Wednesday, June 9, 2010

ရေအိုင်ပမာ ပုဂ္ဂိုလ် ၄-မျိုး

အခါတပါး၌ မြတ်စွာဘုရားသည် ရဟန်းတို့အား ရေအိုင် ၄-မျိုးကို ဥပမာပြု၍ ပုဂ္ဂိုလ် ၄-မျိုးရှိကြောင်း ဟောတော်မူသည်။
ရဟန်းတို့ ရေအိုင် ၄-မျိုးရှိသည်။
ယင်းတို့မှာ -
(၁) တိမ်လျက် နက်ရောင်ရှိသော ရေအိုင်။
(၂) နက်လျက် တိမ်ရောင်ရှိသော ရေအိုင်။
(၃) တိမ်လျက် တိမ်ရောင်ရှိ်သော ရေအိုင်။
(၄) နက်လျက် နက်ရောင်ရှိသော ရေအိုင်-တို့ ဖြစ်သည်။

ထို ၄-မျိုးတို့တွင်
(၁) ရှေ့သို့သွားခြင်း၊ နောက်သို့ဆုတ်ခြင်း၊ ရှေ့သို့ကြည့်ခြင်း စသော အမူအရာအားဖြင့် ကြည်ညိုဖွယ်ရှိသော်လည်း သစ္စာလေးပါးကို မသိသူသည် တိမ်လျက် နက်ရောင်ရှိသော ရေအိုင်နှင့် တူသူ ဖြစ်သည်။

(၂) ဆိုခဲ့သော အမူအရာအားဖြင့် ကြည်ညိုဖွယ်မရှိသော်လည်း သစ္စာ ၄-ပါးကို သိမြင်သူသည် နက်လျက် တိမ်ရောင်ရှိသော ရေအိုင်နှင့် တူသူ ဖြစ်သည်။

(၃) ဆိုခဲ့သော အမူအရာအားဖြင့် ကြည်ညိုဖွယ်မရှိ၊ သစ္စာလေးပါးကိုလည်း မသိမြင်သူသည် တိမ်လျက် တိမ်ရောင်ရှိသော ရေအိုင်နှင့်တူသူ ဖြစ်သည်။

(၄) ဆိုခဲ့သော အမူအရာအားဖြင့် ကြည်ညိုဖွယ်ရှိ၏။ သစ္စာ ၄-ပါးကိုလည်း သိမြင်သူသည် နက်လျက် နက်ရောင်ရှိသော ရေအိုင်နှင့်တူသူ ဖြစ်သည်။ ဟု ဟောတော်မူသည်။
ကျမ်းကိုး။ ။ အင်္ဂုတ္တရနိကာယ်၊ စတုက္ကနိပါတ်၊ ၀လာဟက၀ဂ်။

ဦးဌေးအောင်မွန်
( မြတ်မင်္ဂလာ ၂၀၀၈-ခု ဇန်န၀ါရီလ)

No comments: