Sunday, May 16, 2010

ဘာသာရေး ပြဿနာ ( ၁၃ )

( ဘဒ္ဒန္တ ၀ါယာမသာရ ဖြေသည် )

(မေး) ( နို့နှစ်လုံးဖိုးမက ကျေပါသည်)
အရှင်ဘုရား၊ တပည့်တော် သိလိုသည်မှာ မြတ်စွာဘုရားရှင်သည် မိခင်မယ်တော်မာယာ၏ မွေးကျေးဇူးကို ဆပ်ရာတွင် နို့တလုံးဖိုးသာ ကျေပါသည်ဟု ငယ်စဉ်ကတည်းက ကြားဖူးနေပါသည်။ သို့သော်လည်း ယခုအခါ ဆရာတော် သံဃာတော်များက နို့နှစ်လုံးဖိုးကျေပါသည်ဟု ဟောကြားသံ ကြားနေရပါသည်။ အမှန်ကို သိလိုပါသဖြင့် ကျမ်းဂန်အထောက်အထားနှင့် ဖြေကြားပေးတော်မူပါဘုရား။
(မောင်ထင်လင်း-ကျောက်ကုန်းလမ်း၊ ရန်ကုန်မြို့)

(ဖြေ)
ဘုရားရှင်ဟောကြားတော်မူသောနည်းဖြင့် ကျေးဇူးဆပ်တတ်မည်ဆိုလျှင် နို့နှစ်လုံးဖိုးမက ကျေပါသည်။
အင်္ဂုတ္တိုရ်ပါဠိတော်၊ ဒုကနိပါတ်၊ သမစိတ္တ၀ဂ်တွင် မိဘတို့၏ ကျေးဇူးကို ကျေပွန်အောင် ပြန်ဆပ်နိုင်ဖို့ ခဲယဉ်းကြောင်း ဘုရားရှင်ဟောတော်မူပါသည်။ မည်မျှခဲယဉ်းသနည်းဆိုသော် လိမ္မာသော သားသမီးသည် အမိအဖတို့၏ ကျေးဇူးကို ဆပ်လိုလှသဖြင့် အမိကို လက်ယာပဖုံး၌၊ အဖကို လက်ဝဲပဖုံး၌ထား၍ ရေနွေး၊ ရေအေး အမျိုးမျိုးတို့ဖြင့် ရေချိုးပေးခြင်း၊ နံ့သာအမျိုးမျိုးတို့ဖြင့် လိမ်းကျံပေးခြင်း၊ နှိပ်နယ်ပေးခြင်း၊ လိုလေသေးမရှိအောင် အစားအစာပေးခြင်း၊ ယုတ်စွအဆုံး ကျင်ကြီးကျင်ငယ်ပင် ပခုံးပေါ်၌ စွန့်၍ သုတ်သင်ပေးခြင်းတို့ဖြင့် ပြုစုလုပ်ကျွေးပါသော်လည်း ကျေးဇူးကျေအောင် ဆပ်ပြီးသူဟု မခေါ်ထိုက်သေး။

ထိုမျှဖြင့်လဲ အားမရသေးသဖြင့် မိမိက စကြာဝတေးမင်းကြီးဖြစ်၍ မိဘကျေးဇူးကျေအောင် ဆပ်လို၍ စကြာမင်းကြီး၏ စည်းစိမ်ချမ်းသာပေး၍ မိဘတို့အား ပြုစုလုပ်ကျွေးခြင်းသည်လည်း ကျေးဇူးမကျေနိုင်သေး-ဟု ဆိုပါသည်။
ကျေးဇူးကျေအောင်ဆပ်နည်းမှာ-
(၁) ရတနာသုံးပါး၊ ကံ ကံ၏အကျိုးတရားတို့ကို ယုံကြည်မှု သဒ္ဓါတရားမရှိ၊ အားနည်းနေသေးသော မိဘတို့ကို သဒ္ဓါတရား တိုးပွားလာအောင်။
(၂) သီလမရှိ၊ သီလအားနည်းနေသေးသော မိဘတို့ကို သီလရှိ သီလအားကောင်းလာအောင်။
(၃) မပေးရက်လို ၀န်တိုမှု မစ္ဆရိယအားကောင်းနေသော မိဘတို့ကို ပေးကမ်းစွန့်ကြဲလှူဒါန်းမှု ဒါန၊ စာဂ တရားတို့၌ အားကောင်းလာအောင်။
(၄) လောကီ၊ လောကုတ္တရာ ၊ သမထ၊ ၀ိပဿနာ ပညာ အားနည်းနေသေးသော မိဘတို့ကို လောကီ၊ လောကုတ္တရာ၊ သမထ၊ ၀ိပဿနာ ပညာ အားကောင်းလာအောင် ဆောင်ရွက်ပေးနိုင်သော သားသမီးတို့သည် မိဘကျေးဇူးကို ကျေအောင်ဆပ်နိုင်သည့်အပြင် ကျေးဇူးတရားများ အမို့အမောက် ပိုလျှံ၍သွားပါ၏။

အဘယ့်ကြောင့်ဆိုသော် စကြာမင်းစည်းစိမ်ကြီး ပေးသော်လည်း တဘ၀ ကောင်းစားရေးသာ ဖြစ်ပါ၏။ သဒ္ဓါ၊ သီလ၊ စာဂ၊ ပညာ တရားတို့ တိုးပွားပါမူကား သံသရာတလျှောက် နိဗ္ဗာန်ရောက်သည့်တိုင်အောင်ပင် ကျေးဇူး ပြုနိုင်သောကြောင့် ဖြစ်ပါသည်။

ပုတ္တောဝါဒ ဆုံးမခန်းကဟု အောက်မေ့သည်။ နှုတ်ဝယ်ဆောင်ထားဖို့ကောင်းသည့် မိဘကျေးဇူး ကျေအောင်ဆပ်နည်း-လင်္ကာ
နားဝယ်စိမ့်ငှါ၊ ငါဆရာလျှင်၊ မာတာပိတ၊ ဂုဏ်ကိုပြ၍၊ ပုတ္တတို့အား၊ ဆပ်ငြားပိုင်ကြောင်း၊ ဖော်ပြရှောင်း၍၊ မကောင်းမိဘ၊ ဓမ္မမတည်၊ မကြည်မညို၊ ၀န်တိုမိစ္ဆာ၊ ပါဏာတိပါတ်၊ သတ်-ခတ်လုယူ၊ မဖြူနှလုံး၊ မသုံးသီလ၊ ဒါနမပွား၊ မသွားကျောင်းကန်၊ ဟုတ်လှမှန်သား၊ မိဘအားကို၊ တရားစောင့်စောင့်၊ တော်ဖြောင့်လှစွာ၊ မိစ္ဆာမဖောက်၊ မသောက်သေစာ၊ ပါဏာသူ့သက်၊ ခိုးဝှက်ယူမှု၊ ဤငါးခုကို၊ မပြုနှင့်ဗျာ။

လှူဒါမပြတ်၊ ပိဏ္ဍပတ်လည်း၊ မလပ်နေ့တိုင်း၊ မရိုင်းကျောင်းကန်၊ အမှန်သွားသွား၊ တရားနာနာ၊ ရတနာဦး၊ မပြတ်ဖူး၍၊ ကြည်နူးလှစေ၊ ညောင်ရေလည်းသွန်း၊ ဆီမီးထွန်းလျက်၊ ဆွမ်းကွမ်းလက်ဖက်၊ ရေစက်ချချ၊ လှူဒါနနှင့်၊ သီလဥပုသ်၊ ကိုယ်နှုတ်နှလုံး၊ စောင့်သုံးပါဗျာ၊ မိမာတာကို၊ ဤသို့ဆိုတတ်၊ ထိုသားမြတ်ကို၊ ဆပ်ဆပ်ကျေးဇူး၊ မို၏တည်။

သားလိမ္မာ၊ သမီးလိမ္မာတို့သည် မိဘတို့အား ကျွေးမွေးပြုစုရုံမဟုတ်ဘဲ ကုသိုလ်ရေးတို့၌ ပျော်မွေ့အောင် အားပေးဆောင်ရွက်စေနိုင်လျှင် နို့နှစ်လုံးဖိုးမက ကျေပါသည်။ ပိုပါသည်။ လျှံပါသည်။ မို၍မောက်၍ လာပါသည်။
********************************************************************************

(မေး) (လှူမည်ဟုဝန်ခံပြီး မလှူက ကုန်သွယ်ရောင်းဝယ်မှု မကောင်း)
အရှင်ဘုရား၊ တချို့ ဒကာ ဒကာမများသည် ကျောင်းကန်ဘုရားနှင့်စပ်၍ လှူပါမည်ဟု ၀န်ခံသဖြင့် ဘုန်းကြီးပိုင်ငွေ၊ အသင်းအဖွဲ့များပိုင်ငွေထဲမှ စိုက်ထုတ်၍ ဆောင်ရွက်ပြီးခါမှ လှူမည်ဟု မပြောမိပါဟု၎င်း၊ မလှူနိုင်တော့ပါဟု၎င်း ငြင်းဆိုသည့်စကား ပြောကြပါသည်။ ထိုပုဂ္ဂိုလ်နှစ်မျိုးသည် မည်သို့ အကျိုးအပြစ် ရှိနိုင်ပါသနည်း။ စိုက်ထုတ်လုပ်ကိုင်ထားသော ပုဂ္ဂိုလ်သည်လည်း စိတ်မကောင်းဖြစ်ရသဖြင့် မည်သို့သော အပြစ်ရှိနိုင်ပါသနည်း။
(ဆောင်းဟေမာန်-မြတ်ကြေးမုံ)

(ဖြေ)
အလွန်သိမ်မွေ့သော ကိစ္စဖြစ်၏။ သဒ္ဓါတရားသည် မခိုင်မြဲသောကိစ္စ ဖြစ်၏။ ရှင်မောဂ္ဂလာန်သည်ပင် ဆွမ်းစားပင့်ထားသော သူဌေး၏ ပစ္စည်း၊ အသက်၊ သဒ္ဓါတရားတို့ကို စောင့်ရှောက်ပေးရမည်ဟု လျှောက်ထားရာတွင် ပစ္စည်း၊ အသက် တို့ကိုသာ စောင့်ရှောက်ပေးနိုင်မည်။ သဒ္ဓါတရားကိုကား မိမိကိုယ်တိုင်သာ စောင့်ရှောက်နိုင်လိမ့်မည်။ ငါမောဂ္ဂလာန်မထေရ် မစောင့်ရှောက်နိုင်ဟု ဆိုပါသည်။ မလှူချင်၊ မလှူနိုင်တော့၍ ငြင်းပယ်ခြင်းကို မည်သို့မျှ အပြစ်ယူစရာမရှိပါ။

သို့သော် လှူပါမည် ၀န်ခံပြီးပါလျက် မလှူခဲ့သော်၊ အင်္ဂုတ္တိုရ် စတုက္ကနိပါတ် ဒုတိယပဏ္ဏာသက၊ ၀ဏိဇ္ဇသုတ်တော်၌ အရှင်သာရိပုတ္တရာ မေးလျှောက်သဖြင့် ဘုရားရှင် ဟောထားချက်သည် အလွန်မှတ်သားစရာ ကောင်းလှပါသည်။
လောက၌ အကျိုးစီးပွား အမြတ်အစွန်း ရလို၍ ရောင်းဝယ်ဖောက်ကားမှု၊ ကုန်သွယ်မှုအမျိုးမျိုး တူညီစွာ အားထုတ်ပြုလုပ်ကြရာတွင်-
(၁) တချို့ကား အမြတ်အစွန်း မရသည့်အပြင် အရင်းပါ ရှုံးသွား၏။
(၂) တချို့ကား အမြတ်အစွန်း မျှော်မှန်းသလောက် မရ၊ အနည်းငယ်မျှသာ ရ၏။
(၃) တချို့ကား မျှော်မှန်းထားသလောက် အမြတ်အစွန်းများ ရရှိ၏။
(၄) တချို့ကား မျှော်မှန်းထားသည်ထက် ပိုလွန်သော အမြတ်အစွန်းများ ရရှိ၏။ ရောင်းပန်း၊ ၀ယ်ပန်း၊ အလွန်ပွင့်လန်း၏။ ဤသို့ ကွာခြားရသည်မှာ အဘယ့်ကြောင့်ပါနည်းဘုရားဟု အရှင်သာရိပုတ္တရာက မေးလျှောက်ပါသည်။

ဘုရားရှင်က ငါ့ရှင်သာရိပုတ္တရာ
(၁) လောက၌ တချို့လူတို့သည် သမဏ ဗြဟ္မဏ အစရှိသော အလှူခံပုဂ္ဂိုလ်တို့အား လှူမည်ဟု ၀န်ခံပြီးမှ ကတိဖျက်၍ မလှူမတန်း မပေးကမ်းခဲ့။
ထိုသူတို့သည် အကျိုးအမြတ်မရသည့်အပြင် အရင်းပါ ဆုံးရှုံးတတ်၏။
(၂) တချို့လူတို့သည် အလှူခံပုဂ္ဂိုလ်တို့အား ဤ၍ဤမျှ လှူပါမည်ဟု ၀န်ခံပြီးလျှက် လှူသောအခါ လျော့၍ အနည်းငယ်မျှသာ လှူ၏။
ထိုသူတို့သည် မျှော်မှန်းသလောက် အကျိုးအမြတ်မရ၊ ဈေးရောင်း၍ မကောင်း ဖြစ်တတ်၏။
(၃) တချို့လူတို့သည် အလှူခံတို့အား ကတိပြုထားသည့်အတိုင်း လှူဒါန်း၏။
ထိုသူတို့သည် မျှော်မှန်းထားသလောက် အကျိုးရ၏။ ရောင်းပန်း ၀ယ်ပန်း ပွင့်လန်း၏။
(၄) တချို့လူတို့သည် အလှူခံပုဂ္ဂိုလ်တို့အား ဤရွေ့ဤမျှ လှူပါမည်ဟု ၀န်ခံထားပြီး လှူသောအခါ ၀န်ခံထားသည်ထက် အပိုအလျှံနှင့်တကွ လှူတတ်ကြ၏။
ထိုသူတို့သည် မျှော်မှန်းထားသည်ထက်ပင် ပိုလွန်သော အကျိုးအမြတ်တို့ကို ရရှိကြကုန်၏။ ရောင်းဝယ်ကုန်သွယ်မှု ပို၍ ပွင့်လန်းကြကုန်၏။

ထို့ကြောင့် အလှူရှင်တို့သည် တကယ်မလှူနိုင်သေးလျှင် ကတိမပေးကြသေးဘဲ မိမိတို့၏ ရင်ထဲတွင်သာ ပုဗ္ဗစေတနာအဖြစ် တည်ထောင်ထားကြ၍ လှူနိုင်သောအခါကြမှသာ စွမ်းနိုင်သမျှ လှူဒါန်းကြကုန်ရာ၏။ လှူဖို့တန်းဖို့ ကတိပြုပြီး လှူဒါန်းချိန်ရောက်သောအခါ အဆင်မပြေသေး၍ အဆင်ပြေသောအခါ လှူဒါန်းမည်ဟု စိတ်ကိုထားလျှင် အပြစ်မရှိပါ။ အလှူခံပုဂ္ဂိုလ်တို့မှာကား လှူသူမရှိဘဲ ဆောင်ရွက်ရမည့်ကိစ္စများ ဆောင်ရွက်ပြီးစီးသွားခြင်းအတွက် ကျေနပ်မှုဖြစ်စေပြီး အကုသိုလ်မဖြစ်အောင် ဆင်ခြင်ကြကုန်ရ၏။
********************************************************************************

(မေး) (ဘုရားတဆူပွင့်ဖို့)
အရှင်ဘုရား၊ ဘုရားတဆူနဲ့ တဆူ ပွင့်ဖို့ ဘယ်လောက်အချိန်ကြာပါသလဲ။ နောင်ပွင့်မည့်ဘုရားက ဘယ်အချိန်မှာ ပွင့်မှာပါလဲဘုရား။ ဖြေကြားပေးတော်မူပါရန် လျှောက်ထားပါသည်ဘုရား။
(ဂျိမ်းစ်-ရွှေတောင်တန်း-လမ်းမတော်မြို့နယ်)

(ဖြေ)
ဘုရားတဆူနဲ့တဆူအကြားမှာ အန္တရကပ် တကပ်တကပ် ခြားပါသည်။ အန္တရကပ် တကပ်ဆိုသည်မှာ လူတို့၏ အသက်တမ်းသည် တက်လိုက်၊ ဆုတ်လိုက် ဖြစ်နေသည်။ သီလ၊ သမာဓိ၊ ပညာ၊ ကံ၊ ဉာဏ်၊ ၀ီရိယ ကောင်းသည့်အခိုက်တွင် အသက်တမ်း မရေမတွက်နိုင်အောင် ရှည်ကြသည်။ သီလစသည် ဆုတ်ယုတ်လာသောအခါ ၁၀-နှစ်တမ်းထိ ဆုတ်သွားမည်။ ယခု ဆုတ်ကပ်နဲ့ကြုံနေကြသည်။ ၁၀-နှစ်တမ်းအထိ အသက်ဆုတ်သွားကြဦးမည်။ ( သာသနာတော်နှစ် ) အနှစ်တရာတွင် တနှစ်နှုန်းခန့် ဆုတ်သည်ဟု သတ်မှတ်သည်။
ဘုရားလက်ထက်က အသက်တရာတန်းဟု သတ်မှတ်ကြသည်။ ယခု ဘုရားပရိနိဗ္ဗာန်စံသည်မှာ နှစ်ပေါင်း ၂၅၅၀-ကျော်လာသဖြင့် ၂၅-နှစ်ကျော် ဆုတ်ခဲ့ပြီ။ ယခု ၇၅-နှစ် ပတ်ဝန်းကျင်တွင် လူများ ကွယ်လွန်ကုန်ကြသည်။

၁၀-နှစ်တမ်းမှ မရေမတွက်နိုင်သော အသင်္ချေယျတန်းအထိ တက်မည်။ ထိုအသင်္ချေယျတန်းမှ ၁၀-နှစ်ထိ ဆုတ်မည်။ ထိုသို့ တက်ကပ် ဆုတ်ကပ်တစုံကို အန္တရကပ် တကပ်-ဆိုသည်။ ထိုအန္တရကပ်ပေါင်း ၆၄-ကပ်ကို အသင်္ချေယျကပ် တကပ်ဟုခေါ်သည်။ အသင်္ချေယျ လေးကပ်ကို ကမ္ဘာကြီး၏ သက်တမ်းတခုဟု သတ်မှတ်သည်။ (ပို၍ သဘောပေါက်အောင် စူးစမ်းလေ့လာပါဦးလော့)။
အသင်္ချေယျကပ်၏ အရေအတွက်ကို (တစ်)နောက် သုညပေါင်း (၁၄၀)ဟု သတ်မှတ်ကြသည်။

နောင်ပွင့်မည့် အရိမေတ္တေယျဘုရားသည် ယခု ၁၀-နှစ်တန်းမှ မရေမတွက်နိုင်သော အသင်္ချေယျတန်းထိ တက်သွားပြီး၊ ပြန်၍ အသက်တမ်းဆုတ်လာသောအခါ အသက်တန်း တသိန်းသို့ရောက်မည်။ ထိုအချိန်တွင် ပွင့်မည်။ ဘုရားရှင်တို့၏ ထုံးတမ်းစဉ်လာအတိုင်း တသိန်း၏ ငါးပုံ, ပုံ-လေးပုံ အသက်ရှစ်သောင်းနေ၍ လူနတ်ဗြဟ္မာ သတ္တ၀ါအားလုံးကို တရားဟောချေချွတ်တော်မူပါမည်။

(မြတ်မင်္ဂလာ ၂၀၀၇-ခု စက်တင်ဘာလ)

No comments: