Friday, February 19, 2010

ဘာသာရေး ပြဿနာ ( ၅ )

( ဘဒ္ဒန္တ ၀ါယမသာရ ဖြေသည်)

(မေး) (သံဃာတော်နှင့် စူဠသောတာပန်)
အရှင်ဘုရား၊ ၅-ပါးသီလလုံခြုံအောင် စောင့်ထိန်းနိုင်လျှင် စူဠသောတာပန် ဖြစ်သည်ဟု ကြားဖူးပါသည်။ ရဟန်းနှင့် ရှင်သာမဏေများသည် ၅-ပါးသီလထက် အဆပေါင်းများစွာ ပိုလွန်သောသီလများ စောင့်ထိန်းသည့်အတွက် ယခုခေတ် ရဟန်းသာမဏေများ စူဠသောတာပန်အဆင့် ရှိနိုင်ပါသလား၊ သိလွယ်မှတ်လွယ်အောင် ဖြေကြားပေးတော်မူပါဘုရား။
( ခင်မောင်တင်-မော်လမြိုင်)

(ဖြေ)
ငါးပါးသီလ လုံခြုံလျှင် အပါယ်ငရဲသို့ မရောက်နိုင်ပါ။ သောတာပန်ပုဂ္ဂိုလ်လည်း အပါယ်သို့ မလားမရောက်တော့ပါ။ ထို့ကြောင့် ငါးပါးသီလမြဲသူကို သောတာပန်နှင့် အလားတူသော ပုဂ္ဂိုလ်အဖြစ် သတ်မှတ်ခြင်း ဖြစ်ပါသည်။ တကယ့်သောတာပန် မဟုတ်ပါ။

သီလအကျင့်နှင့် သမထ၀ိပဿနာ ဘာဝနာအကျင့် မတူပါ။ အမျိုးအစား ကျင့်ကြံပုံခြင်း မတူပါ။ သီလအကျင့်က ကာယကံနှင့် ၀စီကံ မကောင်းမှုများကို ပယ်ခြင်းဖြစ်သည်။ သမထ၀ိပဿနာ ဘာဝနာအကျင့်များက စိတ်ကိုထိန်းသိမ်းခြင်း၊ မနောကံ မကောင်းမှုများကို ပယ်သတ်၍ ရုပ်နာမ်တို့၏ ဖြစ်ပျက်အမှန်ကို သိအောင် ကြိုးစားရှုမှတ်ခြင်းဖြစ်သည်။ သီလလုံခြုံရုံဖြင့် သောတာပန် မဖြစ်ပါ။ သမထ ၀ိပဿနာ ဘာဝနာအကျင့်များကို ကျင့်ကြံမှ သောတာပန်ဖြစ်ပါမည်။ သို့သော် သီလ မလုံခြုံဘဲ သမထ ၀ိပဿနာ ကျင့်ရုံမျှဖြင့်လည်း သောတာပန် မဖြစ်နိုင်ပါ။ နှစ်မျိုးလုံးစုံမှ သောတာပန်စသည် ဖြစ်နိုင်ပါမည်။
********************************************************************************

(မေး) (နှစ်ထပ်ကျောင်းဆောင်နှင့် ပိဋကတ်စာကြည့်တိုက်)
အရှင်ဘုရား၊ နှစ်ထပ်ကျောင်းဆောင်တွင် အောက်ထပ်၌ ပိဋကတ်ဆိုင်ရာ စာကြည့်တိုက် ဖွင့်လှစ်ပြီး၊ အပေါ်ထပ်တွင် သံဃာများ သီတင်းသုံးပါမည်။ ပိဋကတ်စာကြည့်တိုက်မှာ အောက်ထပ်ဖြစ်နေ၍ အပ်-မအပ် ဖြေကြားပေးတော်မူပါဘုရား။
( မချို-ကြည့်မြင်တိုင်)

(ဖြေ)
တထပ်စီ သီးခြားဖြစ်နေသောကြောင့် မအပ် မရှိ၊ အပ်ပါသည်။ မရိုမသေစိတ်ဖြင့် ပြုလုပ်နေခြင်း မဟုတ်လျှင် အပြစ်မရှိပါ။ သို့သော် ဖြစ်နိုင်ပါက ပိဋကတ်စာကြည့်တိုက်ကို အပေါ်ထပ်မှာ ပြုလုပ်လျှင် သံသယစိတ်များလည်း ကင်းရှင်းပြီး အထွတ်အမြတ် ပူဇော်ရာလည်း ရောက်ပါလိမ့်မည်။
********************************************************************************

(မေး) (ညောင်ရေအိုး အစား ပန်းအိုးထား)
အရှင်ဘုရား၊ ဘုရားဆောင်တွင် ညောင်ရေအိုးအစား အလှပန်းအိုး ထား၍ ရပါသလား၊ အပြစ် ရှိ-မရှိ သိလိုပါသည်ဘုရား။
( အီးကြည်စန်းကား-၀ိုင်းမော်မြို့)

(ဖြေ)
တင့်တယ်သပ္ပါယ်အောင် ပူဇော်ခြင်းဖြစ်၍ ထားကောင်းပါသည်။ အပြစ်မရှိပါ။ ပန်းအတုကို ပူဇော်လှူဒါန်းခြင်းထက် ပန်းအစစ်ကို ပူဇော်လှူဒါန်းခြင်းက ပို၍ ကြည်နူးဖွယ်၊ နှစ်သက်ဖွ.ယ် ဖြစ်ပါလိမ့်မည်။
*********************************************************************************

(မေး) (ငွေတိုးပေးစားခြင်း အပြစ် ရှိ-မရှိ)
(၁) အရှင်ဘုရား၊ ငွေအတိုးပေးတာ ၅-ပါးသီလ ပျက်ပါသလား၊ ထို့ပြင် သမ္မာအာဇီဝ ဖြစ်ပါသလားဘုရား၊ ရိုသေစွာ မေးမြန်းလျှောက်ထားပါသည်ဘုရား။ (ဒေါ်ရိမ်-တောင်ဖလုရွာ၊ သံဖြူဇရပ်)
(၂)စီးပွားရေးလုပ်ငန်းအဖြစ် ငွေတိုးယူပြီး ကြီးပွားစေရန် လုပ်ကိုင်စားသောက်ခြင်းသည် အပြစ်ရှိ-မရှိ ဖြေကြားပေးတော်မူပါဘုရား။ (စွမ်းရည်ပြည့်သူ၊ မြသီတာဈေး-ရေးမြို့)

(ဖြေ)
(၁) အစိုးရသတ်မှတ်သည့် အတိုးနှုန်း၊ အခြား သင့်တော်သည့် အတိုးနှုန်း၊ နှစ်ဦးနှစ်ဖက် မျှတသည့် အတိုးနှုတ်းများသည် သမ္မာလောဘသာဖြစ်၍ ၅-ပါးသီလလည်း မပျက်၊ သမ္မာအာဇီဝလည်း ဖြစ်ပါသည်။
(၂) အတိုးနှုန်း ကြီးမားစွာ ယူလျှင်ကား ၀ိသမလောဘဖြစ်၍ အပြစ်သင့်နိုင်ပါသည်။ ဘုရားရှင်က (သမဇီဝိတာ=ပတ်ဝန်းကျင်နှင့် မျှတစွာ အသက်မွေးရမည်)၊ အတိုးနှုန်း ကြီးကြီးယူ၍ ငါချမ်းသာရေးသာ ကြိုးပမ်းလျှင် လောကကြီး မကြာခင် ပျက်စီးသွားပါမည်။ မျှတဖို့ အလွန်လိုအပ်ပါသည်။ မမျှတလျှင် အပြစ်ရှိပါသည်။
(အတိုးပေးစားခြင်းကြောင့် သီလပျက်၏။ သမ္မာအာဇီဝ မဖြစ်ဟုတော့ တိုက်ရိုက်ဟောကြားချက် မရှိပါ)။
********************************************************************************

(မေး) ( ဘာသာရေး အခမ်းအနား)
အရှင်ဘုရား၊ အချို့ ဘာသာရေး အခမ်းအနားများ၌ အခမ်းအနားမှူးက-
( ...............) လူကြီးမင်းက သီလရှင်ဆရာကြီးအား လှူဖွယ်ဝတ္ထုများ ဆက်ကပ်လှူဒါန်းပေးပါရန် လေးစားစွာ ပန်ကြားအပ်ပါသည် ခင်ဗျား-ဟု ပြောကြပါသည်။ မှန်ပါသလား၊ မှားသလား-ဟု မဝေခွဲတတ်၍ ဖြေကြားပေးတော်မူပါဘုရား။
(မရှီကတောင် ဂေါပကအဖွဲ့၊ ဖားကန့်မြို့)

(ဖြေ)
သီလရှင်များသည် ဘိက္ခုနီ (ရဟန်းအမျိုးသမီး) များ၏ ကိုယ်ပွား ကိုယ်စား အဖြစ် ဘိက္ခုနီနွယ်ဝင်၊ ဘိက္ခုနီအသွင်ကို ဆောင်ထားသူများ ဖြစ်ပါသည်။
ထို့ကြောင့် သီလရှင်များကို ဆက်ကပ်လှူဒါန်းပေးပါရန်-စသော အသုံးအနှုန်းများကို ပြောဆို သုံးနှုန်းခြင်းသည် မှန်ကန်ပါသည်။ သုံးကောင်းပါသည်။
********************************************************************************

(မေး) (ကာမေသုမိစ္ဆာစာရကံ ထိုက်-မထိုက်)
အရှင်ဘုရား၊ (၁) အိမ်ထောင်ရှိ အမျိုးသား တဦးနှင့် အိမ်ထောင်ရှိ အမျိုးသမီးတဦးတို့သည် ပိုင်ရှင်ရှိလျက်နှင့် ရုပ်ရှင်ထဲမှ အချစ်ဇာတ်လမ်းများနည်းတူ ဆိတ်ကွယ်ရာ၌ ချစ်ကြိုက်နေကြပါလျှင် ကာမေသုမိစ္ဆာစာရကံ ထိုက်ပါသလား ဘုရား။ (ဧ၀ရဇ်-ရေးမြို့)
(၂) အိမ်ထောင်ရှိပြီးသား အမျိုးသားနှင့် အမျိုးသမီးတို့သည် ငြိတွယ်မိကြပြီး ဖုန်းဆက်၊ စာရေး၊ လူချင်းလည်း တွေ့ကြပြီး လက်ဆောင်များလည်း ပေးကြပါသည်။ လွန်လွန်ကျူးကျူးတော့ မရှိပါ။ ထိုသူ ၂-ဦးတို့ ကာမေသုမိစ္ဆာစာရကံ ထိုက်ပါသလား။ ၄င်းတို့ ၂-ဦး ဆက်သွယ်နိုင်အောင် အကူအညီပေးသူများရော အပြစ် ရှိပါသလားဘုရား။ ဖြေကြားပေးတော်မူပါဘုရား။
( မသက်စု၊ ဗိုလ်ချုပ်လမ်း၊ ဟင်္သာတ)

(ဖြေ)
ကာမေသုမိစ္ဆာစာရကံ ထိုက်ဖို့ရန် အင်္ဂါ ၄-ချက် စုံရပါမည်။
၁။ မေထုန်အမှု မလွန်ကျူး၊ မသွားလာထိုက်သောသူများ ဖြစ်ရမည်။
၂။ မေထုန်အမှု မှီဝဲကျူးလွန်လိုသောစိတ်လည်း ရှိရမည်။
၃။ မေထုန်အမှု ကျူးလွန်ရန် လုံ့လအားထုတ်ခြင်းလည်း ရှိရမည်။
၎။ အမျိုသား+အမျိုးသမီး ၂-ဦးတို့ စပ်ယှက်ခြင်း သာယာမှုလည်း ရှိရမည်။
ဤ ၄-ချက်နှင့် ပြည့်စုံလျှင် ကာမေသုမိစ္ဆာစာရကံ ထိုက်ပါသည်။

ဧ၀ရဇ်၏စာ၌ အိမ်ထောင်ရှိပြီးသားများ ဖြစ်၍ မကျူးလွန်ထိုက်သူများ ဖြစ်သည်။ ရုပ်ရှင်ထဲကလို ချစ်ကြိုက်နေ၍ နံပါတ် ၂၊ ၃ အင်္ဂါများလည်း ညီညွတ်နေမည်။
နံပါတ် ၄-အနေဖြင့် မေထုန်အမှုကို အောင်အောင်မြင်မြင် ကျူးလွန်ကြလျှင် ကာမေသုမိစ္ဆာစာရကံ ထိုက်ပါမည်။
ကာမေသုမိစ္ဆြာစာရကံ ထိုက်ခြင်းမှာ နံပါတ် ၁-၄ အင်္ဂါများသာ လိုရင်းဖြစ်ပါသည်။

နံပါတ် ၄-အင်္ဂါအဖြစ် မေထုန်အမှုကို အောင်အောင်မြင်မြင် မကျူးလွန်ကြသော်လည်း မေထုန်ငယ်များအဖြစ် တဦးနှင့်တဦး ပွေ့ဖက် ပွတ်သပ် သာယာခြင်း၊ တခစ်ခစ် ရယ်မော၍ ကိုယ်လက် ထိပါးပြက်ရယ် ရွှင်မြူးကစားခြင်း၊ မျက်စိဖြင့် တစိမ့်စိမ့်ကြည့်၍ သာယာခြင်း၊ အပြန်အလှန် သာယာဖွယ်အသံလေးများ ပြောဆိုနားထောင်နေရသည်ကို သာယာခြင်း၊ ရှေးက ချစ်ရည်လူး၍ ချစ်တင်းနှောခဲ့သည်များကို ပြန်တွေး၍ တစိမ့်စိမ့် ကြည်နူးနေခြင်း၊ ချစ်ရည်လူး၍ ချစ်တင်းနှောနေသော စုံတွဲများကိုကြည့်၍ သာယာနေခြင်း တို့သည်လည်း မေထုန်ငယ်များဖြစ်၍ ဆိုင်ရာဆိုင်ရာ အပြစ်ကြီးငယ်အလိုက် အပြစ်ရှိသည်သာ ဖြစ်ပါသည်။ မေထုန်ငယ်များမှာ အပါယ်ငရဲသို့ ပို့စေနိုင်သော ကာမေသုမိစ္ဆာစာရကံ အဖြစ်သို့ကား မရောက်ပါ။

ဒုစရိုက်ကို ကူညီအားပေးလျှင် ကိုယ်တိုင် တိုက်တွက်၊ ချီးမွမ်း စိတ်တူ-ဆိုသည့်အတိုင်း ကိုယ်တိုင်ပြုသလောက် အပြစ်မကြီးသော်လည်း တိုက်တွန်းခြင်း၊ ချီးမွမ်းခြင်း၊ အလိုတူအလိုပါ ဖြစ်ခြင်းတို့အတွက် ထိုက်သင့်သောအပြစ် ကျရောက်မည် ဧကန်ဖြစ်ပါသည်။

( မြတ်မင်္ဂလာ ၂၀၀၄-ဇွန်လ)

No comments: