားရာ ထိုမိတ်ဆွေက ကြက်သားဟင်းဖြင့် ထမင်းကျွေးပါသည်။ သူက ရဲရဲသာစား သူငယ်ချင်း၊ ကြက်သားက ပံ့သကူသား ဖြစ်တယ်။ အပြစ်ကင်းပါတယ်ဟု ပြောပါသည်။ ရည်ရွယ်၍ သတ်သော အသား မဟုတ်ဟု ဆိုလိုကြောင်း နားလည်ပါသည်။ ထိုနှင့်စပ်၍ တပည့်တော်တို့ လူပုဂ္ဂိုလ်များကို ရည်၍ သတ်သောအသားကို စားလျှင် အပြစ်ရှိပါသလား။ ရဟန်းများတော့ မစားကောင်းဟု ကြားဖူးပါသည်။ ဖြေကြားပေးတော်မူပါဘုရား။
(ဦးကောင်းမြတ်-ပဲခူး)

(ဖြေ)
ရဟန်းတို့၌ ဥဒ္ဒိဿမံသ ခေါ် ရည်၍ သတ်သောအသားကို သိလျက်၊ မြင်လျက်၊ ယုံမှားလျက် စားလျှင် အပြစ်ရှိသည်။ ဥဒ္ဒိဿမံသ ဆိုသည်မှာ မိမိအတွက် ရည်ရွယ်သတ်သောအသားမျိုး ဖြစ်သည်။ ရဟန်းတော်များအဖို့ ထိုအသားကို မိမိအတွက် ရည်ရွယ်၍သတ်ကြောင်း သိလျှင်၊ မြင်လျှင်၊ ကြားသိလျှင်၊ ယုံမှားသံသယရှိလျှင် မစားရပေ။ စားလျှင် ၀ိနည်းတော်အရ အာပတ်သင့်တော့သည်။

လူပုဂ္ဂိုလ်များ၌ကား ထိုကဲ့သို့ ဥဒ္ဒိဿမံသအတွက် အပြစ်မရှိပေ။ မိမိကိုယ်တိုင် သတ်ခြင်း၊ သတ်မည်ဆိုသည်ကို သဘောတူခြင်း၊ သတ်ရန် တိုက်တွန်းခြင်း၊ နှိုးဆော်ခြင်း၊ အရိပ်အမြွက်ပြခြင်းမျိုးကိုသာ မလုပ်သင့်ပေ။ ၄င်းမှလွတ်လျှင်ကား မိမိအတွက် သတ်သည်ဟု မြင်ကြားသင်္ကာ ရှိစေကာမူ စား၍ အပြစ်မရှိပါ။

ဒုကနိပါတ် ဗာလောဝါဒဇာတ် (ဇာ-ဋ္ဌ ၂-၂၃၉ ) တွင် ဘုရားလောင်းရသေ့အား စွပ်စွဲလိုသော သူဌေးတဦးက ဆွမ်းကပ်သည်။ ဆွမ်းကပ်ပြီးနောက် ယခု သင်စားသောအစားသည် သင့်အတွက် ငါကိုယ်တိုင်သတ်၍ ချက်အပ်သော ဥဒ္ဒိဿမံသ ဖြစ်သည်။ သင်သည် ထိုအသားကို စားသောကြောင့် အပြစ်ရှိသည်မဟုတ်လောဟု ဆိုသည်။ ထိုအခါ ဘုရားလောင်းက ပုတ္တဒါရမ္ပိ စေ ဟန္တာ-ဟူသော ဂါထာဖြင့် သီလမရှိသောသူသည် သားမယားကိုသော်လည် သတ်၍ (ထိုအသားဖြင့်) အလှူပေးငြားအံ့၊ ခန္တီ မေတ္တာ စသည်နှင့် ပြည့်စုံသော သူသည် ထိုကိုရည်၍ သတ်သောအသားကို သိ၊ ကြား၊ ယုံမှားလျက် စားပင် စားငြားသော်လည်း မကောင်းမှုသည် လိမ်းကျံကပ်ငြိခြင်း မရှိပေ-ဟု ဟောတော်မူထားလေသည်။ ထို့ကြောင့် လူတို့အဖို့ ဥဒ္ဒိဿမံသ (ရည်၍ သတ်သောအသား) ကို သိ၊ ကြား၊ ယုံမှားလျက် စားပင်စားသော်လည်း အပြစ်မရှိဟု မှတ်သားသင့်ပေသည်။

( မြတ်မင်္ဂလာ ၂၀၀၂-ခု ဇွန်လ)

1 comment:

htoo said...

ဘာသာရေး အသိတိုးပွားစေပါတယ် မေးတဲ့သူကိုလည်းချီးကျူးပါတယ်
ဖြေတဲ့ဆရာတော်ကိုလည်း လေးစားကြည်ညိုပါတယ်