Sunday, May 2, 2010

ဘာသာရေး ပြဿနာ ( ၁၁ )

( ဘဒ္ဒန္တ ၀ါယာမသာရ ဖြေသည် )

(မေး) (နဂါးရုံဘုရားပုံတော် ပြုသင့်-မပြုသင့်)
အရှင်ဘုရား။ နဂါးရုံဘုရားပုံတော်သည် မဟာယာနမှ ဆင်းသက်လာသော ပုံတော်ဖြစ်၍ ထိုပုံတော်များ မပြုလုပ်သင့်ကြောင်း တချို့က ပြောဆိုနေကြပါသည်။ မှန်-မမှန် ဖြေကြားပေးတော်မူပါဘုရား။
( အရှင်နန္ဒာသီရိ-ဦးလှမျိုးနိုင်-တောင်ငူ)

(ဖြေ)
နဂါးရုံဘုရား ပူဇော်ခြင်းမှာ ထေရ၀ါဒပိဋက ၀ိနည်းမဟာဝါပါဠိတော်အစ၌ ပါဝင်သော သတ္တသတ္တာဟ စံနေသော ဇာတ်လမ်းဖြစ်ပါသည်။
ဘုရားရှင်သည် ဘုရားဖြစ်ပြီး ဗောဓိပင်အောက်မှာပင် ၇-ရက်၊ အဇပါလညောင်ပင်ရင်း၌ ၇-ရက်၊ အရဟတ္တဖိုလ်သမာပတ် ၀င်စားပြီး စံနေတော်မူသည်။ ထို့နောက် ကျည်းပင်ရင်း၌ ၇-ရက် ချဉ်းကပ်နေစဉ် ၇-ရက်ပတ်လုံး အလွန်ချမ်းအေးလှစွာသော အခါမဲ့မိုးကြီး ရွာသွန်းသည်။ ထိုအခါ မုစလိန္ဒာနဂါးမင်းသည် နဂါးဗိမာန်မှ ထွက်၍ မြတ်စွာဘုရားကို အချမ်း၊ အပူ၊ ခြင်၊ မှက်၊ လေ၊ နေ၊ မြွေ၊ ကင်း၊ သန်းတို့၏ဘေးမှ ကာကွယ်ပေးလို၍ ဘုရားရှင်၏ ကိုယ်တော်ကို ခုနစ်ခွေ ရစ်ပတ်၍ ဦးထိပ်ပေါ်တွင် ကြီးစွာသော ပါးပျဉ်းကို မိုးလျက်နေ၏။

၇-ရက်လွန်၍ မိုးလေကင်းစင်မှ အခွေတို့ကို ဖြေ၍ နဂါးအသွင်ဖျောက်ပြီး လူ့အသွင်ဖြင့် ဘုရားကို ရှိခိုးလေ၏။ ဘုရားရှင်လည်း တရားဥဒါန်း ကျူးရင့်ဟောကြားတော်မူ၏။ ထိုမှတဆင့် လင်းလွန်းပင်ရင်းသို့ ၇-ရက်ကြွတော်မူ၏။
ဖော်ပြပါ ၀ိနယပိဋက၊ မဟာဝါပါဠိတော် သတ္တသတ္တာဟ စံနေတော်မူခန်းတွင် ပါဝင်သော အကြောင်းအရာဖြစ်၍ ထေရ၀ါဒအကြောင်းအရာစစ်စစ် ဖြစ်ပါသည်။

သို့သော် ယခု မြန်မာပြည်တွင် အလှအပအတွက် ကြည့်ကောင်းအောင် မြွေ၏အခွေများပေါ်တွင် သီတင်းသုံးပြီး ပါးပျဉ်းအုပ်ထားသောပုံကို ထုလုပ်ထားသည်မှာ မိုးဒဏ်၊ လေဒဏ် လုံခြုံသောပုံ မဟုတ်ပါ။ စာပါအကြောင်းအရာမှာ မိုးဒဏ်၊ လေဒဏ် လုံခြုံအောင် ပူဇော်သောပုံဖြစ်၍ မူရင်းအဓိပ္ပါယ်နှင့် ခြားနားနေပါသည်။
********************************************************************************

(မေး) (သံဃာပိုင်သစ်သီးများ အရှင်မပေးဘဲ စားမိက ရဟန်းများ ပါရာဇိက ကျ-မကျ)
အရှင်ဘုရား၊ ရိုသေစွာ လျှောက်ထားပါသည်။ သံဃိကကျောင်းတွင်းရှိ သံဃာအများပိုင် သရက်သီး၊ ပိန္နဲသီး၊ တမျိုးမျိုးကို ၄င်းကျောင်းက ရဟန်းတပါးပါး ခိုးစားမိပါက ပါရာဇိက ကျ-မကျ ဖြေကြားပေးတော်မူပါဘုရား။
(ဦးအနဂ္ဃသာရ-သန်လျင်)

(ဖြေ) ၀ိနည်းသိက္ခာပုဒ်တွင် တမတ်၊ တမတ်ထက် ထိုက်တန်သော ဥစ္စာကို ခိုးယူလျှင် ပါရာဇိကကျသည်။ ရဟန်းအဖြစ်မှ ဆုံးရှုံးသွားသည်ဟု ဟောတော်မူပါသည်။
ထိုတမတ်သည် ယခုခေတ် တမတ်မဟုတ်ဘဲ ၀ိမတိဋီကာ၌ ရွှေစင်တမတ်ကို ယူရမည်ဟု ဆိုသည်။ ယခုခေတ်အရ သိန်းဂဏန်းနီးပါး တန်နေသည်။ ၀ိနိစ္ဆယဋီကာနှင့် ရှေးသီဟိုဠ် (သီရိလင်္ကာ) ဆရာကြီးများက ရွှေ၊ ငွေ၊ ကြေး သုံးမျိုးရောသော မိဿက ကဟာပဏကို ယူရမည်ဟုဆို၏။ ၄င်းတန်ဖိုးလည်း ယခုခေတ် သုံးလေးသောင်းခန့် တန်နေသည်။ ထိုတန်ဖိုးများအရ သရက်သီး၊ ပိန္နဲသီး တမျိုးမျိုးကို တကြိမ်တစ်ခါ ခိုးစားမိရုံဖြင့် ပါရာဇိကအပြစ် မကျရောက်နိုင်ပါ။

သို့သော် အလွန်ငတ်မွတ်ခေါင်းပါးသော အချိန်၌ နှမ်းလေးတဆုပ် ခိုးစားမိရုံဖြင့် ပါရာဇိကအပြစ် ရောက်ရသည်ကို ၀ိ-၁၊ ၈၁၊ ၀ိနီတ ၀တ္ထု၌ ပြဆိုထားသဖြင့် အခြေအနေ၊ အချိန်အခါအလိုက် အမှတ်မမြဲသည့်အတွက် ထပ်မံ၍မကျူးလွန်မိအောင် ထိန်းသိမ်းရမည်။ ယခုအခါ ဒုဗ္ဘိက္ခန္တရကပ် ဆိုက်ရောက်ချိန် မဟုတ်သဖြင့် မကျဟုသာ ဆုံးဖြတ်ပါသည်။ နောင်အခါ စောင့်စည်းပါလေ။
********************************************************************************

(မေး) (မြေပေါက်စေတီ)
အရှင်ဘုရား၊ ၂၄-တောင်ရှိသော မြေပေါက်စေတီသည် လေဒဏ်၊ မိုးဒဏ် ကြီးမားပါသဖြင့် ပြိုကျသွားပါသည်။ ၄င်းစေတီနေရာတွင် မြတ်စွာဘုရား၏ ရုပ်ပွားဆင်းတုတော်တဆူ ပြန်တည်ရန် ပြောကြသော်လည်း ရုပ်ပွားဆင်းတု မတည်ကောင်းဘူး။ မြေပေါက်စေတီသာ ပြန်တည်ရမည်ဟု ပြောကြပါသည်။ အဘယ်ကြောင့်ပါနည်း။ ဖြေကြားပေးတော်မူပါဘုရား။
ဦးအောင်-မန္တလေး)

(ဖြေ)
များသောအားဖြင့် ရှေးဟောင်းစေတီများ၊ ရုပ်ပွားဆင်းတုတော်များ ပြန်လည်မွမ်းမံတည်ထားကြရာဝယ် မြေပေါက်စေတီဟောင်းကို ပြန်လည်ပြုပြင်ရာ၌ မြေပေါက်စေတီအဖြစ်သာ ပြန်လည်ပြုပြင်ခြင်း၊ ငုံ၍တည်ခြင်း ဉာဏ်တော်မြှင့်ခြင်း စသည် ပြုပြင်ပူဇော်ကြပါသည်။ ရုပ်ပွားဖြစ်လျှင်လည်း ပို၍ သပ္ပါယ်ကြည်ညိုဖွယ်ဖြစ်သော ရုပ်ပွားတော်အဖြစ်သာ ပြန်လည် ပူဇော်ရိုး ထုံးစံရှိပါသည်။ စေတီဘုရားတို့တွင် စောင့်ရှောက်သော မြင်အပ်သော လူပုဂ္ဂိုလ်၊ မမြင်အပ်သော စေတီစောင့်နတ် အစရှိသည်တို့လည်း မိမိတို့၏ ယခင်စေတီရုပ်ပွားတော်တို့ကိုသာ ပြန်၍ ဖူးလို၊ မြင်လို ကြလိမ့်မည်။ ထို့ကြောင့် ယခင်အတိုင်း ပြန်လည်ပြုပြင် ပူဇော်ခြင်းသာ အကောင်းဆုံးဖြစ်ပါသည်။ လုံးဝမတည်ကောင်းဟု မရှိပါ။ ထိုထိုစေတီ ဘုရား ရုပ်ပွားတော် တည်ထားပူဇော်ခြင်းနှင့် စပ်လျဉ်း၍ ကျွမ်းကျင်တတ်မြောက်သော ပုဂ္ဂိုလ်များနှင့်သာ ဆောင်ရွက်သင့်ပါသည်။
********************************************************************************

(မေး) (ကုသိုလ်ကံ အကုသိုလ်ကံ)
အရှင်ဘုရား၊ ငယ်ရွယ်စဉ်အခါက အကုသိုလ်အလုပ်များ ပြုခဲ့မိပါသည်။ အသက်အရွယ် ကြီးရင့်လာသောအခါ အကုသိုလ်အလုပ်များ မလုပ်ဖြစ်အောင် ရှောင်ကြဉ်ပါသည်။ အတတ်နိုင်ဆုံး ကောင်းမှုများ ပြုပါသည်။ ဤကဲ့သို့ ကောင်းမှုများများပြုလျှင် ယခင်ပြုမိခဲ့သော အကုသိုလ်ကံများ အကျိုးပေးခွင့်မရတော့ဘဲ အဟောသိကံ ဖြစ်သွားနိုင်ပါသလား။ အပြစ်များကျေအောင် မည်သို့လုပ်ရမည်ကို ရှင်းလင်းစွာ ဖြေကြားပေးတော်မူပါဘုရား။
(ဦးအောင်သန်း။ ဒေါ်တင်စိန်-မြောက်ဥက္ကလာ)

(ဖြေ)
ကုသိုလ်ကို လှေနဲ့နှိုင်းပြီး အကုသိုလ်ကို လှေပေါ်ပါသည့် ပစ္စည်းနှင့် နှိုင်းပါသည်။ ပုထုဇဉ်လူသားများဖြစ်၍ ကုသိုလ် အကုသိုလ် အစုံဖြစ်နေ ရှိနေကြပါသည်။
ကုသိုလ်လှေက တောင့်တင်းခိုင်မာ အားကောင်းလျှင် အကုသိုလ်ဝန်ထုပ်ဝန်ပိုးတွေ ရှိနေလင့်ကစား အလွယ်တကူ သယ်ဆောင်၍ သံသရာခရီးတွင် မပင်မပန်း သွားနိုင်မည်။

အကုသိုလ်ဝန်ထုပ်ဝန်ပိုးတွေက များလျှင် ကုသိုလ်လှေ မနိုင်၍ မြုပ်သွားမည်။ အပါယ်လေးပါးတွင် မြုပ်သွားမည်။ ကုသိုလ်လှေကို အားကောင်းတောင့်တင်းခိုင်မာအောင် လုပ်ထားလျှင် အပါယ်လေးပါး၌ မမြုပ်နိုင်ပါ။ ထို့ကြောင့် ကုသိုလ်များများ လုပ်ရပါမည်။

ပို၍စိတ်ချရအောင် အရိယာသောတာပန်အဖြစ် ရောက်အောင် တရားဘာဝနာ အားထုတ်ရမည်။ သောတာပန်ဖြစ်လျှင် အပါယ်လေးဘုံသို့ မရောက်တော့ပြီ။
********************************************************************************

(မေး) (စုတ်ပြဲသော သင်္ကန်းများအသုံးပြုပုံ)
အရှင်ဘုရား၊ ရဟန်းတော်များ သင်္ကန်းကို အသုံးပြုရာတွင် အရှင်အာနန္ဒာနှင့် ကောသလမင်းကြီးတို့၏ အမေး+အဖြေကြောင့် စုတ်သွားသောသင်္ကန်းကို ကြမ်းတိုက်၊ ခြေသုတ်၊ အမှုံ့ပြု၍ လမ်းခင်း စသည်ဖြင့် အလဟဿမဖြစ်ရအောင် အသုံးပြုပုံကို သိရသဖြင့် ကြည်ညိုသဒ္ဓါ ပွားများရပါသည်။ သို့သော် တပည့်တော်သည် ဘုန်းကြီးကျောင်းသို့ မကြာခဏ သွားနေရပီး စိတ်မကြည်လင်ဖြစ်ရသည်မှာ ဘုန်းကြီးကျောင်းတွင် သင်္ကန်းအစုတ်ကို ခြေသုတ်၊ လက်သုတ်ပြုလုပ်ထားပါသည်။ လူတယောက်အနေဖြင့် အခြားခြေသုတ်လည်း မရှိ၍ ထိုသင်္ကန်းစုတ်ကိုပင် ခြေသုတ်၊ လက်သုတ် သုံးမိလျှင် အပြစ် ရှိ-မရှိ သိလိုပါသည်။

တဖန် ဘုန်းကြီးကျောင်း ကြမ်းတိုက်သည့်အခါတွင်လည်း သင်္ကန်းစုတ်ကိုပင် လက်ဖြင့်ကိုင်၍ ကြမ်းတိုက်သည်မှာ သင့်တော်သော်လည်း ခြေဖြင့်နင်း၍ ကြမ်းတိုက်လျှင် လူတဦးအနေဖြင့် အပြစ်ရှိ-မရှိ ဖြေကြားပေးတော်မူပါဘုရား။
(ဦးသာရှိ -ခ-ဦးသန်းရွှေ - ကြာပင်-တမူးမြို့)

(ဖြေ)
ရဟန်းတို့၏ အသုံးအဆောင်များသည် လူပုဂ္ဂိုလ်များအတွက် ပူဇော်ရာ စေတီထိုက်သောအရာ၌ တည်ပါသည်။
(ဘိက္ခူနံ ပရိဘောဂေါ၊ ဂိဟီနံ စေတီယဋ္ဌာနေ တိဋ္ဌတိ)။
ထို့ကြောင့်လူပုဂ္ဂိုလ်များအနေဖြင့် သင်္ကန်းဟူသော အမှတ်သညာ မပျောက်သေးလျှင် ခြေဖြင့်နင်းခြင်း၊ ခြေသုတ်ခြင်း၊ လက်သုတ်ခြင်း စသော မရိုမသေပြုမှု အမျိုးမျိုးကို ရှောင်ကြဉ်သင့်ပါသည်။ ရဟန်းသံဃာများ အနေဖြင့်လည်း လူများအကုသိုလ်အပြစ် မရောက်စေရန် လူအများ သွားလာဝင်ထွက် သုံးဆောင်ရာ၌ မထားမိဖို့ သတိပြုသင့်ပါသည်။ ရဟန်းသံဃာချည်း အသုံးပြုသည့်နေရာ၌သာ ထားသင့်ပါသည်။

သင်္ကန်းသည် အရဟဒ္ဓဇံ-အရဟတ္တဖိုလ် ရဟန္တာတို့၏ အလံတံခွန် ဖြစ်ပါသည်။ လူပုဂ္ဂိုလ်များ ရဟန္တာအဖြစ်သို့ရောက်လျှင် သင်္ကန်းမရှိက ထိုရဟန္တာဖြစ်သည့်နေ့ပင် ပရိနိဗ္ဗာန်ပြုရလေ၏။ သင်္ကန်းဝတ်ရလျှင်ကား သက်တမ်းရှိသမျှ ရဟန္တာဘ၀ဖြင့် နေနိုင်ပါ၏။ သင်္ကန်း၏ တန်ခိုး ကြီးမားလှပါ၏။ သာသနိကပစ္စည်း အမျိုးမျိုးတို့ကို လူတို့ မရိုမသေ အသုံးမပြုမိဖို့ရန် ရဟန်းသံဃာများက အသိပေးဆုံးမကြရပါမည်။
********************************************************************************

(မေး) (၀င်လေ သိ၊ ထွက်လေ သိ)
အရှင်ဘုရား၊ တရားရှုမှတ်ရာတွင် ၀င်လေ သိ၊ ထွက်လေ သိ၊ စသည်ဖြင့် ၀င်လေထွက်လေတို့ကို သိနေရန် ညွှန်ပြကြပါသည်။ သို့သော် တပည့်တော်၏ စိတ်ထဲတွင် လူသည် ၀င်လေကြောင့် အသက်ရှင်ခွင့်ရပြီး ထွက်လေကြောင့် ရပ်စဲပျက်စီးသွားသည်ဖြစ်၍ ၀င်လေဖြစ်၊ ထွက်လေပျက်-ဟု ပြောင်းလဲပြီး ရှုမှတ်နေပါသည်ဘုရား။
ထိုသို့ ရှုမှတ်နေခြင်းသည် တရားဓမ္မနှင့် ဆီလှော်မှန်ကန်မှု ရှိ-မရှိ၊ လက်ခံနိုင်-မခံနိုင် သိလိုပါသည်။ ဆီလျော်ပါက ဆက်လက်မှတ်သားသွားပါမည်ဘုရား။
(အဘိုးဟန်-ယုဇနဥယျာဉ်မြို့တော်)

(ဖြေ)
မဆီလျော် မမှန်ကန်ပါ။ ၀င်လေမှာလည်း ဖြစ်၊ တည်၊ ပျက် သုံးခုလုံး ရှိပြီး ထွက်လေမှာလည်း ဖြစ်၊ တည်၊ ပျက် သုံးခုလုံး ရှိပါသည်။ ၀င်လေ၏ အစဖြစ်ရာသည် နှာသီးဖျား၊ အလယ်တည်ရာသည် ရင်ချိုင့်၊ အဆုံး ပျက်ရာသည် ချက်ဖြစ်သည်။

ထွက်လေတွင်လည်း ထွက်လေ၏ အစဖြစ်ရာသည် ချက်၊ အလယ်တည်ရာသည် ရင်ချိုင့်၊ အဆုံး ပျက်ဆုံးရာသည် နှာသီးဖျား ဖြစ်ပါသည်။ ထိုသို့ ဖြစ်ပျက်ကိုမြင်လျှင် ၀ိပဿနာဉာဏ်စဉ်အစ သမ္မသနဉာဏ် ဖြစ်ပါသည်။

ဝင်လေ စဖြစ်လျှင် ထွက်လေ မရှိတော့၊ ပျက်သွားပြီး၊ ထွက်လေ စဖြစ်လျှင် ၀င်လေ မရှိတော့ ပျက်သွားပြီး အဖြစ်အပျက်ကို မြန်မြန်ကြီး သိလာလျှင် ဖြစ်တည်မှုများ မထင်ရှားတော့ဘဲ အပျက်တို့သာ ထင်ရှားလာသည်။ ထိုသို့ ၀င်လေ အနိစ္စ၊ ထွက်လေလည်း အနိစ္စဟု အပျက်ချည်းသာ မြင်လာလျှင် ဘင်္ဂဉာဏ် ဖြစ်တော့သည်။

ဝင်လေ ထွက်လေ၏ ဖြစ်ပျက်နှစ်ခုလုံး မြင်အောင်စ၍ ရှုရပါမည်။ ၀င်လေဖြစ်၊ ထွက်လေပျက်-ဟု မရှုမှတ်ရပါ။

( မြတ်မင်္ဂလာ ၂၀၀၇-ခု ဇူလိုင်လ)

No comments: