အကျိုးများစေ သမ္ဗုဒ္ဓေ

ညစဉ် အိပ်ရာဝင်ခါနီးတိုင်း ဘုရားရှိခိုးစာများကို အသက်အရွယ်အလိုက် ရွတ်ဖတ်နိုင်စေရန် သမီးကို သင်ကြားပေးခဲ့သည်။ ယင်းသင်ကြားခဲ့သော ပရိတ်၊ ပဋ္ဌာန်း၊ ဓမ္မစကြာတို့၏ အကျိုးကျေးဇူးများကိုလည်း ရှင်းလင်းပြောပြပေးသည်။ အကျိုးခံစားမှုတို့ကို ပြောပြတိုင်း မျက်လုံးဝိုင်းလေးနဲ့ နားထောင်ရှာသော သမီးအတွက် တခုသောနေ့က ပြောပြခဲ့သော အဖြစ်အပျက်မှာ သမီး၏ဖခင်၊ ကျွန်မ၏ ခင်ပွန်းကိုယ်တိုင် ကြုံတွေ့ခဲ့ရသော အဖြစ်အပျက် ဖြစ်သည်။

ဦးကိုချစ်သည် သမ္ဗုဒ္ဓေဂါထာကို တနေ့လျှင် ဘယ်နှစ်ကြိမ်ဟု အဓိဋ္ဌာန်ခြင်းမရှိသော်ငြားလည်း သတိရသည့်အချိန်တိုင်း ရွတ်ဖတ်ဖြစ်သည်။ ဤအကျိုးကျေးဇူး၏ လက်တွေ့ဖြစ်ရပ်ကား ၁၉၉၀-ပြည့် ၀န်းကျင်ခန့်က ဖြစ်သည်။ တာဝန်ကျရာမြို့ကလေးမှ ကိစ္စတခုဖြင့် ခရီးထွက်ခဲ့ရာ လမ်းခရီးတနေရာတွင် ဓားပြများ၏ တိုက်ခိုက်ခြင်းကို ခံခဲ့ရသည်။ ဓားပြများ၏ တားဆီးမှုကြောင့် ဦးကိုချစ်တို့ စီးနင်းလိုက်ပါ လာသောကားသည် တောစပ်တနေရာတွင် ထိုးရပ်လိုက်ရသည်။ ကားပေါ်တွင် ပါရှိလာသော ခရီးသည်များအားလုံးကို ကားပေါ်က ဆင်းစေပြီး ဓားပြဦးစီးက အားလုံး ဒူးထောက်ထိုင်ကြ၊ လက်တွေကို ခေါင်းပေါ်တင်ထားကြ။ ရုတ်ရုတ်လုပ်လို့ကတော့ အားလုံးမသာပေါ်သွားမယ်-ဟု ပြောပါသည်။

သေနတ်ကိုယ်စီနှင့် ချိန်ထားသော ဓားပြများကြောင့် တုန်လှုပ်ကြောက်ရွံ့စွာ ဒူးထောက်ထားချိန်ဝယ် ဦးကိုချစ်သည် သမ္ဗုဒ္ဓေဂါထာတော်ကို စိတ်ထဲတွင် အဆက်မပြတ် ရွတ်ဆိုနေမိသည်။ ဓားပြဦးစီး၏ ခိုင်းစေချက်အရ ဓားပြနှစ်ဦးသည် ကားပေါ်သို့တက်၍ ပစ္စည်းများကို မွှေနောက်ရှာဖွေ ယူငင်နေကြသည်။ တပြိုင်နက်တည်းမှာပင် သေနတ်ကိုယ်စီ ချိန်ထားသော ဓားပြများကလည်း ဒူးထောက်ထိုင်နေကြသော ခရီးသည်များထံမှ နာရီ ဆွဲကြိုး လက်စွပ် နားကပ် စသည်တို့ကို အတင်းချွတ်ခိုင်းကြသည်။ ဦးကိုချစ်သည် လည်ပင်းမှဆွဲကြိုးကို ချွတ်ပေးရင်း ကားပေါ်သို့သာ မမှိတ်မသုန် ကြည့်နေမိသောကြောင့် နှေးကွေးသည်ဟု ဆိုကာ သေနတ်ဒင်စာမိသေးသည်။

သမ္ဗုဒ္ဓေဂါထာကိုမူ မမေ့မလျော့ သတိမပြတ် ရွတ်ဖတ်နေစဉ် ကားပေါ်ရှာဖွေနေသူတဦးက ဦးကိုချစ်၏ ပိုက်ဆံအိတ်ကို ကောက်ယူပြီး ဖွင့်လိုက်သည်။ သူ၏ပိုက်ဆံအိတ်ထဲတွင် ရဲဝန်ထမ်းကဒ် မိတ္တူပါသည်ကို တွေးမိသောကြောင့်လည်း ဤသို့ ပူပန်စိတ် အားကြီးနေရခြင်းဖြစ်သည်။ ဓားပြများသည် လက်နက်ကိုင် ၀န်ထမ်းဆိုလျှင် အရှင်မထား၊ နေရာတွင်ပင် အသေပစ်သတ်လေ့ရှိသည်ကို ကြားသိပြီး ဖြစ်သည်။ ထို့ကြောင့် ပိုက်ဆံအိတ်ကို ဖွင့်လိုက်ချိန်တွင် မျက်စိကိုစုံမှိတ်၍ ဘုရားကိုသာ အာရုံပြုပြီး သမ္ဗုဒ္ဓေဂါထာကို မြန်သည်ထက်မြန်စွာ ရွတ်ဆိုလိုက်မိသည်။ ထိုအချိန်တွင် ဓားပြဦးစီးက နောက်ကားတွေ လာပြီဟေ့၊ ကားပေါ်ကကောင်တွေ ပစ္စည်းယူပြီး ဆင်းခဲ့ကြတော့-ဟု အမိန့်ပေးလိုက်သည်။

ဦးကိုချစ်၏ ပိုက်ဆံအိတ် အပါအ၀င် အလိုရှိရာ ပစ္စည်းတို့ကို ယူငင်ပြီး ဆင်းလာကြသည်။ ခရီးသည်အးလုံးကိုလည်း ကားပေါ်သို့တက်စေပြီး ကားကို မြန်မြန်မောင်းထွက်စေသည်။ နောက်မှ ရောက်လာသော ကားများကို စီးနင်းတိုက်ခိုက်နေစဉ် ဦးကိုချစ်တို့၏ ခရီးသည်တင်ကားသည် ကောင်းစွာလွတ်မြောက်လာခဲ့ပေပြီ။

ပိုက်ဆံအိတ်အတွင်းမှ ၀န်ထမ်းကဒ်မိတ္တူကို တွေ့ခါနီးအချိန်တွင် နောက်ကားတစီး ရောက်လာမှုကြောင့် အိတ်ကို ပြန်ပိတ်ကာ ယူငင်သွားသည့်အတွက် အသက်ဘေးမှ ဝေးခဲ့ရခြင်းဖြစ်သည်။ စဉ်ဆက်မပြတ် ရွတ်ဖတ်ပူဇော်ခဲ့သော သမ္ဗုဒ္ဓေဂါထာတော်၏ တန်ခိုးသည် ဦးကိုချစ်ကို ကောင်းစွာ ကယ်တင်ခဲ့ပေပြီ။

ထိတ်လန့်တကြားနှင့် အံ့သြဘနန်းပြောကြားခဲ့သော ခင်ပွန်းသည်၏ ဖြစ်ရပ်မှန်တို့ကို သမီးငယ်အား လက်ဆင့်ကမ်းဖြန့်ဝေပေးခဲ့သည်။ ဤမျှမက စာဖတ်သူအပေါင်းကိုလည်း လက်တွေ့ခံစားခဲ့ရသော သမ္ဗုဒ္ဓေဂါထာတော်၏ အကျိုးကျေးဇူးကို မျှဝေခံစားနိုင်ကြစေရန် ရေးသားလိုက်ရပေသည်။

မရွှေအံ
(မြတ်မင်္ဂလာ ၂၀၀၇-ခု စက်တင်ဘာလ)