Monday, February 8, 2010

မရိုးနိုင်သည့် အိမ်သုံးဆေးမြီးတိုများ

အိမ်သုံးဆေးများသည် မိရိုးဖလာ အစဉ်အလာအရ သားစဉ်မြေးဆက် လက်ကမ်းယူခဲ့ရသည်မှာ ယနေ့တိုင်ဖြစ်ပါသည်။ ကျွန်မတို့ အဘိုးအဘွားများ၏ ၉၆-ပါးရောဂါပျောက်သော ဆေးများလည်း ထင်ရှားကျော်ကြားကာ ယနေ့တိုင် သုံးနေကြဆဲပင်။ သည့်အပြင် ယင်းအိမ်သုံးဆေးများမှာ အကုန်အကျ စရိတ်စကမရှိဘဲ တခြားလည်း သွားရှာစရာမလိုဘဲ အိမ်တွင်းမှာပင်ရှိနေသော နေ့စဉ်သုံးစွဲ တွေ့ထိလျက်ရှိသည့် အရာများသာ ဖြစ်ပါသည်။ လက်တွေ့အားဖြင့်လည်း ယင်းအိမ်သုံးဆေးများသည် အံ့သြဖွယ်ကောင်းလောက် အောင် အမှန်တကယ် ထိရောက်ကြောင်း တွေ့ရှိရပါသည်။ ဈေးနှုန်းလည်း သက်သာ၊ လွယ်လင့်တကူလည်း ရပြီး အကုန်အကျမရှိသလောက်ဖြစ်သော ဆေးမြီးတိုများ ဖြစ်ပါသည်။ မိခင် သဘာဝတရားက လူသားအားလုံးကို စောင့်ရှောက်လျက်ရှိပါသည်။

( သည်းခြေအိတ်ကျောက်အတွက် ကုသသည့် ဆေးမြီးတို)
Dulwish Health Society မှ ပြဋ္ဌာန်းထားသည့် သည်းခြေအိတ်ကျောက်တည်ရောဂါအတွက် ကုသနည်းမှာ အောက်ပါအတိုင်း ဖြစ်ပါသည်။
၁။ လတ်ဆတ်သော ပန်းသီးဖျော်ရည် နှစ်လီတာ (2 Liters) ကို ငါးရက်တိတိ ဆက်၍သောက်သုံးပါ။
ဤသို့ သောက်သုံးခြင်းဖြင့် သည်းခြေအိတ်တွင်ရှိသော ကျောက်များကို ပျော့ပျောင်းလာစေလိမ့်မည်-ဟု ဆိုပါသည်။
၂။ ဆဋ္ဌမမြောက်နေ့တွင် ညနေစာ မစားပါနဲ့။
၃။ ယင်းနေ့ ည ၉း၀၀ နာရီတွင် ဆားခါးကို စားပွဲဇွန်းကြီးတဇွန်း သို့မဟုတ်-နှစ်ဇွန်း ရေနွေးနှင့်ဆတူ ရောပြီး သောက်ပါ။
၎။ အအေးခံထားသော သံလွင်ဆီစစ်စစ် စားပွဲဇွန်းကြီး လေးဇွန်းနှင့် ထုံးရည်စစ်စစ် စားပွဲဇွန်းကြီးနှစ်ဇွန်းကို ကော်ဖီပန်းကန်ထဲတွင် ထည့်၍လှုပ်ပြီး ပန်းကန်တ၀က်ကုန်အောင် သောက်ပါ။
၅။ အိပ်ရာချက်ချင်းဝင်ပါ။ ဒူးခေါင်းကို မေးစေ့နားရောက်သည်အထိ ကွေးနိုင်သလောက်ကွေးပြီး ညာဘက်သို့စောင်းအိပ်ပါ။
၆။ ယင်းအနေအထားအတိုင်း မိနစ် ၃၀-ခန့် စိတ်ရှည်စွာ နေပါ။
၇။ ဆားခါးရည်ကို လိုအပ်လျှင် တခွက်ထပ်၍ သောက်ပါ။ အနားတွင် အဖော်တယောက်ရှိပါစေ။ နောက်တနေ့တွင် သည်းခြေအိတ်မှ ကျောက်တုံးကျောက်ခဲတို့သည် အစိမ်းရောင်များ အတုံးအခဲပျော့များအဖြစ် ၀မ်းထဲ၌ ပါသွားကြောင်း တွေ့ရပါလိမ့်မည်။ လက်မအရွယ်ခန့် သည်းခြေကျောက်များ ကြေသွားသဖြင့် ဝေဒနာပျောက်ကင်းသွားကြောင်း တွေ့ရပါလိမ့်မည်။

( ကျောက်ကပ်ကျောက် ချေဖျက်သော ဆေးမြီးတို)
ကျောက်ကပ်ထဲတွင် ကျောက်တည်ပြီဆိုလျှင် နာကျင်သော ဝေဒနာ အတော်လေး ခံစားရပါသည်။ ယင်းကျောက်ရှိနေသဖြင့် မကြာခဏဖျားခြင်း၊ ဆီးထဲ သွေူးပါခြင်း စသည်များကိုလည်း တွဲဖက်ခံစားရပါသည်။ ရေများများမသောက်၍ ကျောက်တည်ရခြင်း ဖြစ်သည်။ ထို့ပြင် ကယ်လ်စီယမ်ဓာတ်နည်း၍ ဖြစ်သည်ဟုဆိုပါ သည်။ ခန္ဓာကိုယ်တွင်း၌ ကယ်လ်စီယမ်ဓာတ် နည်းပါးလားခြင်းကြောင့် ကျောက်ကပ်မှ ကယ်လ်စီယမ်ဓာတ် များကို တတ်နိုင်သလောက် ပြန်၍စုပ်ယူထိန်းသိမ်းပေးရပါသည်။ ဤသို့ ပြုလုပ်ရသဖြင့် ကယ်လ်စီယမ်မှာ ကျောက်ကပ်နှင့် ဆီးအိမ်တွင် အနည်ထိုင်ပြီး မာကျောသော ကယ်လ်စီယမ်ဆီးကျောက်များ ဖြစ်ရသည်ဟု ဆိုပါသည်။ ယင်းကျောက်ကပ် ကျောက်တည်ခြင်းကို ဆေးသိပ္ပံနည်းအရ ခွဲစိတ်၍သော်လည်းကောင်း၊ အသံလှိုင်းဖြင့် ချေဖျက်ခြင်း (Lithoscopy)ဖြင့်သော်လည်းကောင်း ကုသကြရပါသည်။ ယင်းကုသနည်းများမှာ အန္တရာယ်လည်းများ၊ ကုန်ကျစရိတ်လည်း အလွန်များပြားလှပါသည်။ ခွဲစိတ်ရသည့် အန္တရာယ်လည်း ရှိပါသည်။ အသံလှိုင်းနှင့် ကုသရာမှာလည်း စရိတ်စက ကြီးလှပါသည်။ သက်သောင့်သက်သာလည်း မရှိလှပါ။ ထို့ကြောင့် အကုန်အကျသက်သာပြီး သက်သောင့်သက်သာ ရှိမည့် ဆေးမြီးတိုလေးကို သုံးကြည့်ကြပါစို့။

၁။ ဖရဲသီးဖျော်ရည် များများ သောက်ပေးပါ။ တနေ့လျှင် နှစ်လီတာနှုန်းဖြင့် သောက်ပါ။ ဖရဲသီး အနီဖြစ်စေ၊ အ၀ါဖြစ်စေ၊ ဆေးဖက်ဝင်ပါသည်။ ဖရဲသီးဖျော်ရည်သည် ကျောက်ကပ်မှ ကျောက်များကို ချေဖျက်နိုင်ပါသည်။
၂။ ဆီးကျောက်ကပ်အတွင်းရှိ အတွင်းကြွက်သားများ ပျော့ပျောင်းလာစေမည့် ဆေးဖက်ဝင်ဖော်မြူလာ ရှိပါသည်။ ဆေးဖက်ဆိုင်ရာကျွမ်းကျင်သူ (Pharmacist) များနှင့် တိုင်ပင်၍ ယင်းဖော်မြူလာအတိုင်း သောက်ပါ။ ဆီးကျောက်တည်ခြင်းကြောင့် နာကျင်ခြင်းများ သက်သာလာပါလိမ့်မည်။
၃။ ဆီးများများသွားစေရန် သုံးသော မလေးရှားနိုင်ငံမှ ဆေးဖက်ဝင် ရိုးရာဆေးတမျိုးဖြစ်သည့် မီဆိုင်ကူချင် (Misai Kuching) ကို သောက်ပါ။ ကျောက်ကပ်နှင့် ဆီးအိမ်တွင်းရှိ ကျောက်များ ကြေသွားပါလိမ့်မည်။ မီဆိုင်ကူချင်အရွက်များနှင့် အပွင့်များကို ရေနွေးတွင် လက်ဖက်ခြောက်သဖွယ် ခတ်၍သောက်ပါ။ ယခုအခါများတွင် မီဆိုင်ကူချင်ကို ဆေးအတောင့်အနေနှင့်လည်း ၀ယ်ယူရရှိနိုင်ပါသည်။ ရက်သတ္တ နှစ်ပတ်အတွင်း ဆီးအိမ်နှင့် ကျောက်ကပ်ထဲမှ ကျောက်များ ကြေ၍ ကျလာပါလိမ့်မည်။

(အစာအိမ် ရောင်ရမ်းခြင်း ကုသနည်း)
အစာအိမ်ရောင်ရမ်းခြင်းအတွက် အာလူးအစိမ်းနှင့် ပျားရည် သုံးရပါမည်။ ဆေးဖော်စပ်ပုံမှာ အောက်ပါအတိုင်း ဖြစ်ပါသည်။
၁။ အာလူးသီးအစိမ်းရည် တဖန်ခွက်ဖြစ်အောင် ပြင်ဆင်ပါ။ မာနေသော အာလူးအဖတ်များကို အရည်ကြည်သာကျန်သည်အထိ ထုတ်ပစ်ပါ။
၂။ ယင်းအာလူးသီးအရည်ထဲသို့ ပျားရည်စစ်စစ် လက်ဖက်ရည် တဇွန်းခန့် ထည့်ပါ။ ပျားရည်သည် အနာများ ကျက်စေသော အစွမ်းသတ္တိရှိပါသည်။ ပဋိဇီဝဆေးများ (Antibiotics) မပေါ်မီ ကာလအချိန်များ၌ ဥရောပတခွင်တွင် သေနတ်ဒဏ်ရာ ရသူများကို ပျားရည်ဖြင့် ကုသကြသည်။
၃။ အထက်ပါအတိုင်း သမအောင် ရောစပ်ထားသော အားလူးစိမ်းရည်နှင့် ပျားရည်ကို အိပ်ရာမ၀င်မီ သောက်ပါ။
၎။ ဤသို့သောက်ခြင်းအားဖြင့် တညလုံး အက်စစ်များထွက်၍ အစာအိမ်ကို ဒုက္ခပေးခြင်းမှ ကာကွယ်ပေးပါ လိမ့်မည်။
၅။ ညစဉ် အနည်းငယ်ခန့် ဆက်တိုက်သောက်ပါ။
၆။ ဤနည်းဖြင့် အစာအိမ်ရောင်ခြင်း မသက်သာလျှင် အားလူးသီးရည်အစား ဂေါ်ဖီထုပ်အရည် သုံးကြည့်ပါ။ ယခုဖော်ပြထားသည့်နည်းသည် သိပ္ပံနည်းကျ အစာအိမ်ရောဂါအတွက် သုံးစွဲနေသော (Cimetidine) ဆေးများကဲ့သို့ ထိရောက်ကြောင်း တွေ့ရပါသည်။ ယင်းဆေးမြီးတိုကို သုံးစွဲခြင်းဖြင့် အစာအိမ်ရောင် ရောဂါဝေဒနာများ တပတ်အတွင်း သက်သာလာသည်ကို တွေ့ရပါလိမ့်မည်။

(အစာမကြေခြင်းအတွက် ဆေးမြီးတို)
ချင်းပြုတ်ရည်သည် အစာမကြေသူများအတွက် သင့်တော်ပါသည်။ ချင်းပြုတ်ရည် ပြုလုပ်နည်းမှာ-
၁။ လက်မခန့်ရှိသော ချင်းကို ကြိတ်ပြီးချေပါ။
၂။ ချေပြီးသား ချင်းကို ဖန်ခွက်တခုထဲထည့်၍ ပွက်ပွက်ဆူသောရေနွေးကို ဖန်ခွက်ပြည့်သည်အထိ လောင်းထည့်ပါ။
၃။ ရေပူနှင့်တွေ့၍ ချင်းရည်များ ပွက်ပွက်ဆူပြီး ပလုံထလာပါမည်။ ယင်းကို ၁၀-မိနစ် ၁၅-မိနစ်ခန့် ထားပါ။
၎။ ၄င်းနောက် ချင်းဖတ်များကို ဆယ်၍ ယင်းအဖတ်မှ အရည်များ ကုန်သည်အထိ ညှစ်ပါ။
၅။ ဖန်ခွက်ထဲရှိ အဖတ်များကို ဖယ်ထုတ်ပစ်ပါ။
၆။ ပျားရည် လက်ဖက်ရည်ဇွန်း တဇွန်းထည့်၍ သမအောင် မွှေပါ။
၇။ ၄င်းနောက် ချင်းနှင့် ပျားရည်ရောပြီးသားကို ဖြည်းညင်းစွာ စုပ်၍သောက်ပါ။
မှတ်ချက်။ ။ ယင်း ချင်းပြုတ်ရည်ကို အစာမကြေသည့် ရောဂါအတွက်သာမက ကိုယ်ဝန်ဆောင်၍ မူးဝေပျို့အန်ခြင်း၊ ခရီးသွား၍ မူးဝေပျို့အန်ခြင်း (Motion Sickness) များမှာပါ အသုံးတည့်ပါသည်။

(ပါးစောင်အနာများအတွက် ဆေးမြီးတို)
ဗိုင်းရပ်စ်ပိုးများသည် ပါးစောင်အနာများကို ဖြစ်စေတတ်ပါသည်။ ခန္ဓာကိုယ်၏ ကိုယ်ခံစွမ်းအားကို ပေးစွမ်းသည့် အရာများ (Immune System) ပျက်စီးပြီဆိုလျှင် ဗိုင်းရပ်စ်ပိုးတို့သည် ၀မ်းသာအားရ ၀င်ရောက်တိုက်ခိုက် လာပါတော့သည်။ စိဓာတ်ကျနေလျှင်လည်းကောင်း၊ စိတ်ပျက်နေလျှင်လည်းကောင်း သုိ့မဟုတ်-ခန္ဓာကိုယ်အနေနဲ့ ဖိအားပေးခံနေရသည့် အခိုက်အတန့်များတွင်လည်းကောင်း ယင်းဗိုင်းရပ်စ်များက ချုံခိုတိုက်ကြပါတော့သည်။ ဤတွင် ပါးစောင်၌ အနာများ ပေါ်လာတတ်ပါသည်။ သို့သော် ဘာမှမကြောက်ပါနဲ့ လွယ်ကူ၍ ငွေကုန်သက်သာမည့် ဆေးမြီးတိုလေးကို စမ်းသပ်ကြည့်ရအောင်။
၁။ ကော်ဖီမစ်မှုန့်ကိုယူ၍ ပါးစောင်ရှိ အနာပေါ်၌ သိပ်ပေးပါ။
၂။ ၁၅-မိနစ်မှ မိနစ်၂၀-ခန့်စပ်၍ နာလာပါလိမ့်မည်။
၃။ ပြီးလျှင် ယင်းနေရာ၌ ထုံလာပါလိမ့်မည်။
၎။ ဤသို့ တနေ့တွင် သုံးခါထက်မနည်း ပြုလုပ်ပေးပါက ရက်အနည်းငယ်တွင် သက်သာလာပါလိမ့်မည်။ ကော်ဖီမှုန့်တွင် ဗိုင်းရပ်စ်ပိုး သေစေနိုင်သောအရာ သို့မဟုတ်-ဗိုင်းရပ်စ်ပိုးပွားခြင်းကို ရပ်တန့်စေသောအရာ ပါရှိသည်ဟု ယူဆရပါသည်။ တခြားပါးစောင်များတွင်လည်း အနာများ ထပ်၍မဖြစ်နိုင်တော့ပါ။

တခြားနည်းတနည်းမှာ-အုန်းရေဖြင့် အာလုတ်ကျင်းပေးခြင်းဖြင့် ပါးစောင်အနာများ သက်သာစေပါသည်။

( အရေပြားအနာများအတွက် ဆေးမြီးတို)
Alperr Y-Leung ဆိုသူ ဇီဝဓာတုဗေဒပညာရှင်က တရုတ်ရိုးရာဆေးဖက်ဝင် ဆေးမြီးတို ကုထုံး-များ စာအုပ်၌ အရေပြား အနာများ၊ ပွေးများကြောင့် ယားခြင်း၊ နာကျင်ခြင်းတို့ ပျောက်ကင်းစေမည့် ဆေးဖော်စပ်နည်းများကို ဖော်ပြထားပါသည်။ ယင်းမှာ ဘာမျှမထူးဆန်းပါ။ အိမ်ရှိနနွင်းကို ရေဖြင့် ဖျော်ပြီး အနာများပေါ်သို့ အုံပေးရန်သာ ဖြစ်ပါသည်။

(ဗောက်နှင့် ဦးခေါင်းအရေပြား ကူးစက်ရောဂါကုထုံးများ)
ဦးခေါင်းအရေပြားကို ဒိန်ချဉ်ဖြင့်ဆွတ်ပါ။ ဒိန်ချဉ်-ချဉ်လေ ကောင်းလေပင်။ ဤနည်းဖြင့် ဦးခေါင်းအရေပြား အက်စစ်ဓာတ်များ များလာပါလ်ိမ့်မည်။ သို့မှသာ ဦးခေါင်းအရေပြားကို ဒုက္ခပေးသည့် မှို (Fungus) များ အဝေးသို့ ပြေးရပါတော့သည်။ တပတ်လျှင် နှစ်ကြိမ်မှ သုံးကြိမ်ထိ ပြုလုပ်ပေးပါ။ ဗောက်လည်း မနေနိုင်၊ ဦးခေါင်းအရေပြားမှ တခြား ကူးစက်ရောဂါများလည်း ပျောက်ကင်းကြောင်း တွေ့ရပါလိမ့်မည်။

(အဆစ်နာ ဝေဒနာများအတွက် ဆေးမြီးတို)
နေ့စဉ်အိမ်တွင်း မီးဖိုချောင်တွင် သုံးစွဲသော ငရုတ်သီးအနီတောင့်၏ အဓိကပါဝင်သော Capsicum ဓာတ်အကြောင်းကို ဆေးပညာစာစောင်များစွာ၌ သိပ္ပံပညာ စူးစမ်းလေ့လာမှု (၁၃၀၀) ထက်မနည်း ဖော်ပြပါရှိခဲ့ပါသည်။ သာမန်အရပ်သူများ အနေဖြင့် ငရုတ်သီးအနီတောင့်သည် အရိုးအဆစ်ဝေဒနာကို ပျောက်ကင်းစေသည်ဟူသော အဆိုကို သိပ္ပံသုတေသီများက စာစောင်များတွင် ဆွေးနွေးထောက်ခံထား ပါသည်။ ဆေးပညာအရ ၄င်း Capsicum မှာ Tran s-8-Methy - N - Vanillyl-6-None-Namide ဟူသော ဒြပ်တခုဖြစ်ပါသည်။

ယင်းအရာဖြင့် အရေပြားကို ပွတ်ပေးလျှင် အဆစ်ထဲထိ ၀င်ရောက်သွားပြီး အရိုးထုများပျက်စီးခြင်းကို ကာကွယ်နိုင်သည်ဟု ဆိုပါသည်။ ဤသို့ဖြင့် မခံမရပ်နိုင်အောင် နာကျင်သည့်ဝေဒနာများ ပျောက်ကင်းပြီး အဆစ်များ အထိုက်အလျောက် လှုပ်ရှားလာနိုင်သည်ဟု ဆိုပါသည်။ မီယာမီရှိ ဆေးကျောင်းဆိုင်ရာ တက္ကသိုလ်များမှ ဆရာဝန်တစု၏ လေ့လာတင်ပြချက်မှာ ၄င်း Capsicum သုံးစွဲသူ အဆစ်ဝေဒနာရှင်များသည် သုံးလအတွင်း အဆစ်ဝေဒနာများ၊ ၈၀-ရာခိုင်နှုန်းခန့် သက်သာပျောက်ကင်းသည်ဟု ဆိုသည်။ ၄င်းဆေး မသုံးသူများမှာ ၅၀-၅၅ ရာခိုင်နှုန်းသာ သက်သာသည်ဟု ဆိုသည်။ သို့သော်လည်း ငရုတ်သီးအနီမှ ထုတ်ထားသော လိမ်းဆေးကို ဘယ်ဆေးဆိုင်တွင်မှ ရှာ၍ရနိုင်မည်မဟုတ်ပါ။ မိမိတို့ဘာသာ အောက်ဖော်ပြပါ အတိုင်း ဆေးမြီးတိုလုပ်၍ သုံးစွဲကြည့်ပါ။
ပါဝင်ရမည့် ပစ္စည်းများမျာ-
၁။ ငရုတ်သီးအနီတောင့်ကို အစေ့များမဖယ်ဘဲ စားပွဲဇွန်း ၁၅-ဇွန်းခန့်လှီးထားပါ။
၂။ အုန်းဆီတကွာတ။
၃။ ပျားဖယောင်းဖျော်ရည် စားပွဲဇွန်း ၂-ဇွန်း။
၎။ ဆီမွှေး အစက် ၄၀။

ပြုလုပ်နည်းမှာ-
၁။ အုန်းဆီနှင့် ငရုတ်သီးအနီ လှီးပြီးသားကို ရော၍ ဒယ်အိုးတွင်ထည့်ပြီး မီးဖြင့် တဖြည်းဖြည်းဆူပွက်လာသည်အထိ အပူပေးပါ။
၂။ မီးအရှိန်လျှော့ပြီး သုံးနာရီခန့် ထားပါ။
၃။ သုံးနာရီခွဲခန့် အအေးခံပါ။
၎။ ယင်းသို့ မီးအပူပေးလိုက် အအေးခံလိုက် နှစ်ကြိမ်-သုံးကြိမ် ပြုလုပ်ပါ။
၅။ ဆီနှင့်ငရုတ်သီး အရောအနှောကို ဖျော်စက်တွင်ထည့်၍ ပျော့ပျောင်းပြီး စေးပျစ်သည်အထိ ဖျော်ပါ။
၆။ ပိတ်ပါးစ ရေစစ်ပါရှိသော ဆန်ခါပေါ်တင်၍ စစ်ပါ။
၇။ ပြီးလျှင် စတီးအိုးထဲသို့ ထည့်ပါ။
၈။ အရေပျော်နေသော ပျားဖယောင်းကိုထည့်ပါ။ ပြီးလျှင် ဆီမွှေးထည့်ပါ။
၉။ Cream ဖြစ်လာသည်အထိ မွှေပါ။
၁၀။ ပုလင်းသေးသေးလေးထဲ လောင်းထည့်ပါ။
၁၁။ အဖုံး သေချာစွာ ဖုံးပါ။
၁၂။ ပြီးလျှင် အေးပြီးခြောက်သွေ့သောနေရာတွင် သိမ်းထားပါ။

ဆေးညွှန်းမှာ-နာကျင်ကိုက်ခဲသည့်နေရာကို အထက်ပါဆေးဖြင့် ပွတ်သပ်ပြီး ဖြည်းဖြည်းလိမ်းပေးပါက အဆစ်နာ ဝေဒနာများ ပျောက်ကင်းနိုင်ပါသည်။

( အရေပြားနှင့် ရှားစောင်းလက်ပပ်)
သင့်အိမ်မှာ မြေအိုးနှင့် အပင်တပင်စိုက်မည်ဆိုလျှင် ရှားစောင်းလက်ပပ်ပင်ကို မမေ့ပါနဲ့။ ရှားစောင်းလက်ပပ်မှာ မြန်မာများ အသိများ၍ ဆေးဖက်ဝင် တိုင်းရင်းဆေးတမျိုးဖြစ်ပါသည်။ ရှားစောင်းလက်ပပ်၏ ပုံသဏ္ဍာန်မှာ ခွေးသွားစိပ်သဖွယ် အထစ်အထစ်ပါသော လှံနှင့်တူပြီး အရေခွံအောက်၌ အရေရွှမ်းသော ဂျယ်လီလို ပစ္စည်းတမျိုး ပါပါသည်။ ယင်းဂျယ်လီကဲ့သို့ပစ္စည်းမှာ အလွန်ဆေးဖက်ဝင်ပြီး အသေးစား မီးလောင်ဖုများ၊ ခုတ်ရှဒဏ်ရာများနှင့် တခြားအနာများ၊ ကုတ်ရာခြစ်ရာများ၊ အရေကြည်ဖုများ၊ နေလောင်သော အရေပြားများ အတွက် အစွမ်းထက်သောဆေးဖြစ်ပါသည်။ ရှားစောင်းလက်ပပ်ပင်၏ အပေါ်အရေခွံ ဆုတ်ပြီး အထဲမှအရည် ပျစ်ချွဲခွှဲကို အနာနှင့်မီးလောင်ဖုများအပေါ်သို့ ညှစ်ထုတ်ပါ။ အနာများအေး၍ အမှန်တကယ် ပျောက်သွားကြောင်း တွေ့ရပါလိမ့်မည်။ လေသလပ်ခံပါက ရှားစောင်းလက်ပပ်အရည်မှာ ခြောက်သွားပြီး အပြင်မှ ရောဂါပိုးများ ၀င်ရောက်ခြင်းငှါ မစွမ်းနိုင်တော့ပါ။ ရှားစောင်းလက်ပပ်၌ Salicylates မြောက်မြားစွာပါဝင်၍ အဆစ်ဝေဒနာနှင့် နှလုံးရောဂါအတွက် သုံးသော Aspirin ကဲ့သို့ အကိုက်အခဲ သက်သာစေခြင်း၊ အဆစ်ရောင်ခြင်းများ သက်သာစေသည့် အပြင် Magnesium Lactate ပါဝင်သဖြင့် Anti-histamine သတ္တိလည်း ရှိပါသည်။

(အသားမာ ကုသနည်းများ)
အသမာအတွက် ဆေးမြီးတိုသည် လွယ်လွယ်ကူကူနှင့် ထိရောက်ပါသည်။
၁။ ကြက်သွန်ဖြူ အခွံနွှာပြီး ဒေါင်လိုက် နှစ်ခြမ်းခွဲထားပါ။
၂။ ကြက်သွန်ဖြူ နှစ်ခြမ်းကို ကြိုးစည်းထားပါ။
၃။ ပြီးလျှင် အသားမာပေါ် ကပ်ထားပါ။
၎။ ၁၀-နာရီခန့် ထားပါ။
၅။ ထပ်ခါတလဲလဲ ပြုလုပ်ပါ။
၆။ အသားမာပျောက်သွားသည်အထိ ဤနည်းအတိုင်း ပြုလုပ်ပါက ရက်အနည်းငယ်အတွင်း အသားမာပျောက်သွားပါလိမ့်မည်။

( ၀မ်းတွင်းမီး သက်သာစေသော ဆေးမြီးတိုများ)
အာယုဗေဒဆေးများတွင် ထောပတ်သည် အလွန်အဖိုးတန်ပါသည်။ ထောပတ်သည် အဂ္ဂနီ (Agni) ၀မ်းတွင်းမီးကို အားပေးသောအစာ ဖြစ်သည်။ မိမိစားမည့် အသားပေါ်တွင် ထောပတ် လက်ဖက်ရည်ဇွန်း တဇွန်း သုတ်စားပါ။
ထောပတ်ပြုလုပ်နည်းမှာ-
၁။ ဆားမပါသော ထောပတ်တပေါင်ကို ဒယ်ပြားပေါ်တွင် မီးအေးအေးဖြင့် အပူပေးပါ။
၂။ အရည်ပျော်သည်အထိ အပူပေးပါ။
၃။ ၄င်းနောက် မီးအနည်းငယ် မြှင့်ပေးပါ။
၎။ အမြှုပ်များထွက်လာပါက အမြှုပ်များကို ခပ်ထုတ်ပေးပါ။
၅။ ထောပတ်ဆူပွက်ပြီး အရည်ထွက်လာလျှင် မီးကို ပြန်လျှော့ပါ။
၆။ ဆယ်မိနစ်ခန့် မီးဖိုပေါ်၌ ဆက်ထားပါ။
၇။ အစိုဓာတ်နဲ့ အငွေ့ပြန်သွားလျှင် ဒယ်ပြားအလယ်၌ ရွှေအိုရောင်သန်းသည့် အညိုရောင်ထောပတ် (Ghee) ကိုရပါသည်။
၈။ ဒယ်ပြားကို မီးဖိုမှချပြီး အအေးခံပါ။ ၄င်းနောက် သန့်ရှင်းသောခွက်တွင် ခပ်ထည့်၍ သုံးစွဲနိုင်ပါသည်။ အခန်းအပူချိန်၌ပင် ယင်းထောပတ်ကို ရက်ပေါင်းများစွာထား၍ သုံးစွဲနိုင်ပါသည်။ ရေခဲသေတ္တာထဲတွင် ထား၍သုံးပါက ထို့ထက်ပို၍ သုံးနိုင်ပါသည်။

( အစာကြေချက် ချင်းတက်)
ချင်းတက်သည် အစာကြေချက်ရာ၌ အထောက်အကူ ပြုပါသည်။ အစာအိမ်နှင့် အူသိမ်အတွင်းရှိ အစာများကိုပင် ကြေညက်စေပါသည်။ ချင်းရည်ပြုလုပ်နည်းမှာ-
၁။ လတ်ဆတ်သော ချင်းတက်ကို ပါးပါးလှီးပါ။
၂။ အစိတ်စိတ်အမြွှာမြွှာ ဖြစ်အောင် ဓားဖြင့်ပေါက်ပါ။ ယင်းနောက် ထုံးနှင့် ဆား အနည်းငယ် ထည့်စိမ်ထားပါ။
၃။ နံနက်စာ သို့မဟုတ်-ညစာမစားမီ နာရီဝက်ခန့်အလိုတွင် ချင်းဆားထုံး အရောကို လက်ဖက်ရည်ဇွန်း တ၀က်ခန့် ဖြည်းဖြည်းဝါးစားပါ။ ဤနည်းဖြင့် အစာကြေချက်နိုင်ပါသည်။

( ဒေါက်တာ ဒေါ်မြင့်မြင့်ကြည်)
(Life Style-၂၀၀၁-ခု စက်တင်ဘာလ)

No comments: