Monday, May 17, 2010

ထီ ၂၄-ကြိမ်ပေါက်သူ

သာကေတမြို့၏ ကျက်သရေဆောင် တရာ့ရှစ်တောင် (မဟာဗောဓိစွယ်တော်ရှင် စေတီတော်မြတ်) တွင် ညစဉ် မီးပူဇော်သူတဦး ရှိသည်။
သူသည် ဦးအောင်ခင်ဆန်း ဖြစ်ပြီး မြန်မာ့ဆိပ်ကမ်းအာဏာပိုင် ကော်ပိုရေးရှင်းဌာနတွင် ကြီးကြပ်ရေးမှူးအဆင့်ဖြင့် တာဝန်ထမ်းဆောင်နေသည်။
အသက် ၈၀-ကျော် မိခင်အိုကြီးကို ပြုစုလုပ်ကျွေးနေသူတဦး ဖြစ်သည်။

ကျေးဇူးရှင် မိခင်၏ ဝေယျာဝစ္စများကို အမြဲတမ်း ပြုလုပ်လေ့ရှိသည်။ ဘုရားဆွမ်းတော်ကပ်ခြင်း၊ သောက်တော်ရေချမ်းနဲ့ အိမ်သားများ သောက်ရန် သောက်ရေအိုးကိုလည်း အမြဲတမ်း ဖြည့်ဆည်းပေးသူ ဖြစ်သည်။ လမ်းထွက်ခြင်း၊ ရုံးသွားခြင်း၊ ခရီးသွားခြင်း စသည့်အခါများတွင် အိမ်မှစထွက်၍ အိမ်သို့ပြန်ရောက်သည်အထိ မြတ်စွာဘုရား၏ ဂုဏ်တော်နှင့် သမ္ဗုဒ္ဓေဂါထာတော်ကို မပြတ်ရွတ်ဖတ်သူ ဖြစ်သည်။

လွန်ခဲ့သော နှစ် ၃၀-ကျော်မှစ၍ ယနေ့ထက်တိုင် ဖယောင်းတိုင် အတိုင်ပေါင်း ငါးသိန်းကျော် မီးပူဇော်ခဲ့ပြီး ဖြစ်သည်။ သီတင်းကျွတ်လပြည့်နေ့ညနှင့် တန်ဆောင်မုန်းလပြည့်နေ့ညများတွင် ဆီမီးသုံးထောင်၊ ဆီမီးငါးထောင် စသည်ဖြင့် နှစ်စဉ်ပူဇော်ခဲ့သည်။ ဆီမီးများထွန်းညှိပူဇော်ပြီးသည်နှင့် တပြိုင်နက် တရားထိုင်ခြင်း၊ ပဋ္ဌာန်းဒေသနာ ရွတ်ဖတ်ခြင်း၊ မေတ္တသုတ်ပရိတ်တော်ကို ရွတ်ဖတ်ခြင်းများ ပြုသည်။

ဤကောင်းမှု စေတနာကံကြောင့်ပင် ထင်ပါသည်။ သူ၏ ဖြူနေသောဆံပင်များ နက်မှောင်လာသည်။ မျက်စိအား အနည်းငယ်မှုန်နေရာမှ အထူးကြည်လင်ကောင်းမွန်လာသည်။ ထို့ပြင် အောင်ဘာလေ သိန်းဆုကြီးကို အကြိမ် ၇၀-မှစ၍ အကြိမ် ၂၁၄-ကြိမ်အထိ ၄-သောင်းဆု ၄-ဆု၊ ၂-သောင်းဆု ၂၀-ဆု၊ ပေါင်း ၂၄-ကြိမ်တိတိ ဆွတ်ခူးရရှိခဲ့လေသည်။

ညီညီလွင်-ရေကြောင်းဦးစီးဌာန
(မြတ်မင်္ဂလာ ၂၀၀၇-ခု စက်တင်ဘာလ)

No comments: