Wednesday, March 17, 2010

ပရဟိတ (သို့မဟုတ်) မြင့်မြတ်သောအလုပ်

လောကထဲမှာ မြတ်ဗုဒ္ဓသာ အမြင့်မြတ်ဆုံး ပရဟိတစွမ်းအားရှင် ဖြစ်ပါတယ်။ မြတ်ဗုဒ္ဓလောက် ကြီးကျယ်ပြောင်မြောက် ထိရောက်အောင် ပရဟိတစွမ်းဆောင်ပေးနိုင်သူ ဘယ်သူမှ မရှိပါဘူး။ မြတ်ဗုဒ္ဓဟာ အကြီးမားဆုံး အမြင့်မြတ်ဆုံး အတိကျဆုံး အပြည့်ဝဆုံး အသေချာဆုံး ပရဟိတစွမ်းဆာင်ရှင်ပါ။

ပရဟိတ်စိတ်နဲ့ပဲ ခက်ခဲတဲ့ပါရမီတွေ ဖြည့်ခဲ့တယ်။ ပရဟိတစိတ်ကြောင့်ပဲ ဘုရားဖြစ်ခဲ့တာပါ။ အတ္တဟိတ သက်သက်သာဆိုရင် ဘုရားဖြစ်အောင် ကျင့်နေဖို့တောင် မလိုတော့ဘူး။ သုမေဓာ ရှင်ရသေ့ဘ၀က သာဝကပါရမီ ပြည့်နေပြီပဲ၊ ဆက်အားထုတ်လိုက်ရင် ရဟန္တာဖြစ်ပြီး နိဗ္ဗာန်ရောက်ဖို့ သေချာနေပါပြီ။ ပရဟိတစိတ်ကြောင့်သာ အသက်စည်းစိမ်များစွာ စွန့်လွှတ်အနစ်နာခံပြီး ဘုရားဖြစ်ကြောင်း ပါရမီကောင်းမှုတွေကို ဖြည့်ကျင့်ခဲ့တာ ဖြစ်တယ်။

ပရဟိတဆိုတာ ပေးဖို့သက်သက်ပါ။ လှူတဲ့အခါ သီလရှိသူတွေ ရွေးချယ်ကြတာက ကိုယ့်အတွက်ငဲ့လိုပါ။ ပရဟိတကျတော့ အယုတ် အလတ် အမြတ်မရွေး လူမျိုးမရွေး၊ ဘာသာမရွေး၊ ပုဂ္ဂိုလ်မရွေး၊ ဘယ်သူဘယ်ဝါ မရွေး၊ အားလုံးရဲ့ အကျိုးအတွက်ပါ။ သူတို့ဆီက ဘာတခုမှလဲ မျှော်လင့်ချက် မထားပါဘူး။ ကိုယ့်ကြောင့် သူ ချမ်းသာသွားရင် ပြီးတာပဲ။

ကမ္ဘာမှာ ကြက်ခြေနီ၊ လခြမ်းနီ စတဲ့ လူမှုရေးအဖွဲ့အစည်းတွေဟာ သူ့အတွက် ကိုယ်က အနာခံပေးရတဲ့ အဖွဲ့တွေပဲ။ ကူညီခံရသူတွေထံက တုံ့ပြန်ကျေးဇူးဆပ်မှုကို ဘာတခုမှ မမျှော်လင့် မတောင့်တကြပါဘူး။

ယခု (မင်္ဂလာဗျူဟာ ပရဟိတ အဖွဲ့)-ဆိုတာလဲ ဒီလိုပါပဲ။ လူမျိုးမရွေး၊ ဘာသာမရွေး၊ ပုဂ္ဂိုလ်သတ္တ၀ါမရွေး၊ ကံအား၊ ဉာဏ်အား၊ လုံ့လအား (ထိုက်သင့်သည့်အားလျော်စွာ) မလုံလောက်ရှာကြလို့ လူမှုရေး၊ ပညာရေး၊ ကျန်းမာရေး စသည် မပြည့်စုံရှာကြသူများကို သူတို့ခန္ဓာ သူတို့သုံးနိုင်ကြဖို့ မေတ္တာ ကရုဏာ အရင်းခံတဲ့ စေတနာကောင်းနဲ့ ကူညီဆောင်ရွက်နေကြတာပါ။

ပရဟိတစေတနာရှင်ဟာ ကိုယ့်ကျေးဇူးကို သိလို့ တုံ့ပြန်မှုကို လုံးဝမျှော်လင့်စရာ မလိုပါဘူး။ ပရဟိတစေတနာ ရှင်ဟာ ဒုက္ခလွတ်ပါစေဆိုတဲ့ ကရုဏာ၊ ချမ်းသာပါစေဆိုတဲ့ မေတ္တာနဲ့ပဲ ကူညီတတ်တယ်။ ပေးကမ်းတတ်တယ်။ ထောက်ပံ့တတ်တယ်။ မေတ္တာ ကရုဏာ အရင်းခံတဲ့ မြင့်မြတ်တဲ့စေတနာနဲ့ပဲ ဆောင်ရွက်ပေးပါတယ်။

လောကမှာ ကံ၊ ဉာဏ်၊ လုံ့လ မလုံလောက်ရှာကြလို့ ကျန်းမာရေး၊ လူမှုရေး၊ ပညာရေး စသည် မပြည့်စုံသူတွေ ရှိနေကြတော့ ကူညီနိုင်စွမ်းရှိသူ ပုဂ္ဂိုလ်တွေက ကူညီရမှာပါ။ ကူညီတော့ ပရဟိတစိတ်နဲ့ပဲ ကူညီရမယ်။ သူ့ဆီက ဘာမှမလိုပါဘူး။ သူက ကိုယ့်ကို အသိအမှတ် ပြုချင်လဲပြု၊ မပြုချင်လဲ နေပေါ့။ သူ့ကို ဒုက္ခလွတ်အောင် ကူညီတော့ သူ့ဒုက္ခလွတ်ရင် ပြီးပြီပဲ။ သူ့ကို ချမ်းသာအောင် ကူညီတာဆိုတော့ သူချမ်းသာသွားရင် ပြီးတာပဲ။ မလိုချင်သူကို ကိုယ့်စေတနာက အံ့သြစရာကောင်းအောင် အကျိုးပေးတတ်ပါတယ်။ မြင့်မြတ်တဲ့စိတ်ထားနဲ့ လုပ်ပေးတော့ မြင့်မြတ်တဲ့ အကျိုးကို မလိုချင်လဲ ရမှာပဲ။

တခါတရံ (စာစောင်တွေမှာ) ဓာတ်ပုံတွေနဲ့ ပါလာတတ်တယ်။ လူမှုရေး မပြည့်စုံတာလေးတွေ၊ ပညာရေး မပြည့်စုံတာလေးတွေ၊ ကျန်းမာရေး မပြည့်စုံတာလေးတွေ၊ ပရဟိတ စေတနာတွေရဲ့ အကူအညီ လိုအပ်ပုံတွေ ဖတ်ရှုရတယ်။ မေတ္တာ၊ ကရုဏာ အားကြီးတဲ့ ပရဟိတ စေတနာရှင်တွေက ကူညီလိုက်တဲ့အကြောင်းတွေလဲ အဲဒီ စာစောင်တွေထဲမှာပဲ ၀မ်းမြောက်ဝမ်းသာ ဖတ်ရှုရတယ်။

သူ့ဒုက္ခလွတ်စေချင်လို့ ကူညီတာက ကရုဏာ၊
သူချမ်းသာစေချင်လို့ ကူညီတာက မေတ္တာ၊
သူချမ်းသာသွားပြီလို့ ကြားရတာက မုဒိတာ။
တကယ်တော့ ပရဟိတဆိုတာ လောဘကို တိုက်ရိုက် ဖြိုဖျက်ရတဲ့အလုပ် ဖြစ်ပါတယ်။

မေတ္တာ၊ ကရုဏာနဲ့ ဆောင်ရွက်တာဖြစ်လို့ ဒေါသကိုလဲ တိုက်ရိုက်ဖျက်ဆီးနေရတဲ့ အလုပ်ဖြစ်တယ်။ အသိတရား ဦးဆောင်ပြီး လုပ်လိုက်တော့ မောဟကိုပါ သန့်စင်ခွင့် ရလိုက်ပြန်တယ်။ ဒီလိုဆိုတော့ လောဘ၊ ဒေါသ၊ မောဟကို အနိုင်ယူရတဲ့ အလုပ်ဖြစ်ပါပဲလား။ ဒါကြောင့် မြင့်မြတ်တဲ့အလုပ် ဖြစ်ရတာပါ။

လောကထဲမှာ ဆင်းရဲဒုက္ခအပူ ပြဿနာမျိုးစုံကို ဖန်တီးနေတဲ့ လောဘ၊ ဒေါသ၊ မောဟ အပူငွေ့တွေကို ဖယ်ရှားသန့်စင်ပြီး မြင့်မြတ်တဲ့စိတ်ထားနဲ့ ဆောင်ရွက်နေရတာဖြစ်လို့ စဉ်းစားလိုက်ရင် ပရဟိတအလုပ်ဟာ အလွန်ကြည်နူးစရာကောင်းတဲ့ အလုပ်ပါ။

(တိပိဋကဓရ ယော-ဆရာတော်)

ထိုနည်းတူစွာ ပညာပါရမီ ပညာရေးကူညီမှုအသင်းကလဲ (ကုသိုလ်ဖြစ် ပညာဒါန စသည်) ပရဟိတအလုပ် မြင့်မြတ်တဲ့အလုပ်တွေ ပြုလုပ်အားထုတ်နေသည်ဖြစ်ပါ၍ ပရဟိတအလုပ် မြင့်မြတ်တဲ့အလုပ် ပြုလုပ်လိုသူများအား ပညာပါရမီ ပညာရေးကူညီမှုအသင်းက လက်ကမ်းကြိုဆိုလျက်ရှိပါကြောင်း။

No comments: