Wednesday, February 3, 2010

ဘာသာရေး ပြဿနာ ( ၁၀၃ )

( ဘဒ္ဒန္တ တိလောကသာရ ဖြေသည် )

(မေး) အလှူခံ တကျိပ်လေး)
အရှင်ဘုရား၊ ငယ်စဉ်ကတည်းက ကြားဖူးနေတဲ့ အလှူခံ တကျိပ်လေး -ဆိုသည်ကို မေးမြန်းရှာဖွေသော်လည်း မသိရပါ၍ အမည်နှင့်တကွ ရေတွက်သိလိုပါသည်ဘုရား။ မည်သူ့ကို လှူလျှင် မည်မျှ အကျိုးရှိသည်ကိုလည်း ပူးတွဲသိလိုပါသည်ဘုရား။
(ဦးတင်လှိုင်-ပုသ်ိမြို့)

(ဖြေ)
ဒါနမှုကို ခံယူထိုက်သူ ၁၄-ပါး (အလှူခံတကျိပ်လေး) မှာ ဒက္ခိဏ၀ိဘင်္ဂသုတ် ဥပရိပဏ္ဏာသ စတုတ္ထ၀ဂ် (မ-၃၊ ၂၉၅) တွင် လာရှိပါသည်။
(၁) တိရစ္ဆာန် သတ္တ၀ါများ။
(၂) လူ-ဒုဿီလခေါ် တံငါ မုဆိုး စသော ဒုစရိုက်မှု ပြုလုပ်သူများ။
(၃) လူ-သီလ၀န္တခေါ် သာသနာပအခါမျိုး၌ ငါးပါးသီလ မြဲသူများ။
(၄) ရသေ့ ပရိဗိုဇ်ခေါ် သာသနာပအခါမျိုး၌ ဈာန်အဘိညာဉ်ရ ပုဂ္ဂိုလ်များ။
(၅-၈) မဂ္ဂဋ္ဌာန်ပုဂ္ဂိုလ် လေးယောက်။
(၉-၁၂) ဖလဋ္ဌာန်ပုဂ္ဂိုလ် လေးယောက်။
(၁၃) ပစ္စေကဗုဒ္ဓါ။
(၁၄) မြတ်စွာဘုရား။
ဤ ၁၄ ဖြစ်ပါသည်။ ထို ၁၄-တွင်

အမှတ် ၁-တိရစ္ဆာန်သတ္တ၀ါများကို ပေးလှူရာ၌ ကမ္ဘာတရာ ကောင်းကျိုးချမ်းသာကို ရရှိနိုင်သည်။
အမှတ် ၂-ဒုဿီလကို ပေးလှူရာ၌ ကမ္ဘာတထောင်။
အမှတ် ၃-လူ သီလ၀န္တကို ပေးလှူရာ၌ ကမ္ဘာတသိန်း။
အမှတ် ၄-သာသနာပ ဈာန်ရပုဂ္ဂိုလ်တို့ကို ပေးလှူရာ၌ ကမ္ဘာတကုဋေ။
အမှတ် ၅-သောတာပန်ပုဂ္ဂိုလ်မှစ၍ အထက်ပုဂ္ဂိုလ်များကို ပေးလှူရာ၌ ကမ္ဘာအသေင်္ချ အနန္တ ကောင်းကျိုးချမ်းသာကို ပေးနိုင်ကြောင်း ဒက္ခိဏ၀ိဘင်္ဂသုတ်၌ မြတ်စွာဘုရား ဟောတော်မူပါသည်။
********************************************************************************

(မေး) ( ရှိခိုးလက်အုပ်ချီခြင်းနှင့် တရာစခန်းသို့ခေါ်ခြင်း)
အရှင်ဘုရား၊ ကုသိုလ် ဒါန ရေစက်ချသည့်အခါ မေတ္တာပို့ခြင်း၊ အမျှဝေသည့်အချိန်မှာ လက်စုံမိုး၍ ရှိခိုးနေခြင်း နှင့် အချို့က လက်စုံချ၍ ထားကြခြင်းများရှိရာ မည်သည့်အပြုအမူက မှန်ကန်ကြောင်း တပည့်တော်အား ရှင်းလင်းညွှန်ပြပေးတော်မူပါဘုရား။
ထို့ပြင် ဥပုသ်ကျောင်း တရားစခန်းများသို့ မလိုက်လို၊ မသွားလိုသောသူများအား ခေါ်ခြင်း၊ မကြာခဏ တိုက်တွန်းခြင်းမျိုးသည် အပြစ်ရှိသည်ဟု ဆိုပါသည်၊ တပည့်တော်မှာ စိတ်မချမ်းမသာ ဖြစ်ရပါသဖြင့် ဖြေကြားရှင်းလင်းပြတော်မူပါဘုရား။
(ဒေါ်သိန်းခင်-လားရှိုးမြို့၊ ပညာရေး-ငြိမ်း)

(ဖြေ)
ကုသိုလ်ဒါန ရေစက်ချသည့်အခါ မေတ္တာပို့ခြင်း၊ အမျှဝေသည့်အချိန်မှာ လက်စုံမိုး၍ ရှိခိုးသာဓုခေါ်ခြင်းများ ရှိရာတွင် အလှူရှင်အား မေတ္တာပို့ခြင်းနှင့် အမျှဝေရာတွင် လက်စုံမိုး၍ ရှိခိုးသာဓုခေါ်ခြင်းတို့ မှာ အလွန်ကောင်းမွန်သော အပြုအမူများဖြစ်၍ ကြိုးစားပြုလုပ်ရန် သင့်ပါသည်။ လူတိုင်းပင် ထိုအတိုင်း ပြုမူသင့်ပါသည်။

ဥပုသ်ကျောင်း၊ တရားစခန်းများသို့ မသွားလိုသူတို့အား သွားချင်အောင်၊ သွားဖြစ်အောင် မကြာခဏ တိုက်တွန်းခြင်း၊ ဖြစ်နိုင်လျှင် အတင်းအကျပ် ခေါ်ငင်ခြင်းတို့မှာ ဗုဒ္ဓဘာသာတိုင်း၏ ၀တ္တရားပင် ဖြစ်ပါ၏။ မိဘများ သဒ္ဓါတရားနည်းပါးလျှင် လှူချင်အောင်၊ အားထုတ်ချင်အောင် တိုက်တွန်း၍ မိဘများ လိုက်ပါလာလျှင် သားသမီး၏ ၀တ္တရားပင် ကျေပွန်ကြောင်း အဆိုရှိပါသည်။ ကြိုးစား၍ တိုက်တွန်းနှိုးဆော်ရန် သင့်ပါသည်။
*********************************************************************************

(မေး) (ဗုဒ္ဓကောလာဟလ)
အရှင်ဘုရား၊ ဘုရားပွင့်တော်မူတော့မည်ဟူသော အုတ်အုတ်ကျက်ကျက် ပြောဆိုမှု (ဗုဒ္ဓကောလာဟလ) သည် အနှစ်တထောင်လောက်က စ၍ ဖြစ်ပေါ်နေသည်ဟု ဖတ်ရ မှတ်ရပါသည်။ ထိုကောလာဟလကို မည်သူတွေက စ၍ လွှင့်ပါသနည်းဘုရား၊ စာထဲမှာပါသည်ကို ဖော်ပြပါရန်။
( ခင်သိန်းဝင်း-ခေတ္တရာမြို့သစ်)

(ဖြေ) ၀ဿသဟဿစ္စယေန ပန သဗ္ဗညုဗုဒ္ဓေါ၊ လောကေ ဥပ္ပဇ္ဇိဿတီတိ လောကပါလဒေ၀တာ ဥဂ္ဃေါသေန္တိ ယော အာဟိဏ္ဍန္တိ။ (အပဒါန-ဋ္ဌ ၅၉) ဟု ဆိုပါသည်။
ထိုသို့ဆိုသဖြင့် လူတို့ပြည်ဝယ် အလုံးစုံသော တရားတို့ကို သိတော်မူသော သဗ္ဗညုမြတ်စွာဘုရား ပွင့်တော်မူလိမ့်မည် ဟူ၍ လောကပါလနတ်သားတို့သည် အမျိုးမျိုး အသွင်အပြင် ၀တ်ဆင်ကုန်လျက် လူ့ပြည်၌ လှည့်လည်၍ ကြွေးကြော်ကြသည်ဟု အပဒါန် အဋ္ဌကထာတွင် ဖော်ပြပါသည်။ ထိုဖော်ပြချက် အရ ဘုရားမပွင့်မီ အနှစ်တထောင်ခန့် က လောကကိုစောင့်ရှောက်ကြကုန်သော နတ်တို့ ကြွေးကြော်သတင်းလွှင့်ခဲ့ကြောင်း မှတ်သားသင့်ပါသည်။
********************************************************************************

(မေး) (ဘုရားပုံတော်များ လမ်းဘေးတွင်ချ၍ ရောင်းချခြင်း)
အရှင်ဘုရား၊ ယခုခေတ်ဈေးသည်များသည် တန်ခိုးကြီးဘုရား ပြက္ခဒိန်ပုံနှင့် နာမည်ကြီး ဆရာတော်ပုံတွေကို လမ်းမှာချ၍ ရောင်းခြင်းသည် အပြစ်ကြီး-မကြီး ဖြေကြားတော်မူပါဘုရား။
( လွမ်းရတနာအောင်-ယော၊ အလုံမြို့ )

(ဖြေ)
တန်ခိုးကြီးဘုရား ပုံတော်များ၊ ဆရာတော်ဘုရားကြီးများ၏ ပုံတော်များကို လမ်းဘေးမှာချ၍ ရောင်းခြင်း၊ မသန့်မပြန့် အမြင်မလျော်ရာ ဌာနများတွင် ချိတ်ဆွဲ၍ ရောင်းခြင်း၊ (ထားခြင်း) တို့မှာ ရတနာသုံးပါးအား ရိုသေမှု ဂါရ၀ ပျက်ပြားသဖြင့် အပြစ်ရှိပါသည်။ ဗုဒ္ဓဘာသာဝင်တို့အမြင်တွင် ဘ၀င်နှလုံး တုန်လှုပ်ဖွယ် ဖြစ်ပါသည်။ ထို့ကြောင့် နိုင်ငံတော်ကလည်း ပြက္ခဒိန်များ စာအုပ်များ အဖုံးများတွင် ဘုရားပုံတော်များနှင့် ရဟန်းသံဃာတော်တို့၏ ပုံတော်များကို မရိုက်နှိပ်ရန် တားမြစ်ထားကြောင်း သိရှိရပါသည်။
********************************************************************************

(မေး) (သာသနာသုံးရပ်)
အရှင်ဘုရား၊ တပည့်တော်သည် ပရိယတ္တိနှင့် ပဋိပတ္တိကို သိရှိနားလည်ပါ၏။ သို့ရာတွင် ပဋိဝေဓဆိုသည်ကို တိတိကျကျ မသိရှိပါသဖြင့် ဖြေကြားပေးတော်မူပါဘုရား။
(ထိန်လင်း-မင်္ဂလာတောင်ညွန့်၊ ရန်ကုန်)

(ဖြေ) သာသနာသုံးရပ် ဟူသည်မှာ
(၁) ပရိယတ္တိသာသနာ-စာပေပိဋကတ် သင်ကြားမှု။
(၂) ပဋိပတ္တိသာသနာ-ကမ္မဋ္ဌာန်းဘာဝနာ အားထုတ်မှုနှင့်
(၃) ပဋိဝေဓသာသနာ-ထိုးထွင်း၍ သိခြင်း (မဂ်၊ ဖိုလ်၊ နိဗ္ဗာန် တရားမှန်ကို သိမှု) တို့ ဖြစ်ပါသည်။
တရားအားထုတ်၍ သောတာပတ္တိမဂ်ဖိုလ်ကို ရရှိခြင်းမှစ၍ နိဗ္ဗာန်မျက်မှောက်ပြုရခြင်းအထိ ပဋိဝေဓ သာသနာ ခေါ်ပါသည်။

ဥပမာပြုကြသည်မှာ-
မြတ်စွာဘုရား သာသနာတော်ကြီးသည် မင်္ဂလာရေကန်တော်ကြီးနှင့် တူသည်။
ပရိယတ္တိသာသနာသည် ခိုင်ခံ့သော ကန်ပေါင်ကန်ရိုးကြီးနှင့်တူသည်။
ပဋိပတ္တိသာသနာသည် ကြာပင်ကြာရိုးများနှင့် တူသည်။
ပဋိဝေဓသာသနာတော်သည်ကား ကြာပန်းကြာပွင့်များနှင့် တူသည် ဟူပေ၏။
********************************************************************************

(မေး) (အရူပဘုံနှင့် ရပ်ပြစ်ရှစ်ပါး)
အရှင်ဘုရား၊ ရပ်ပြစ်ရှစ်ပါးကို ပြဆိုရာ၌ အရူပလေးဘုံသည် ရပ်ပြစ်ရှစ်ပါးတွင် ပါဝင်နေပါသည်။ ၄င်းအရူပလေးဘုံမှာ ရူပဈာန်ရပြီးမှပင် ဆက်လက်အားထုတ်ရသဖြင့် တကြောင်း၊ ၄င်းဘုံရောက် အရူပဗြဟ္မာများမှာ အထက်မဂ်ဖိုလ်များကိုပင် ရရှိနိုင်သည်ကတကြောင်း ဖြစ်ပါလျက် အဘယ့်ကြောင့် ရပ်ပြစ် (အပြစ်ရှိသောအရပ်) ဟု ခေါ်ဆိုထားရပါသနည်း။ သိသာရှင်းလင်းအောင် ဖြေကြားတော်မူပါဘုရား။
(စောကျော်ကောင်း-အဘိဓမ္မာ၊ ဖားအံမြို့နယ်)

(ဖြေ)
ရပ်ပြစ်ရှစ်ပါး (အပြစ်ရှိသော အရပ်ရှစ်ပါး) ဟူသော အမည်မှာ ပါဠိအဋ္ဌကထာလာ အမည်မဟုတ်ပါ။
ပါဠိတွင် အက္ခဏ-ဟု ဆိုပါသည်။ အက္ခဏ-အခဏ=ဗုဒ္ဓုပ္ပါဒ န၀မခဏ မဟုတ်။ ဘုရားမပွင့်သော နေရာဌာန (အရူပဘုံ) သည် ရုပ်မရှိ၊ နာမ်သာရှိ၍ ဘုရားကို ဖူးမြင်ရခြင်း၊ တရားတော်ကို နာကြားရခြင်း၏ အရာမဟုတ်သောအရပ်ဟူ၍ ဆိုလိုပါသည်။
(ဘုရားကိုယ်ထင်၊ မမြင်ပါအပ်၊ ဤရှစ်ရပ်၌။ ။ ဆုတောင်းခန်း)
အပြစ်ရှိသောအရပ်၊ မကောင်းသောဘုံဘ၀-ဟူ၍ မဆိုလိုပါ။ လောကဝေါဟာရ အရသာ အပြစ်ရှိသော အရပ်ဒေသ (ရပ်ပြစ်) ဟု ခေါ်ကြပါသည်။ ဘုရားမဖူး၊ တရားမနာရသည်မှ တပါး ဇရာ ဗျာဓိ-စသော ဆင်းရဲဒုက္ခများမှ ကင်း၍ အလွန်ချမ်းသာသည်ဟု ဆိုအပ်သော ဘုံထူးဘုံမြတ်ပင် ဖြစ်ပါသည်။

(မြတ်မင်္ဂလာ ၂၀၀၃-ခု ဇူလိုင်လ)

No comments: