Friday, May 21, 2010

အပင်လေးမျိုး လူလေးမျိုး

အခါတပါး၌ မြတ်စွာဘုရားသည် ရဟန်းတို့အား သစ်ပင်လေးမျိုး ဥပမာဖြင့် ပုဂ္ဂိုလ်လေးမျိုးရှိကြောင်း အောက်ပါအတိုင်း ဟောတော်မူသည်-

ရဟန်းတို့ ဤလောက၌ သစ်ပင်တို့သည်-
(၁) အကာပင်ဖြစ်၍ အကာပင် အခြံအရံရှိသော သစ်ပင်။
(၂) အကာပင်ဖြစ်၍ အနှစ်ပင် အခြံအရံရှိသော သစ်ပင်။
(၃) အနှစ်ပင်ဖြစ်၍ အကာပင် အခြံအရံရှိသော သစ်ပင်။
(၄) အနှစ်ပင်ဖြစ်၍ အနှစ်ပင် အခြံအရံရှိသော သစ်ပင်။ ဟူ၍ လေးမျိုးရှိသည်။

ထို့အတူ လောကတွင် ပုဂ္ဂိုလ်လေးမျိုးရှိသည်။
(၁) အကြင်သူသည် သီလမရှိ၊ ယုတ်မာသော အကျင့်ရှိ၏။
သူ၏ပရိသတ်သည်လည်း သီလမရှိ။ ယုတ်မာသောအကျင့်ရှိ၏။
ထိုသူသည် အကာပင်ဖြစ်၍ အကာပင်အခြံအရံရှိသော သစ်ပင်နှင့်တူသော ပုဂ္ဂိုလ်ဖြစ်၏။

(၂) မိမိကိုယ်တိုင် သီလမရှိဘဲ သူ၏ပရိသတ်က သီလရှိလျှင်
ထိုသူသည် အကာပင်ဖြစ်၍ အနှစ်ပင် အခြံအရံရှိသော သစ်ပင်နှင့်တူသူ ဖြစ်၏။

(၃) မိမိက သီလရှိပြီး သူ၏ပရိသတ်က သီလမရှိလျှင်
ထိုသူသည် အနှစ်ပင်ဖြစ်၍ အကာပင်အခြံအရံရှိသော သစ်ပင်နှင့်တူသူဖြစ်၏။

(၄) မိမိကလည်း သီလရှိ၏။ သူ၏ပရိသတ်ကလည်း သီလရှိလျှင်
ထိုသူသည်အနှစ်ပင်ဖြစ်၍ အနှစ်ပင်အခြံအရံရှိသော သစ်ပင်နှင့်တူသူဖြစ်၏။
ဟု ဟောတော်မူသည်။
ကျမ်းကိုး။ ။ အင်္ဂုတ္တရ၊ စတုက္ကနိပါတ်၊ ၀လာဟက၀ဂ်၊ ရုက္ခသုတ်။

ဦးငွေအောင်မွန်
(မြတ်မင်္ဂလာ ၂၀၀၇-ခု အောက်တိုဘာလ)

No comments: