မောင်းထု၍ အမျှဝေသူ

ဦးမြစိန်သည် ပျော်ဘွယ်ကြီးရွာတွင် နေသူဖြစ်သည်။ အဖ ဦးဘရင်၊ အမိ ဒေါ်ငြိမ်းအေး-တို့က ၁၂၈၅-ခု တော်သလင်းလဆန်း ၁၀-ရက်၊ ကြာသပတေးနေ့တွက် မွေးဖွားခဲ့ပါသည်။
ဖခင်ဖြစ်သူမှာ ဦးမြစိန် ငယ်စဉ်က ကွယ်လွန်သွားခဲ့သည်။ အမေက ဈေးရောင်းကျွေး၍ လူလားမြောက်ခဲ့သည်။ ဦးမြစိန်သည် အမေ့ကို တဖန် ပြန်လည်လုပ်ကိုင်ကျွေးမွေးသည်။

ဦးမြစိန်တွင် သမ္ဗန်တစင်း ကိုယ်ပိုင်ရှ်ိသည်။ ထိုသမ္ဗန်ဖြင့် ကုန်ပစ္စည်းများကို ၀ယ်ပေးရသည်။ သူ၏ ရိုးသား ဖြောင့်မတ်မှု ကိုယ်ကျင့်တရားကြောင့် တရွာလုံးရှိ ကုန်သည်များက သူနှင့်ဆက်သွယ်ကြသည်။ သူသည် အရက် မသောက်၊ ဖဲမရိုက်၊ အပျော်အပါး မလိုက်၊ ငါးပါးသီလမြဲပြီး ကိုယ်ကျင့်တရား ကောင်းသူဖြစ်သည်။ ဘုရားဂုဏ် တရားဂုဏ် သံဃာ့ဂုဏ်တို့ကို အလေးအနက် ယုံကြည်သူဖြစ်သည်။

မနက်စောစော အိပ်ရာထပြီး မြတ်စွာဘုရားကို မျက်နှာသစ်တော်ရေ ကပ်သည်။ ဘုရားရှိခိုး အမျှဝေသည်။
၁၀-နာကျော်လောက်တွင် မြတ်စွာဘုရား ဆွမ်းဘုဉ်းပေးချိန်ဖြစ်၍ ဆွမ်း၊ ဆွမ်းဟင်း၊ ရေချမ်း၊ ပန်းတို့ကို ကပ်သည်။ ဘုရားရှိခိုး အမျှဝေသည်။

ညနေ ၄-နာရီခန့်တွင် မြတ်စွာဘုရားအတွက် ခြေဆေးတော်ရေနှင့် တရားဟောချိန်အတွက် ဆီမီးများကပ်လှူပြီး ဘုရားရှိခိုး အမျှဝေပြန်သည်။
ဦးမြစိန် နေ့စဉ် ဘုရားရှိခိုးပြီးသည့်အခါ ပရိတ်ကြီး ၁၁-သုတ်၊ ဓမ္မစကြာ၊ ပဋ္ဌာန်း၊ ဓာရဏပရိတ်၊ သမ္ဗုဒ္ဓေ ဘုရားရှိခိုးတို့ ပါဝင်ပါသည်။

သူသည် တနေ့လျှင် ဘုရားသုံးကြိမ်ရှိခိုး၍ အမျှဝေသည့်အခါ ကြေးစည်မဟုတ်ဘဲ မောင်းထု-၍ အမျှပေးဝေလေ့ရှိသည်။
သူသည် ရပ်ထဲရွာထဲတွင် သာရေး၊ နာရေးကိစ္စများ၌ ဝေယျာဝစ္စလုပ်သူများနှင့်အတူ ကူညီလုပ်အား ပေးလေ့ရှိသည်။

သူသည် အသက် ၄၆-နှစ်တွင် မိခင်၏ သဘောတူတိုက်တွန်းမှုဖြင့် မစိန်မြင့်-နှင့် အိမ်ထောင်ပြုခဲ့သည်။ သား ၃-ယောက် ထွန်းကားခဲ့သည်။
ဦးမြစိန်သည် အသက် ၇၀-ကျော်သောအခါ သား ၃-ဦးကလည်း အလုပ်ကိုယ်စီနှင့် ဖြစ်နေကြသည်။ ကုမ္ပဏီမှာ တဦး၊ ဌာနဆိုင်ရာမှာ တဦး၊ လက်သမားအလုပ် တဦးတို့ ဖြစ်ကြသည်။ ဦးမြစိန်သည် မိခင်ကို ရိုသေစွာ လုပ်ကိုင်ကျွေးမွေးခဲ့သည့်အတွက် သားများကလည်း ပြန်လည်လုပ်ကိုင် ကျွေးမွေးကြသည်ကို လက်တွေ့ ခံစားရသည်။

သူသည် ချမ်းသာသူ မဟုတ်ပါ။ ဘုရား၊ သိမ်၊ ကျောင်း၊ ရဟန်းဒါယကာအဖြစ်လည်း မခံယူနိုင်ပါ။ သူသည် ဘုရားကို ရှိခိုးရမည်။ တရားနာရမည်။ သံဃာကို လှူဒါန်းရမည်။ ငါးပါးသီလ မြဲရမည် ခံယူထားသူဖြစ်သည်။
သူသည် ဒါနတခုကို အာစိဏ္ဏကံအဖြစ် ပြုလုပ်ရန် ဆုံးဖြတ်ခဲ့သည်။ သူတို့ကိုးကွယ်သော (ရွှေကျင်အနောက်ကျောင်း) သို့ နေ့စဉ် ငါးဟင်းချို တချိုင့်လှူရန် ဆုံးဖြတ်ခဲ့သည်။

ဤသို့ ကောင်းမှုကုသိုလ်များ နေ့စဉ်ပြုလုပ်ခဲ့ရာ ၂၄-နှစ်ခန့်ရှိလာသည့်အခါ ဦးမြစိန်အသက်လည်း ၈၂-နှစ်ရှိလာပြီဖြစ်သည်။ ထိုအချိန်တွင် ပျော်ဘွယ်ကြီးရွာမှ ဦးမြင့်သိန်း၊ ရွှေလေချောင်ရွာမှ ဦးဖုန်း၊ ဘုရားကြီးရွာမှ ဒေါ်မြရီ-တို့ ၃-ဦးသည် တလ နှစ်လခြားစီ နေမကောင်းစဉ် သတိလစ်မေ့မျောသွားကြသည်။ သတိရလာကြ၍ သတိလစ်တုန်းက ဘယ်တွေရောက်နေလဲဟု မေးကြည့်သည့်အခါ မိုးပေါ်ကိုရောက်သွားတယ်။ ရွှေရောင်တ၀င်းဝင်နဲ့ ဗိမာန်တွေ၊ အဆောက်အဦးတွေကို တွေ့ရတယ်။ ဆောက်လုပ်ဆဲဗိမာန်ကိုတွေ့တော့ ဒါ ဘယ်သူ့ဗိမာန်လဲ မေးမိတယ်။ ပျော်လွယ်ကြီးရွာက မောင်တီးအမျှဝေတဲ့ ဦးမြစိန်အတွက် နေဖို့ဆောက်နေတယ်၊ မပြီးသေးဘူးလို့ ပြောလိုက်ပါ-ဟု မှာလိုက်ကြောင်း ပြောပြကြသည်။

ဦးမြစိန်သည် သူ့အကြောင်းကို ပြောပြသူတို့ထံမှ ကြားရသည့်အခါ ပိုမို၍ ဒါန၊ သီလ၊ ဘာဝနာတို့ကို လုပ်သည်။ နေ့စဉ် ငါးပါးသီလမြဲပြီး ဥပုသ်နေ့များတွင် ၉-ပါးသီလ အမြဲစောင့်သည်။
ဝိပဿနရာတရားများကိုလည်း ကြိုးစားအားထုတ်သည်။ ရုပ်နာမ်ဖြစ်ပျက်သိအောင် တရားအားထုတ်သည်။ ရုပ်နာမ်၏ မမြဲမှု၊ ရုပ်နာမ်၏ ဆင်းရဲမှု၊ ရုပ်နာမ်၏ အစိုးမရမှုကို အကြိမ်ကြိမ် အထပ်ထပ် ပွားများလျက်ရှိသည်။

တနေ့တွင် ဦးမြစိန်သည် နံနက်ဆွမ်းလောင်းအပြီးတွင် လမ်းပျက်နေသည်ကို သတိထားမိသည်။ လမ်းပြင်ရန် အိမ်ရှေ့သို့ တဖန်ထွက်လာပြီး ထိုင်၍ လမ်းပြင်နေသည်။ ထိုစဉ် ရုတ်တရက် သတိမေ့လဲကျပြီး ကွယ်လွန်သွား လေသည်။ သူကွယ်လွန်ချိန်မှာ အသက် ၈၄-နှစ်ရှိပြီ ဖြစ်သည်။
ထိုနေ့သည်ကား ၁၃၆၉-ခု ပထမ၀ါဆိုလဆုတ် ၁၀-ရက်၊ တနင်္လာနေ့ မနက် ဖြစ်သည်။ ဦးမြစိန်သည် အလာကောင်းသူဖြစ်သကဲ့သို့ အပြန်ကောင်းသူလည်း ဖြစ်သည်။ သူသည် ဒုဂ္ဂတိဘုံသို့ မလားရောက်နိုင်၊ သုဂတိဘုံသို့သာ လားရမည်မှာ သေချာနေသည်။ သူသည် မသေခင်ကပင် လားရာဂတိ မြဲနေသူဖြစ်သည်။

မနုလေးရီ-(ပျော်ဘွယ်ကြီး)

( မြတ်မင်္ဂလာ ၂၀၀၇-ခု ဒီဇင်္ဘာလ)