Monday, May 17, 2010

ပရိတ်မေတ္တာ တန်ခိုး

လွန်ခဲ့သော ငါးနှစ်ဝန်းကျင်က သက်တော်ရှည် တောကျောင်းဆရာတော်ကြီးသည် ပေါက်ချောင်းကျေးရွာ အန္တရာယ်ကင်းပရိတ်ရွတ်ပွဲသို့ ကိုယ်တိုင်ကြွရောက်ချီးမြှင့်ပေးခဲ့ပါသည်။ ၄င်းပေါက်ချောင်းရွာ ကျောင်းထိုင်ဆရာတော်မှာ ဆရာတော်ကြီး၏ တပည့်ရင်း ဘဒ္ဒန္တကောဝိဒ ဖြစ်သည်။ ဆရာတော်ကိုယ်တိုင် ကြါရောက်လာသောကြောင့် တပည့်ကျောင်းထိုင်ဆရာတော်မှာ အတိုင်းထက်အလွန် ၀မ်းသာမိလေသည်။

ယင်းသို့ ၀မ်းသာရခြင်းမှာ အကြောင်းရှိပါသည်။ အကြောင်းမှာ ပေါက်ချောင်းရွာထဲတွင် ရွာလယ်လူသွား တာလမ်းမကြီးတခု၌ ချောင်းခြားရှိ၍ ချောင်းက်ိုဖြတ်ကာ တံတားကြီးတခုရှိသည်။ ထိုတံတားကို နှစ်များစွာက ပေါက်ချောင်းဆရာတော်နှင့် အလှူရှင်(မန်းဘိတ်) ဒေါ်မစမ်းတို့က ဦးဆောင်၍ တည်ဆောက်ထားခဲ့သည်။

တံတားအနားတွင် နှစ်များစွာက သစ်ပင်အိုကြီးတပင်မှာ ယိမ်းယိုင်နေပြီး အချိန်ပိုင်းအတွင်း ပြိုလဲတော့မည်ဖြစ်သည်။ သစ်ပင်ကြီးမှာ တံတားဘက်တွင်ယိုင်နေပြီး ဆောင်းလေအဝေ့ တချက်နှစ်ချက် တိုက်လိုက်လျှင် တံတားပေါ်သို့ လဲကျဖို့ရန် သေချာသလောက်ဖြစ်နေသည်။ ဘယ်လိုနည်းနဲ့မှ တံတားမလွတ်နိုင်။ ကြိုးတပ်ပြီးချည်ကာ တံတားလွတ်အောင် ဆွဲနိုင်ဖို့ရာမှာလည်း မဖြစ်နိုင်။ သစ်ပင်ပေါ်သို့ မည်သူမျှ မတက်ရဲကြ။ သစ်ပင်မှာလည်း အဓိကရအပင်ကြီးလို ဖြစ်နေ၍ မခုတ်ရဲ၊ မဖြတ်ရဲ ဖြစ်နေကြသည်။

ထို့ကြောင့် ပေါက်ချောင်းဆရာတော်သည် တံတားပေါ်လဲကျတော့မည့် သစ်ပင်ကြီးကို မည်သို့ပြုလုပ်ရလျှင် ကောင်းမည်နည်း။ တံတားပေါ်လဲကျပါက တံတားပျက်စီးတော့မည်။ ထို့ပြင် လမ်းသွားလမ်းလာလည်း ပိတ်သွားမည်ဖြစ်သည်။ ကံဆိုးပါက လူပါ ထိခိုက်အန္တရာယ် ပေးနိုင်သည်။ ထို့ကြောင့် တောကျောင်းဆရာတော် ဘုရားကြီးအား အကူအညီတောင်းလျှောက်ထားလေသည်။

ထိုအခါ တောကျောင်းဆရာတော်ကြီးက ပရိတ်စတင်ရွတ်မည့် ကျောင်းကြီးပေါ်တွင် သီလမပေးခင် ကျေးရွာစောင့်နတ်များနှင့် သစ်ပင်စောင့်ရုက္ခစိုးနတ်များ အပါအ၀င် နတ်အားလုံးကို ဖိတ်လိုက်ပြီး သီလပေးသည်။ သီလပေးပြီးနောက် ဆရာတော်ကြီးက ပရိတ်မရွတ်ခင် မေတ္တာရှေ့ထား၍ ဤသို့သြ၀ါဒပေးသည်။

ယခုကျေးရွာအန္တရာယ်ကင်း ပရိတ်ရွတ်ပွဲတွင် ကြွရောက်ပရိတ်တရားနာကြတဲ့ နတ်များအားလုံးကို ဆရာတော်အနေဖြင့် မေတ္တာရှေ့ထား အကူအညီတခု တောင်းပါရစေ။ ဒီရွာထဲ တံတားအနားမှာရှိတဲ့ ယိုင်နေတဲ့ သစ်ပင်ကြီးကား မကြာခင် လဲကျတော့မှာဖြစ်တယ်။ အဲဒီသစ်ပင်မှာ နေထိုင်ကြတဲ့ နတ်များက အဲဒီသစ်ပင်ကြီး တံတားပေါ်သို့ မလဲကျအောင် ၀ိုင်းပြီး ကာကွယ်စောင့်ရှောက်ပေးကြပါ။ ကျန်တဲ့ ကျေးရွာစောင့်နတ်အားလုံး ကလည်း ထို့အတူ ၀ိုင်းဝန်းကာကွယ်ပေးကြစေလိုပါတယ်။ တံတားပေါ် လဲကျပါက တံတားပျက်စီးပြီး လူတွေပါ အနှောင့်အယှက်အန္တရာယ် ဖြစ်နိုင်ပါတယ်။ သစ်ပင်ကြီး တံတားပေါ်မကျရောက်ဖို့ ၀ိုင်းဝန်းကာကွယ်သော အားဖြင့် ကုသိုလ်များစွာ ရရှိမှာဖြစ်ပါတယ်။ ဒါကြောင့် ကုသိုလ်ရမယ့်အလုပ်တွေကို ပြုလုပ်အားထုတ်နိုင် ကြပါစေ။ သင်တို့ နတ်များအားလုံးကိုလည်း ဘုန်းကြီးတို့က မေတ္တာပို့ အန္တရာယ်ကင်းပရိတ် ရွတ်ပေးပြီး အမျှအတန်းလည်း ဝေပေးမှာဖြစ်ပါတယ်။

ဤသို့ဖြင့် တောကျောင်းဆရာတော်ကြီးသည် သြ၀ါဒပေး မေတ္တာရပ်ခံပြီး သံဃာတော်များနှင့်အတူ ပရိတ်ရွတ်ဆို ချီးမြှင့်ကြပါသည်။ ဆရာတော်ကြီးနှင့် သံဃာတော်အရှင်မြတ်များ ရွတ်ကြသည့် ပရိတ်မှာ အန္တရာယ်ကင်းပရိတ်များ ဖြစ်သည်။ မေတ္တာသုတ်၊ ရတနသုတ်၊ ၀ဋ္ဋသုတ်၊ အာဋာနာဋိယသုတ်နှင့် ပုဗ္ဗဏှသုတ်တို့ ပါဝင်လေသည်။

ဆရာတော်တို့ ပရိတ်ရွတ်ပြီး နောက်သုံးရက်အတွင်း သစ်ပင်ကြီးသည် ပြိုလဲကျပါတော့သည်။ လဲကျသည့်အချိန်တွင် လူသွားလူလာကင်းရှင်းနေသည်။ ပို၍အံ့သြစရာကောင်းသည်မှာ တံတားပေါ်တွင် ယိုင်နေသည့် သစ်ပင်ကြီးသည်တံတားပေါ်သို့ လဲမကျဘဲ တံတားလွတ်အောင် လဲကျသွားလေသည်။
ထို့ကြောင့် ပေါက်ချောင်းဆရာတော်နှင့် တပည့် ဒကာ ဒကာမ ကျေးရွာသားတို့သည် အံ့သြမဆုံး ဖြစ်၍ ၀မ်းမြောက်ဝမ်းသာကြရလေသည်။

အရှင်နန္ဒာစာရ-(တောင်ကျောင်း)
( မြတ်မင်္ဂလာ ၂၀၀၇-ခု စက်တင်ဘာလ)

No comments: