Sunday, February 21, 2010

ဒါနအကျိုး ဆတိုးပွားစည်

လွန်ခဲ့သော ၆-နှစ်ခန့်က ဖြစ်ရပ်လေးတခုပင် ဖြစ်သည်။ ၁၉၉၈-ခုနှစ် ရွှေတိဂုံဘုရားကြီး ထီးတင်စဉ်ကာလက ဖြစ်သည်။ ထိုအချိန်က ကျွန်မတို့မိသားစုသည် ဖေဖေ၏အလုပ်အကိုင်တာဝန်ကြောင့် သာယာဝတီမြို့တွင် နေထိုင်ပါသည်။ ထို့ကြောင့် ရွှေတိဂုံဘုရားကြီး ထီးတင်သည့်နှစ်နှင့် ကြုံရခြင်းဖြစ်သည်။

တနေ့တွင် ဖေဖေသည် ရွှေတိဂုံဘုရားကြီး ထီးတင်သည်နှင့် ပတ်သက်၍ မေမေနှင့် ပြောဆိုနေသည်။ အနီးရှိ ကျွန်မက ကြားနေရသည်။ ရွှေတိဂုံဘုရား ထီးတင်တာ ကြုံရခဲတယ်၊ တို့သွားလှူရအောင်။
ကျွန်မသည် ငယ်စဉ်ကတည်းက အလှူဒါနပြုလုပ်ရန် ၀ါသနာပါသည့်အတွက်ကြောင့် ဖေဖေ့ဆီက ထိုစကားကို ကြားကြားချင်း မေမေ့အနားသို့ကပ်၍ တိုးတိုးလေး ပြောမိသည်။

မေမေ၊ သမီးလဲ လှူချင်တယ်။
ထိုသို့ပြောရာ၊ မေမေက ဖေဖေ့ကို ပြန်၍ ပြောပြသည်။ ဖေဖေက-
ကောင်းတယ်ဟေ့၊ ကောင်းတယ်၊ ငါ့သမီး အသက်ငယ်ငယ်နဲ့ အလှူအတန်း ၀ါသနာပါတာ ကောင်းတယ်-ဟုပြောသည်။ ထိုအချိန်က ကျွန်မမှာ ၈-နှစ်သမီးအရွယ်သာ ရှိသေးသည်။ ကျွန်မ အလွန်ပျော်ရွှင်မိခဲ့သည်။

ဟေး-ငါ လှူရတော့မယ်-ဟု အော်မိခဲ့သည်။
ထိုသို့ ပြောဆိုကြပြီး နောက်တပတ်တွင် ကျွန်မတို့ မိသားစု ရန်ကုန်သို့ ကားဖြင့် ရောက်ရှိခဲ့ကြသည်။ ရွှေတိဂုံကုန်းပေါ်ရှိ အလှူခံဌာနတွင် မမက ပတ္တမြားတလုံး လှူသည်။ ကျွန်မက နားတွင်ဝတ်ထားသော ရွှေနားကပ်လေးကို ချွတ်၍ လှူသည်။ ထိုသို့လှူပြီး မကြာမီ မေမေက ကျွန်မကို မေးသည်။

သမီး၊ သမီးလက်က ဟန်းချိန်းရော၊
ကျွန်မ လန့်သွားသည်။
ဟင့်အင်း-မသိဘူး မေမေ။ ကျွန်မ ထိပ်လန့်စွာ ဖြေရင်း ခေါင်းတွေရှုပ်ပြီး ဦးနှောက်တွေ ထူပူသွားခဲ့သည်။ ဘယ်အချိန်က ကျပျောက်သွားခဲ့သည် မသိ။ ဤမျှ များပြားသော လူအုပ်ထဲတွင် ရှာတွေ့ရန်လည်း မလွယ်။ ကျွန်မ နှမြောလွန်း၍ ၀မ်းနည်းမဆုံး ဖြစ်ခဲ့သည်။ စိတ်ညစ်ရသည့်ကြားထဲမှ မေမေက ဆူနေ၍ ကျွန်မ ငိုမိသည်။ အလှူငွေ သွားထည့်ပြီး ပြန်လာသော ဖေဖေက ထိုအကြောင်းကို သိတော့-

ငါ့သမီးကို ဘာမှမပြောနဲ့၊ အသစ်ထပ်လုပ်ပေးမယ်-ဟု ပြောသည်။ သို့သော် ကျွန်မစိတ်တွင် ၀မ်းနည်းစိတ်က မပြေသေး။ ဘုရားကို တပတ်ဖူးပြီး ဘုရားပေါ်မှအဆင်း ကားနားသို့အရောက်တွင်-
ဟာ ဒီမှာတွေ့ပြီ-ဟုပြောလိုက်သော ဖေဖေ၏ စကားသံကိုကြား၍ ကျွန်မလှည့်ကြည့်လိုက်သည်။ ဖေဖေ၏လက်ထဲတွင် ကျွန်မ၏ ဟန်းချိန်းလေးကို တွေ့လိုက်ရပေသည်။ ကားရှေ့ဘီးအနီးမှာ တွေ့ရတယ်-ဟု ဖေဖေက ပြောပါသည်။

ကာပေါ်အဆင်းမှာ ကျွတ်ကျသွားခဲ့တာဖြစ်မယ်-ဟု မေမေက ပြောပါသည်။
ထမင်းစားချိန်ဖြစ်နေ၍ ကားဆရာက ထမင်းသွားစားရန်အတွက် ကားကို ရွှေ့ရန် ကြံလိုက်မိသည်။ သို့သော် ဘာကြောင့်မှန်းမသိ၊ ကားကို မရွှေ့ဖြစ်ခဲ့။ အလိုအလျောက် ကားနားတွင် ရပ်နေမိခဲ့သည်ဟု ပြောပါသည်။ ထို့ကြောင့် ကျွန်မ၏ဟန်းချိန်းလေး ပြန်တွေ့ရခြင်း ဖြစ်သည်။

အကယ်၍ ကားကိုသာ ရွှေ့ဖြစ်ခဲ့မည်ဆိုလျှင် ကားဘီးဖြင့် ကြိတ်မိပြီး ထူထပ်လှသော ကုက္ကိုရွက်ခြောက်များကြားတွင် နစ်မြုပ်သွားနိုင်သည်။ သို့မဟုတ် တစုံတဦး တွေ့ရှိ ကောက်ယူသွားနိုင်သည်။ ယခုမူ ကားလည်း မရွှေ့ဖြစ်ခဲ့ ကျွန်မ၏ ဟန်းချိန်းလေးလဲ မပျောက်ရှခဲ့။

ဟန်းချိန်းလေး ပြန်ရပြီဖြစ်၍ ကျွန်မအတိုင်းမသိ ၀မ်းသာကြည်နူးမိပါသည်။ ဘုရားတွင် ရွှေနားကပ်လေးကို ရက်ရောစွာလှူခဲ့မိသည့်အတွက် ဤသို့ ပြန်တွေ့သည်ဟု မေမေက ပြောပါသည်။ ထိုအချိန်က ကျွန်မအသက် ၈-နှစ်သာ ရှိသေးသည်။ ယခု ကျွန်မအသက် ၁၄-နှစ်ရှိနေပြီ။ ယနေ့တိုင် မမေ့နိုင်သေးပါ။ ဒါန၏အကျိုးကို လက်တွေ့ခံစားခွင့်ရခြင်းပင် ဖြစ်သည်ဟု ကျွန်မယုံကြည်မိလိုက်ပါသည်။

ထို့အပြင် ကျွန်မကို ဖေဖေက နားဆွဲနှစ်ရန် ပြန်လုပ်ပေးခဲ့သည့်အပြင် နိုင်ငံခြားတွင်နေသော ကျွန်မ၏အဒေါ်ကလည်း နားကပ်တရန် ပို့ပေးခဲ့ပါသည်။ နားကပ်တရန်သာလှူခဲ့သော ကျွန်မအဖို့ အဆတိုး၍ပင် ခံစားခွင့်များ ရရှိခဲ့ပါသည်။ ကျွန်မအနေဖြင့်မူ ဒါနအကျိုးကြောင့် ဆတိုးပွားစည်လာရခြင်းဟုသာ ခံစားယုံကြည် မိပါသည်။

( ထင်သီရိမြတ်-အဋ္ဌမတန်း-အ,ထ,က ၄-ပြည်)
( မြတ်မင်္ဂလာ ၂၀၀၄-ခု ဇူလိုင်လ)

No comments: