Thursday, June 3, 2010

ဝဋ်ကြွေး

ကိုဘမောင်သည် ကျွန်တော်၏မိတ်ဆွေတဦးဖြစ်သည်။ အလုပ်တာဝန်မှ အငြိမ်းစားယူပြီးသောအခါ စားဝတ်နေရေးအတွက် စိုက်ပျိုးရေးအလုပ်ကို အတော်ကြိုးစား လုပ်ကိုင်ခဲ့ပါသည်။
သူသည် လှည်းကူးမြို့နယ် ကျေးရွာတရွာတွင် နေပြီး မြေလွတ်မြေရိုင်းရှာကာ ခြံစိုက်ပျိုးပါသည်။ ဇနီး မဌေးစိန်နှင့် သား ၂-ယောက်၊ သမီး ၂-ယောက် ရှိသည်။ သားတယောက်သာ အရင်းဖြစ်ပြီး ကျန်ကလေးများမှာ မွေးစားထားသူများ ဖြစ်သည်။ မွေးစားရာတွင်လည်း ဒုက္ခရောက်သူများကို ကယ်တင်ခြင်းဖြစ်သည်။

မဌေးစိန်က ကလေးမွေးစားခြင်းကို ၀ါသနာပါသည်။ ထိုကလေးတွေကို သူတို့ဇနီးမောင်နှံက မငြီးမငြူ အကြီးဆုံး တက္ကသိုလ်ရောက်သည့်တိုင်အောင် ကျွေးမွေးစောင့်ရှောက်ခဲ့သည်။
ကိုဘမောင်၏ ကြိုးစားမှုကြောင့် ရာဘာခြံ တဧကခန့် ရွာအနီး စိုက်ထားနိုင်ခဲ့ပြီ။ ကျန် ဧက ၂၀-ခန့် စိုက်ဆဲတွင် သူ့ခမျာ ကင်ဆာရောဂါဖြင့် ကွယ်လွန်သွားသည်။ ကိုဘမောင် ရော်ဘာစိုက်ခြင်းမှာ ငွေအရင်းအနှီးရှိ၍ စိုက်ခြင်းမဟုတ်။ စိုက်ပျိုးခြင်း ၀ါသနာပါ၍သာ ဖြစ်သည်။ မနီးမဝေးမှ ရာဘာခြံတွင် သွားရောက်ပြီး လေ့လာသည်။ ရော်ဘာခြစ်တာကအစ တတ်အောင်သင်သည်။ သူ့သားသမီးများကလည်း ရော်ဘာစေးခြစ်တတ်သည်အထိ ကြိုးစားခဲ့ကြသည်။ နောက်ဆုံး ရော်ဘာပြားကို ကိုယ်တိုင်လုပ်ပြီး ရောင်းစား နိုင်ခဲ့သည်။ ရော်ဘာပြားဈေးကလည်း ကောင်းပါသည်။

ကိုဘမောင်လုပ်ငန်းများကား မပြီးပြတ်သေး၊ ပြီးပြတ်ပါက ဖြစ်ထွန်းလာနိုင်မည့် အနေအထားရှိသည်။ သို့သော်လည်း ခြံလုပ်ငန်းများကို လုပ်အားခမပေးနိုင်သဖြင့် ကိုယ်တိုင်ပင်ပန်းခံ လုပ်ခဲ့ရသည်။
ပင်ပန်းလွန်းတော့ မကျန်းမမာ ဖြစ်ပြီ။ ဆေးရုံတက်ကုသသည်။ ခဏသာ သက်သာပြီး နောက်တခါ ဆေးရုံပြန်တက်သောအခါ ပခုံးလက်ဆစ်၊ ခြေဆစ်များ ကင်ဆာဖြစ်ကြောင်း သိရသည်။ ကုသမရတော့။ အိမ်ပြန်ခေါ်လာပြီး တပတ်အကြာတွင် ကွန်လွန်သွားရှာတော့သည်။

မကွယ်လွန်မီ သူခံစားနေရသော ဝေဒနာများကို သူ့ဇနီးအား ပြောပြသည်။ မခံမရပ်နိုင်အောင် နာကျင်ကိုက်ခဲနေကြောင်း၊ သူသည် ယခင်ပြုခဲ့သော ၀ဋ်ကြွေးကံထင်ကြောင်း၊ ယခင်က သူ့ရွာမှာနေစဉ် တောထဲသွားပြီး ဖွတ်၊ ပုတတ်၊ ရှာလေ့ရှိကြောင်း၊ ဖွတ်၊ ပုတတ်များ ရလာပြီဆိုပါက အရှင်ကို ပြေးမလွတ်အောင် လက်နှစ်ဖက်၊ ခြေနှစ်ဖက်ကို ကျောပေါ်စု အမြီးနှင့်တွဲချီပြီး အိမ်ပြန်ယူလာတတ်ကြောင်း။

ထိုအချိန်က ထိုသတ္တ၀ါများ ဘယ်လောက်ခံစားရမည်ဆိုတာ သတိမထားမိကြောင်း၊ ယခု မိမိ ဝေဒနာခံစားလာရ တော့မှ သတိရလာမိကြောင်း၊ ခြေတွေ လက်တွေ အလွန်နာကျင်ကိုက်ခဲခြင်းသည် သတ္တ၀ါတွေကို ညှဉ်းဆဲခြင်းကြောင့် ၀ဋ်လိုက်တာဖြစ်ကြောင်း တညည်းညည်း တညူညူဖြင့် သူ့ဇနီးကို ပြောပြပါသည်။

ယခုဘ၀တော့ ခံရပြီးဖြစ်၍ နောင်ဘ၀အတွက် ကောင်းအောင် သူ့အတွက် ကုသိုလ်ကောင်းမှု ပြုလုပ်ပေးရန် အတန်တန် မှာကြားခဲ့ပါသည်။
သူ့ဇနီးကလည်း စိတ်ချမ်းသာအောင် နေရန်နှင့် အစွဲအလမ်းမကြီးရန်၊ ကုသိုလ်ကောင်းမှုများကိုလည်း ပြုလုပ်ပေးမည်ဖြစ်ကြောင်း ကတိပြုခဲ့ပါသည်။

သို့သော် ကုသိုလ်ကောင်းမှုများကို ကိုဘမောင် ကွယ်လွန်ပြီးမှသာ သူ့ဇနီးက ပြုလုပ်ပေးနိုင်ခဲ့ပါတော့သည်။
ကိုဘမောင်တယောက် ယခုဘ၀တွင် ပြုသမျှဝဋ်ကြွေးကို ခံခဲ့ရခြင်းပါပေ။ ၀ဋ်ဆိုတာ မလွတ်ပါတကား။

ကိုကြီးဆွေ
(မြတ်မင်္ဂလာ ၂၀၀၇-ခု ဒီဇင်္ဘလာ)

No comments: