Saturday, February 20, 2010

သူယုတ်မာနှင့် သူတော်ကောင်း

အခါတပါး၌ ဗုဒ္ဓမြတ်စွာဘုရားသည် ပထမ ခတ-သုတ်ကို အောက်ပါအတိုင်း ဟောတော်မူသည်။

လောက၌ လေးပါးသောတရားတို့နှင့် ပြည့်စုံသော မိုက်မဲသော မလိမ္မာသော သူယုတ်သည် မိမိကိုယ်ကို ဖျက်ဆီး၏။ ပညာရှိတို့ကို ကဲ့ရဲ့စွပ်စွဲ၏။ မကောင်းမှုများစွာကို တိုးပွါးစေ၏။

ထိုတရားလေးပါးမှာ-
(၁) ဉာဏ်ဖြင့် မစိစစ်ဘဲ မချီးမွမ်းထိုက်သူကို ချီးမွမ်းခြင်း။
(၂) ဉာဏ်ဖြင့် မစိစစ်ဘဲ ချီးမွမ်းထိုက်သူကို ကဲ့ရဲ့ခြင်း။
(၃) ဉာဏ်ဖြင့် မစိစစ်ဘဲ မကြည်ညိုသင့်သောအရာ၌ ကြည်ညိုခြင်း။
(၄) ဉာဏ်ဖြင့် မစိစစ်ဘဲ ကြည်ညိုသင့်သောအရာ၌ မကြည်ညိုခြင်းတို့ ဖြစ်သည်။



လေးပါးသောတရားတို့နှင့် ပြည့်စုံ၍ လိမ္မာသော ပညာရှိသော သူတော်ကောင်းသည် မိမိကိုယ်ကို မဖျက်ဆီး ပညာရှိတို့ကို မကဲ့ရဲ့ မစွပ်စွဲ၊ ကုသိုလ်ကောင်းမှုများစွာတို့ တိုးပွားစေ၏။
ထိုတရားလေးပါးမှာ-
(၁) ဉာဏ်ဖြင့် စိစစ်၍ ကဲ့ရဲ့ထိုက်သူကို ကဲ့ရဲ့ခြင်း။
(၂) ဉာဏ်ဖြင့် စိစစ်၍ ချီးမွမ်းထိုက်သူကို ချီးမွမ်းခြင်း။
(၃) ဉာဏ်ဖြင့် စိစစ်၍ မကြည်ညိုအပ်သောအရာ၌ မကြည်ညိုခြင်း။
(၄) ဉာဏ်ဖြင့် စိစစ်၍ ကြည်ညိုသင့်သောအရာ၌ ကြည်ညိုခြင်း-တို့ ဖြစ်သည်ဟု ဟောတော်မူသည်။

(ကျမ်းကိုး။ ။အင်္ဂုတ္တရ စတုက္ကနိပါတ်၊ ဘဏ္ဍဂါမ၀ဂ် ပထမခတသုတ်)

( ဦးငွေအောင်မွန်)

No comments: