Saturday, March 20, 2010

ခန္ဓာကိုယ်ကို ဟုတ်ရာမှာ အသုံးချဖို့

ပခုက္ကူမြို့ မဟာဝိသုတာရာမ ကျောင်းတိုက်၊ တိုက်တည်နည်းထွင် ပထမကျေးဇူးရှင် ရေစကြိုဆရာတော် ဘုရားကြီး အရှင်ဂန္ထသာရသည် အံ့ချီးဖွယ် ရဟန်းမြတ်ကြီး ဖြစ်သည်။ ၁၂၇၆-ခုနှစ် သက်တော် ၈၂-နှစ် ပျံလွတ်တော်မူခါနီး အချိန်အထိ စာချသွားတော်မူခဲ့သည်။

ပျံလွန်တော်မူခါနီးတွင် ဇရာဖိစီးမှုဒဏ်ကို ပိုမိုပြင်းထန်လာသည်။ ခြေဖျား၊ လက်ဖျားများ ရောင်အမ်းလာသည်။ သို့ရာတွင် ဆရာတော်ကြီးသည် စာဝါအပျက်မခံ ပို့ချတော်မူသည်။
ထိုအခါ တိုက်အုပ်ဘုန်းကြီး စာချဘုန်းကြီး ဒါယကာ ဒါယိကာမများက- ဆရာတော် စာဝါမချပါနဲ့တော့။ စာဝါချမယ့် တပည့်တွေ များစွာရှိနေတာပဲ။ စာဝါ နားပါတော့လား ဘုရား၊ စီမံအုပ်ချုပ် သြ၀ါဒပေးရုံဆို တော်လောက်ပါပြီ-ဟု လျှောက်ထားကြသည်။

ဆရာတော်ကြီးက ငါတို့ မြတ်စွာဘုရားဟာ နောက်ဆုံးပရိနိဗ္ဗာန်စံမယ့် ညောင်စောင်းမှာ လဲလျောင်းနေရသည့် အချိန်တိုင်အောင် ဘုရားအလုပ်ကို အားထုတ်လုပ်ဆောင်တော်မူတယ်။ သုဘဒ္ဒပရိဗိုဇ်ကို အရဟတ္တဖိုလ် ရောက်အောင် ဟောကြားပို့ဆောင်တော်မူခဲ့တယ်။

ဇရာဒုက္ခ၊ ဗျာဓိဒုက္ခ နှစ်ဝပေါင်းလျက် ညှဉ်းပန်း နှိပ်စက်ခံနေတော်မူရသော မြတ်စွာဘုရားသည် ဝေဒနာဒဏ်ကို တွန်းလှန် သည်းခံတော်မူကာ တပည့်သံဃာတော်များအား ဟန္ဒ ဒါနိ ဘိက္ခဝေ အစချီသော ဘုရားရှင်၏ နောက်ဆုံးစကား မိန့်ကြားတော်မူခဲ့ပါတယ်။ ဘုရားရှင်၏ သမ္မပ္ပဓာန် လုံ့လ၀ီရိယမှာ ကြီးမားတော်မူလှပါတယ်။

ငါတို့လဲပဲ ဘုရားရှင်၏ လုံ့လ၀ီရိယတော်ကို အတုယူ အားကျ ကျေးဇူးဆပ် ပူဇော်ကြရမှာဖြစ်တယ်။ စာမချဖို့တော့ နောက် လာမလျှောက်ကြနဲ့၊ ကဲ သွားကြ။
ဤသို့ ပြတ်ပြတ်သားသား မိန့်ကြားတော်မူကာ ၀ိနည်းမဟာဝါ ပါဠိတော်စာပေကို ကောက်ယူ ကြည့်ရှုတော်မူပါသည်။

ဤသို့ဖြင့် နေ့စဉ်နှင့်အမျှ စာပေပို့ချလျက် သည်းထန်သော ဝေဒနာကိုလည်း သည်းခံပယ်ဖျောက်တော်မူသည်။ ၁၂၇၆-ခုနှစ် သီတင်းကျွတ်လပြည့်ကျော် ၂-ရက်နေ့ နေ့လည် ၁၂-နာရီတွင် ၀ိနည်းမဟာဝါပါဠိတော် အဋ္ဌကထာကို နောက်ဆုံး ပို့ချတော်မူခြင်းဖြင့် ပို့ချတော်မူသည်။

စာဝါပို့ချပြီးသောအခါ စာဝါလိုက်သော သံဃာတော်များအား စာသင်စာချ မပျက်ကွက်မှ သာသနာတော် တိုးတက်မည်။ စာသင်စာချမပျက်ကြစေနဲ့။ သာသနာမပျက်ဖို့က ငါ့ရှင်တို့ လက်ထဲမှာရှိတယ်။ ကြိုးစားအားထုတ်ကြ-စသည်ဖြင့် ဆုံးမစကား မိန့်ကြားတော်မူပါသည်။ ဆုံးမစကား မိန့်ကြားပြီးသောအခါ ကုဋီသို့ ကြွတော်မူပါသည်။ ကုဋီမှ ပြန်ကြွလာပြီး ညောင်စောင်းပေါ်မှာ လက်ယာဘက်သို့ လျောင်းတော်မူကာ သင်္ခါရတရားတို့ကို ရှုဆင်ခြင်တော်မူလျက် ရုပ်သက် နာမ်သက်ခေါ်သော ရုပ်ဇီဝတ၊ နာမ်ဇီဝိတ နောက်ဆုံးချုပ်ကာ တဘ၀တာ စာပေပိဋကတ် မပြတ်ပို့ချချင်းဟူသော သာသနာပြု လုပ်ငန်းကြီးကို အပြီးသတ်တော်မူလိုက်ပါတော့သည်။

(ပခုက္ကူ-အရှင်ကေသရ)

No comments: